နတ်ကြီးတဲ့ သစ္စာ

*မိုဘီဂျီနိုတွေ
နှင်းဆီရင်ခွင်မှာ က’တဲ့ ည
*ဘိဂျင်နရေးရှင်းတွေ
မိတ္ထီလာကန်မှာ ဖား’ရှာတဲ့ ည
ခွက်မရှိသူတွေ
သဘက်နဲ့ တောင်းနေရတဲ့ ည
သောင်ပြင်ပေါ်ကို
ငါတို့ပြေးထွက်ခဲ့တဲ့ ည
သစ္စာရေ
အဲဒီညက မည်းမည်းမှောင်လို့ …။

*မိုဘီဂျီနိုအတွက် သစ္စာလား
*ဘိဂျင်နရေးရှင်းအတွက် သစ္စာလား
အောင်ပင်လယ်မှာ ရေရှိသလား
အင်းစိန်ထောင်က ဦးစောကောင်းမှု ရုပ်ပွားတော်ဟာ ပြုံးနေသလား
ကြိုးကျစ်ပုတီးစေ့တွေကို သီမှာလား
သစ္စာတရားကို တည်မှာလား
အတ္တတွေနဲ့ ဆွဲနေသလား
ဂိုဏ်းဂဏတွေနဲ့ ကွဲနေသလား
သစ္စာရေ
မင်းကိုယ် မမြင်ရဘူး …။

မိတ္ထီလာကန်မှာ ဖားမရှိသလို
အောင်ပင်လယ်မှာ ရေတွေခန်းတဲ့ ည
မြကန်ရှိတဲ့အရပ်
မြေပုံထဲက ပျောက်သွားတဲ့ ည
ငါတို့ရဲ့ခြေထောက်တွေက
ငါတို့ကို ပြန်လည်ခိုးယူသွားတဲ့ ည
သစ္စာဆိုတာ
တကယ်ရှိသလား …။


-စစ်ငြိမ်းဒီရေ

(မှတ်ချက်။ ။
*မိုဘီဂျီနို= mobile generation
*ဘိဂျင်နရေးရှင်း= beat generation )

ရန်ကုန် ကျဆုံးခန်း

ကဗျာမဟုတ်ပါဘူး ညီလေးရေ
မင်းအတွက် ပြောတာပါ ….။

နေကြတ်ချိန်မှာ ရေငတ်မပြေတဲ့ ညီလေးရေ
တုပ်ကွေးတွေက ခေတ်မကုန်သေးဘူး
ကျီးကန်ပါးစပ်လို ဖြဲပေးထားတဲ့
ခေတ်မဟုတ်ဘူး ညီလေးရေ
ငါးစာချပြီး ငါးမျှားနေကြတာ …။

ဓါတ်ဆီလောင်းပြီး ဆန္ဒပြမယ်လို့
ကြွေးကြော်ခဲ့တဲ့ ဦးအောင်ကြီးသမိုင်း
လာမမေးနဲ့တော့ ညီလေးရေ
စင်ပေါ်မှာပဲ
မိုက်ကရိုဖုန်းတွေ ရှိတယ်ကွ ….။

မျက်မမြင်တွေ ပြုစုပေးတဲ့
ဆာကူရာတာဝါပေါ်က အနှိပ်ခန်းထဲမှာ
အနားယူနေသလား ညီလေးရေ
သိန်းရှစ်ထောင်တန် မြေကွက်မှာ
မိုးဟေကိုတို့ အနိုင်ရသွားပြီ ….။

သိန်းနှစ်ထောင်ငါးရာ ကုန်ခဲ့တဲ့
အိန္ဒြာကျော်ဇင်ရဲ့ အရိပ်ကို
ကြည့်နေသလား ညီလေးရေ
လစာ နှစ်သိန်းခွဲရဖို့
သတင်းများများ ရေးနိုင်ပါစေ …။

သီရိပျံချီတေဇနဲ့ ဇော်ဇော်တို့ဆီမှာ
ဘောလုံးပွဲအဖြေ
မဗျူးနဲ့နော် ညီလေးရေ
SANYO ကိုလှမြင့်နဲ့ သူ့ညီ SONY ကိုအောင်သာလှတို့ဆီမှာ
အရင်မေးကြည့်ပါ ….။

တွံတေးစိုးအောင်နဲ့ ဗေလုဝတို့
ကောင်းစားနေတဲ့ ဒီခေတ်မှာ
အိမ်အပြန် ဆန်ဝယ်ဖို့
သတိရပေးပါ ညီလေးရေ
ရန်ကုန်ဟာ ကျဆုံးခဲ့ပါပြီ ….။

ကဗျာမဟုတ်ပါဘူး ညီလေးရေ
မင်းအတွက် ပြောတာပါ …။ ။


-စစ်ငြိမ်းဒီရေ

(မှတ်ချက်။ ။ ကိုလှမြင့်နှင့် ကိုအောင်သာလှ ညီအကို မတော်စပ်ပါ။)

