Dec 30, 2009

၂၀၁၀ …



ဂျေးနီ ဆိုသလို
“ကျွန်မကိုချစ်တာ ဘယ်သူတဲ့လဲ” လို့
လိုက်ဆိုနေတုန်း
ရောက်မှန်းမသိ ရောက်ခဲ့ပါပြီ ၂၀၁၀ …။

မိုးပြာရောင် ဂိုဏ်းအကြောင်း
နတ်မှီတောရထံ သွားလျှောက်မလို့
ဖိနပ်စီးနေတုန်း
ရောက်မှန်းမသိ ရောက်ခဲ့ပါပြီ ၂၀၁၀ …။

တန့်ကြည်တောင်ပေါ်က
မျက်စိမှိတ်ပြီး ပြေးနေသူတွေ
ပန်းတိုင် မတွေ့ခင်
ရောက်မှန်းမသိ ရောက်ခဲ့ပါပြီ ၂၀၁၀ …။

ဖိုးသူတော်နဲ့ ဂဏန်း ပုံပြင်ထဲမှာလို
ရေနွေးအိုးပေါ်က တုတ်တန်းတလျှောက်
နှစ်ခေါက်ပြန်လျှောက်ဖို့
ရောက်မှန်းမသိ ရောက်ခဲ့ပါပြီ ၂၀၁၀ …။

နံရံအားလုံး ၀ါးတာလား
မြစ်တွေအားလုံး ခါးတာလား
ငါကိုယ်တိုင်ပဲ မှားတာလား
ရောက်မှန်းမသိ ရောက်ခဲ့ပါပြီ ၂၀၁၀ …။ ။


-စစ်ငြိမ်းဒီရေ


*မိုးပြာရောင်ဂိုဏ်း= ယခုလက်ရှိ အထက်မြန်မာပြည်တွင် နာမည်ကြီး
လာသော မိုးပြာရောင် ၀တ်စုံများ ၀တ်ဆင်သည့် ဘာသာရေးဂိုဏ်း။
*နတ်မှီတောရ= သျှင်ဥက္ကဋ္ဌ၏ တောင်တွင်းကြီး နတ်မှီတောရ။
*တန့်ကြည်တောင်ပေါ်က မျက်စိမှိတ်ပြီး ပြေးနေသူတွေ=
“တန့်ကြည်တောင် ဆရာတော်၏ အမှား” စာအုပ်ကို ဖတ်ရူပါ။


Dec 28, 2009

True News ဂျာနယ် ၂-၂၀

True News ဂျာနယ် ၂-၂၀ ကို ဒီနေရာကနေ ဖတ်ရှုနိုင်ပါပြီ။
ဝေဖန်အကြံပြုသူများ၊ အမှားအယွင်းများကို ဂရုတစိုက်ထောက်ပြ
ပြောဆိုသူ အားလုံးကို အထူးကျေးဇူးတင်ရှိပါသည်။
လေးလေးစားစားဖြင့်
အောင်ကျော်မင်း

(အီးမေးလ်မှ တဆင့် လက်ခံရရှိမှုကို ထပ်ဆင့် မျှဝေပါသည်။)

Dec 22, 2009

ထုံးတမ်း



အနီကဒ်မပါတဲ့ ဖဲဝိုင်းတစ်ခုမှာ
ဂျိုကာသုံးကောင်နဲ့ မဒေါင်းခဲ့တဲ့ လူတွေ
ကိုယ့်အလောင်းကို ကိုယ်ကိုယ်တိုင်
ရောင်းစားခဲ့ကြတယ် …။ ။


-စစ်ငြိမ်းဒီရေ

အမှားပြင်ဆင်ချက် ....

