Jan 31, 2010

နတ်ကြီးတဲ့ သစ္စာ



*မိုဘီဂျီနိုတွေ
နှင်းဆီရင်ခွင်မှာ က’တဲ့ ည
*ဘိဂျင်နရေးရှင်းတွေ
မိတ္ထီလာကန်မှာ ဖား’ရှာတဲ့ ည
ခွက်မရှိသူတွေ
သဘက်နဲ့ တောင်းနေရတဲ့ ည
သောင်ပြင်ပေါ်ကို
ငါတို့ပြေးထွက်ခဲ့တဲ့ ည
သစ္စာရေ
အဲဒီညက မည်းမည်းမှောင်လို့ …။

*မိုဘီဂျီနိုအတွက် သစ္စာလား
*ဘိဂျင်နရေးရှင်းအတွက် သစ္စာလား
အောင်ပင်လယ်မှာ ရေရှိသလား
အင်းစိန်ထောင်က ဦးစောကောင်းမှု ရုပ်ပွားတော်ဟာ ပြုံးနေသလား
ကြိုးကျစ်ပုတီးစေ့တွေကို သီမှာလား
သစ္စာတရားကို တည်မှာလား
အတ္တတွေနဲ့ ဆွဲနေသလား
ဂိုဏ်းဂဏတွေနဲ့ ကွဲနေသလား
သစ္စာရေ
မင်းကိုယ် မမြင်ရဘူး …။

မိတ္ထီလာကန်မှာ ဖားမရှိသလို
အောင်ပင်လယ်မှာ ရေတွေခန်းတဲ့ ည
မြကန်ရှိတဲ့အရပ်
မြေပုံထဲက ပျောက်သွားတဲ့ ည
ငါတို့ရဲ့ခြေထောက်တွေက
ငါတို့ကို ပြန်လည်ခိုးယူသွားတဲ့ ည
သစ္စာဆိုတာ
တကယ်ရှိသလား …။


-စစ်ငြိမ်းဒီရေ

(မှတ်ချက်။ ။
*မိုဘီဂျီနို= mobile generation
*ဘိဂျင်နရေးရှင်း= beat generation )

Jan 23, 2010

ရန်ကုန် ကျဆုံးခန်း



ကဗျာမဟုတ်ပါဘူး ညီလေးရေ
မင်းအတွက် ပြောတာပါ ….။

နေကြတ်ချိန်မှာ ရေငတ်မပြေတဲ့ ညီလေးရေ
တုပ်ကွေးတွေက ခေတ်မကုန်သေးဘူး
ကျီးကန်ပါးစပ်လို ဖြဲပေးထားတဲ့
ခေတ်မဟုတ်ဘူး ညီလေးရေ
ငါးစာချပြီး ငါးမျှားနေကြတာ …။

ဓါတ်ဆီလောင်းပြီး ဆန္ဒပြမယ်လို့
ကြွေးကြော်ခဲ့တဲ့ ဦးအောင်ကြီးသမိုင်း
လာမမေးနဲ့တော့ ညီလေးရေ
စင်ပေါ်မှာပဲ
မိုက်ကရိုဖုန်းတွေ ရှိတယ်ကွ ….။

မျက်မမြင်တွေ ပြုစုပေးတဲ့
ဆာကူရာတာဝါပေါ်က အနှိပ်ခန်းထဲမှာ
အနားယူနေသလား ညီလေးရေ
သိန်းရှစ်ထောင်တန် မြေကွက်မှာ
မိုးဟေကိုတို့ အနိုင်ရသွားပြီ ….။

သိန်းနှစ်ထောင်ငါးရာ ကုန်ခဲ့တဲ့
အိန္ဒြာကျော်ဇင်ရဲ့ အရိပ်ကို
ကြည့်နေသလား ညီလေးရေ
လစာ နှစ်သိန်းခွဲရဖို့
သတင်းများများ ရေးနိုင်ပါစေ …။

သီရိပျံချီတေဇနဲ့ ဇော်ဇော်တို့ဆီမှာ
ဘောလုံးပွဲအဖြေ
မဗျူးနဲ့နော် ညီလေးရေ
SANYO ကိုလှမြင့်နဲ့ သူ့ညီ SONY ကိုအောင်သာလှတို့ဆီမှာ
အရင်မေးကြည့်ပါ ….။

တွံတေးစိုးအောင်နဲ့ ဗေလုဝတို့
ကောင်းစားနေတဲ့ ဒီခေတ်မှာ
အိမ်အပြန် ဆန်ဝယ်ဖို့
သတိရပေးပါ ညီလေးရေ
ရန်ကုန်ဟာ ကျဆုံးခဲ့ပါပြီ ….။

ကဗျာမဟုတ်ပါဘူး ညီလေးရေ
မင်းအတွက် ပြောတာပါ …။ ။


-စစ်ငြိမ်းဒီရေ

(မှတ်ချက်။ ။ ကိုလှမြင့်နှင့် ကိုအောင်သာလှ ညီအကို မတော်စပ်ပါ။)


Jan 21, 2010

အောက်လမ်းပညာကို စိန်ခေါ်ရဲသူ

ရေးသူ- စစ်ငြိမ်းဒီရေ

မြန်မာပြည်က အထက်လမ်း (ဗိုလ်ချုပ်လမ်း မဟုတ်ပါ) ဆရာတွေ၊
အောက်လမ်း (ကမ်းနားလမ်းလို့ မထင်ပါနဲ့) ဆရာတွေအကြောင်း
လျှောက်စဉ်းစားရင်ကနေ ကွယ်လွန်သွားရှာပြီ ဖြစ်တဲ့ ဘကြီးဝမ်းကွဲ
တော်စပ်သူ တစ်ယောက်ကို သွားသတိရမိပါတယ်။ ဘကြီးဆိုပေမဲ့
တကယ့် ဘကြီးအရင်းတော့ မဟုတ်ပါဘူး။ ကျနော့်အဖွားဖက်က
အကိုဖြစ်သူတစ်ဦးရဲ့ မွေးစားသားပါ။ သူရဲ့ နေထိုင်ပုံ၊ ပြောဆိုပုံဟာ
“ဂွ” ကျတယ်ဆိုပြီး နယ်မှာရှိတဲ့ ရွာက ဆွေမျိုးအားလုံးလည်း သူ့ကို
အော်ကြောလန် ပါတယ်။

သူ့မယား ကြီးဒေါ်က ကျနော့် အဖိုးဖက်ကနေ တူမ တော်စပ် ပါတယ်။
နွေရာသီ ကျောင်းပိတ်လို့ ရွာကို အလည်သွားရင် ဘကြီး ဘက်ရော
ကြီးကြီး ဘက်ပါ ဆွေမျိုးတော်စပ်တဲ့ ကျနော်တို့ မိသားစုအပေါ်
တော်တော် ဖော်ရွေရှာပါတယ်။ ဘကြီးဆီမှာ လူအများ မှန်းတီးခြင်းခံရ
တဲ့ အကျင့်တစ်ခု ရှိပါတယ်။ အဲဒါက သူ မှန်တယ်လို့ ထင်ရင် လူရှေ့
မရှောင် သူရှေ့ မရှောင် ဇွတ်ပြောလေ့ ရှိတဲ့ အကျင့်ပါ။ ဒီအကျင့်ဟာ
သူရဲ့ မွေးရာပါ အကျင့်လို့ ဆွေမျိုးတွေက ဆိုပါတယ်။

နေ့စဉ် သူ့အိမ်ရှေ့ တံစက်မြိတ်အောက်ရှိ ကွပ်ပျစ်ပေါ်မှာ ရေနွေးကြမ်း
အိုး၊ ပုဇွန်ခြောက် လေး … ငါးကောင်ပါတဲ့ လဖက်အသား ဆီစိမ်ပုလင်း၊
ဆေးလိပ်ခွက်၊ ကွမ်းအစ် တွေ ခင်းပြီး ခြံရှေ့မှာ ဖြတ်သွားသူ မှန်သမျှ
ကို ခြံထဲ ဇွတ်အတင်းခေါ်၊ ရွာက ကောင်စီလူကြီး မကောင်းကြောင်း၊
ဆန်စက် (ရွာမှာ “ဟာလာ”လို့ ခေါ်တဲ့ ဆန်စက်အငယ်စား) ပိုင်ရှင်တွေ
က ဆင်းရဲသား လယ်သမားများအပေါ် ခေါင်းပုံဖြတ် အမြတ်ကြီးစား
ကြောင်း မမောနိုင် မပန်းနိုင် တရားဟော နေကြပါ။ ရွာမှာနေပြီး နေ့စဉ်
ထုတ် သတင်းစာကို အမြဲဖတ်သူ၊ BBC က လွှင့်တဲ့ ရေဒီယို သတင်းတွေ
ကို အမြဲနားထောင်လေ့ရှိသော သူနံဘေးမှာလည်း သူ့ကို ချစ်ခင်တဲ့
လူတွေ အတော်များများ ရှိပါတယ်။

ဘကြီးတို့ လင်မယားမှာ သမီး တစ်ယောက်ပဲ ရှိပါတယ်။ ကျနော့်အမ
ဝမ်းကွဲဟာ ကျနော် သိတတ်စ အရွယ်လောက်မှာပဲ သူတို့ရွာက
တောသူဋ္ဌေးသား တစ်ဦးနဲ့ အိမ်ထောင်ကျပါတယ်။ သူ့ယောက်ျား
ကလည်း ခပ်အေးအေးနေတတ်တဲ့ လူတစ်ယောက်ပါ။ ဒါကြောင့်
မိဘတွေဖြစ်တဲ့ ဘကြီးနဲ့ ကြီးကြီးကို အိမ်ဦးခန်းမှာ ထားပြီး အပူပင်မရှိ
လုပ်ကျွေး ပြုစုပါတယ်။ အိမ်ထောင်သည် သူ့သမီးအိမ်က ဘကြီးတို့
အိမ်နဲ့ ခြံချင်း ကပ်လျှက်ပါ။ ဘကြီးဟာ သူ့သမီးအိမ်မှာ ထမင်းစားချိန်
ရောက်မှ သွားစားလေ့ရှိပြီး ကျန်တဲ့အချိန်တွေမှာ သူ့အိမ်မှာသာ
နေလေ့ ရှိပါတယ်။

ဒီလိုနဲ့ တနေ့ကျတော့ ဆွေမျိုးတွေဆီကနေ သတင်းတစ်ခု ကြားရ
ပါတယ်။ ဘကြီးတို့ အိမ်ကို သူတပါးက အောက်လမ်းနည်းနဲ့ ပြုစား
ထားလို့ ညဖက်ဆိုရင် ဘယ်သူမျှ နေလို့ မရဘူး၊ တအိမ်လုံး လှည်း
စီး နေရသလို တဒုန်းဒုန်းနဲ့ လှုပ်ရမ်းနေတဲ့ ပုံစံ ခံစား နေရတယ်လို့
ဆိုပါတယ်။ ဘကြီးကတော့ ပဲခူးတိုင်း၊ ဝေါမြို့နယ်အပိုင် ရွာတစ်ခုမှ
သူ့ သူငယ်ချင်းအလှူအိမ်ကို အလည်သွားနေခိုက်မှာ ပြဿနာ စ’ဖြစ်
တယ်လို့ ဆိုပါတယ်။ ဘကြီးမိန်းမ ကြီးကြီးကိုတော့ သမီးဖြစ်သူက
သူတို့အိမ်မှာပဲ လာနေဖို့ ခေါ်ထားကြောင်းနဲ့ ရွာထဲရှိ လူတွေကတော့
နေ့စဉ် ဘကြီးတို့အိမ်ရှေ့မှာ တရုံးရုံးဖြင့် ပွဲလာကြည့်သလို စည်းကား
နေကြောင်း ပြောပြပါတယ်။ အခုလည်း မြို့ပေါ်ရှိ အသိမိတ်ဆွေ
“ရွှေရင်ကျော်ဂိုဏ်း” မှ ဆရာတစ်ဦးကို ပင့်ထားတယ်လို့ ကြားရပါတယ်။

ဒါနဲ့ပဲ ကျနော်တို့ တမိသားစုလုံး အထူးအဆန်းတွေ ဖြစ်နေတဲ့ အမေ
ဖက်က ဆွေမျိုးတွေရှိရာ ရွာသို့ ချီတက်ကြပါတယ်။ ကျနော်တို့ ရွာ
ရောက်တဲ့ နေ့အထိ ဘကြီးကတော့ ရွာကို ပြန်မရောက်သေးပါ။
အဲသည့်ခေတ်က ရန်ကုန်မှာ အဝေးပြေးကားဂိတ်ဟာ လမ်းမတော်မြို့
နယ် လသာလမ်းမှာ ရှိပါတယ်၊ တနေ့ကုန် ဘတ်စ်ကားကို တအိအိ
နဲ့ စီးရပါတယ်။ ရွာကို ရောက်တော့ ဘကြီးတို့အိမ်ရှေ့ အ၀င်အ၀မှာ
အုန်းပွဲ ဌက်ပျောပွဲတွေ လေး …. ငါးပွဲကို ဖယောင်းတိုင်တွေ၊ အမွှေး
တိုင်းတွေ ထွန်းပြီး ပွဲပေးထားပါတယ်။ အညိုရောင်ဝတ်စုံ ၀တ်ထားတဲ့
လူကြီးတစ်ယောက်က ကြိမ်းလုံး တစ်ချောင်းကို လက်ထဲမှာ ကိုင်
ဆောင်ထားပြီး သူ့နံဘေးမှာ ကျနော်တို့ ဆွေမျိုးထဲမှ လူကြီး အတော်
များများ ရှိနေကြပါတယ်။ ထိုလူကြီးက ဘကြီးတို့ခြံထဲမှာ “ပုဏ္ဍက”
စီးနင်း တိုက်ခိုက်တာကို ခံနေရတယ်လို့ ပြောပါတယ်။

ဒါနဲ့ “ပုဏ္ဍက” ဆိုတာ ဘာလဲလို့ ရွာက အမေ့အကို ၀မ်းကွဲ
ဘကြီးတစ်ယောက် နံဘေး ကပ်ပြီး မေးကြည့်တော့ “သရဲ” ထက်
ကြီးတဲ့ “သဘက်” ပုံစံ “ဘီးလူး” လို့ ပြောပါတယ်။ ထို အညိုရောင်
ဝတ်စုံ ၀တ်ထားတဲ့ လူကြီးဟာ အထက်လမ်းဆရာဖြစ်ကြောင်း ပြော
ပြပါတယ်။ အဲဒီလူကြီးဟာ ပါးစပ်ကနေ ပွစိ ပွစိနဲ့ ဂါထာလား
ဘုရားစာလားဟု ဘယ်သူမျှ အသေအချာ မသိနိုင်တဲ့ အရာတွေကို
မကြားတကြားရွတ်ပါတယ်။ အဲဒီနောက် ဆန်တွေကို ဘကြီးခြံ
တစ်ခုလုံးကို ပက်ဖြန်းပါတော့တယ်။ သူ ဒီည ဒီအိမ်ထဲမှာ တညလုံး
ဘုရားစာရွတ်၊ အဓိဋ္ဌာန်ဝင်မှာ ဖြစ်ကြောင်း၊ အခု သူ ကြဲချထားတဲ့
ဆန်စေ့တွေဟာ နောက်တနေ့မနက် မိုးလင်းတာနဲ့ ခြံထဲရှိ တစ်နေရာ
မှာ သူအလိုအလျောက် စုပုံသွားမှာ ဖြစ်ကြောင်း ပြောပါတယ်။ အဲလို
စုပုံရောက်ရှိသွားတဲ့ နေရာကို ပေါက်တူးနဲ့ တူးဖော်ကြည့်လိုက်ရင်
ဘကြီးတို့ အိမ်ကို တိုက်ခိုက်ထားတဲ့ အစီအယဉ် “အင်း” ပြားတွေ
ထွက်လာမယ်လို့ ဆိုပါတယ်။