၂၀၁၀ …

ဂျေးနီ ဆိုသလို
“ကျွန်မကိုချစ်တာ ဘယ်သူတဲ့လဲ” လို့
လိုက်ဆိုနေတုန်း
ရောက်မှန်းမသိ ရောက်ခဲ့ပါပြီ ၂၀၁၀ …။

မိုးပြာရောင် ဂိုဏ်းအကြောင်း
နတ်မှီတောရထံ သွားလျှောက်မလို့
ဖိနပ်စီးနေတုန်း
ရောက်မှန်းမသိ ရောက်ခဲ့ပါပြီ ၂၀၁၀ …။

တန့်ကြည်တောင်ပေါ်က
မျက်စိမှိတ်ပြီး ပြေးနေသူတွေ
ပန်းတိုင် မတွေ့ခင်
ရောက်မှန်းမသိ ရောက်ခဲ့ပါပြီ ၂၀၁၀ …။

ဖိုးသူတော်နဲ့ ဂဏန်း ပုံပြင်ထဲမှာလို
ရေနွေးအိုးပေါ်က တုတ်တန်းတလျှောက်
နှစ်ခေါက်ပြန်လျှောက်ဖို့
ရောက်မှန်းမသိ ရောက်ခဲ့ပါပြီ ၂၀၁၀ …။

နံရံအားလုံး ၀ါးတာလား
မြစ်တွေအားလုံး ခါးတာလား
ငါကိုယ်တိုင်ပဲ မှားတာလား
ရောက်မှန်းမသိ ရောက်ခဲ့ပါပြီ ၂၀၁၀ …။ ။


-စစ်ငြိမ်းဒီရေ

*မိုးပြာရောင်ဂိုဏ်း= ယခုလက်ရှိ အထက်မြန်မာပြည်တွင် နာမည်ကြီး
လာသော မိုးပြာရောင် ၀တ်စုံများ ၀တ်ဆင်သည့် ဘာသာရေးဂိုဏ်း။
*နတ်မှီတောရ= သျှင်ဥက္ကဋ္ဌ၏ တောင်တွင်းကြီး နတ်မှီတောရ။
*တန့်ကြည်တောင်ပေါ်က မျက်စိမှိတ်ပြီး ပြေးနေသူတွေ=
“တန့်ကြည်တောင် ဆရာတော်၏ အမှား” စာအုပ်ကို ဖတ်ရူပါ။

ထုံးတမ်း

အနီကဒ်မပါတဲ့ ဖဲဝိုင်းတစ်ခုမှာ
ဂျိုကာသုံးကောင်နဲ့ မဒေါင်းခဲ့တဲ့ လူတွေ
ကိုယ့်အလောင်းကို ကိုယ်ကိုယ်တိုင်
ရောင်းစားခဲ့ကြတယ် …။ ။


-စစ်ငြိမ်းဒီရေ

အခွဲခံရတဲ့ ဗိုက်

ညီညွတ်ရေးကို ဗိုက်ခွဲကြည့်တော့
ငြိမ်းချမ်းရေး ထွက်မလာဘူး
စေတနာကို ဗိုက်ခွဲကြည့်တော့
အိုင်ဒီယာ ထွက်မလာဘူး
ပိတ်ဆို့မှုကို ဗိုက်ခွဲကြည့်တော့
အဆင်ပြေမှု ထွက်မလာဘူး
လူနာကို ဗိုက်ခွဲကြည့်တော့
ဝေဒနာ ထွက်မလာဘူး
ရွှေငန်းကို ဗိုက်ခွဲကြည့်တော့
ရွှေဥ ထွက်မလာဘူး

ငြိမ်းချမ်းရေးကို ဗိုက်ခွဲတာက ဗိုလ်သန်းရွှေ
အိုင်ဒီယာကို ဗိုက်ခွဲတာက ဂန်ဘာရီ
ပိတ်ဆို့မှုကို ဗိုက်ခွဲတာက ကိုသန်းမြင့်ဦး
လူနာကို ဗိုက်ခွဲတာက ဒေါက်တာကြည်စိုး
ရွှေငန်းကို ဗိုက်ခွဲတာက ရွှေကြိုက်သူများ

သြော် ....
ဆရာတွေလည်း စုံခဲ့ပြီ
သမားတွေလည်း ဟုန်ခဲ့ပြီ
ဒီရောဂါ ဒီလူနာနဲ့ ဒီအနာတို့
သည်းဆဲ။ ။

-စစ်ငြိမ်းဒီရေ

သမိုင်းဖြစ်တဲ့လူ

သူ….
ငါတို့ ရဲ့ သမိုင်းသစ်မှာ
ဘ၀နဲ့ ထုစစ်လို့ 
အကြောက်တရားတံခါးများကို
တွန်းဖွင့်ပြခဲ့ပြီ…။