ရေးသူ- စစ်ငြိမ်းဒီရေ

ပြည်တွင်းထုတ် (True News) သစ္စာသတင်း ဂျာနယ်ကို အင်တာနက်
ပေါ်တွင် (ဤနေရာ၌) အခမဲ့ ဖတ်ရူရသောကြောင့် ကျေးဇူးများစွာ
တင်ပါတယ် ခင်ဗျာ။

သို့သော် True News ဂျာနယ် ၂- ၁၉ ၏ စာမျက်နှာ (၃၀) တွင်
“ဂါဇာနယ်စပ်တွင် အီရန်က သံမဏိတံတိုင်းတစ်ခု တည်ဆောက်နေ”
ဟူသော သတင်းခေါင်းစဉ်သည် အောက်တွင် ဖော်ပြထားသော
သတင်းစာသားများနှင့် မကိုက်ညီပဲ မှားယွင်းနေပါတယ်။

ထို့ကြောင့် “အီရန်” အစား “အီဂျစ်” လို့ ပြင်ဆင် ဖတ်ရူသင့်ပါတယ်
ခင်ဗျာ။

Dec 21, 2009

အလင်းပျိုးမယ့် လက်များ

(အီးမေးလ်မှ တဆင့် လက်ခံရရှိသော ဓါတ်ပုံများ)











Dec 19, 2009

ရာသီဥတု ညီလာခံသို့ အပိုင်း(၂)

ရေးသူ- စစ်ငြိမ်းဒီရေ

ယခင် အပိုင်း(၁)မှ အဆက် ….

ကျနော်တို့ နှစ်ယောက် ဘတ်စ်ကားပေါ်မှာ နံဘေးချင်း ကပ်လျှက်
အတူတူ စီးနင်းလိုက်ပါ ခဲ့ကြပါတယ်။ တရုတ်လူမျိုးဖြစ်တဲ့ သူက အစိုးရ
NGO မှ ၀န်ထမ်းတစ်ဦး ဖြစ်တယ်လို့ ပြောပါတယ်။ ရာသီဥတု အပြောင်း
အလဲကြောင့် နေမကောင်းဖြစ်ပြီး ညီလာခံဆီသွားဖို့ နောက်ကျရကြောင်း
သူက ဆက်ပြောပါတယ်။ ကျနော့်ကို ဘာလူမျိုးလဲလို့ မေးတော့ … ကျနော်က
ဘားမိ့စ် (Burmese) လို့ ပြောပါတယ်။ အာရှတိုက်ကလားလို့ ထပ်မေးတော့
… ကျနော် မျက်လုံးပြူးပြီး သူ့ကို ကြည့်လိုက်ပါတယ်။

မင်းတို့တရုတ်ပြည်ရဲ့ တောက်ဖက်မှာ ရှိတဲ့ ဗမာပြည်ဆိုတာ မင်း မသိဘူး
လားလို့ ကျနော် ပြန်ပြောလိုက်တော့ … သူက ရယ်ပြီး … ငါတို့ တရုတ်
တွေက ဘားမား(Burma) ကို “မြန် ထီးရမ်” (သူ့ အသံထွက်ကို ကျနော်
မဖမ်းနိုင်ပါ) လို့ ခေါ်ဝေါ်ကြောင်း ပြောပါတယ်။ ဒီလိုနဲ့ မိနစ် (၂၀)လောက်
ကြာတော့ ဘတ်စ်ကားမောင်းတဲ့ ကားသမားက ရှေ့က မှတ်တိုင်အထိသာ
သွားလို့ရမှာ ဖြစ်ကြောင်း မိုက်ကရိုဖုန်းနဲ့ ကြေငြာပါတယ်။ ဘဲလာစင်တာ
ကို သွားချင်တဲ့ ဧည့်သည်တွေအနေနဲ့ ရှေ့မှတ်တိုင်ကနေ ကိုယ့်အစီအစဉ်
ဖြင့် လမ်းလျှောက်ပြီး သွားကြဖို့ ပြောပါတယ်။ ကျနော်အပါအ၀င်
ဘတ်စ်ကားပေါ်က ခရီးသည် (၂၀)ကျော်ခန့်ဟာ ဘတ်စ်ကား ပြန်လှည့်တဲ့
ကားမှတ်တိုင် တစ်ခုမှာ ဆင်းရပါတော့တယ်။