ဘကြီးတို့ ခြံနဲ့ ကပ်လျှက်မှာရှိတဲ့ ဘကြီးသမီး အိမ်ထောင်သည်
အမတို့အိမ်မှာ အိပ်ဖို့ ကျနော်တို့ ညီအကိုမောင်နှမတွေလည်း
အမေကို ဇွတ်အတင်း တောင်းဆို ရပါတယ်။ ရွာက ဆွေမျိုးတွေ
က သူတို့အိမ်တွေမှာ လိုက်ပြီး တည်းခိုဖို့ ကျနော်တို့ မိသားစု
ပြောပါတယ်။ ရွာရဲ့ သုံးပုံ တစ်ပုံဟာ အမေဖက်ကနေ ဆွေမျိုး
စပ်ရင် ဆွေရိပ်မကင်း မျိုးရိပ်မကင်းတဲ့ ဆွေမျိုးအရင်းအခြာတွေ
ဖြစ်ပါတယ်။ ပြောမရတဲ့ နောက်ဆုံးမှာ အမေလည်း ကျနော်တို့
ကလေးတသိုက်ကို လက်လျှော့ပြီး ဘကြီးသမီး အမတို့အိမ်
မှာ ညအိပ် တည်းခိုဖို့ သဘောတူလိုက်ပါတယ်။ ဖယောင်းတိုင်
မီးရောင်တွေ ထိန်းလင်းနေတဲ့ ဘကြီးအိမ် အပေါ်ထပ်က ဘုရား
ခန်းကို အမတို့အိမ် အပေါ်ထပ်ကနေ လှမ်းကြည့်ရင် မြင်နေ
ရပါတယ်။ ဘယ်အချိန်မှာ ဘာတွေ ထူးလာမလဲ၊ ဘာတွေ ဖြစ်
လာ မလဲလို့ ကျနော်တို့ စောင့်မျှော် နေခဲ့ကြပါတယ်။

ဘကြီးသမီး အိမ်ထောင်သည် လင်မယား ကျွေးမွေးဧည့်ခံတဲ့
မုန့်တွေကို စားလိုက်၊ ရောက်တတ်ရာရာတွေ ပြောလိုက်ဖြင့်
မအိပ်သေးပဲ ညဥ့်နက်ပိုင်းကို ရောက်လာပါတယ်။ ည(၁၀)
နာရီဆိုတဲ့ အချိန်ဟာ ရွာက လူအများစု အိပ်ပျော်တဲ့အချိန်
ဖြစ်ပေမဲ့ ကျနော်တို့ မြို့က လူတွေအတွက်တော့ မအိပ်သေးပဲ
နေလို့ ရပါသေးတယ်။ ရုတ်တရက် ရွာလမ်းတလျှောက်ဆီမှ
ခွေးအူသံတွေ ထွက်ပေါ်လာတော့ ကျနော်တို့လည်း ကြောက်ကြောက်
နဲ့ ဘကြီးအိမ်ဖက်ကို လှမ်းကြည့်လိုက်ပါတယ်။ ရေနံချေး ၀’နေတဲ့
နံဘေး နံရံတွေကြောင့် ညဖက်ကြည့်ရင် မဲမှောင်နေပါတယ်။ လရောင်
အောက်ကနေ နှစ်ထပ် ခြေတံရှည် ဘကြီးအိမ်ကို မြင်နေရတဲ့ ပုံစံဟာ
သရဲတစ်ကောင် ငုပ်တုပ် ထိုင်နေပုံနဲ့ တူနေပါတယ်။

ရုတ်တရက် လေတွေ တဝေါဝေါ တိုက်ခိုက်အပြီး ကျနော်တို့
မျက်စိရှေ့ရှိ ဘကြီးအိမ် ဘုရားခန်းက ဖယောင်းတိုင်းမီး အလင်း
ရောင်တွေ မမြင်ရတော့ပဲ အမှောင်အတိကျသွားပါတယ်။ မျက်စိ
ရှေ့မှာတင် ခြံထဲမှ လူနှစ်ယောက် အသံကုန် အော်ဟစ်ပြီး
ပြေးထွက်လာပါတယ် …
“အမလေးဗျ၊ ကယ်ကြပါအုံး … ကယ်ကြပါအုံး …”
“အမလေးဗျ၊ ကြောက်ပါပြီး ဗျ … ”

ကျနော်တို့ မောင်နှမတသိုက်လည်း ပြတင်းပေါက်နံဘေးကနေ
အမေအိပ်နေတဲ့ အိပ်ခန်းထဲကို ဘယ်လိုပြေးမိလို့ ဘယ်လို ရောက်
သွားမှန်းမသိ ပြေးဝင်ခဲ့ကြပါတယ်။ ဆယ့်ငါး မိနစ်လောက်ကြာတော့
လူသံတွေ ဆူဆူညံညံကြားမှ အပြင်ဖက်ရှိ ပြတင်းပေါက်နံဘေးကို
ပြန်လာခဲ့ကြပါတယ်။ ရွာထဲရှိ ဆွေမျိုးသားချင်း အကိုတွေရော၊ တခြား
ရွာသားတွေပါ လက်နှိပ်ဓါတ်မီးရောင်တွေ တဖွေးဖွေး၊ ဓါး လှံတွေ
တ၀င်းဝင်းနဲ့ ဘကြီးတို့ အိမ်ရှေ့မှာ စုရုံး ရောက်ရှိနေကြပါပြီ။
ဘယ်သူမျှ မရှိတဲ့ ဘကြီးတို့ခြံနဲ့ အိမ်ထဲကို လက်နှိပ်ဓါတ်မီးပေါင်း
များစွာနဲ့ ထိုးကြည့်နေကြပြီး သူ အထဲကို အရင်ဝင်မယ်၊ ငါ အထဲ
ကို အရင် ၀င်ကြည့်မယ်နဲ့ ပြောဆိုနေကြပါတယ်။ နောက်ထပ်
ခဏလောက်အကြာမှာ ရွာက ကောင်စီဥက္ကဋ္ဌ ရောက်လာပြီး
ခြံတံခါးကို ပိတ်လိုက်ဖို့နဲ့ ခြံထဲကို ဘယ်သူမျှ ပေးမ၀င်ဖို့ ပြောပြီး
တားမြစ်ကြပါတယ်။

မနက်မိုးလင်းချိန်မှာ ဘကြီးအိမ်ဝန်းထဲကို ရွာဦးကျောင်းက ဆရာတော်
ကြွလာပြီး ပရိတ်တရားတွေ ရွတ်ဖတ် ပါတယ်။ အဲဒီနေ့ နေ့လည်မှာ
ပဲ ကျနော်တို့ အချစ်တော် ဘကြီးတစ်ယောက် ပဲခူးမှာနေထိုင်တဲ့ သူ့
သူငယ်ချင်း အလှူကနေ ပြန်လည် ရောက်ရှိလာပါတယ်။ ဘကြီး
ပြန်ရောက်တယ် ဆိုရင်ပဲ ဆွေမျိုးတွေ၊ ရွာက လူတွေက သူ့အိမ်
ရဲ့ အဖြစ်အပျက်ကို ၀ိုင်းပြောကြပါတယ်။ သူ့သမီးဖြစ်တဲ့ အမတို့
လင်မယားက ဒီဖက်အိမ်မှာ လာနေဖို့ ပြောပါတယ်။ နေ့ခင်းဖက်
အမတို့အိမ်မှာ ဘကြီးနဲ့ ရွာက ဆွေမျိုးတွေ လူစုံတက်စုံ စကား
ဝိုင်း ဖြစ်ခဲ့ကြပါတယ်။

ဘကြီးတို့ စကားဝိုင်းကနေ ညက အဖြစ်အပျက်ကို ပြန်ကြား ရပါ
တယ်။ လွန်ခဲ့တဲ့ည ဘကြီးအိမ်မှာ အိပ်ခဲ့တဲ့ အထက်လမ်းဆရာဆိုသူ
နဲ့ ဆွေမျိုးတစ်ဦးတို့ ဖြစ်ပျက်ခဲ့ပုံက…
ရွာလမ်းမကြီးတလျှောက်က ခွေးအူသံတွေ ဆက်တိုက်ကြား
ရတယ်၊ ပြီးတော် လေတွေ တလဟော တိုက်လာပြီး ဘုရားစင်
က မီးတွေ ငြိမ်းသွားပါတယ်၊ မီးငြိမ်းသွားလို့ မီးခြစ်လာရှာတဲ့
အချိန်မှာ တအိမ်လုံး ရုတ်တရက် လှုပ်ရမ်းလာပါတယ်၊ ဒါနဲ့
ကြောက်ကြောက်နဲ့ အိမ်ပေါ်ကနေ အောက်ထပ်ကို ပြေးအဆင်း
အမှောင်ထဲကနေ နွားအော်သံ တစ်ခုကို ကြားလိုက်ရတယ်၊ လက်နှိပ်
ဓါတ်မီးနဲ့ ထိုးကြည့်လိုက်တော့ အောက်ထပ် မြေကြီးထဲကနေ
နွားတစ်ကောင်ရဲ့ ဦးခေါင်းတစ်ခု ထိုးထွက်လာတာကို မြင်လိုက်
ရပါတယ်၊ အဲဒီ နွားခေါင်းကနေ အသံတွေ ထွက်နေသလို အိမ်
လည်း မြေငလျင် လှုပ်သလို ရမ်းနေတယ်လို့ ပြောပါတယ်။

ဘကြီးလည်း မျက်မှောင်ကျုပ်နေအောင် အချိန်တော်တော်ကြာ
စဉ်းစားနေပါတယ်။ ဆွေမျိုးတွေက တစ်ယောက် တစ်မျိုးစီဖြင့်
“အဘ၊ ရွာက ကောင်စီလူကြီးတွေ လယ်မလုပ်ဘဲနဲ့ အမတော်
ကြေး(ဘဏ်ချေးငွေ) ယူတဲ့ ကိစ္စအပေါ် မတရားဘူးလို့ ပြောတာ
တွေ၊ ငွေတိုးချေးတဲ့ သူဋ္ဌေးတွေ အကြောင်း နေ့စဉ်ပြောနေလို့
အခုလို့ အောက်လမ်းနည်းနဲ့ အတိုက်(ပြုစား)ခံရတာ ဖြစ်နိုင်
ကြောင်း” ၀ိုင်းပြောကြပါတယ်။

ညနေပိုင်းလောက်မှာ ကျနော်တို့ဘကြီး ရွာဦးကျောင်းဖက်ကို
ထွက်သွားပါတယ်။ တစ်နာရီလောက်ကြာတော့ အထုပ်တချို့၊
ရေပုလင်းတချို့နဲ့ ပြန်လည် ရောက်ရှိလာပါတယ်။ သူ့သမက်ဖြစ်တဲ့
အမ ယောက်ျား အပါအ၀င် လယ်စာရင်းဌား(လယ်ယာအလုပ်သမား)
တချို့ကို ဦးဆောင်ပြီး သူ့ခြံထဲကို သွားကြပါတယ်။ အဲဒီနောက် သူ့
အိမ်ရဲ့ အိမ်တိုင်းတွေ အားလုံးဘေးမှာ တရွင်းပြားတွေ ပေါက်တူးတွေ
နဲ့ တူးကြပါတော့တယ်။ အဲဒီနောက် ရွာဦးကျောင်း ယူဆောင်လာ
တဲ့ အထုပ်တွေ ရေပုလင်းတွေထဲကနေ ပစ္စည်းတချို့ကို အိမ်တိုင်
အားလုံးရဲ့ ပတ်ပတ်လည်မှာ လောင်းချကြပါတယ်။ အဲဒီနောက်
ကျနော်တို့ရှိရာ သူ့သမီးအိမ်ဖက်ကို ရောက်လာပြီး ဘော့ပန်တွေ၊
ခဲတံတွေ စာရွက်တွေနဲ့ ဘုရားစာအုပ်ထဲက ဘုရားစာတွေကို ကူးယူ
ပြီး ရေးဖို့ ပြောပါတယ်။ ကျနော်တို့ မောင်နှမတသိုက်က ဘာလုပ်
ဖို့လဲလို့ ၀ိုင်းမေးကြပါတယ်။ ဘကြီး အဖြေက ..
“ဆေးနွားကို အဆိပ်ခတ်မလို့”

အဲဒီနေ့ ညဖက်က စ’ပြီး ဘကြီးခြံနဲ့ အိမ်တို့မှာ ထူးထူးခြားခြား
ဖြစ်စဉ်တွေ ရပ်တန့်သွားပါတယ်။ နောက်တနေ့ မနက်မိုးလင်း
ချိန်မှာ ရွာထဲရှိ ဘကြီးလယ်မှာ အလုပ် လုပ်တဲ့ သီးခစား
လယ်သမားတစ်ယောက် ရောက်လာပါတယ်။ ရွာက ကောင်စီ
ဥက္ကဋ္ဌ ပိုင်ဆိုင်တဲ့ နွားတစ်ကောင် ဒီမနက်မှာ သန်သန်မာမာကနေ
ရုတ်တရက် ပျော့ခွေပြီး လဲကျသေဆုံးသွားကြောင်း ပြောပြ
ပါတယ်။ အဲဒီနောက် ဘကြီးနဲ့ သူ့လယ်သမားတို့ဟာ ဘကြီး
အိမ်ဝန်းဖက်ကို သွားရောက်ကြပါတယ်။ တော်တော်ကြာတော့
ဘကြီးတစ်ယောက် သူ့အိမ်ဝန်းထဲမှာ သစ်ရွက်ခြောက်တွေကို
စုပုံပြီး မီးရှို့နေပါတယ်။ ကျနော်တို့လည်း တဖက်ခြံဝန်းထဲက
နေ ဘာလုပ်နေသလဲလို့ လှမ်းမေးလိုက်တော့ သူက နွားရုပ်လေး
တစ်ရုပ်ကို ထောင်ပြ ပါတယ်။ အဲဒီနောက် သူ့လက်ထဲက အဲဒီနွား
ရုပ်လေးကို မီးပုံထဲကို ထည့်လိုက်ပါတယ်။

နေ့လည်ပိုင်း မရောက်ခင် ရွာဦးကျောင်းရဲ့ ဆွမ်းတန်းဟာ ဘကြီး
တို့ ခြံရှေ့ကနေ ကြွလာပါတယ်။ ဘကြီးက ဆရာတော်ကို သူ့ခြံ
ထဲ ပင့်ဖိတ်သွားပြီး ခဏနေတော့ ဆရာတော် ပြန်ကြွ သွားပါတယ်။
အဲဒီနောက် ခြံရှေ့ကနေ “ငါခြံမှာ ဘာကောင်မှ မရှိတော့ဘူး၊ ဘယ်သူ
ပြောလဲ “ပုဏ္ဍက” တိုက်တယ်လို့၊ မယုံရင်လာကြည့်ကြ ဒီညက စပြီး
ဘာကောင်မှ မရှိတော့ဘူး” လို့ ခြံရှေ့ ဖြတ်သွားသူ မှန်သမျှကို ပြော
ပြနေပါတယ်။ ညနေစောင်း သူ့ခြံထဲမှာ ရွာကလူတွေ တရုံးရုံးနဲ့ စည်း
ကားနေပါတယ်။ လူတွေ ၀င်လိုက် ထွက်လိုက် လာကြည့်နေကြလို့
ကျနော်တို့ ကလေးတသိုက်လည်း ဘကြီးခြံဖက်ကို သွားကြည့်
ကြပါတော့တယ်။ သူ့အိမ်အောက်ထပ် မြေကြီး တနေရာမှာ တွင်းတူး
ထားသလို ဖြစ်နေပါတယ်။ အဲဒါ ဘာဖြစ်လို့လဲ မေးကြည့်တော့
“ဆေးနွား” ကို တူးဖော်လိုက်တဲ့ နေရာလို့ ဘကြီးက ပြောပြပါတယ်။
ဒီလိုနဲ့ ညဖက် အမတို့အိမ်မှာ တည်းခိုနေတဲ့ ကျနော်တို့ မိသားစုထံ
ကို ဘကြီး ရောက်လာပါတယ်။ အဲဒီတော့မှ ကျနော်တို့လည်း သိချင်
တာတွေကို မေးခွင့် ရခဲ့ပါတယ်။