သူ….
တရားမျှတမှုတိုက်ပွဲအတွက်
ဖိနှိပ်ခံပြည်သူလူထုအတွက်
အနာဂတ်နိုင်ငံတော်အတွက်
မျိုးဆက်တခုရဲ့ အလံတော်
မြဲမြံစွာဆုတ်ကိုင်ရင်း
ပေးဆပ်ခြင်းအရင်းအနှီးများနဲ့ 
အလင်းလက်ဆုံးကြယ်တပွင့်အဖြစ်
ဖောက်ထွက်ပြခဲ့ပြီ…။

သူ…
အာဇာနည်တွေကိုဦးညွှတ်
တိုက်ပွဲဝင်သူရဲကောင်းတွေကိုစံပြုရင်း
နှစ်နှစ်ဆယ်ကျော်စနစ်ဆိုးထဲ
(သူ့ )
ယုံကြည်ချက်သံမဏိလှိုင်း
ရုန်းကြွရှင်သန်ဆဲ
အကျဉ်းနံရံနဲ့ သံတိုင်ကြားမှာ…..။ ။

-အေကေအို
အောက်တိုဘာလ(၂၈)ရက်၂၀၀၉ခုနှစ်
မြန်မာနိုင်ငံအကျဉ်းထောင်များအတွင်းနိုင်ငံရေးအကျဉ်းသားများနဲ့ အတူ
အကျဉ်းကျခံနေရသော ကိုညီညီအောင်၏ မွေးနေ့ အမှတ်တရရေးဖွဲ့ ပါသည်။

(မှတ်ချက်။ ။ကဗျာရေးသူသည် ပြင်ပမှ ဖြစ်ပါတယ်။)

(း)၀စ္စနှစ်လုံးပေါက် ပျောက်ဆုံးခြင်း

(း)၀စ္စနှစ်လုံးပေါက်ကို ချစ်တတ်ဖို့
ကျွန်တော့်အဘိုးက ကျွန်တော့်အား
အိမ်မက်ပေး၍
ကျွန်တော်က ကျွန်တော့်မြေးအား
အိမ်မက်ပေးမည်

ငါတို့ အားလုံးသည်
မြင့်မိုရ်တောင်နံဘေးရှိ
ကျွန်းကြီး လေးကျွန်းတွင် နေထိုင်ကြသည်
ငါတို့၏ ကျွန်းများပေါ်တွင်
ကျွန်း ပင် များစွာ ရှိ၍
ကျွန်း ဆိုသည့် စာလုံးပေါင်းတွင်
(း)၀စ္စနှစ်လုံးပေါက် ပါရှိရမည်
သို့သော်
တခါတရံတွင်
ထို (း)၀စ္စနှစ်လုံးပေါက်သည်
အလည်ထွက်လေ့ရှိသည်
ထို့ကြောင့်
ငါတို့ အားလုံးသည် ….။

သူက ကျွန်း ရောက်ဖူးတယ်
သူတို့က ကျွန်း ရှာကြတယ်
လူတချို့က ကျွန်း ပေါ်နေတယ်
လူအချို့က ကျွန်း ရောင်းစားတယ်
ကျွန်း မသိတဲ့ လူတွေအတွက်
ကျွန်း ရှိခဲ့သလို
ကျွန်း မရှာတဲ့ သူတွေအတွက်
ကျွန်း ရှိခဲ့တယ်။

ကျွန်း ဆိုတဲ့ သတ်မှတ်မှုမှာ
(း)၀စ္စနှစ်လုံးပေါက် ဖြုတ်လိုက်ရင်
သစ်ပင်တို့သည်
သစ်ရွက်ခြောက် ဖြစ်လာ မလား
သစ်ကိုင်းခြောက် ဖြစ်လာ မလား
ကျွန်း ဆိုတဲ့ ပြဋ္ဌာန်းချက်မှာ
(း)၀စ္စနှစ်လုံးပေါက် ပြုတ်ခဲ့ရင်
နေစရာတို့သည်
ရေပေါ်မှာ ပေါ်ပါ့ မလား
ရေပတ်လည် ပျောက်သွား မလား။

သေချာတာ တစ်ခုကတော့
ကျွန် ဆိုတဲ့ စကားလုံးမှာ
(း)၀စ္စနှစ်လုံးပေါက် ရှာတွေ့နိုင်ဖို့
(း)၀စ္စနှစ်လုံးပေါက် လုယူနိုင်ဖို့
စပါတာကတ်သည် ဘယ်တော့မှ မသေ
ရေရာတာ တစ်ခုကတော့
ကျွန်း ဆိုတဲ့ ဖွင့်ဆိုခြင်းတွင်
(း)၀စ္စနှစ်လုံးပေါက် ကုန်ဆုံးခဲ့ရင်
(း)၀စ္စနှစ်လုံးပေါက် ပျောက်ဆုံးခဲ့ရင်
စပါတာကတ် ထာဝရ သေပြီ။

(း)၀စ္စနှစ်လုံးပေါက်ကို ချစ်တတ်ဖို့
ကျွန်တော့်အဘိုးက ကျွန်တော့်အား
အိမ်မက်ပေး၍
ကျွန်တော်က ကျွန်တော့်မြေးအား
အိမ်မက်ပေးမည်။ ။