ကားပေါ်က ဆင်းဆင်းချင်း ကိုမြင့်ဝေနဲ့ ကိုမိုက်ကယ်တို့ထံ ကျနော်ဖုန်း
ခေါ်ပါတယ်။ သုံး .. လေးခါအထိ သူတို့ ဖုန်းမကိုင်ကြပါဘူး။ ကျနော့်
လက်ကိုင်ဖုန်းက ဘက်ထရီအား ကုန်တော့မဲ့ အချက်ပြ အသံ ထွက်လာ
ပါတယ်။ ကွိုင်ပဲ …။ နည်းနည်းလေး ကြာတော့ ကိုမိုက်ကယ်က ကျနော့်
ထံ ဖုန်းခေါ်လာပါတယ်။ အခြေအနေတွေ ရှုပ်ထွေးနေကြောင်း၊ ဆန္ဒပြသူ
တွေကို ရဲက လမ်းမတွေပေါ်ကနေ ဖြိုခွဲနေကြောင်း ပြောပြပါတယ်။ မြန်မာ့
အရေး ဆန္ဒပြသူတွေကတော့ ရဲပါမစ် ရယူထားကြောင်း၊ အခြားဆန္ဒပြသူ
တွေနဲ့ မရောထွေးပဲ ပြန်လည်ဆုတ်ခွာပြီး၊ တော်တော်ကြာမှ ပြန်လာကြဖို့
ရဲက မေတ္တာရပ်ခံကြောင်းပါ ပြောပါတယ်။ ကိုမိုက်ကယ်နဲ့ စကားပြောနေရင်
ကိုမြင့်ဝေပါ ကျနော့်ကို လှမ်းပြောပြနေပါတယ်။ Metro မီးရထား ဂုံးကျော်
တံတားနဲ့ ဘဲလာစင်တာတို့ ဆုံတဲ့ နေရာကို မှန်းပြီး လာခဲ့ဖို့ ပြောပါတယ်။



ကျနော်နဲ့ ခရီးသွားမိတ်ဆွေ တရုတ်လူငယ်တို့ စမ်းတ၀ါးဝါးဖြင့် ဘဲလာ
စင်တာဆီ သွားနိုင်မဲ့ လမ်းတွေကို ရှာကြည့်ကြပါတယ်။ ဘတ်စ်ကား
မှတ်တိုင်မှာ ရှိတဲ့ လမ်းညွန်မြေပုံ ဆိုင်းဘုတ်မှာ ရှာကြည့်ပါတယ်။ ကျနော်
တို့ ရောက်နေတဲ့ နေရာနဲ့ ဘဲလာစင်တာကြားမှာ သွားလို့ရမဲ့ လမ်းကို ရှာ
မတွေ့ပါဘူး။ မြေပုံထဲတွင် အဝေးပြေးလမ်းမကြီးကနေ ဘဲလာစင်တာကို
ဝင်လို့ ရကြောင်းပဲ ပြထားပါတယ်။ ကျနော်တို့နှစ်ယောက် စကား
တပြောပြောနဲ့ ရပ်ကွက် လမ်းကြားတစ်ခုထဲကို ၀င်ခဲ့ပါတယ်။ လမ်းကွေ့
တစ်ခုနား အရောက်မှာ လူငယ် (၃၀) ခန့်ကို ရုတ်တရက် တွေ့လိုက်
ရလို့ ကျနော်တို့နှစ်ယောက် ၀မ်းသာသွားပါတယ်။ သူတို့က ဘဲလာ
စင်တာ နံဘေး ဆန္ဒပြပွဲမှ ဆုတ်ခွာလာကြသူတွေ ဖြစ်ပါတယ်။ အဲဒီ
လူငယ်တွေက နိုင်ငံတော်တော် စုံပါတယ်။ အများစုဟာ စပိန်နိုင်ငံက
Environmental engineering ဘာသာရပ်ကို သင်ကြားနေတဲ့
တက္ကသိုလ်ကျောင်းသား ကျောင်းသူတွေပါ။ ပြင်သစ်၊ ချက်၊ ဟန်ဂေရီ
အစရှိတဲ့ နေရာမျိုးစုံက လာတဲ့ ကျောင်းသားတွေလည်း ပါဝင် ပါတယ်။
သူတို့ထဲရှိ ဆွီဒင်နိုင်ငံမှ လာတဲ့ ကျောင်းသူလေးတစ်ဦးက ကျနော်တို့
နှစ်ယောက်ကို ရာသီဥတု ထိန်းချုပ်ရေးနဲ့ ပက်သက်တဲ့ လက်ကမ်း
စာစောင်တွေ ပေးဝေပါတယ်။