သူ့ခြံကို သူတပါးက အောက်လမ်းနည်းနဲ့ ပြုလုပ်တယ်လို့ သူလည်း
ယူဆ ခဲ့ကြောင်း၊ သူ့အိမ်မှာ လာအိပ်သွားတဲ့ ပရောဂ ကုတဲ့ဆရာတို့
မြင်တွေ့ခဲ့ပုံကို သူ စဉ်းစားကြည့်ပြီး “ဆေးနွား” လို့ ခေါ်တဲ့ ပရောဂ
နည်းနဲ့ လုပ်တာဖြစ်လိမ့်မယ်လို့ သူ ယူဆခဲ့ကြောင်း၊ ဒါကြောင့် ရွာဦး
ဘုန်းကြီးကျောင်းက ဆွမ်းဆန်အနည်းအကျဉ်းကို ဆရာတော်ထံမှ အလှူ
ခံခဲ့သလို ဘုန်းကြီးကျောင်း ဘုရားစင်မှ သောက်တော်ရေ အဟောင်းတွေ
ကို စွန့်ပြီး ပုလင်းထဲ ထည့်ယူလာခဲ့ကြောင်း၊ အဲဒီနောက် အဲဒါတွေကို
အိမ်တိုင်အားလုံးရဲ့ ပတ်ပတ်လည်မှာ မြေကြီးကို နည်းနည်းချင်စီ တူး
ဆွပြီး လောင်းထည့်ခဲ့ကြောင်း၊ သူ့အိမ်အောက်ထပ် အလယ်တစ်နေရာ
မှာ ကောက်ရိုးတွေ စုပုံပြီး ကျနော်တို့ ကူးရေးပေးတဲ့ ဘုရားစာ စာရွက်
တွေကို ကောက်ရိုးပုံမှာ ထည့်ခဲ့ကြောင်း၊ မနက်မိုးလင်းချိန် အဲဒီကောက်ရိုး
တွေ ထားခဲ့တဲ့ နေရာကို ပေါက်တူးနဲ့ တူးကြည့်လိုက်တော့ နှီးနဲ့ ရက်လုပ်
ထားတဲ့ နွားအရုပ်လေး တစ်ခုကို တွေ့ရကြောင်း၊ ဒါနဲ့ မီးဖိုပြီး အဲဒီ နွားရုပ်
လေးကို မီးရှို့ပြစ်ခဲ့ကြောင်း သူက ပြောပြပါတယ်။

ဒါနဲ့ ကျနော်တို့က အဲဒီ ဆေးနွားအကြောင်းကို မေးကြည်တော့ …

ရွာမှာ မီးမဖွားနိုင်လို့ သေဆုံးပြီး အသုဘဖြစ်လာရင် မီးသင်္ဂြိုလ်လေ့
ရှိကြောင်း၊ အဲလိုမီးသင်္ဂြိုလ်တဲ့ အခါ အသုဘရုပ်ကောင်ရဲ့ ခန္ဓာကိုယ်
ကို မြန်မြန် ပြာဖြစ်အောင် ပြုလုပ်ရကြောင်း၊ အဆီပြင်တွေကို ၀ါးနဲ့
ထိုးဖောက်ရကြောင်း၊ အဲဒီ ၀ါးလုံးကို အောက်လမ်းဆရာတွေ အသုံး
ပြုလို့ မရအောင် ရွာဦးကျောင်းမှာ သိမ်းဆည်းလေ့ရှိကြောင်း၊ အဆိုပါ
ဝါးလုံးကို အောက်လမ်းဆရာတချို့က ခိုးယူပြီး နှီး ဖြစ်အောင်
အရင် ယက်ရကြောင်း၊ နှီး ဖြစ်လာတဲ့ အခါ အဲဒီ နှီးနဲ့ နွားရုပ်လေး
တစ်ရုပ်ဖြစ်အောင် ပြုလုပ်ရကြောင်း၊ နွားရုပ်လေး လုပ်ပြီးချိန်မှာ
အသက်သွင်းပေးရကြောင်း၊ တကယ့် နွားအစစ်နဲ့ အတူ လ’ပေါင်း
များစွာ အတူ ထားရကြောင်း၊ အဲဒီနောက် အောက်လမ်းဆရာ
တွေက သူတို့ ဒုက္ခပေးချင်တဲ့ အိမ်တစ်အိမ်ရဲ့ အပြင်ဖက်က
ဖြစ်စေ … အတွင်းထဲ လာပြီး ဖြစ်စေ အဲဒီ နွားရုပ်ကို ပို့ဆောင်
ပေးရကြောင်း၊ ထို့နောက် သူနဲ့ အတူ ရှိခဲ့ဘူးတဲ့ နွားအစစ်ကို လှည်း
တစ်ခုမှာဖြစ်စေ … ငြိမ်ငြိမ်မနေနိုင်အောင် ဖြစ်စေ လုပ်ဆောင်ပေး
ပါက အလားတူ အောက်လမ်းပညာဖြင့် ပြုလုပ်ထားသော ဆေးနွား
လည်း သောင်းကျန်းလေ့ရှိကြောင်း ရှင်းပြပါတယ်။

“ဒါဆို အခု ဒုက္ခပေးနေတဲ့ နွားရုပ်လေးကို မီးရှို့လိုက်ရင်
ပြီးသွာပြီလား ….”
လို့ ကျနော်တို့ မေးအကြည့်မှာ …
ဘကြီးက …
“အဲဒီ ဆေးနွားကို မီးရှို့လိုက်တော့၊ သူနဲ့ အတူ အသက်သွင်း
ရာမှာ အသုံးပြုခံရတဲ့ တကယ့်နွားလည်း သေသွားတယ်ကွ ..”
ဟု ပြန်ဖြေပါတယ်။

ရုတ်တရက် ကျနော်တို့က …
“ဒါဆို မနက်က ကောင်စီ ဥက္ကဋ္ဌအိမ်က နွား သေသွားတယ်
ဆိုတော့ ဥက္ကဋ္ဌက အောက်လမ်းဆရာ လား …”
လို့ မ၀င့်မရဲနဲ့ မေးလိုက်ချိန်မှာ ဘကြီးပါးစပ်က ..
“အင်း …..”


(ပြီးပါပြီ။)


Jan 18, 2010

လေ့လာစရာ မြန်မာ့နိုင်ငံရေး ပြောဆိုမှုများ (၁/၂၀၁၀)

NLD ခေါင်းဆောင် အပြောင်းအလဲအပေါ် စမ်းစစ် ဝေဖန်ကြည့်ခြင်း
(ဦးကျော်ဇံသာ- VOA၊ ဦးအောင်တင်၊ ဦးမင်းဇော်ဦး)

NLD ပါတီ EC (၉)ဦး ထပ်တိုးခြင်းဖြင့် မည်သို့ထူးခြားလာမည်နည်း
(ကိုထက်အောင်ကျော် DVB၊ အင်တာဗျူး)
(၁၇.၀၁.၂၀၁၀ နေ့ DVB ညဖက် ရေဒီယို အစီအစဉ်)

ဦးဘိုဘိုကျော်ငြိမ်း ရေးသားသော ဗိုလ်မှူးချုပ်ကျော်ဇော ဆောင်းပါး

Jan 16, 2010

လမ်းကြား သရဲ (နောက်ဆုံးပိုင်း)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်
တတ်သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ
မဖတ်ရူရန် မေတ္တာရပ်ခံအပ်ပါသည်။)

ယခင် အပိုင်း(၄)မှ အဆက် ...

ရုတ်ရုတ်သဲသဲ ဖြစ်သံတွေကြောင့် သူတို့နေထိုင်ရာအလွှာရှိ နံဘေး
ခန်းက လူတွေလည်း အပြင်ထွက်ကြည့်ကြပါတယ်။ သူတို့လည်း
မသိချင်ယောင်ဆောင်ပြီး နေခဲ့ကြပါတယ်။ မိနစ်(၂၀) နီးပါး ၀ိုင်းပြုစု
အပြီးမှာ သတိလစ်သွားတဲ့ လူငယ်လည်း သတိပြန်ရလာပါတယ်။
အကြောက်လွန်နေသူရဲ့ ခန္ဓာကိုယ်ကို ဘုရားစင်က သောက်တော်ရေတွေ
စွန့်ပြီး ပက်ဖြန်းတဲ့သူက ဖြန်း၊ လည်ပင်းမှာ စိတ်ပုတီး ဆွဲပေးကြနဲ့
အလုပ်ရှုပ်ကြပါတော့တယ်။ သတိပြန်ရလာသူအား စိတ်ငြိမ်သွားရန်
ဆရာဝန်က ဆေးတစ်လုံး တိုက်လိုက်ပါတယ်။

အခန်းပိုင်ရှင် မိသားစုက အမှိုက်ပြစ်ရာ လမ်းကြားတွင် သူတို့အုပ်စု
ခေါစာပြစ်ခဲ့တဲ့ လင်ဗန်းနဲ့ ပြာမှုန့်တွေကို မနက်ကြမှ သန့်ရှင်းရေး
လုပ်လိုက်မယ်လို့ ပြောပါတယ်။ သူတို့ထဲကတချို့က အဲဒီနေရာကို
နောက်တစ်ခေါက် သွားကြည့်ချင်ကြောင်း ပြောကြပါတယ်။ သူတို့တတွေ
အခန်းအပေါက်ဝကနေ အဲဒီလမ်းကြားလေး ထိပ်ဆီ ထွက်ကြည့်ကြ
ပါတယ်။ တိုက်တစ်ခုလုံး တိတ်ဆိတ်နေပါပြီ။ ခုနက မီးပွင့်လာတဲ့
နံဘေးအခန်းတွေလည်း မီးတွေပိတ်ပြီး ပြန်အိပ်သွားပုံ ရပါတယ်။ သူတို့
နံဘေးအခန်းမှ အိမ်မြှောင်တစ်ကောင်ရဲ့ စူးစူးဝါးဝါး စုတ်ထိုးသံကြောင့်
သူတို့အားလုံး လန့်သလိုလို ဖြစ်သွားကြပါတယ်။ လက်က နာရီကို
ကြည့်လိုက်တော့ (၁)နာရီ ထိုးဖို့ မိနစ်အနည်းငယ် လိုပါသေးတယ်။

အခန်းအပေါက်ဝကနေ အမှိုက်ပြစ်ရာလမ်းကြားဆီကို သူတို့အားလုံး
ထပ်သွားကြဖို့ ချီတုံချတုံ ဖြစ်နေကြပါတယ်။ သူတို့အားလုံး လမ်းကြား
လေးဆီမှာ ဘာများ ဆက်ဖြစ်လာမလဲလို့ စိုက်ကြည့် နေကြပါတယ်။
အခန်းအားလုံးဆီကနေ အိမ်မြှောင်တွေရဲ့ ဆက်တိုက် စုတ်ထိုးသံကြောင့်
သူတို့ အရမ်းအံ့သြနေပါတယ်။ ရုတ်တရက် အမှိုက်ပြစ်ရာ လမ်းကြား
ထိပ်ရှိ မီးရောင်အောက်မှာ လူအရိပ်နှစ်ခုကို တွေ့လိုက်ရပါတယ်။ သူတို့
အားလုံး နည်းနည်း တွေးဝေသွားပါတယ်။ သူတို့ထဲက တစ်ယောက်က …
“ဖြစ်ချင်တာဖြစ် သွားကြည့်ကြရအောင်၊ အရမ်းကြီး ကြောက်မနေနဲ့”

ဒီလိုနဲ့ သူတို့အားလုံး ခပ်လန့်လန့်ဖြင့် လမ်းကြားထိပ်ကို အသွား၊
မရောက်တရောက်လောက်မှာ မီးရောင်အောက်က အရိပ်နှစ်ခုဟာ
သူ့အလိုလို ပျောက်သွားပြန်ပါတယ်။ သူတို့ထဲက တချို့လည်း
ဘောင်းဘီးက ခါးပတ်တွေ ဆွဲဖြုတ်ပြီး တစ်ခုခုဖြစ်လာရင် ခါးပတ်နဲ့
ရိုက်မယ့်ပုံစံ အသင့်ပြင်ထားပါတယ်။ အဲဒီအချိန်မှာ သူတို့ထဲက
လူငယ်တစ်ဦးမှ …
“ခုနက ဒီလမ်းထိပ်က ဟိုဟာ(ကလေးကစားစရာ) လေးရော”

လမ်းထိပ်ကို ပထမ တခေါက်အလာမှာ အတွင်းကနေ လွှင့်ပြစ်လိုက်တဲ့
ကလေးကစားစရာ အရုပ်ကားလည်း မတွေ့ရတော့ပါ။ လမ်းကြား
ရှေ့ကို အရောက်၊ အတွင်းကို ကြည့်လိုက်တော့ “ခေါစာ” ပြစ်ထားတဲ့
လင်ဗန်းလည်း မရှိတော့ပါ၊ အမှိုက်ပြစ်တဲ့ အပေါက်ဝအောက်မှာ
ကစားစရာ အရုပ်ကားလေး ရောက်နေတာကို တွေ့ရပါတယ်။ ပြာမှုန့်
တွေလည်း ပြန့်ကြဲနေပြီး နင်းပြီးလျှောက်ထားသလို လူခြေရာ ပုံစံ
အများအပြားကို တွေ့လိုက်ရပါတယ်။ လေး …. ငါးမိနစ်လောက်
ဟိုကြည့် ဒီကြည့်အပြီးမှာ သူတို့အားလုံး အခန်းရှိရာဆီ လှည့်ပြန်
ခဲ့ပါတယ်။ အိမ်ခန်းသို့ ရောက်လုဆဲဆဲမှာ အနောက်ဖက်မှ “တောက်”
ခေါက်သံ တစ်ခုကို ပီပီသသ ကြားလိုက်ရပါတယ်။ လှည့်ကြည့်လိုက်
တော့ ဘာမျှ မတွေ့ရပါ။ သူတို့အားလုံး အခန်းအတွင်းကို ၀င်ကြ
တော့မယ့်ဆဲဆဲမှာ လူတစ်ဦးရဲ့ ငိုရှိုက်သံလိုလို အသံ သဲ့သဲ့တချို့
ကို ကြားလိုက်ရပါတယ်။ နောက်တခေါက် သွားကြည့်ဖို့ သူတို့
မရဲတော့ပါ။

အလည်ရောက်နေသူတွေနဲ့ စကားတပြောပြောဖြင့် အိမ်ရှင်ဆရာဝန်
ပါ ဧည့်ခန်းထဲမှာ အိပ်ပျော်သွားပါတယ်။ အိမ်ရှင်ဖြစ်သူဟာ အိမ်မက်
မက်နေသလိုလို အပြင်တွင် တကယ်ခံစားနေရသလိုလို အိမ်မက်တစ်ခု
ကို မက်ခဲ့ပါတယ် …