-စစ်ငြိမ်းဒီရေ

အဖြူရောင်ငြိမ်းချမ်းရေး ၀ိညာဉ်သို့

ထောင်ဒဏ် ၅၉ နှစ် မတရား ချမှတ်ခံနေရစဉ် ၂၀၀၆ ခုနှစ်
တွင် ကျဆုံးကွယ်လွန်ခဲ့သူ ကျောင်းသားခေါင်းဆောင်
ကိုသက်ဝင်းအောင်

(မှတ်ချက်။ ။ ကိုသက်ဝင်းအောင် ကျဆုံး ကွယ်လွန်ခြင်း သုံးနှစ်ပြည့်
အထိမ်းအမှတ်၊ အမှတ်တရ စာများ စုစည်းဖော်ပြနိုင်ရေးအတွက်
(၁၅.၁၀.၂၀၀၉)နေ့ နောက်ဆုံးထား၍ ကိုအိုးဝေအောင်၏ အီမေးလ်လိပ်စာ
oway88@gmail.com သို့ ရေးသား ပေးပို့နိုင်ပါသည်။)

“အဖြူရောင်ငြိမ်းချမ်းရေး ၀ိညာဉ်သို့”

အဖြူရောင်ဝိညာဉ် သို့…….
အာဇာနည်ဆိုတာ…
ငါ့မြေ ငါ့ရေ
ငါ့နိုင်ငံအတွက်
ဘယ်ခရီးရောက်ရောက်
ဘယ်နည်းပေါက်ပေါက်
ငါသေချင်သေ
ငါမွဲချင်မွဲပါစေတော့
ရင်ထဲက အပူကို တွေးပူကာ မလွမ်း
ငါ့နိုင်ငံ ငါ့လူမျိုးအတွက်
ငါပြေးလေရာ လမ်းခရီးမှာ
အသိဗလာမဟုတ်
ငါပြုတဲ့ကံ ငါခံလို့
ဒီခရီး နီးအောင်
ဘဝကိုနှစ် (အချစ်ကိုပစ်ပြီး)
မျက်ရည်များကို လည်စင်းခံ
သေမယ့်ရက်ကို လက်ရေချိုးလို့
ရှေ့ဆောင်လမ်းပြ
ဘဝမလှပဲ ကြွေလွင့်ကြရသော်ငြား
လူသာသေသည် နာမည်မသေပါ…
အာဇာနည်မျိုး သေရိုးထုံးစံမရှိပါ…..။

အဖြူလွလွ ကောင်းကင်ပေါ်က
ငြိမ်းချမ်းရေးရဲ့ ဝိညာဉ်
နှဖူးပြင် ခပ်တင်းတင်းနဲ့
ဘဝကိုဖက်နဲ့ထုပ်
ဗျာပါဒကို ခဝါချ
ဟေ့ ဒါငါတို့နိုင်ငံအတွက်ကွလို့
မိဘကိုမငဲ့
မောင်နှကိုမညှာ
သာမည ဘဝနဲ့ နံရံလေးဖက်ကြား
(၂၀၀၆) အောက်တိုဘာမှာ
ဆို့… နစ်…. ကြေကွဲစွာ…..
ဘဝကို စတေးသွား……။

သံသရာမှာ….
ကံကြမ္မာကိုပဲ ယိုးမယ်ဖွဲ့ရမလား
ဒီနေ့ ဒီကံ နင်ပြတ်စေ
ဒီနေ့ ဒီက နင်သွားစေ
မတရားသမှု နင်တို့ပြုတို့
ပန်းခြွေတဲ့ လူသတ်လက်တွေမှာ
ကျောင်းသားခေါင်းဆောင်
ကိုသက်ဝင်းအောင်
ထောင်ဒဏ်က(၅၉)
အသက်တွင်(၃၄)
လူသားချင်း စာနာစိတ်မမွေး
တိမ်းရက် စိမ်းရက်
သတ်ရက်ကြတယ်
ဘယ်အရာဘယ်အတွက်
ဘယ်အညှိုးနဲ့များ
ပြိုပျက် လို့ ရက်စက်စေခဲ့သလဲကွယ်…။

အကြွေစောတဲ့ ကြယ်တစ်ပွင့်
ရင် နင့် စို့ လို့
နှမြောမိပေမယ့်
ပေးဆပ်ခဲ့တဲ့ သူ့အသွေးအသား
အဖြူရောင် သစ္စာစကားများနဲ့
အာဇာနည်စိတ်ထား
လူပင်သေသော်ငြား
နာမည်က မသေသွား။ ။

ဒါ “ငြိမ်းချမ်းရေး ဝိညာဉ်”အတွက်အားးးး
ဒါ…. ငါ တို့ရဲ့အားးးးးးးးးးးးး။

လေးစားစွာဖြင့်
မြူးသျှရီ

သီတင်းကျွတ်ပြီ

သီတင်းကျွတ်နေပြီ
ခင်ဗျားမှာ ချစ်သူရှိလား
တယောက်တည်းဆို ပျင်းစရာကောင်းသည်
ရန်ဖြစ်ဖို့ အဖေါ်ရှာပါ။ ။