အဲဒီလူငယ်တွေ အားလုံးနီးပါးဟာ ခေတ်ဆန်ဆန် ပုံစံတွေပါ။ ဆံပင်တွေ
ကို အရောင်မျိုးစုံ ဆိုးထားသလို နားမှာလည်း အပေါက်မျိုးစုံ ဖောက်ပြီး
ကွင်းမျိုးစုံ ချိတ်ဆွဲ ထားကြပါတယ်။ သို့ပေမဲ့ ကမ္ဘာ့ ရာသီဥတု ပြောင်းလဲ
မှုကြောင့် အခက်အခဲမျိုးစုံတွေ့ကြုံနေရတဲ့ ကမ္ဘာ့ပြည်သူတွေ အပေါ်
စာနာ သနားတတ်တဲ့ သူတို့ရဲ့ စိတ်ဓါတ်ကတော့ အင်မတန် ချီးကျူး
လေးစားစရာ ကောင်းလှပါတယ်။ အနောက်တိုင်း ယဉ်ကျေးမှုကို အတု
ခိုးပြီး ဆံပင်မှာ အရောင်မျိုးစုံ ဆိုးထားသူတွေ၊ နားမှာ အပေါက်မျိုးစုံ
ဖောက်ထားသူတွေကို ယခင်က ကျနော် တွေ့ဖူးပါတယ်။ သူတို့ရော
ဒီလူငယ်တွေလို ကမ္ဘာမြေကို ချစ်တတ်ကြပါသလား ….။

ကျနော်တို့ နှစ်ယောက် ရှေ့ကို ဆက်လျှောက် ခဲ့ကြပါတယ်။ ကျနော့်
နံဘေးက တရုတ်လူငယ်က … မင်း ဒီဒိန်းမတ်နိုင်ငံမှာ ကျောင်းလာ
တက်နေတာလား … သို့မဟုတ် မစ်ရှင်တစ်ခုက ၀န်ထမ်းလား တဲ့။
ငါ … UNHCR အစီအစဉ်နဲ့ ဒိန်းမတ်ကို ရောက်ခဲ့တာလို့ ကျနော်က
ပြောလိုက်တော့ … သူ့မျက်မှန်အောက်က သူ့မျက်လုံးတွေ နည်းနည်း
ပြူးသွားပါတယ်။ ဆက်ပြီးတော့ …
(တရုတ် NGO လူငယ်) မင်းတို့တိုင်းပြည်မှာ ၂၀၀၈ ခုနှစ်တုန်းက
နာဂစ်မုန်တိုင်းကြောင့် လူတွေ အများကြီး အသက်ဆုံးရှုံးခဲ့ရတယ်နော်။