ဆရာဝန်၊ ငယ်သူငယ်ချင်းဖြစ်သူနဲ့ “ခေါစာ” ပြစ်ခဲ့တဲ့ ဗလတောင့်တောင့်
လူငယ် သုံးဦးတို့ဟာ သူတို့ အိမ်ခန်းထဲမှာ ထိုင်ပြီး စကားပြောနေကြ
ပါတယ်။ အဲဒီအချိန်မှာ အပြင်က ဧည့်ခေါ် ခေါင်းလောင်းတီးသံ ကြား
ရပါတယ်။ တံခါးကို သွားဖွင့်ကြည့်တော့ အသက်လေးဆယ်ကျော်
အရွယ် လူကြီးတစ်ဦးနဲ့ အသက် ရှစ်နှစ် … ကိုးနှစ်အရွယ် ကလေးငယ်
တို့ကို တွေ့ရပါတယ်။ သူတို့က နံဘေးအခန်းမှာ နေသူများဖြစ်ကြောင်း၊
ပြောပြစရာ ရှိတယ်လို့ ပြောဆိုပြီး သူတို့နေထိုင်ရာ ကပ်လျှက် အခန်း
ထဲသို့ ခေါ်ဆောင်သွားပါတယ်။ အခန်းထဲ ရောက်ရောက်ချင်းမှာပဲ
ကလေးငယ်က သူတို့သုံးဦးကို အခန်းအတွင်းထဲရှိ ရေချိုခန်းကို
လက်ညှိုး ထိုးပြပါတယ်။ ရေချိုးခန်းအတွင်းကို ရောက်တော့ အိမ်သာ
အပေါ်ရှိ ရေဆွဲချရာ ရေပုံးထဲကို ပစ္စည်းတစ်ခုခု နှိုက်ယူပေးဖို့ လက်ဟန်
ခြေဟန်နဲ့ ပြပါတယ်။ ရေဆွဲချရာ ပုံးထဲကို နှိုက်ကြည့်လိုက်တော့
ပလပ်စတစ်နဲ့ သေသေချာချာ ထုတ်ပိုးထားတဲ့ ကလေးကစားစရာ
အရုပ်ကားလေးတစ်ခုကို တွေ့ရပါတယ်။ အဲဒီနောက် ကလေးငယ်က
အုတ်နံရံဖက်ကို လက်ညှိုးထိုးပြလိုက်ပါတယ်။ အုတ်နံရံဟာ တီဗွီမျက်နှာ
ပြင် တစ်ခုလိုဖြစ်လာပြီး သင်္ချိုင်းတစ်ခုကို မြင်နေရပါတယ်။ သင်္ချိုင်းထဲရှိ
လမ်းအကွေ့အကောက် အတော်များများကို ဖြတ်ကျော်အပြီးမှာ အုတ်ဂူ
တစ်ခုကို တွေ့ရပါတယ်။ ကလေးငယ်က ရေပုံးထဲမှာ ရရှိလာတဲ့ အရုပ်
ကားလေးကို အဲဒီအုတ်ဂူပေါ်မှာ ထားပေးဖို့ ပြသပါတယ်။ အဲဒီနောက်
ရုတ်တရက်ဆိုသလို နံရံပေါ်က မြင်ကွင်းရော ကလေးငယ်ပါ
ပျောက်ကွယ်သွားပါတယ်။

အဲဒီချိန်မှာ သူတို့သုံးဦးကို အခန်းအတွင်းသို့ ခေါ်ဆောင်လာတဲ့
လူကြီးဖြစ်သူက စကားပြောဖို့ ဧည့်ခန်းအတွင်းကို ခေါ်ဆောင်
သွားပါတယ်။ သူဟာ လွန်ခဲ့တဲ့ (၁၅)နှစ် နီးပါးက ဒီတိုက်မှာ
အလုပ်လုပ်ရင်း နေထိုင်တဲ့ မြန်မာပြည်သား တစ်ဦးဖြစ်ကြောင်း၊
အလုပ် လုပ်တဲ့ နေရာကနေ ကလေးကစားစရာ ပစ္စည်းတစ်ခုကို
ယူဆောင်လာမိကြောင်း၊ တနေ့တော့ အခန်းထဲမှာ သောက်ရင်း
စားရင်းကနေ မူးပြီး သူအိပ်ပျော်သွားကြောင်း၊ အဲဒီနောက် သူ
သတိလစ်သလို ဖြစ်သွားကြောင်း၊ သူ့ခန္ဓာကိုယ်ဟာ တစုံတယောက်
ရဲ့ ၀င်ရောက်ပူးကပ်ခြင်းကို ခံရပြီး အခန်းဖော်တွေနဲ့ အချင်းများ
ခဲ့ကြောင်း၊ နောက်ဆုံးမှာ သူ့အခန်းဖော် သူငယ်ချင်း အလုပ်သမား
များက သူ့ကို ရက်စက်စွာ သတ်ပြစ်ခဲ့ကြောင်း၊ သူ သေဆုံးပြီး
တစ်နှစ်ကျော်တဲ့ အချိန်မှာ မြန်မာပြည်ရှိ ကျန်ရစ်သူ သူ့မိသားစု
က ဘာသာရေးဆိုင်ရာ အမျှအတန်း ပေးဝေခဲ့ကြောင်း၊ သူ သေဆုံး
တဲ့ ဒီနေရာမှာ ယနေ့အချိန်အထိ ဘာသာရေးဆိုင်ရာ ဆောင်ရွက်မူ
များ လုံးဝ မလုပ်ရသေးကြောင်း၊ မြန်မာပြည်တွင် ကျန်ရစ်ခဲ့သော
သူ့သားသမီးများအနက် အကြီးဆုံးဖြစ်သူ သူ့သားလေးမှာ ယခုအခါ
ပင်ပင်ပန်းပန်း ဆင်းဆင်းရဲရဲဖြင့် မိသားစုအား လုပ်ကျွေးနေရကြောင်း၊
သူ့အတွက် အမျှအတန်းပေးဝေဖို့နဲ့ သူ့သားအကြီးဆုံးလေးကို
ဒီနိုင်ငံမှာ တရားဝင်အလုပ်သမားအဖြင့် အလုပ် လုပ်ခွင့်ရဖို့
ကူညီပေးစေလိုကြောင်း ပြောပါတယ်။ မြန်မာပြည်ရှိ သူ့မိသားစု
ထံ ဆက်သွယ်ဖို့ ဖုန်းနံပါတ် တစ်ခုကိုလည်း ပေးပါတယ်။ အဲဒီနောက်
သူလည်း ပျောက်ကွယ်သွားပါတော့တယ်။
…… …… …

မနက်စောစောစီးစီး ဧည့်သည်တွေထဲမှ ငယ်သူငယ်ချင်းဖြစ်သူနဲ့
“ခေါစာ” ပြစ်ခဲ့တဲ့ လူငယ်တို့ နှစ်ဦး ညက အိမ်မက်ဆိုးများ မက်ကြောင်း
အိမ်ရှင် ဆရာဝန်ကို ပြောပြပါတယ်။ ဒီလိုနဲ့ နောက် (၂) ရက်ခန့်အကြာ
မှာ ဆရာဝန်ဖြစ်သူဟာ အလုပ်ထဲကနေ အိမ်ကို ပြန်လာခဲ့ပါတယ်။
အိမ်ရှေ့ သံတံခါးကို ဖွင့်အ၀င်မှာ သူ့နားထဲမှာ နံဘေးကနေ တစုံ
တယောက် တိုးတိုးလေး ကပ်ပြောသလို ခံစားလိုက်ရပါတယ်။ သူ့ကို
ပြောသွားတဲ့ စကားသံက …
“ညီလေး၊ မင်း ထီထိုးထားတာ … တိုက်ပြီးပြီလား …”
ရုတ်တရက် သူ ကြောင်သွားပါတယ်၊ နံဘေးကို ကြည့်လိုက်တော့လည်း
သူ့နံဘေး ပတ်ဝန်းကျင်မှာ ဘယ်သူကိုမျှ မတွေ့ရပါ။ ဒါနဲ့ သူလည်း
ထီထိုးခဲ့တာကို သတိရသွားပြီး တိုက်အောက်ထပ်ကို ပြန်ဆင်းခဲ့ပါတယ်။
တိုက်နံဘေးက အိန္ဒိယကုန်စုံဆိုင်အရှေ့ရှိ သတင်းစာအပုံမှာ သူ ထိုးထား
တဲ့ ထီနံပါတ်ကို ရှာဖွေလိုက်ပါတယ်။ သူ အရမ်းအံ့သြ သွားပါတယ်။
သူ့ သူငယ်ချင်း ရယ်စရာအဖြစ် ပြောခဲ့တဲ့၊ သူ့အိမ်မက်ထဲမှာ သရဲ
ပေးခဲ့တဲ့ တယ်လီဖုန်းနံပါတ်ရဲ့ နောက်ဆုံးဂဏန်းလေးလုံးဟာ ထီရဲ့
ဒုတိယဆုနေရာမှာ တွေ့လိုက်ရလို့ပါ။ ထီထိုးထားပေမဲ့ ထီပေါက်ဖို့
လုံးဝ မမျှော်လင့်ထားတဲ့ သူ့အဖြစ်ဟာ သူ့ကိုယ်သူ မယုံသလိုနဲ့
သတင်းစာပေါ်က နံပါတ်ကို ကြည့်လိုက် လက်ထဲမှာ ထိုးထားတဲ့
ထီ စာရွက်ကို ကြည့်လိုက်နဲ့ ဂနာမငြိမ် ဖြစ်နေပါတယ်။

အိမ်ရှင်ဆရာဝန်ဖြစ်သူဟာ သူ့မိသားစုကို ထီပေါက်ခဲ့တဲ့ အကြောင်း
စုံကို ပြောပြလိုက်ပါတယ်။ သူ့ဇနီးသည်နဲ့ မိခင်ဖြစ်သူတို့က ကွယ်လွန်
သွားသူအတွက် ဆွမ်းသွတ်အမျှ ပေးဝေဖို့၊ အိမ်မက်ထဲမှာ ပေးခဲ့တဲ့
ဖုန်းနံပါတ်ကို ဆက်သွယ်ကြည့်ဖို့ တိုက်တွန်းကြပါတယ်။ မယုံတ၀က်
ယုံတ၀က်နဲ့ အိမ်မက်ထဲက ဖုန်းနံပါတ်ကို သူ ဆက်သွယ်လိုက်ပါတယ်။
မြန်မာပြည်က တယ်လီဖုန်းပိုင်ရှင်မိသားစုရဲ့ အကူအညီပေးမှုကြောင့်
ကျန်ရစ်သူ မိသားစုနဲ့ သူ အဆက်အသွယ် ရခဲ့ပါတယ်။ သူဟာ လွန်ခဲ့
တဲ့ (၁၅)နှစ်လောက်က ဒီတိုင်းပြည်မှာ အလုပ်လာလုပ်ရင်း ကွယ်လွန်
ခဲ့သူနဲ့ ခင်မင်ရင်းနှီးသူ တစ်ဦးဖြစ်ကြောင်း၊ ကျန်ရစ်သူ မိသားစုကို
အကူအညီပေးချင်ကြောင်း ရှင်းပြလိုက်ပါတယ်။ နောက်ရက်တွေမှာ
သူ ထီပေါက်လို့ ရခဲ့တဲ့ ငွေတွေထဲက မြန်မာငွေ (၁၀) သိန်း တန်ဖိုးကို
လွှဲပို့ပေးလိုက်သလို ကွယ်လွန်သူရဲ့ သားအကြီးဆုံးဖြစ်သူကိုလည်း
ဒီတိုင်းပြည်မှာ တရားဝင် အလုပ်သမားအဖြစ် လာရောက်နိုင်အောင်
အစစ အရာရာ အကုန်အကျခံ ကူညီမယ်ဖို့ ကတိပေးလိုက်ပါတယ်။

အဲဒီရက်တွေ နောက်ပိုင်းမှာ ဆရာဝန်ဖြစ်သူဟာ သူ့အခန်းနဲ့
ကပ်လျှက်အခန်းက အခန်းပိုင်ရှင်တွေကို လိုက်လံစုံစမ်းခဲ့ပါတယ်။
အခန်းပိုင်ရှင် တရုတ်အဖွားကြီးဟာ အဲဒီအခန်းမှာ တခါတရံ
သာ လာနေလေ့ရှိကြောင်း နံဘေးခန်းတွေက ပြောပြကြပါတယ်။
ဒါနဲ့ အခန်းပိုင်ရှင် တရုတ်အဖွားအို ရှိရာဆီ သူ ရောက်ခဲ့ပါတယ်။
တရုတ်အဖွားအိုက ဆရာဝန်မိသားစုအခန်းနံဘေးရှိ သူ့အခန်း
ဟာ နိုင်ငံခြားမှာ ရောက်ရှိနေတဲ့ သူ့သမီးနဲ့ သမက်တို့ ပိုင်ဆိုင်
တဲ့ အခန်းဖြစ်ကြောင်း၊ လွန်ခဲ့တဲ့ (၁၅)နှစ် ပတ်ဝန်းကျင်က သူ့တို့
မိတ်ဆွေ တရုတ်လူမျိုးတစ်ဦးက သူ့ အလုပ်သမားများ နေထိုင်
ရန် ဌားရမ်းခဲ့ဖူးကြောင်း၊ အဲဒီနောက်တော့ အိမ်ဌားတွေ ခဏခဏ
ပြောင်းရွှေ့ကြကြောင်း၊ ဒါနဲ့ နောက်ပိုင်းမှာ ဘယ်သူကိုမျှ မဌားတော့
ပဲ သူ နေထိုင်ခဲ့ကြောင်း၊ ယခင်က ဘာမျှ မဖြစ်ခဲ့တဲ့ သူ့အခန်းဟာ
ညဖက်တွေမှာ သရဲခြောက်သလို ထူးထူးဆန်းဆန်းတွေ ဖြစ်ကြောင်း၊
ဒါကြောင့် ဘယ်သူကိုမျှ ထပ်မဌားတော့ပဲ တခါတရံ နေ့လည်ပိုင်းတွေ
မှာ သူ အလည်လာပြီး နေခဲ့ကြောင်း၊ ညဖက်မှာ မအိပ်ရဲတာကြောင့်
ယခုအခါ သူတို့ ပိုင်ဆိုင်တဲ့ ပစ္စည်းအဟောင်းများသာ ထားရှိသော
စတိုးခန်းအဖြစ် အသုံးပြုကြောင်း ရှင်းပြပါတယ်။

ဆရာဝန်ဖြစ်သူက တရုတ်အဖွားအိုအား လွန်ခဲ့သော (၁၅)နှစ်ခန့်က
အဲဒီအခန်းမှာ သူ့သူငယ်ချင်း အလုပ်သမားတစ်စု နေထိုင်ခဲ့ဖူးကြောင်း၊
သူတို့ထဲက တစ်ယောက်ဟာ အရက် အလွန်သောက်သောကြောင့်
လုပ်ငန်းခွင်ထဲမှာ ကွယ်လွန်ခဲ့ကြောင်း၊ ကွယ်လွန်သူ ပိုင်ဆိုင်ခဲ့တဲ့
ပစ္စည်းတစ်ခုဟာ အဲဒီအခန်းထဲမှာ ကျန်ရစ်ခဲ့ကြောင်း၊ သူ ဒီတိုက်ကို
ပြောင်းရွှေ့လာပြီး မကြာမဏဆိုသလို ကွယ်လွန်သူက အိမ်မက်ပေး
ကြောင်း၊ ဒါကြောင့် အဲဒီအခန်းထဲမှာ ကွယ်လွန်သူအတွက် ရည်စူး
ပြီး ဘာသာရေးဆိုင်ရာ ဆုတောင်းမေတ္တာပို့တဲ့ ပွဲတစ်ခု လုပ်ချင်
ကြောင်း ခွင့်တောင်းခံပါတယ်။ အခန်းပိုင်ရှင် အဖွားအိုကလည်း
ကြည်ကြည်ဖြူဖြူ ခွင့်ပြုခဲ့ပါတယ်။