-စစ်ငြိမ်းဒီရေ

ငိုချလိုက်

အချစ်ရေ ...
ရုပ်ရှင်ထဲက ကိုရီးယားဇာတ်လိုက်
မသေ သေဘူးလား ….
ဗော်လဂါ အရက်က
ခွေးသားပေါက်စီနဲ့ဆို
မမိုက်ပါဘူးကွာ ….
အိမ်မက်ထဲက ကပ္ပလီလုပ်တဲ့
ဟမ်ဘာဂါတွေ
စားကြည့်ချင်တယ် ...။ ။


-စစ်ငြိမ်းဒီရေ

ရွှေသုန္နရီ ရေနစ်ခြင်း

ကျိုက်ထီးရိုး ဘုရားက
ကျီးကန်းပါးစပ်မှာ
“နှစ်သိမ့်ခြင်း” ဆိုတဲ့
အကြွေစေ့ကို
ကျွန်တော် ထည့်ခဲ့မိသလား
ရွှေသုန္နရီ။

လမ်းချင်းတူလို့
ဆုံဖြစ်ခဲ့တဲ့လူတွေဟာ
အလှူခံတွေလား
ရွှေသုန္နရီ …..

အရာရာကို အပေါ်စီးကနေ
ခေါင်းငုံကြည့်တဲ့
ခင်ဗျားရဲ့ အပြုံးနဲ့
စိတ်ပျက်လက်ပျက်
ခေါင်းငုံသွားတဲ့
ကျွန်တော့် ညနေခင်းများ
တိုးဝှေ့မိတာ
ပလက်ဖောင်းကြောင့်ပေါ့
ရွှေသုန္နရီ။

ပလွေသံ တိတ်လို့
ပခြုပ်ထဲ ၀င်အိပ်တော့မလား
ရွှေသုန္နရီ
မရယ်တတ်သော အရပ်မှာ
မွေးဖွားရော့သလား
ရွှေသုန္နရီ
မှန်ထဲက အရိပ်မှာ
တံဆိပ်ဆိုးတွေ မပါကြေးနော်
ရွှေသုန္နရီ
တာတိုချန်ပီယံများ အကြား
အသက်ရှုခွင့် ပုံစံမှားခဲ့ပြီးလား
ရွှေသုန္နရီ
အရသာခံမှု ဧည့်ခံပွဲမှာ
ပဒိုင်းသီးတွေ စားသုံးကြမလား
ရွှေသုန္နရီ
အသုဘသုံး နှင်းဆီတချို့အတွက်
လက်ခုပ်တီးပါ
ရွှေသုန္နရီ ….။

ရွှေသုန္နရီရေ
ကျွန်တော်တို့ ပြန်ဆုံဖြစ်ဖို့
ရေကူးပြီး မလာခဲ့နဲ့နော်
အရူးနဲ့အတူ ရေမကူးနဲ့နော်
ရေနစ်တိုင်လည်း မဆယ်နဲ့နော်
အရူးရေနစ်လည်း မကယ်နဲ့နော်
ကျွန်တော့်ကိုလည်း မကယ်နဲ့နော်
သူတို့ကိုလည်း မဆယ်နဲ့နော်
….
ကမ်းမရှိတဲ့ အရပ်က
ခွာခဲ့တော့ပေါ့
ရွှေသုန္နရီ။ ။

-စစ်ငြိမ်းဒီရေ

မဆုံးသေးတဲ့ ပြဇာတ်

ပြဇာတ်တစ်ပုဒ်ကို ပြန်ဖွင့်ကြည့်လိုက်တော့
ကြိမ်လုံးကိုင်ထားတဲ့ လူတွေနဲ့
ကြိုးတန်းလန်းနဲ့ မျောက်တွေ
တန်းစီးပြီး ဇာတ်ရုံတစ်ရုံထဲ ၀င်လာကြတယ် …

ကြိမ်လုံးကိုင်ထားတဲ့ လူတွေ
စင်ပေါ်မှာ နေရာယူတယ်
ကြိုးတန်းလန်းနဲ့ မျောက်တွေ
စင်အောက်မှာ နေရာရတယ် …

စင်ပေါ်က လူတွေ
ဂါထာတစ်ပုဒ်ကို မန်းမှုတ်အဆုံးမှာ
လူစင်စစ်တွေ အားလုံး မျောက်ဖြစ်သွားတယ်
စင်အောက်က မျောက်တွေလည်း
အဲဒီ ဂါထာကို နားထောင်မိလို့
မျောက်စင်စစ်တွေ အားလုံး လူဖြစ်လာတယ် …

စင်အောက်မှာ ကြိုးတန်းလန်းနဲ့ လူက
စင်ပေါ်က ကြိမ်လုံးကိုင်ထားဆဲ မျောက်ကို
“ဟေ့ လူတွေ … အဲ မျောက်တွေ … ငါတို့ကို ကြိုးဖြေပေး
…. ပြီးတော် မင်းတို့လက်ထဲက ကြိမ်လုံးကို ငါတို့ထံ အပ်ပါ”
မျောက်တွေက လူတွေကို တချက်ပြုံးပြပြီး
“ငါတို့ လူ စကား နားမလည်းတော့ဘူး … မျောက်လို ပြောပါ” ….