(ကျနော်) ရာသီဥတု ပြောင်းလဲမှုအကြောင်း ငါ သိပ်မသိဘူး၊ နာဂစ်
မုန်တိုင်းကြောင့် ရေကြီးခဲ့တဲ့ ဧရာဝတီမြစ်ဝကျွန်းပေါ် ဒေသဟာ လက်ရှိ
စစ်အာဏာရှင်အစိုးရ မတိုင်ခင်တုန်းကဆို ဒီရေရောက် သစ်တောတွေ
အများကြီး ရှိခဲ့ဖူးတယ်။ စစ်အစိုးရက ပိုက်ဆံလိုချင်လို့ အဲဒီသစ်တောတွေ
ကို ခုတ်လှဲတယ်။ ပတ်ဝန်းကျင်မှာလည်း အိန္ဒိယနိုင်ငံ၊ တရုတ်နိုင်ငံတို့
လို စက်မှုဖွံ့ဖြိုးလာတဲ့ တိုင်းပြည်တွေက ထုတ်တဲ့ ကာဗွန်ဒိုင်အောက်ဆိုဒ်
ဓါတ်ငွေ့တွေ အများကြီး ငါတို့ တိုင်းပြည် အပေါ်က လေထုထဲမှာ ရှိနေ
မယ်လို့ ငါ ထင်တယ်။ မင်းတို့လို ပတ်ဝန်းကျင်မှာ ရှိတဲ့ တိုင်းပြည်တွေ
ကလည်း လူသား အရင်းအမြစ်အပေါ် အခြေခံပြီး စက်မှုလုပ်ငန်းတွေ
ထူထောင်ပြီး စက်ရုံတွေ တည်ဆောက်ကြတယ်။ ငါတို့ တိုင်းပြည်က
သောက်ရူး စစ်ဗိုလ်ချုပ်တွေကလည်း ပိုက်ဆံလိုချင်လို့ သစ်တောတွေ
ကို ခုတ်လှဲတယ်။ အဲဒီအကျိုးဆက်ကြောင့် အပြစ်မဲ့တဲ့ ငါတို့လူမျိုးတွေ
အများကြီး သေရတာ။

(တရုတ် NGO လူငယ်) ဒါဆို မင်း NGO လုပ်ငန်းကို လုပ်ပါလား …။

(ကျနော်) အဲဒီ NGO လုပ်ငန်းတွေ ကောင်းကောင်းမွန်မွန် ရပ်တည်
နိုင်ဖို့ နိုင်ငံရေး စနစ်တစ်ရပ် အရင် လိုတယ်လို့ ငါတော့ ထင်တယ်။

ဒီလိုနဲ့ ကျနော်တို့ နှစ်ယောက် ဟိုလမ်းကို ချိုးကွေ့ပြီး ၀င်လိုက်၊ ဟိုလမ်း
ကနေ ပြန်ထွက်လိုက်နဲ့ ဘဲလာစင်တာ ရှိရာဆီ သွားခဲ့ကြပါတယ်။
လမ်းထိပ်တစ်ခုကို အရောက်မှာ ကျနော့်နားထဲ လေထဲက ဆူဆူညံ့ညံ့
အသံတစ်ခုကို သတိထားမိလိုက်ပါတယ်။ ရဟတ်ယာဉ် တစ်စီးက လေထဲ
မှာ ရပ်ထားတဲ့ ပုံစံဖြစ်နေပြီး နောက်ထပ် ရဟတ်ယာဉ် နှစ်စီးက နံဘေးမှ
ဝဲနေတာကို တွေ့လိုက်ရပါတယ်။ ကျနော်တို့ရှေ့ မလှမ်းမကမ်းက လမ်းဆုံ
တနေရာမှာ စက်ဘီးနှစ်စီးနဲ့ ဒိန်းမတ်လူမျိုး အဖွားအို နှစ်ဦးကို တွေ့လိုက်
ရပါတယ်။ သူတို့ရဲ့ စက်ဘီးတွေပုံစံက ကလေးမွေးခါစ ကလေးမိဘတွေ
အများဆုံး အသုံးပြုကျတဲ့ စက်ဘီးပုံစံပါ။ ရှေ့မှာ ကလေးငယ်နှစ်ဦးခန့်
ဝင်ထိုင်ပြီး လိုက်ပါနိုင်တဲ့ ဘီးတပ် ရှေ့တွဲလေး တစ်ခု ရှိပါတယ်။ ဒီအဖွားအို
နှစ်ဦးက သူတို့ စက်ဘီးတွေရဲ့ အဲဒီ ရှေ့တွဲထဲမှာ ဆန္ဒပြသူတွေ ဗိုက်ဆာ
ရင် စားဖို့ အားလူးပြုပ်တွေ၊ ပေါင်မုန့်တွေ၊ ထောပတ်ဗူးငယ်တွေ၊ ကော်ဖီ
ဓါတ်ဗူးတွေ၊ တစ်ခါသုံး ကော်ဖီခွက်တွေ အစရှိတာတွေကို သယ်ဆောင်ပြီး
ဆန္ဒပြသမားတွေကို လိုက်လံရှာဖွေ အခမဲ့ ကျွေးမွေး ပြုစုသူတွေပါ။