စနေ၊ တနင်္ဂနွေ ရုံးပိတ်ရက် တစ်ခုမှာ ဆရာဝန်မိသားစုနဲ့ ရင်းနှီးသူ
သူငယ်ချင်း မိတ်ဆွေများဟာ အဲဒီတိုင်းပြည်ကို ကြွရောက်နေတဲ့
မြန်မာဘုန်းတော်ကြီးတစ်ပါးကို ပင့်ဖိတ်ခဲ့ကြပါတယ်။ တရုတ်မိသားစု
ပိုင်ဆိုင်ရာ အခန်းအတွင်း ကွယ်လွန်သူအတွက် ရည်စူးပြီး ဆုတောင်း
မေတ္တာပို့သလို သရဲခြောက်တယ်လို့ နာမည်ကြီးနေတဲ့ အမှိုက်သွား
ပြစ်ရာ လမ်းကြားဆီမှာလည်း ပရိတ်တရား နာယူခဲ့ကြပါတယ်။
တရားပွဲအပြီး ဆရာဝန်နဲ့ သရဲခြောက် မခြောက်ကို စမ်းသပ်ခဲ့တဲ့
ငယ်သူငယ်ချင်းတို့ဟာ အဲဒီအခန်းထဲရှိ အိမ်သာအပေါ်မှ ရေဆွဲချရာ
ရေပုံးထဲကို ရှာဖွေ ခဲ့ကြပါတယ်။ ရေပုံးအတွင်းက ပလပ်စတစ်နဲ့
သေသေချာချာ ထုပ်ပိုးထားတဲ့ ကလေးကစားစရာ အရုပ်ကားလေး
တစ်စီးကို တွေ့ရှိပြီးတဲ့နောက်ပိုင်း သရဲတစ္ဆေ မယုံကြည်တဲ့ ဆရာဝန်
ဟာ သူ့အယူအဆကို စွန့်လွတ်လိုက်ပါတော့တယ်။

သူတို့နှစ်ဦးဟာ အရုပ်ကားလေးကို တရုတ်သင်္ချိုင်း တစ်ခုခုမှာ သွား
ထားပြစ်ဖို့ စိတ်ကူးကြပါတယ်။ ဒီလိုနဲ့ အဌားကားတစ်စီးကို ဌားပြီး
တရုတ်သင်္ချိုင်းတစ်ခုသို့ သွားရောက်ချင်ကြောင်း ကားသမားကို ပြော
ပါတယ်။ ကားသမားက ဘယ်သင်္ချိုင်းလဲလို့ မေးတော့ သူတို့နှစ်ဦး
လည်း တရုတ်သင်္ချိုင်းဖြစ်ရင် ပြီးရောလို့ ပြန်ဖြေခဲ့ပါတယ်။ ဒီလိုနဲ့
သူတို့နှစ်ဦး အဌားကားရဲ့ နောက်ခန်းကနေ လိုက်ပါခဲ့ကြပါတယ်။
ကားသမားက ရှေ့ခန်းမှာ ကားမောင်းနေရင်း တရုတ်လို ပြောနေပါ
တယ်။ သူတို့ကတော့ ကားသမား အဌားကားဌာနနဲ့ တရုတ်လို
ပြောနေတယ်လို့ပဲ ယူဆနေကြပါတယ်။ ကားဟာ နာရီဝက်နီးပါး
ကြာအောင် မောင်းနေချိန်မှာ သူတို့ စိတ်ထဲ ဒီကားသမား ပိုက်ဆံ
ပိုလိုချင်လို့ လှည့်ပတ်မောင်းနေတယ် ထင်မိပါတယ်။ ဒါကြောင့်
ကားသမားကို ဘယ်တော့ရောက်မလဲလို့ မေးလိုက်တော့ ကားသမား
က ခင်ဗျားတို့ သွားချင်တဲ့ နေရာကို မကြာခင် ရောက်တော့မှာပါလို့
ပြန်ဖြေပြီး တစ်ယောက်တည်း တရုတ်လို ဆက်ပြောနေပါတယ်။
ဒီလိုနဲ့ တရုတ်သင်္ချိုင်းကုန်းတစ်ခုရဲ့ ရှေ့မှာ ကားသမားက ကားကို
ရပ်ပေးလိုက်ပါတယ်။

သူတို့နှစ်ဦးလည်း တရုတ်သင်္ချိုင်းဝန်းထဲကို ရောက်ပြီး ဟိုအုတ်ဂူပေါ်
တင်ခဲ့ရင် ကောင်းနိူးနိူး ဒီအုတ်ဂူပေါ်မှာ ထားခဲ့ရင် ကောင်းနိူးနိူးနဲ့
သင်္ချိုင်း အလယ်က လမ်းမကြီးအတိုင်း ၀င်ခဲ့ကြပါတယ်။ ရုတ်တရက်
သင်္ချိုင်းလမ်းမကြီးရဲ့ လက်ဝဲဖက် တစ်နေရာကနေ လေချွန်သံကို
ကြားလိုက်ရပါတယ်။ ကြည့်လိုက်တော့ ကလေးငယ် တစ်ဦးက သူတို့ကို
လက်ယက်ပြီး ခေါ်နေပါတယ်။ ဒါနဲ့ ကလေးငယ်ရှိရာဆီ သူတို့ သွားကြ
ပါတယ်။ ကလေးငယ်ရဲ့ နံဘေးနားကို မရောက်ရှိခင် သူတို့ရဲ့ မျက်စိရှေ့
မှာပဲ ကလေးငယ်ဟာ ပျောက်ချင်းမလှ ပျောက်သွားပါတယ်။ လှမ်းခေါ်
ခဲ့တဲ့ နေရာဆီကို ရောက်အောင်သွားကြည့်လိုက်တော့ သူတို့ အရမ်း
ထိန့်လန့်သွားပါတယ်။ အုတ်ဂူလေး တစ်ခုပါ။ အဲဒီအပေါ်မှာ သူတို့
“ခေါစာ” ပြစ်ခဲ့တဲ့ လင်ဗန်းကို တွေ့လိုက်ရပါတယ်။ သူတို့နှစ်ဦးလည်း
ယူဆောင်လာတဲ့ ကစားစရာ အရုပ်ကားလေးကို အုတ်ဂူပေါ်မှာ တင်ပြီး
ခပ်သုတ်သုတ် ထွက်ခွာခဲ့ကြပါတယ်။

တရုတ်သင်္ချိုင်းအပေါက်ဝကို ပြန်ထွက်လာတော့ အလာမှာ ဌားစီးခဲ့တဲ့
ကားနဲ့ ကားမောင်းသူကို တွေ့ရတာကြောင့် ကားဌားချင်ကြောင်း
ပြောပြီး ကားပေါ်သို့ တက်လိုက်ပါတယ်။ ကားပေါ်မှာ ဆယ်မိနစ်
ကျော်ကျော် ထိုင်နေတဲ့ချိန်အထိ ကားမမောင်းတာကြောင့် ကားသမား
ကို ဘာဖြစ်လို့ မမောင်းသလဲဆိုပြီး မေးကြည့်လိုက်တော့ ကားသမားက
“ဒီသင်္ချိုင်းဆီကို အလာမှာ ခင်ဗျားတို့ နှစ်ယောက်နဲ့ အတူတူ ပါလာ
တဲ့ ကောင်လေးရော ပြန်မလိုက်တော့ဘူးလား ….”
သူတို့နှစ်ဦး ကားတံခါးဖွင့်ပြီး ကားပေါ်ကနေ မပြေးရုံတမယ်
ပြန်ဆင်းတော့မလို ဖြစ်သွားပြီးမှ ….
“သူ ပြန်မလိုက်တော့ဘူး … လာခဲ့တဲ့နေရာကို အမြန်ဆုံး မောင်းပါ”


(ပြီးပါပြီ။)


Jan 13, 2010

လမ်းကြား သရဲ (၄)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်
တတ်သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ
မဖတ်ရူရန် မေတ္တာရပ်ခံအပ်ပါသည်။)

ယခင် အပိုင်း(၃)မှ အဆက် ...

ဆရာဝန်မိသားစုက ဧည့်သည် သူငယ်ချင်းဖြစ်သူကို သူတို့အလွှာ
ရဲ့ အမှိုက်ပြစ်တဲ့ လမ်းကြားမှာ ညဖက် သရဲခြောက်ကြောင်း ရှင်းပြ
ကြပါတယ်။ နံဘေးခန်းက လူတွေဆိုရင် ညဖက်မှာ အဲဒီနေရာဆီ
အမှိုက်သွားမပြစ်ရဲသလို တတိုက်လုံးမှာ နေတဲ့ လူတွေလည်း အဲဒီ
ဖက် လှေကားကို ညဖက်မှာ အတက်အဆင်း မလုပ်ရဲကြောင်း ပြောပြ
ပါတယ်။ ဧည့်သည် သူငယ်ချင်းက သူ အလုပ် လုပ်နေတဲ့ စက်ရုံမှာ
သရဲတစ္ဆေခြောက်တယ်လို့ နာမည်ကြီးတဲ့ နေရာတွေမှာ စပ်စုစမ်းသပ်
ချင်တဲ့ လူငယ်အလုပ်သမားများ ရှိကြောင်း၊ ခွင့်ပြုမယ်ဆိုရင် သူတို့ကို
ခေါ်ဆောင်ပြီး အလည်လာချင်ကြောင်း ပြောပါတယ်။ အိမ်ရှင်မိသားစု
က အရမ်းဆူဆူညံညံ မဖြစ်ဘူးဆိုရင် အလည်လာခဲ့ဖို့ ဖိတ်ကြား
လိုက်ပါတယ်။

အဲဒီည တညလုံး အိမ်ရှင်ဖြစ်သူ ဆရာဝန်ဟာ အိမ်မက်ဆိုးတွေ
မက်ပြီး အိပ်ယာက လန့်လန့်နိူးပါတယ်။ အိမ်မက်ထဲမှာ သူ
တခါမျှ မတွေ့ဖူးတဲ့ လူတစ်ယောက်က သူ့ကို သင်္ချိုင်းကုန်းတစ်ခု
သို့ ခေါ်ဆောင်သွားပါတယ်၊ ပြီးတော့ အုတ်ဂူတစ်ခုကို လက်ညှိုး
ထိုးပြပြီး ကလေးကစားစရာ မော်တော်ကားတစ်ခု ရှာဖွေ လာထား
ပေးဖို့နဲ့ ဖုန်းနံပါတ်တစ်ခုကို ရွတ်ပြပြီး သူ့သားသမီးတွေကို
အကူအညီပေးဖို့လည်း ငိုပြီး ပြောပါတယ်။ အဲဒီအိမ်မက်အကြောင်း
ဆရာဝန်က ကျန်တဲ့သူတွေကို ပြောပြပါတယ်။

မနက်မိုးလင်းတော့ အိမ်ကိုပြန်မယ့် ဧည့်သည်ဖြစ်သူ ငယ်သူငယ်ချင်း
ကို ညက သူ မက်ခဲ့တဲ့ အိမ်မက်အကြောင်း ပြောပြပါတယ်။ သူငယ်ချင်း
ဖြစ်သူက …
“ဒါ မင်းကို ချဲထိုးဖို့ နံပါတ် ပေးတာနဲ့တူတယ်၊ အိမ်မက်ထဲမှာ သူ ပြော
သွားတဲ့ တယ်လီဖုန်းနံပါတ်ရဲ့ နောက်ဆုံးဂဏန်း လေးလုံးကို ဒီတိုင်းပြည်
က လေးလုံးထီမှာ သွားထိုးကြည့်ပါလား …”
လို့ ရယ်မောစရာ ပြောပါတယ်။
တခါမျှ ထီမထိုးဖူးတဲ့ ဆရာဝန်လည်း ထီဆိုင်မှာ သွားပြီး လေးလုံးထီ
ကို အရှေ့ ငါးကျပ်၊ အနောက် ငါးကျပ်ဖိုး ထီထိုးပါတော့တယ်။

နောက်တနေ့ ညနေမှာ သူငယ်ချင်းဖြစ်သူနဲ့ လူငယ်လေးယောက်တို့
သူတို့အခန်းကို အလည်ရောက်လာပါတယ်။ အလည်လာသူများက
သရဲခြောက်တဲ့ ကိစ္စကို လက်တွေ့စမ်းသပ်ကြည့်ချင်ကြောင်း ပြော
ကြပါတယ်။ ဘယ်လို စမ်းသပ်မှာလဲလို့ မေးကြည့်တော့ လူငယ်များက
သူတို့မှာ နည်းလမ်း (၂)ခုရှိကြောင်း၊ ပထမ နည်းက သရဲခြောက်တဲ့
နေရာဆီ သစ်သားခုံ တစ်ခု သယ်သွားမယ် … ပြီးတော့ အဲဒီ သစ်သားခုံ
ပေါ်မှာ လက်ဖ၀ါးတွေကို မှောက်ခုံအနေအထားနဲ့ ကားပြီး ဖြန့်
ထားရမယ် … လက်မချင်း ထိထားရမယ် .... လူတိုင်း အဲဒီပုံစံ
လုပ်ရမယ် … တစ်ဦးနဲ့ တစ်ဦး လက်သန်းချင်း ထိထားရမယ်
… ခုံအလယ်မှာ အသားစိမ်းတစ်ခုကို ခွက်တစ်ခုနဲ့ လုံအောင်အုပ်ပြီး
အဲဒီအပေါ်မှာ ဖယောင်းတိုင် ထွန်းထားရမယ် … နံဘေးမှာ ရပ်ကြည့်
နေသူ မရှိရဘူး … သရဲခေါ်တဲ့လူက လွဲရင် အစီအစဉ် စတဲ့အချိန်
ကနေ ပြန်ထွက်ဖို့ ပြောတဲ့အထိ ဘယ်သူမျှ စကားမပြောရဘူး
… လို့ ဆိုပါတယ်။

ဒုတိယနည်းကတော့ “ခေါစာ”ပြစ်ပြီး “ပြာ” ခင်းတဲ့ နည်းလို့ ဆို
ပါတယ်။ ဖိနပ်ကို ဘယ်ညာပြောင်းစီးရမယ် … အင်္ကျီကို ပြောင်းပြန်
ဝတ်သွားရမယ် … “ခေါစာ” သွားပြစ်မယ့် လူက “လိပ်ပြာ” ရင့်တဲ့သူ
(လုံးဝ အကြောက်အလန့် မရှိသူ) … လက်ပြန်အနေအထားနဲ့ ခေါစာ
ကျွေးမဲ့ လင်ဗန်းကို ချရမယ် … လင်ဗန်းရဲ့ နံဘေး ပတ်ပတ်လည်မှာ
“ပြာ”မှုန့်တွေ ခင်းရမယ် … ဟင်းအိုးအုပ်တဲ့ စလောင်းဖုံး တစ်ခုခုနဲ့
အသံထွက်အောင် တီးပြီး လာစားဖို့ ဖိတ်ရမယ် … ခေါစာ ပြစ်ထားတဲ့
နံဘေးကို ဘယ်သူမျှ မသွားရဘူး … နှစ်နာရီလောက်နေရင် လာ မလာ
ဆိုတဲ့ “ခြေရာ”တွေကို ပြာတွေပေါ်မှာ သွားကြည့်လို့ ရကြောင်း
ပြောပြကြပါတယ်။

ဒီလိုနဲ့ အိမ်ရှင် ဆရာဝန် အပါအ၀င် လူခြောက်ယောက်တို့ဟာ
သရဲ ရှိ မရှိကို စမ်းသပ်ဖို့ အလုပ်များကြပါတော့တယ်။ သူတို့တိုက်
နံဘေးရှိ တရုတ်မြေစိုက်နတ်စင်ကနေ အမွှေးတိုင်ကြောင့်
ကြွေကျထားတဲ့ ပြာမှုန့်တွေကို သွားယူကြပါတယ်။ နောက်ဖေး
မီးဖိုချောင်မှာ Gas မီးဖိုကို အသုံးပြုတာကြောင့် အိမ်တွေမှာ ပြာမှုန့်
ရှာဖို့ ခက်ခဲပါတယ်။ ဒါကြောင့် တရုတ်သတင်းစာတွေကို မီးရှို့ပြီး
“ပြာ” ရအောင် လုပ်ရပါတယ်။ သူတို့ စမ်းသပ်ဖို့ သဘောတူ ထားတဲ့
နည်းလမ်းက ဒုတိယ နည်းလမ်းပါ။ ပထမ နည်းကို သဘော
မတူကြပါဘူး။ ခေါ်လိုက်လို့ ၀င်လာရင်၊ ၀င်လာတဲ့ သရဲက သရဲ
ထက်ကြီးသော “သဘက်” ဆိုရင် အန္တရာယ်ရှိမှာ စိုးလို့ပါ။