ရုတ်တရက် မီးပျက်သွားလို့
ဒီပြဇာတ်က ဒီနေရာမှာ …. ။ ။

-စစ်ငြိမ်းဒီရေ

ပန်းတိုင်ပြာ

ဒီအခန်းငယ်ထဲ …..
နံဘေးမှာလည်း ပြာ
အရှေ့မှာလည်း ပြာ
အသိကလည်း ပြာ
ကတိကလည်း ပြာ
နေရာတိုင်းမှာ ပြာ
ကိုယ်တိုင်လည်း ပြာ

ပြာထဲမှာ မွေးပြီး
ပြာထဲမှာ ကြီးခဲ့လို့
ပြာတွေက ဒို့ကမ္ဘာ
ပြာတွေကို စာပြီး
ပြာအဖြစ်ကို ဂုဏ်ပြုလို့
ပြာတွေမှ မြင့်မြတ်မဟာ
ပြာလမ်းမှာ လျှောက်လှမ်းပြီး
ပြာအရိပ်မှာ ချွေးသိပ်လို့
ပြာပုံထဲက ပြာ
ပြာတံဆိပ်တွေ ချိတ်ဆွဲပြီး
ပြာလက်တွေ နူတ်ဆက်လို့
ပြာတွေရဲ့ ပြာ

“ပြာအဖြစ်မှ နိူးထလော့”

ဇာတ်လမ်းလေး ဆုံးသွားရင်
မှတ်တမ်းလေး ပြီးသွားရင်
ချစ်တဲ့သူတွေ အားလုံး
မုန်းတဲ့သူတွေ အားလုံး
အားလုံးသည် ပြာ
ပြာ
….
….
ပြာ။ ။


-စစ်ငြိမ်းဒီရေ

(ဓါတ်ပုံကို အင်တာနက် ဒီနေရာ ကူးယူထားပါတယ်။)

မြေလူးပွဲ

အိမ်မက်ဆိုးထဲ
မျက်လုံးတွေ ရေငုပ်တဲ့ ည
အဲဒီညမှာ
ဌက်တအုပ်က နူတ်ဆက်လေပြီ။

ကောက်ရိုးမီးများ လှပ
သက်ပြင်းမောများ ယိမ်းက
ဂျိုးကူသံများ လွင့်ပျောက်
ရိုးမဆင်များ တောက်ခေါက်
ခေါင်းလောင်းထိုးသံများ မဆုံးသော ည
အဲဒီညမှာ
ဌက်တအုပ်တော့ လက်ပြလေပြီ။

ဒီလှိုင်းတွေ မတက်ခင်
ခရာရှည်တွေ မဆုံးခင်
အလံခေါက်ရိုးတွေ မသိမ်းခင်
တောင်တန်းတွေ မငိုခင်
ငရဲခွေးတွေ မမိခင်
နိဗ္ဗာန်ဘုံတံခါး ဖွင့်သောည
အဲဒီညမှာ
ဌက်တအုပ်တော့ ထွက်ခွာလေပြီ။

ငွေရောင်ဓါးတွေ မကျသေး
ရွှေရောင်ပိတ်ကား မချသေး
နရီစည်းသံများ မဆုံးသေး
မီးလုံးဝါများ မငြိမ်းသေး
မုန်းတိုင်းများ မနိူးသေး
မီးတောင်များ မပေါက်သေး
ရာသီမမှန်သော နှင်းဆီပန်းများပွင့်သော ည
အဲဒီညက
ဌက်တအုပ် …. ။


-စစ်ငြိမ်းဒီရေ

ကဝေပျို

ရင်ဝဆီကို ထိအောင်ပြစ်ဖို့
မုဆိုးသဏ္ဌာန် ဒူးထောက်တတ်ပြီး
အရူးတွေရဲ့ လက်ခုပ်သံကြား
ကော်ဇောပေါ်မှာ လမ်းလျှောက်ကျင့်သူ။ ။


-စစ်ငြိမ်းဒီရေ

(ဓါတ်ပုံကို အင်တာနက် ဒီနေရာက ရယူထားပါတယ်။)

ဇွန် ၁၇

မင်နီကြက်ခြေခတ် များလှတဲ့
ဒိုင်ယာရီစာအုပ်က
“ဟေ့ကောင် မင်း ၃၆ နှစ်
ပြည့်ပြီ” …..

အကျင့်စာရိတ္တလား?
လစ်ရင် လစ်သလောက်ပါဗျာ
မ.ဆ.လခေတ်မှာ မွေးဖွားပါသည် …..