အဖွားအို နှစ်ဦးစလုံးရဲ့ ဆံပင်တွေဟာ လုံးဝ ဖြူဖွေးနေပါပြီ။ ပါးရည်
တွေ တွန့်နေတဲ့ မျက်နှာပြင်ပေါ်မှာ သူတို့ရဲ့ ကြည်နူးဖွယ် အပြုံးတွေ
တွေ့နေရပါတယ်။ သူတို့ နှစ်ဦးစလုံးဟာ အသက်အရွယ်အားဖြင့်
(၇၀)ကျော်ခန့် ရှိသူတွေပါ။ ကျနော်တို့ အာရှတိုက်မှာ ဆိုရင် ဒီလို
အသက်အရွယ်ရှိသူတွေဟာ ဘာသာရေး နယ်ပယ်အနီးတ၀ိုက်မှာ
သာ အချိန်ပေးလေ့ ရှိပါတယ်။ ဒီအဖွားအိုတွေက ဘာသာရေးထက်
ကမ္ဘာ့ ရာသီဥတု ပိုမိုသာယာကောင်းမွန်ရေး ဆန္ဒပြသူတွေအပေါ်
ထားတဲ့ စေတနာဟာ တကယ့်ကို ဂုဏ်ယူ လေးစားစရာပါ။

(ဆက်ရန်။)

Dec 18, 2009

ရာသီဥတု ညီလာခံသို့ အပိုင်း(၁)

ရေးသူ- စစ်ငြိမ်းဒီရေ

အင်္ဂါနေ့ ညမှာ ရာသီဥတု အခြေအနေကို အင်တာနက်တွင်
ကြည့်လိုက်တော့ နှင်း ကျမယ်ဆိုတာလောက်ပဲ သိခဲ့ပါတယ်။
ဗုဒ္ဓဟူးနေ့ (၁၆.၁၂.၂၀၀၉) မနက် အိပ်ယာကထတော့ အိမ်အပြင်
မှာ တော်တော်လေး ဖွေးနေပါပြီ။ ကျနော်တို့မြို့ရှိ ဘူတာရုံကနေ
မနက်(၉)နာရီ ပတ်ဝန်းကျင် ရထားနဲ့ ကီလိုမီတာ (၂၅၀) ကျော်
ဝေးတဲ့ မြို့တော် ကိုပင်ဟေဂင်ဆီ ထွက်ခွာခဲ့ပါတယ်။



ကောလင်း (Kolding) ဘူတာရုံ ရောက်တော့ ဘယ်နိုင်ငံက လူငယ်
တွေလည်း မသိဘူး ကျနော်လိုက်ပါလာတဲ့ ရထားတွဲဆီ တက်ရောက်
လာပါတယ်။ ကောလင်းဘူတာဟာ ဂျာမဏီကနေ ဒိန်းမတ်နိုင်ငံထဲကို
ဝင်လာပြီးရင် မီးရထား လမ်းဆုံးရှိတဲ့ အကြီးဆုံးဘူတာတစ်ခုပါ။ ရထားတွဲ
ပေါ် တက်လာတဲ့ လူငယ်တွေရဲ့ မျက်လုံးဟာ စူးရှ တောက်ပနေပြီး
မိမိကိုယ်ကို မိမိ ယုံကြည်မှု အပြည့်အ၀ရှိမှုကို ဖော်ဆောင်နေပါတယ်။
သူတို့ ပြောနေတဲ့ စကားသံတွေထဲမှာ C.J.A ဆိုတဲ့ စကားလုံးကို ကြားနေ
ရပါတယ်။ သူတို့ပြောနေတဲ့ C.J.A ဆိုတာ ဘယ်လို အရာမျိုးပါလိမ့် ….။