ည (၉)နာရီ ကျော်ကျော်လောက်မှာ သရဲခြောက်တဲ့ အမှိုက်ပြစ်ရာ
လမ်းကြားဆီကို သူတို့ သွားကြပါတယ်။ “ခေါစာ” ပြစ်မဲ့ လင်ဗန်းထဲမှာ
စားစရာတွေ အပြင် လွန်ခဲ့တဲ့ ညက ဆရာဝန်ဖြစ်သူရဲ့ အိမ်မက်ထဲက
အတိုင်း ကလေးကစားစရာ အရုပ်ကားလေး တစ်စီးကိုပါ ထည့်
ယူလာကြပါတယ်။ အမဲသား၊ ၀က်သားဟင်းတွေ၊ ခေါက်ဆွဲကြော်
တွေနဲ့ ကလေးကစားစရာ မော်တော်ကားလေး တစ်ခု အပါအ၀င်
လင်ဗန်းအလယ်မှာ အမွှေးတိုင် သုံးချောင်းလောက်ကို မီးရှို့ ထိုးစိုက်
ကြပါတယ်။ ဗလတောင့်တောင့် လူငယ်တစ်ဦးက “ခေါစာ” ပြစ်တဲ့
အလုပ်ကို လုပ်ပါတယ်။ သူက “ခေါစာ” ထည့်ထားတဲ့ လင်ဗန်းကို
လက်ပြန်ပုံစံနဲ့ ချအပြီးမှာ ကျန်တဲ့သူတွေက အသင့်ယူဆောင်လာတဲ့
“ပြာမှုန့်”တွေကို လင်ဗန်းကနေ သုံးပေလောက်ရှိတဲ့ အကွာအဝေး
အထိ ခပ်ထူထူလေး ခင်းကြပါတယ်။ ပြာမှုန့်တွေ ဘယ်သူမျှ မနင်း
မိအောင် ဂရုတစိုက် ခင်းပြီးချိန်မှာ “ခေါစာ”ကျွေးသူက စလောင်းဖုံး
ကို ဟင်းမွေရာမှ အသုံးပြုတဲ့ ယောင်းမနဲ့ သုံးချက်လောက်တီးပြီး
ပါးစပ်ကလည်း “ဒီနေရာမှာ ရှိတဲ့၊ နေထိုင်နေတဲ့ မကျွတ်မလွတ်တဲ့
ပုဂ္ဂိုလ်များရှိရင် လာရောက်ပြီး အားရပါးရ စားသုံးကြပါ …” လို့
အသံခပ်အုပ်အုပ်နဲ့ သရဲ ခေါ်ပါတော့တယ်။

အဲဒီနောက် သူတို့ အားလုံး ဆရာဝန်မိသားစု နေထိုင်ရာ အခန်း
ပေါက်ဝဖက်ကို ပြန်လာခဲ့ကြပါတယ်။ နေထိုင်ရာ အခန်းပေါက်ဝ
ကနေ အမှိုက်ပြစ်ရာ လမ်းကြားထိပ်ကို လှမ်းကြည့်ရင် မြင်နေ
ရပါတယ်။ ဒါကြောင့် သူတို့ တစ်အုပ်စုလုံး အိမ်ခန်းထဲ ပြန်မ၀င်
ကြပဲ အခန်းပေါက်ကနေ လမ်းကြားထိပ်ကို မျက်ခြေမပျက်
စောင့်ကြည့်တာပါ။

ဒီလိုနဲ့ တစ်အုပ်စုလုံး စကားပြောလိုက် အိမ်ထဲက မိသားစု ကျွေး
မွေးတဲ့ မြန်မာပြည်က လာတဲ့ လဖက်သုတ်နဲ့ ရေနွေးကြမ်းတွေ
သောက်ရင်း စောင့်နေကြပါတယ်။ ည (၁၁)နာရီ ကျော်ကျော်
လောက်မှာ လှေကားကနေ တစုံတယောက် ပြေးတက်လာတဲ့
ခပ်ပြင်းပြင်းခြေသံတစ်ခုကို သူတို့ ကြားလိုက်ရပါတယ်။ ခြေသံ
ဟာ လှေကားကနေ သူတို့ အလွှာကို ကွေ့ဝင်လို့ရတဲ့ နေရာ
အရောက်မှာ လုံးဝ ရပ်သွားပြီး ရုတ်တရက်ဆိုသလို ကလေးငယ်
တစ်ဦးဟာ “ခေါစာ” ပြစ်ထားတဲ့ အမှိုက်သွားပြစ်ရာ လမ်းကြားထဲ
ဆီ ပြေးဝင်သွားပါတယ်။ ပထမတော့ စောင့်ကြည့်နေသူ အားလုံး
ကြောင်တောင်တောင် ဖြစ်သွားပါတယ်။ သူတို့ထဲက တစ်ယောက်
က “ဒီကလေးက ဘယ်ကလဲ” လို့ ပြောလိုက်တော့မှ အားလုံး
သတိဝင်လာပြီး လမ်းကြားလေးဆီအပြေးအလွှား သွားကြည့်ကြ
ပါတော့တယ်။

အမှိုက်သွားပြစ်တဲ့ လမ်းကြားထိပ်ကို ရောက်ဖို့ ဆယ်ပေကျော်ကျော်
လောက်သာ အလိုမှာ လမ်းကြားထဲမှ တစုံတယောက်က အပြင်ကို
ပစ္စည်းတစ်ခု လွှင့်ပြစ်လိုက်ပါတယ်။ လွှင့်ပြစ်ခံရတဲ့ ပစ္စည်းကို သူတို့
အားလုံး ၀ိုင်းကြည့်လိုက်တော့ “ခေါစာ” ပြစ်ထားတဲ့ လင်ဗန်းထဲမှာ
သူတို့ထည့်ပေးထားတဲ့ ကလေးကစားစရာ မော်တော်ကားလေးပါ။
လမ်းကြားထိပ်ကို ရောက်ရှိသွားပြီး လမ်းအတွင်းကို ကြည့်လိုက်တော့
ဘယ်သူကိုမျှ မတွေ့ရပါ။ ခုနက ကလေး ဘယ်ပျောက် သွားသလဲလို့
ပဟေဠိဆန်ဆန်ဖြစ်နေချိန်မှာ သူတို့ထဲက တစ်ယောက်က …
“ဒီမှာကြည့် ပြာတွေပေါ်မှာ ခြေရာတွေ အများကြီးပဲ”

“ခေါစာ” ဗန်းထဲက အစား အစားတွေလည်း တစ်ယောက် ယောက်
စားသောက်ထားသလို ပုံပျက် နေပြီး နံဘေးမှာ ခင်းထားတဲ့ ပြာတွေ
ပေါ်မှာလည်း ခြေရာ အသေးတွေရော အကြီးတွေရော ရှုပ်ရှက်ခတ်
နေပါတယ်။ အဲဒီချိန်မှာ သူတို့ထဲက တစ်ယောက်က မျက်လုံးပြူး
မျက်ဆန်ပြူးနဲ့ အမှိုက်ထုပ် ပြစ်ချရာ အပေါက်ကို လက်ညှိုးထိုးပြီး
“ဟိုမှာ …ဟိုမှာ” လို့ အော်ပါတော့တယ်။ ကျန်တဲ့သူတွေ ၀ိုင်းကြည့်
ကြတော့ ဘယ်သူကိုမျှ မတွေ့ရပါဘူး။ ရုတ်တရက် သူတို့အားလုံး
ရဲ့ မျက်စိရှေ့က အမှိုက်ပြစ်တဲ့ အပေါက်ဝရှိ အနံ့ပြန်မတက်အောင်
ဖုံးကားပေးတဲ့ သံပြားဖုံးဟာ သူ့အလိုလို ပွင့်ပြီး ပြန်ပိတ်သွားပါတယ်။
“ဟိုမှာ .. ဟိုမှာ”လို့ အော်နေတဲ့ လူငယ်လည်း အော်ရင်း တန်းလန်း
နဲ့ လဲကျသွားပါတယ်။ တစ်အုပ်စုလုံး သတိမေ့သွားတဲ့ လူငယ်ကို
ပွေ့ချီပြီး အခန်း ရှိရာဆီ အမြန် သယ်ဆောင်ရပါတော့တယ်။


(ဆက်ရန်။)


Jan 12, 2010

လမ်းကြား သရဲ (၃)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်တတ်
သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ မဖတ်ရူ
ရန် မေတ္တာရပ်ခံအပ်ပါသည်။)

ယခင် အပိုင်း(၂)မှ အဆက် ...

တိုက်တိုက်ဆိုင်ဆိုင်ဆိုသလိုပဲ မြန်မာပြည်က ပြောင်းရွှေ့လာတဲ့
မိသားစုဟာ ယခင်က လူသတ်မှုဖြစ်ပွားခဲ့တဲ့ အခန်းနံဘေးက အခန်း
မှာ နေထိုင်ကြပါတယ်။ သူတို့မိသားစုမှာ ဆရာဝန် လင်မယား၊ သားသမီး
သုံးဦး၊ အဖွားဖြစ်သူတို့ ပါရှိတဲ့ လူခြောက်ဦးပါ။ သူတို့ ပြောင်းရွှေ့လာပြီး
လပိုင်းအတွင်း သူတို့အလွှာမှာ နေထိုင်တဲ့ တရုတ်မိသားစုတွေနဲ့
ခင်မင်ရင်းနှီးလာပါတယ်။ တရုတ်မိသားစုတွေဆီကနေ အမှိုက်ပြစ်တဲ့
လမ်းကြားမှာ ညဖက်ဆိုရင် သရဲခြောက်တယ်ဆိုတဲ့ သတင်းစကားကို
သူတို့ ကြားသိခဲ့ပါတယ်။

သူတို့ ကြားခါစက မယုံတ၀က် ယုံတ၀က်ပါ။ ခင်ပွန်းဖြစ်သူ ဆရာဝန်
က သရဲတစ္ဆေကို လုံးဝ မယုံကြည်သူပါ။ တနေ့တော့ အဲဒီတိုင်းပြည်မှာ
လာရောက် အလုပ် လုပ်နေတဲ့ ငယ်သူငယ်ချင်းတွေကို သူတို့ အခန်းမှာ
ညစား ခေါ်ကျွေးပါတယ်။ ညစား စားရင် အရက် သောက်ဖြစ်ကြပါ
တယ်။ ည တစ်နာရီ ပတ်ဝန်းကျင်လောက်မှာ အရက်ဝိုင်း သိမ်းပါတော့
တယ်။ ညစား စားပွဲကနေ အိမ်ပြန်ကြမယ့် သူငယ်ချင်းတွေကို အိမ်ရှင်
ဆရာဝန်နဲ့ နောက်တနေ့မနက်ကျမှ အိမ်ကိုပြန်မယ့် ငယ်သူချင်းတစ်ဦး
တို့က ကားဂိတ်အထိ လိုက်ပို့ကြပါတယ်။

ဒီလိုနဲ့ ငယ်သူငယ်ချင်းတွေကို အဌားကား(TAXI) ပေါ်တင်ပြီး တိုက်
ပေါ်ကို ပြန်တက်လာခဲ့ပါတယ်။ နှစ်ဦးစလုံး အနည်းငယ် မူးနေတာ
ကြောင့် သူတို့အခန်းရှိရာနဲ့ နီးကပ်တဲ့ လှေကားကနေ အပေါ်ထပ်
ကို တက်လာခဲ့ပါတယ်။ လှေကားအပေါ်ကို တက်ခါစမှာ အပေါ်က
စကားပြောနေသံလိုလို သူတို့ ကြားနေရပါတယ်။ သူ့တို့စိတ်ထဲ
မှာ သူတို့ နှစ်ဦးစလုံး မူးနေလို့ အိမ်ရှင် ဆရာဝန်မိသားစု အခန်း
တံခါး အပြင်ထွက်ပြီး စောင့်နေတာ ဖြစ်မယ်လို့ ထင်နေပါတယ်။

လှေကားကနေ သူတို့အလွှာထဲ ချိုးအကွေ့မှာ ရုတ်တရက်
နှစ်ဦးစလုံး ကြက်သီးတွေ ထ သွားပါတယ်။ မူးနေတာလည်း ပြေသလို
ခံစားလိုက်ရပါတယ်။ သူတို့ ခုနက ကြားနေရတဲ့ အသံကို သတိ
ရလိုက်ပါတယ်။ ဒါနဲ့ နံဘေးပတ်ပတ်လည်ကို လျှောက်ကြည့်
လိုက်တော့ အမှိုက်သွားပြစ်နေကြ လမ်းကြားထဲမှာ လူတစ်ယောက်
က ကျောပေးပြီး အမှိုက်ပြစ်တဲ့ အပေါက်ဝ အပေါ်က နံရံကို
လက်နှစ်ဖက်မြှောက်တွန်းလို့ ခပ်ကုန်းကုန်း ရပ်နေပါတယ်။
အဲဒီလူရဲ့ နောက်ဖက်မှာ ကလေးငယ်တစ်ဦးက ငိုနေပြီး ကျောပေး
ရပ်နေသူရဲ့ တင်ပါးကို တဖြန်းဖြန်းနဲ့ ရိုက်နေပါတယ်။ သူတို့ ရပ်လိုက်
တဲ့ ခဏလေးအတွင်းမှာပဲ ကလေးငယ်ဟာ သူတို့ဖက်ကို လှည့်ကြည့်
လာပါတယ်။ ကလေးရဲ့ မျက်လုံးနှစ်ဖက်ဟာ တော်တော်လေး ငို
ထားတဲ့ပုံစံမျိုးပါ။ မျက်လုံးတွေ ရဲရဲတောက်လို့။

ကလေးက သူတို့ကို မြင်မြင်ချင်း အံ့အားသင့်သလို ဖြစ်သွားပြီး စိုက်
ကြည့်နေပါတယ်။ ငိုနေတဲ့ ကလေးငယ်ကို ဆရာဝန်ဖြစ်သူက တချက်
ပြုံးပြပြီး သူ့တို့အခန်းဖက်ဆီ ထွက်ခဲ့ပါတယ်။ ခြေလှမ်း လေး …. ငါး
လှမ်းလောက် လှမ်းပြီးချိန်မှာ သူတို့ နောက်ကျောဖက်ကနေ အသံတစ်ခု
ကြားလိုက်ရပါတယ်။ “ညီလေးတို့” ဆိုတဲ့ အသံကို သူတို့နှစ်ဦး သေသေ
ချာချာ သဲသဲကွဲကွဲ ကြားလိုက်ရတာပါ။ ဒါနဲ့ နောက်ကို ပြန်လှည့်ကြည့်
တော့ နောက်မှာ ဘယ်သူကိုမျှ မတွေ့ရပါ။ သူတို့စိတ်ထဲ ဇဝေဇ၀ါ ဖြစ်ဖြစ်
နဲ့ အခန်းဆီ ဆက်မသွားသေးပဲ အခုလေးတင် ကျော်ဖြတ်ခဲ့တဲ့ အမှိုက်
ပြစ်တဲ့ လမ်းကြားဆီ နှစ်ဦးသား ပြန်သွားကြည့်ပါတယ်။ လမ်းကြားထိပ်
ကို ရောက်တော့ လမ်းကြားထဲမှာ ဘယ်သူကိုမျှ မတွေ့ရတာကြောင့်
အရမ်း အံ့သြသွားပါတယ်။ ခုနက ကျောပေးရပ်နေသူနဲ့ ကလေးငယ်တို့၊
ဒီလမ်းလေးထဲကနေ စက္ကန့်ပိုင်းလောက်သာ ရှိတဲ့ အချိန်အတွင်း
လျင်လျင်မြန်မြန်ကြီး ထွက်ခွာ ပျောက်ကွယ်သွားဖို့ဆိုတာ လုံးဝ
မဖြစ်နိုင်ပါဘူးလို့ အဓိပ္ပါယ်ရတဲ့ မျက်လုံးတွေနဲ့ တစ်ဦးနဲ့တစ်ဦး
ကြည့်မိလိုက်ပါတယ်။ အဲဒီအချိန်အထိ သူတို့နှစ်ဦးစလုံး သရဲခြောက်
ခံနေရတယ်လို့ သူတို့ကိုယ် သူတို့ မထင်သေးပါဘူး။