ပညာ အရည်အချင်းလား?
န.၀.တခေတ်မှာ တက္ကသိုလ်ရောက်ရှိ
၁+၁=၇
အဖေ+အမေ=မွေးချင်း ခုနှစ်ယောက်ရှိပါသည် …..

အလှူခံမဏ္ဍန်က
တွံတေးသိန်းတန် သီချင်းသံနဲ့
လူလားမြောက်ခဲ့ ….
ရေဒီယိုက
ဘောလုံးသမား မန္တလေးသား ပေါက်စီသတင်းနဲ့
လောင်းကစားလုပ်ခဲ့ …..
ကျောက်မြောင်း သြဘာလမ်းအလယ်ပိုင်းက
ဆွမ်းလောင်းအသင်းရဲ့ စာပေဟောပြောပွဲမှာ
လက်ခုတ်တွေတီးခဲ့ …..
ခိုင်သင်းကြည်’ ထမီစကတ် အရေးတော်ပုံအတွင်း
ဟာမိုနီဆိုင် လဖက်ရည်ဖိုးကို
မရှင်းခဲ့တဲ့ ကျွန်တော် …..
UNHCR ကို ပြေပြေလည်လည်ပြောပြီ
လေယာဉ်ပျံကို အလကားစီးလို့
ဒိန်းမတ်ကို ရောက်ခဲ့ …..

ဝင်သက်ထွက်သက်တိုင်း
ယောင်ချာချာတွေရဲ့ အမုန်းများကို
မျှော်လင့်မိတဲ့ ကျွန်တော်
ဂွတ္တလစ်ကို လွမ်းလို့အော်။ ။


စစ်ငြိမ်းဒီရေ

မြန်မာပြည်နှင့် ငရဲပြည်

ငရဲပြည်မှာ
VIP မရှိဘူး
လာဘ်ပေး လာဘ်ယူ မရှိဘူး
မျက်နှာကြီးရာ ဟင်းဖတ်ပါတာ မရှိဘူး
မြန်မာပြည်မှာ ….

ငရဲပြည်မှာ
ကတိတည်တယ်
စည်းကမ်းရှိတယ်
တရားမျှတတယ်
မြန်မာပြည်မှာ ….

ငရဲပြည်မှာ
ကျောသား ရင်သား မခွဲခြားဘူး
အရောင်အသွေး မခွဲခြားဘူး
မျိုးရိုးအဆင့်အတန်း မခွဲခြားဘူး
အသိုင်းအ၀ိုင်း အရှိန်အ၀ါ မခွဲခြားဘူး
မြန်မာပြည်မှာ ….


ငရဲပြည်မှာ
မီးမပျက်ဘူး
ရေမပျက်ဘူး
ဧည့်စာရင်း မတိုင်ရဘူး
အလှူခံ မရှိဘူး
လုပ်အားပေး မရှိဘူး
မြန်မာပြည်မှာ ….

ငရဲပြည်မှာ
ပါးစပ်နဲ့ အမျိုး’မချစ်ဘူး
တောက်’ခေါက်ပြီး မျက်ရည်မကြဘူး
ရောယောင်ပြီး ခေါင်းမငြိမ့်ဘူး
အကြောက်တရားနဲ့ မအိပ်စက်ဘူး
မြန်မာပြည်မှာ ….

ငရဲပြည်မှာ
ပြည်ပကို ဈေးပေါအလုပ်သမားအဖြစ် ထွက်မလုပ်ဘူး
ထမင်းငတ်လို့ ပြည်တန်ဆာ မဖြစ်ဘူး
အာဏာရှိဖို့ တပ်ထဲမ၀င်ဘူး
မြေကွက်လိုချင်လို့ ခေါင်းငြိမ့်လျှာလွှဲ မလုပ်ဘူး
လက်ကိုင်ဖုန်းလိုချင်လို့ ထောက်ခံမဲ မပေးဘူး
မြန်မာပြည်မှာ ….

ငရဲပြည်မှာ
ကိုးရီးယားရုပ်ရှင်ကြည့်ပြီး စိတ်ကူးမယဉ်ဘူး
တရုတ်သိုင်းကားကြည့်ပြီး ငပေါမဖြစ်ဘူး
စိန်စီသောညကြည့်ပြီး ရင်မနာဘူး
မြန်မာပြည်မှာ ….

ငရဲပြည်မှာ
သခင်အားရ ကျွန်ပါးဝ မရှိဘူး
သခင်ဘုန်းကြီး ကျွန်ဓါးပီး မရှိဘူး
အရှင်မွေးလို့ ချက်ချင်းကြီး မရှိဘူး
မြန်မာပြည်မှာ ….


ငရဲပြည်မှာ
အလှည့်ကျစနစ်နဲ့
ဆီပူအိုးရှိတဲ့ နေရာကို
တန်းစီပြီး သွားလို့ရတယ်
မြန်မာပြည်မှာ …. ။ ။


-စစ်ငြိမ်းဒီရေ

သင်္ကြန်

ရိုးရာပလွေ ရွှင်မြူးလေပြီ
ရွှေရည်ပိတောက် နွေကြိုထောက်ခဲ့
ဂိမာန်အဖွင့် အတာသစ်ပေါ့ ….