သူတို့နေထိုင်ရာ အခန်းရှေ့ရှိ ပထမ သံတခါးမှာ ခတ်ထားတဲ့ သော့
ခလောက်ကို ဖွင့်ရင်း အထဲကို အ၀င်မှာ သော့ခလောက်အိမ်က ကြမ်းပြင်
ပေါ် ပြုတ်ကျသွားပါတယ်။ အိမ်ရှင်ဆရာဝန်ဖြစ်သူက ပြုတ်ကျသွားတဲ့
သော့ခလောက်အိမ်ကို ကုန်းကောက်လိုက်ချိန်မှာ နံဘေးက ဧည့်သည်
သူငယ်ချင်းဖြစ်သူက …
“ဟိုနား ပုန်းနကွယ်ကနေ လူနှစ်ယောက် ခေါင်းလေးတွေ ထွက်ပြီး
ပြူးတစ် ပြူးတစ်နဲ့ ငါတို့ကို ကြည့်နေတယ်ကွ …”
လို့ ပြောပါတယ်။
အိမ်ရှင်ဆရာဝန်က လှမ်းကြည့်တော့ ဘာမျှ မတွေ့ရပါဘူး။
သော့ခလောက်ပြုတ်ကျသံ၊ သံတခါး ဖွင့်သံတွေကြောင့် အိမ်ထဲက
မိသားစုလည်း အတွင်း သစ်သားတံခါးကို ဖွင့်လာပါတယ်။ ဧည့်သည်
ဖြစ်သူက အိမ်ထဲက ထွက်လာတဲ့ မိသားစုကို ဒီတိုက်မှာ အခြား
မြန်မာ အလုပ်သမားတွေ စုပေါင်းနေထိုင်တဲ့ အခန်းများ ရှိသလား
လို့ မေးမြန်းစပ်စုရင်း အခန်းထဲကို ၀င်ခဲ့ကြပါတယ်။


(ဆက်ရန်။)

Jan 10, 2010

လမ်းကြား သရဲ (၂)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်တတ်
သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ မဖတ်ရူရန်
မေတ္တာ ရပ်ခံအပ်ပါသည်။)

ယခင် အပိုင်း(၁)မှ အဆက် ....

အသတ်ခံရတဲ့ အလုပ်သမား မိသားစုဟာ မြန်မာနိုင်ငံအောက်ပိုင်းက
ကျေးရွာလေးတစ်ခုကပါ။ ဇနီးသည်နဲ့ သားသမီးငယ်သုံးဦး တို့ဟာ
အဲဒီသတင်းကို ချက်ချင်း မသိရှိခဲ့ကြပါဘူး။ သေဆုံးသွားသူရဲ့ ကလေး
ငယ်များဟာ ညစဉ်လိုလို အိမ်မက်ဆိုးတွေ မက်ခဲ့ကြပါတယ်။ သူတို့
ရဲ့ ဖခင်ဖြစ်သူဟာ ကစားစရာ မော်တော်ကားလေး တစ်ခုကို လက်
တစ်ဖက်မှာ ကိုင်ဆောင်ထားသလို အခြားလက်တစ်ဖက်မှာလည်း
အသားဖြူဖြူ ကလေးငယ်တစ်ဦး လက်ဆွဲပြီး သူတို့အိမ် အပေါက်ဝ
မှာ မျက်နှာငယ်ငယ်နဲ့ ရောက်လာတယ်လို့ အိမ်မက် မက်ကြပါတယ်။
အသတ်ခံရသူဟာ နှစ်လ တစ်ကြိမ် အိမ်ကို ပိုက်ဆံပို့တဲ့ အခါတိုင်း
သူ့မိသားစုထံ ဖုန်းဆက်လေ့ ရှိပါတယ်။ ကျန်ရစ်သူ မိသားစုလည်း
လကုန်ရင် တယ်လီဖုန်းဆက်မလားလို့ စောင့်မျှော် နေခဲ့ကြပါတယ်။

လူသတ်မှုကို ကျူးလွန်ခဲ့တဲ့ အလုပ်သမားတွေလည်း အဲဒီကိစ္စကို
ညီညွတ်စွာနဲ့ တိုးတိုးတိတ်တိတ်ပဲ နေခဲ့ကြပါတယ်။ ဒီလိုနဲ့ လူသတ်မှု
ဖြစ်ပွားပြီး နှစ်ပတ် သုံးပတ်လောက် ကြာတော့ သူတို့ ဌားရမ်း
နေထိုင်ရာ အဲဒီအဆောက်အဦးမှာ သတင်းတွေ ထွက်ပေါ်လာပါ
တယ်။ တိုက်တစ်ခုလုံးမှာ နေထိုင်သူ အများစုက ဒေသခံ တရုတ်
လူမျိုးတွေ ဖြစ်ပါတယ်။ ညဖက် အမှိုက်ထုပ်သွားပြစ်သူတွေကို သရဲ
ခြောက်ခံရတဲ့ သတင်းဟာ တဖြေးဖြေးချင်း လူပြော များလာပါတယ်။

လူသတ်မှုကို ကျူးလွန်ခဲ့တဲ့ အလုပ်သမားတွေထဲမှာ အသတ်ခံရတဲ့
အလုပ်သမားနဲ့ တရွာတည်း အတူတူ အလုပ်လာလုပ်သော အလုပ်
သမား တစ်ယောက်ရှိပါတယ်။ ထိုသူလည်း ညစဉ် အိမ်မက်ဆိုးတွေ
မက်ခဲ့ပါတယ်။ ညစဉ် အိမ်မက်ထဲမှာ အသတ်ခံရတဲ့ အလုပ်သမားက
သူ့ အတွက် ဘာသာရေးဆိုင်ရာ အမျှအတန်းပေးဝေဖို့ လာပြောတယ်
လို့ ဆိုပါတယ်။ ပြီးတော့ ကျန်ရစ်ခဲ့တဲ့ သူ့ပစ္စည်းတွေနဲ့ ပိုက်ဆံအချို့
ကို သူ့မိသားစုထံ ပို့ပေးဖို့လည်း အိမ်မက်ထဲမှာ လာလာပြောတယ်
လို့ ဆိုပါတယ်။ ဒါနဲ့ ကျန်တဲ့ အလုပ်သမားတွေလည်း သူတို့ သတ်လိုက်
တဲ့ အလုပ်သမားမိသားစုကို သနားပြီး ကျန်ရစ်ခဲ့တဲ့ သူ့မိသားစုထံ
နှစ်လ တစ်ကြိမ် စုပေါင်းပြီး ပိုက်ဆံ ပို့ဖို့ ဆုံးဖြတ်ခဲ့ကြပါတယ်။

အသတ်ခံရသူရဲ့ ရုပ်အလောင်းကို တစ စီ ခုတ်ထစ်ပြီး လွှတ်ပြစ်ခဲ့
တဲ့ အမှိုက်ပြစ်ရာ လမ်းကြားက သူတို့ နေထိုင်ရာ အလွှာမှာ နှစ်ဖက်
ရှိပါတယ်။ တိုက်ရဲ့ ဘေးအစွန်းနှစ်ဖက်မှာ အပေါ်ထပ်ကို တက်ရောက်
နိုင်တဲ့ လှေကားတွေ ရှိပါတယ်။ အမှိုက်ပြစ်တဲ့ လမ်းကြားဟာ လှေကား
နဲ့ ကပ်လျှက်မှာ ရှိပါတယ်။ သူတို့နေထိုင်ရာ အလွှာက နေထိုင်သူ
တွေ ညဖက်ဆိုရင် ဘယ်သူမျှ အမှိုက် သွားမပြစ်ရဲပါဘူး။ အဲဒီလှေကား
နံဘေးကို ညဖက်တွေမှာ ဘယ်သူမျှ မသွားရဲပါဘူး၊ အခြားအစွန်း
တစ်ဖက်မှာရှိတဲ့ လှေကားနဲ့ အမှိုက်ပြစ်တဲ့ လမ်းကြားကိုပဲ အသုံးပြု
ကြပါတယ်။ အဲဒီလမ်းကြားနဲ့ ကပ်လျှက် အခန်းက လူတွေကတော့
ညဖက်တွေမှာ လမ်းလျှောက်သံတွေ ကြားရတယ်၊ လူတစ်ယောက်
ဒေါသထွက်ပြီး “တောက်” ခေါက်လိုက်တဲ့ အသံ၊ ၀မ်းနည်းစွာနဲ့
ရှိုက်ကြီးတငင်ငင် ငိုကြွေးသံတွေ ကြားရတယ်လို့ ဆိုပါတယ်။

တိုက်မှာ နေထိုင်တဲ့ တရုတ်မိသားစုတွေက သရဲခြောက်တယ်လို့
နာမည်ထွက်လာတဲ့ အမှိုက်သွားပြစ်ရာ လမ်းကြားကို ပထမတော့
စာရွက်တွေ သွားကပ်ပါတယ်။ အဲဒီစာရွက်တွေက တရုတ်ဘုံကျောင်း
တွေမှာ ပေးဝေတဲ့ ဘာသာရေးစာ ရေးသားထားတဲ့ စာရွက်တွေပါ။
ဒါပေမဲ့ သရဲခြောက်တဲ့ ပြဿနာက ပြေလည် မသွားပါဘူး။ လူသတ်မှု
ကို ကျူးလွန်ခဲ့တဲ့ အလုပ်သမားတွေလည်း နောက် လေး …ငါးလ
အကြာလောက်မှ အဲဒီတိုက်ကနေ အခြားတစ်နေရာကို ပြောင်းရွှေ့
သွားပါတယ်။ သူတို့ လူသတ်မှု ဖြစ်ပွားပြီး တစ်နှစ်ကျော်ကျော် အကြာ
မှာ အသတ်ခံရသူရဲ့ မိသားစုထံကို လုပ်ငန်းခွင်မှာ မတော်တဆ
ဖြစ်ပြီး ကွယ်လွန်သွားကြောင်း အကြောင်းကြားခဲ့ပါတယ်။ မြန်မာပြည်
က မိသားစုလည်း ဘုမသိ ဘာမသိနဲ့ သူများပြောတာကို ယုံပြီး
လက်ခံလိုက်ရပါတယ်။ ရေခြားမြေခြားမှာ တရားမ၀င် နေထိုင်ပြီး
အလုပ်လုပ်နေရတဲ့ အလုပ်သမားတစ်ယောက်ရဲ့ သေဆုံးမှုမှာ
အလောင်းကို ပြန်သယ်ဆောင်ဖို့ဆိုတာ ခက်ခဲမှာပဲလို့ ကျန်ရစ်သူ
မိသားစုက မှတ်ယူခဲ့ပါတယ်။

သရဲခြောက်တဲ့ ဇာတ်လမ်းက မပြီးဆုံးခဲ့ပါ။ သရဲခြောက်တယ်လို့
နာမည်းကြီးနေတဲ့ အဲဒီတိုက်ကြီးကို လွန်ခဲ့တဲ့ နှစ်အနည်းငယ်က
တရားဝင်နေထိုင်ပြီး အလုပ် လုပ်ကိုင်ဖို့ မြန်မာပြည်က မိသားစု
တစ်စု ပြောင်းရွေ့လာပါတယ်။


(ဆက်ရန်။)


Jan 7, 2010

လမ်းကြား သရဲ (၁)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်တတ်
သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ မဖတ်ရူရန်
မေတ္တာ ရပ်ခံအပ်ပါသည်။)

လွန်ခဲ့တဲ့ (၁၅)နှစ်လောက်က အရှေ့တောင်အာရှရဲ့ အတိုးတက်ဆုံး
နိုင်ငံတစ်ခု၏ မြို့တော်ကြီးအစွန်းအဖျားက တရုတ်သင်္ချိုင်းကုန်းမှာ
တရားမ၀င် နေထိုင်ပြီး အလုပ်လုပ်ကြတဲ့ မြန်မာနိုင်ငံမှ တိုင်းရင်းသား
အလုပ်သမားအုပ်စု တစ်အုပ်စု ရှိခဲ့ဖူးပါတယ်။ သူတို့က တရုတ်သင်္ချိုင်းရှိ
အုတ်ဂူတွေ ဆေးသုတ်တာတို့၊ မြက်ခင်းတွေ ပြုပြင်တာတို့၊ ပန်းပင်တွေ
အလှအပ မွမ်းမံတာတို့ လုပ်ရပါတယ်။

တနေ့ကျတော့ အလုပ်သမားတစ်ယောက်က တရုတ်သင်္ချိုင်းရှိ အုတ်ဂူ
တစ်ခုရဲ့ အပေါ်မှာ ကလေး ကစားစရာပစ္စည်း ခပ်ကြီးကြီးတစ်ခုကို
တွေ့ရလို့ အခန်းကို သယ်သွားပါတယ်။ နောက် သုံး … လေးရက် ကြာ
တော့ အုတ်ဂူနဲ့ ပက်သက်တဲ့ ကျန်ရစ်သူ တရုတ်မိသားစု ရောက်လာပြီး
ကွယ်လွန်သွားတဲ့ သူတို့သားလေး အုတ်ဂူပေါ်မှာ အမှတ်တရ တင်ထား
တဲ့ ကစားစရာ မော်တော်ကားလေး ပျောက်သွားကြောင်း တရုတ်သင်္ချိုင်း
ကို ပြုပြင်ရေး ကန်ထရိုက်ဆွဲထားတဲ့ တရုတ်သူဋ္ဌေးကို တိုင်ကြားပါတော့
တယ်။ ဒါနဲ့ တရုတ်သူဋ္ဌေးလည်း ဒေါပွပြီး မြန်မာအလုပ်သမား အားလုံးကို
နှစ်ပတ်တိတိ အလုပ်မဆင်းဖို့ အပြစ်ပေးပါတော့တယ်။

နှစ်ပတ်တိတိ အလုပ်ပြုတ်နေတဲ့ အလုပ်သမားတွေလည်း အလုပ်
ပြန် မဆင်းရခင် စပ်ကြား သူတို့ နေထိုင်ရာ အခန်းထဲမှာ နေ့တိုင်း
လိုလို သောက်ပွဲစားပွဲလေးတွေ လုပ်ပြီး နေခဲ့ကြပါတယ်။ အခန်းရဲ့
ပြင်ပ ဆိုလို့ တိုက်နံဘေးက စတိုးဆိုင်လောက်ပဲ သူတို့ သွားရဲ
ပါတယ်။ သူတို့ အားလုံးက အဲဒီနိုင်ငံမှာ တရားမ၀င် နေထိုင်ပြီး အလုပ်
လုပ်စားနေရတဲ့ ဘ၀တွေပါ။

အခန်းတံခါး ပိတ်ပြီး အခန်းထဲမှာ အရက် စုသောက်ကြတဲ့ အလုပ်သမား
တွေထဲမှာ အရက်နည်းနည်းလောက် သောက်ပြီးရင် သွေးဆူတတ်တဲ့
အလုပ်သမား တစ်ယောက် ရှိပါတယ်။ ထိုသူက အလုပ်သမားအားလုံး
နှစ်ပတ်တိတိ အလုပ်ပြုတ်ရတဲ့ တရားခံ အလုပ်သမားပါ။ တရုတ်သင်္ချိုင်း
ကလေးအုတ်ဂူပေါ်က ကစားစရာ မော်တော်ကားလေး ကို ယူလာတာ
လည်း သူပါပဲ။ အလုပ်ခဏ ပြုတ်လို့ အရက်သောက်လိုက် တီဗွီကြည့်
လိုက်လုပ်နေကြတဲ့ ညတညမှာ ကလေး ကစားစရာကို သင်္ချိုင်းက ယူလာ
တဲ့ အလုပ်သမားက အရက်သောက်ပြီး အရက်ဝိုင်းနံဘေးမှာ အိပ်ပျော်သွား
ပါတယ်။ အရက်သောက်နေကြတဲ့ အလုပ်သမားတွေဟာ အရက်သောက်
နေရင်း စကားသံကို ကျယ်ကျယ် မပြောရဲပါဘူး။ နံဘေးအခန်းတွေက
သူတို့ရဲ့ ဆူညံမှုကို ရဲစခန်းဆီ ဖုန်းဆက် တိုင်ကြားရင် သူတို့အားလုံး
တရားမ၀င် အလုပ်သမားဖြစ်နေတာကို ရဲက သိသွားမှာ စိုးလို့ပါ။