ဒို့ရိုးရာမြေ အထက်ညာမှာ
ပုံပြင်ဟောင်းက လက်ဆောင်ကောင်းများ
သည်ချိန်သည်ခါ နိုပ်စက်လေပြီ
သြော် … ငါတို့ ဝေးလွင့်ပြီ …

ရောင်စုံပန်းတို့ ရေကန်တော့မည်
အိုးမည်းပေပွ ပျော်အကဖြင့်
အုန်းလက်မိုးသည့် ဒို့မဏ္ဏပ်မှာ
အကြိုနေ့ဆို ကံပေါ်မုန့်ဟေ့ …

အတာရေဦး လောင်းယူခံကြ
ချစ်သူ့စောင့်စား ပျိုဖြူငယ်များ
ရင်ခုန်နွေးသည့် ရေစိုအလှ
သိကြားမင်း၏ သင်္ကြန်အကျ …

ခါတော်အကြတ် အလှူပြုကြ
ဥပုဒ်တိုးပွား ချစ်ဘိုးဘွားထံ
ဆေးကြောလှီးဖြတ် ကောင်းမှုလုပ်ဆောင်
သည်ရက်မြတ်သည် မဟာတဘောင် …

ကြည်နူးနူတ်ဆက် ဆုံမခက်ဖို့
အလွမ်းခြေရာ မိတ္တူဝေကြ
သောသောညံသည့် သင်္ကြန်အက
အတက်နေ့ဆို ယဉ်ကျေးသဗျ …

ဥတ္တရရောက် သင်းကွဲဌက်များ
လျှောက်ရင်ပျောက်ခဲ့ မြောက်လင်းတန်းနဲ့
ရေကမစို လွမ်းရေစိုသည်
သင်္ကြန်ချိန်ဆို သည်းခြေပျက်ပြီ …

ခါးသည်းရက်များ ကုန်ဆုံးပါစေ
ပန်းငယ်ပွင့်များ ပျော်မဆုံးစေ
ရွှေသင်္ကြန်ပွဲ ခြိမ့်ခြိမ့်နွှဲစေ။ ။


-စစ်ငြိမ်းဒီရေ

မထူးဇာတ် (၂)

ကုရာနတ္ထိ ဆေးမရှိလို့
ရောဂါပေါင်းစုံ ကျွမ်းဝင်နေရင်
….....
“ဒီမှာ မိတ်ဆွေ
တူရကီနိုင်ငံမှာ အသင်းတချို့ရှိတယ်၊
ကြားဖူးသလား?
အသေခံဗုံးခွဲပေးသော လူသတ်သမားတွေရဲ့
ကျန်ရစ်သူ မိသားစုတွေကို ကူညီထောက်ပံ့တဲ့ အသင်းဗျာ”
…......
ကဲ စဉ်းစားကြ
စဉ်းစားကြ
မီးဇာကုန်လို့ ဆီခမ်းရင်
လျှော့ဈေးပေးလဲ
ဘယ်သူမှ မ၀ယ်ဘူး
မြန်မြန် စဉ်းစားဗျို့။ ။

-စစ်ငြိမ်းဒီရေ

လက်ဆေးမိုး

စောလုံငယ်ရဲ့ နောင်တအရှိုး
လွမ်းမောဖွယ်ရာ အတိတ်ဇာတ်ဆိုး
သည်းခံစိတ်ဖြင့် ခွင့်လွှတ်ပြေဖို့
ခါတော်မှီ၏ လက်ဆေးမိုး။

ရုပ်ထုဟောင်းလည်း သန့်စင်ပါစေ
ရုပ်ထုသစ်များ သွန်းလောင်းခါရည်
စာခြောက်ရုပ်ငယ် ဆွေးဇာတ်ပေါင်းရင်
ငုနဲ့ ပိတောက်တို့ မွှေးထုံးပေါ့။

အရှုံးတွေကို မဆောင်ကြဉ်နဲ့
အမုန်းကိုလည်း ခြေရာဖျောက်ပြီး
အာဃာတများ ဆိတ်သုန်းကြွေကျ
ငုနဲ့ ပိတောက်တွေ ပွဲမြေခ။

ဇာတ်ကြီးသူတို့ လွမ်းနာပျောက်အောင်
ရုပ်ဆိုးသူရဲ့ ယိမ်းအကနဲ့
မြေဇာမြက်ကို ပျော်တော်ဆပ်ဖို့
ငုနဲ့ပိတောက်ပေါ် ခွဲဝေစို့။

မျက်ရည်မြစ်က ရာသီရထား
စီးခွင့်ပျောက်ဆုံး ပျံလွှားဌက်အား
တွေးပြီးစောင့်ခဲ့ သည်သကောင့်သား
အသစ်စက်စက် ငုနဲ့ ပိတောက်များ။


-စစ်ငြိမ်းဒီရေ