ဒီလိုနဲ့ နည်းနည်း ညဥ့်နက်လာချိန်မှာ အရက်ဝိုင်းနံဘေး အိပ်ပျော်နေတဲ့
အလုပ်သမားက နိုးလာပါတယ်။ ပြီးတော့ အိပ်ချင်မူးတူးနဲ့ အရက်တွေ
ကို တစ်ခွက်ပြီး တစ်ခွက် ယူသောက်ပါတယ်။ ထို့နောက် အရက်ဝိုင်း
ထဲက အခြားအလုပ်သမားတွေကို စကားသံ ဗလုံဗထွေးနဲ့ ယစ်ပါတော့
တယ်။ အဲဒါနဲ့လည်း မပြီးသေးပါဘူး၊ အိပ်ခန်းထဲက အိပ်ပျော်နေတဲ့
သူတွေကို ဇွတ်အတင်းနိုးပြီး ယစ်ပါသေးတယ်။ ပထမတော့ အားလုံးက
သူ့ကို မူးပြီး မယစ်ဖို့ ၀ိုင်းပြီး တောင်းပန်ကြပါတယ်။ ဘယ်လိုလိုပြောပြော
ပြောလို့ မရခဲ့ပါဘူး။ အမူးလွန်နေတဲ့ သူက နောက်ဆုံးမှာ နောက်ဖေး
မီးဖိုချောင်ထဲက အသားလှီး ဓါးကို ယူပြီး အားလုံးကို ခုတ်မယ် ထစ်မယ်
တကဲကဲ လုပ်ပါတော့တယ်။ အသံတွေဟာ တစထက်တစ ပိုဆူညံလာပြီး
ထိန်းမရအောင် ဖြစ်လာပါတယ်။ ဒီလိုနဲ့ နောက်ဆုံးမှာ အဲဒီအခန်းထဲက
အလုပ်သမားအားလုံး ဆုံးဖြတ်ချက်တစ်ခုကို ချမှတ်လိုက်ပါတယ်။

မူးပြီး ယစ်နေတဲ့ အလုပ်သမားကို သတ်ပြစ်လိုက်ပါတယ်။ သေသူရဲ့
ခန္ဓာကိုယ်ကို အပိုင်းပိုင်းဖြစ်အောင် ခုတ်ထစ်ကြပါတယ်။ အဲဒီလို အပိုင်းပိုင်း
ဖြစ်အောင် ခုတ်ထစ်တဲ့ နေရာမှာ အခန်းရဲ့ ကြမ်းပြင်ပေါ်မှာ တင်ပြီး ခုတ်ထစ်
ရင် ဓါးမ’ကြောင့် ခုတ်သံတွေ ထွက်ပေါ်လာလို့ အောက်ခန်းက လူတွေ
သိသွားမှာကို သူတို့ စိုးရိမ်းကြပါတယ်။ ဒါကြောင့် လူသေအလောင်းကို
ဟိုဖက်တစ်ယောက် ဒီဖက်တစ်ယောက် အမြင့်မှာ မြှောက်ပြီး ခုတ်ထစ်
ကြပါတယ်။ အဲဒီနောက် ခန္ဓာကိုယ် အစိတ်အပိုင်းတွေကို အမှိုက်ပြစ်ရာ
အသုံးပြုတဲ့ အိတ်အမဲရောင်တွေနဲ့ နှစ်ထပ် သုံးထပ် သေသေချာချာ ထုတ်ပိုး
ပါတယ်။ မနက် မိုးမလင်းခင် ဝေလီဝေလင်းမှာ လူသေအစိတ်အပိုင်းများ
ထည့်ထားတဲ့ အိတ်အမဲတွေကို သူတို့ နေထိုင်ရာ တိုက်အမြင့်ကြီး၏
အမှိုက်ပြစ်ရာတွင် အသုံးပြုသော *ဂလိုင်ပေါက်မှတဆင့် ပြစ်ချ ခဲ့ကြ
ပါတယ်။
(*ဂလိုင်ပေါက်= ကန်ထရိုက်တိုက်အပေါ်ထပ်တွင် နေထိုင်သူများ
အနေဖြင့် အမှိုက်ထုပ်များကို စွန့်ပြစ်ရာတွင် တိုက်အောက်ခြေသို့
ဆင်းစရာ မလိုပဲ အလွှာတိုင်းတွင် ရှိသော အမှိုက်ပြစ်နိုင်သည့်
အပေါက်တစ်ခု။)

(ဆက်ရန်။)

Jan 5, 2010

မိုးပြာဂိုဏ်း



ထိုအဖွဲ့၏ လှုပ်ရှားပုံမှာ သိုသိပ်ကြပါသည်။ မြန်မာနိုင်ငံတွင် ပြန့်ပွါးနေ
သော မြို့ကြီးများမှာ ရန်ကုန်၊ မန္တလေး၊ ကချင်ပြည်နယ်၊ မြစ်ကြီးနား၊
မိုးညင်း၊ မိုးကောင်း၊ ပဲခူတိုင်း တောင်ငူ၊ ပြည် စသည်တို့တွင် အများ
အပြား ပြန့်နှံ့နေပါသည်။

ပစ္စုပ္ပန်ကမ္မ၀ါဒီဘက် အဓိက ဂိုဏ်းခေါင်းဆောင်

၁။ ပစ္စုပ္ပန်ကမ္မ၀ါဒ ဗုဒ္ဓဘာသာပုရုသျှ (ဘုရား)၊
ခေါင်းဆောင်ကြီး (ခ)သျှင်မိုးပြာ (ခ) ရှင်မိုးပြာ (ခ) အရှင်ဥာဏ (ခ) ရှင်ဥာဏ
(ခ) ဥာဏ (ခ) ဓမ္မ၀ိဟာရီ (ခ)ဓမ္မ၀ိဟာရီ အရှင်ဥာဏ (ခ) ဓမ္မ၀ိဟာရီ ရှင်ဥာဏ
(ခ) ဓမ္မ၀ိဟာရီ ဥာဏ (ခ)ဓမ္မ၀ိဟာရီ ရှင်မိုးပြာ (ခ) ဘကြီး ၀ိဟာရီ (ခ) အနုပါဒါ
(ခ) ဗောဓိဥာဏ (ခ)မောင်ဥာဏ်ထက်

၎င်း အမည်များသည် ဂိုဏ်းခေါင်းဆောင်ကြီး တဦးတည်းသာ ဖြစ်ပါသည်။

-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ်
(၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ
ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။


၂။ ဓမ္မ၀ိဟာရီ ရှင်ဂုဏ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊
မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ
ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၃။ ဓမ္မ၀ိဟာရီ ရှင်ဇဋိလ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊
မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ
ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၎။ ဓမ္မ၀ိဟာရီ ရှင်နာဂ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊
မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ
ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၅။ ဓမ္မ၀ိဟာရီ ဒေါ်သီလနန္ဒီ
-ရန်ကုန်မြို့ မြောက်ဥက္ကလာပ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊
မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ
ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။
(ဤငါးဦးတို့သည် မူလဖြစ်သူများ၊ ဂိုဏ်းထောင်သူများ ဖြစ်ကြပါသည်)

ဆက်လက်လေ့လာရန် လင့်ခ်များ-
http://dhammaanalysis.multiply.com/reviews/item/24
http://www.sbay-student.org/2009/11/blog-post_27.html

လီရနာ၊ ဂင်္ဂါ၊ ဧရာဝတီ (၁၆)

16

Jan 3, 2010

သခင်ကိုယ်တော်မှိုင်း၏ စာပေစာရင်း

မြန်မာနိုင်ငံတစ်ခုလုံးရဲ့ လွတ်လပ်ရေး၊ တိုင်းတပါး၏ ကိုလိုနီ
လက်အောက်ခံအဖြစ်မှ လွတ်မြောက်ရေးအတွက် ဦးဆောင်
တိုက်ပွဲ ၀င်ခဲ့သော ဆရာကြီး သခင်ကိုယ်တော်မှိုင်း ရေးသား
ပြုစုခဲ့သည့် စာအုပ်စာတမ်းများ၏ မှတ်တမ်းစာရင်း ဖြစ်ပါတယ်။

အမေရိကန် ပြည်ထောင်စုမှ ကိုအောင်စောဦးတို့ ထုတ်ဝေဖြန့်ချီ
ခဲ့သော ဒေါက်တာ သခင်ကိုယ်တော်မှိုင်း (၁၈၇၆- ၂၀၀၆) နှစ်
(၁၃၀) ပြည့် အထူးထုတ်မှ ထပ်ဆင့်ကူးယူ ဖော်ပြပါတယ်။ မိတ္တူ
ကို စကန် ပြန်ဖတ်ထားသောကြောင့် ဖတ်ရူရာတွင် မကြည်မလင်
ရှိခဲ့ပါက ခွင့်လွှတ်ကြပါ။

-ဤနေရာမှာ ဒေါင်းလုပ်ရယူနိုင်ပါတယ်။

thakhinkotaw

Jan 2, 2010

လမ်းသရဲဂိုဏ်း ယဉ်ကျေးမှုကို လက်ခံလိုက်ပြီလား!

ရေးသူ- စစ်ငြိမ်းဒီရေ



ဒါရိုက်တာ မောင်မျိုးမင်း ရိုက်ကူးသော “ဒိန်းဂျား” ဗွီဒီယိုဇာတ်လမ်း
ကို “မေနှင်းအေး” စာမျက်နှာမှာ အခမဲ့ကြည့်လို့ ရပါတယ်။
ဇာတ်လမ်းထဲက ဇာတ်ဝင်ခန်း တစ်ခုမှာ သရုပ်ဆောင် တစ်ဦးဖြစ်တဲ့
အေးဝတ်ရည်သောင်းက …
“ဒီနေရာမှာ နင့်ကို လက်အုပ်ချီပြီး တောင်းပန်မဲ့လူ မရှိဘူး၊ ပါးရိုက်မယ့်
လူတွေကြည့်ပဲ”
လို့ ပြောပါတယ်။

ဇာတ်ဝင်ခန်း အတော်များများရဲ့ စကားလုံး အသုံးအနှုန်းတွေဟာ
ဆန်းသစ်လာတယ်လို့ ပြောရမလား၊ ခေတ်မှီတယ်ပဲ ပြောရမလား၊
ရိုင်းတယ်ပဲ ပြောရမလား တော်တော်လေးကို ထူးခြားတဲ့ အသုံးအနှုန်း
တွေပါ။ ကလပ်ထဲက ဘိလိယက်ခုံမှာ ကားတစ်စီးကြေး စနူကာထိုး
တာကလည်း ဇာတ်လမ်းကို ကြည့်ရူနေမယ့် လူငယ်တွေ သွားရည် ယို
လောက်ပါတယ်။

အချစ်၊ မိဘနဲ့ သားသမီးကြားက မေတ္တာတရား၊ မူးယစ်ဆေးဝါးသုံးစွဲမှု၊
လေလွင့်ပျက်စီးမှု၊ အုပ်စုလိုက် ရမ်းကားမှုတွေ ပြည့်နှက်နေတဲ့ ဇာတ်လမ်း
တစ်ခုလုံးမှာ အစိုးရ ဥပဒေ ၀န်ထမ်း “ရဲ” ဆိုလို့ တစ်ယောက်တစ်လေတောင်
မမြင်လိုက်ရပါဘူး။ Free Fire Zone ထဲ ရောက်များ ရောက်နေကြသလား။
ဇာတ်လမ်းရဲ့ နောက်ဆုံးမှာ အချစ်နဲ့ ဂလဲ့စား ချေဖို့ လူနေရပ်ကွက်ထဲက
(မြို့ပြင် မဟုတ်၊ မြို့ထဲမှာ) အိမ် တစ်အိမ်ထဲကို အုပ်စုလိုက် ဇွတ်အတင်း
ဝင်ရောက် သောင်းကျန်း ကြပါတယ်။ အိမ်နီနားချင် ပတ်ဝန်းကျင်က လူတွေ
ဆွံ့အ နားမကြားတွေလား မပြောတတ်ပါ။

ဇာတ်လမ်းအဆုံးမှာ တချိန်က “နှင်းဆီဝိုင်” ဇာတ်လမ်းကြောင့် ကျောင်းသား
ကျောင်းသူအမြောက်အများရဲ့ ထောက်ခံအားပေးမှုကို ရရှိခဲ့တဲ့ ဒါရိုက်တာ
မောင်မျိုးမင်း တစ်ယောက် လမ်းသရဲဂိုဏ်း ယဉ်ကျေးမှုကို လုံးဝလက်ခံ
လိုက်ပြီလားလို့ မေးရမလို့ ဖြစ်မိပါတယ်။

အဆိုတော် မျိုးကျော့မြိုင်နဲ့ နီးစပ်တဲ့ “ကောင်းမြတ်” တို့ အုပ်စု လွန်ခဲ့တဲ့
(၁၀)နှစ် ကျော်က ရန်ကုန်မြို့ရဲ့ နာမည်ကြီး ကလပ်တစ်ခုမှာ မူးယစ် ရမ်းကား
ပြီး ကလပ်ကို လာတဲ့ ကားအစီးရေ (၅၀) နီးပါး၏ ကားမှန်တွေ ရိုက်ခွဲခဲ့တာ
ကို ဒါရိုက်တာ မောင်မျိုးမင်း အပါအ၀င် လူတော်တော်များများ သိကြမှာပါ။
ဒါတွေဟာ ခေတ်လူငယ်တွေအတွက် အတုခိုးစရာတွေ မဖြစ်သင့်ပါဘူး၊
မိဘအရှိန်အ၀ါနဲ့ ဥပဒေကို သောက်ဂရု မစိုက်ဘူးဆိုတဲ့ သဘောတွေပါ။
ဒါမျိုးတွေကို ရှုံ့ချတဲ့ ပညာပေး ဇာတ်လမ်းတွေရော ရိုက်ကူးဖို့ အစီအစဉ်
လေး ဘာလေး လုပ်ပါအုံး။

ဥပမာ … မ.ဆ.လ ခေတ်က ကျော်ဟိန်းတို့ “စိန်ဂေါ်လီ” ဂိုဏ်းကို အဲဒီ
ခေတ်က ကုန်းမြင့်သာယာမှာ တွဲဖက်အထွေထွေအတွင်းရေးမှူးတာဝန်
ကို ထမ်းဆောင်ခဲ့တဲ့ ဗိုလ်မှူးကြီး တင်ဝင်းညို နူတ်မိန့်နဲ့ နှိပ်ကွပ်ခဲ့ပါတယ်။
ရပ်ကွက်အလိုက် “လမ်းသရဲဂိုဏ်း” ၀င်တွေကို ရိုက်သတ်ရင် တရားဥပဒေ
အရ လုံးဝ အရေးမယူဘူး ဆိုတာမျိုးပါ။

လူငယ်တွေ အုပ်စုလိုက် နိုင်ငံရေးက လွှဲရင် ကြိုက်တာလုပ်၊ လမ်းသရဲ
ဂိုဏ်းပဲ ဖွဲ့မလား၊ မူးယစ်ဆေးဝါးနဲ့ လောင်းကစားတွေပဲ လုပ်မလား
ဆိုတဲ့ အမှောင်ကျနေတဲ့ ခေတ်တစ်ခေတ်ကို အနုပညာနဲ့ အလင်းရောင်
ပေးနိုင်ကြပါစေ။