ကျနော်နဲ့ မျက်နှာချင်းဆိုင်ထိုင်ခုံက အသက်ကြီးကြီး ဒိန်းမတ်လူမျိုး
အဖွားအိုတစ်ဦးနဲ့ စကားလက်ဆုံ ကျမိပါတယ်။ သူက ကိုပင်ဟေဂင်
မြို့မှာ နေထိုင်တဲ့ သူ့သမီးတွေဆီ အလည်သက်သက် ခရီးထွက်လာတာ
လို့ ပြောပါတယ်။ ခရစ်စမတ်ကာလကျော်ရင် နှစ်သစ်ကူးပွဲတော် အမှီ
သူနေထိုင်ရာ ကျနော်တို့မြို့ဆီ ပြန်လာမယ်လို့ ဆိုပါတယ်။ ပြီးတော့
ကျနော်ကို မေးပါတော့တယ်။ ဘယ်ကို သွားမလို့လဲတဲ့။ ကျနော်က
ပြောပါတယ် …. ကိုပင်ဟေဂင် … ဆီပေါ့။ အလည်သဘော ခရီးထွက်
လာတာလားလို့ ထပ်မေးတော့ ကျနော်ခေါင်းရမ်းပြလိုက်တယ်။ အဲဒီ
တော့ သူက … နင် ဘဲလာစင်တာ (Bella Center) ကိုသွားမလို့လား
… နင် C.J.A အဖွဲ့ဝင်လားတဲ့။

ဘဲလာစင်တာကို သွားမှာတော့ ဟုတ်ပါတယ်၊ ဒါပေမဲ့ C.J.A ဆိုတာ
ကျနော် မသိကြောင်း၊ ကမ္ဘာ့ရာသီဥတု ပြောင်းလဲမှုဆိုင်ရာ ထိန်းချုပ်ရေး
ညီလာခံကို လာတက်မဲ့ မြန်မာပြည်က ဦးဥာဏ်ဝင်း ဆိုသူကို ဆန္ဒပြချင်
လို့ သွားမှာ ဖြစ်ကြောင်း သူ့ကို အကြောင်းစုံ ရှင်းပြပါတယ်။ သို့ပေမဲ့
သူမေးတဲ့ C.J.A ကို ကျနော် လုံးဝ မသိကြောင်း ပြောလိုက်တော့ ဒိန်းမတ်
လူမျိုး အဖွားအိုက ဟက်ဟက်ပက်ပက် ရယ်မော ပါတော့တယ်။
သူက ဆက်ပြီးတော့ …
“နင်က နင်တို့ တိုင်းပြည်ကိစ္စအတွက် ခရီးထွက်လာတာပေါ့
… C.J.A အဖွဲ့ဝင်တွေက တကမ္ဘာလုံးအတွက် ကိုပင်ဟေဂင်ဆီ
သွားနေကြတယ် … C.J.A ဆိုတာက Climate Justice Action (CJA)”

C.J.A အကြောင်း လုံးဝ မသိတဲ့ ကျနော့်အား ရထားပေါ်တွင် ရောင်းချ
သော ပုံမှန်ထက် ဈေးကြီးသည့် ကော်ဖီတစ်ခွက်ကို ခရစ်စမတ်လက်ဆောင်
အဖြစ် အဖွားအိုက လက်ဆောင်ပေးသော အခါ …
(ကျနော်) ခရစ်စမတ်လက်ဆောင်အတွက် ကျေးဇူးပါ၊ ခရစ်စမတ်မှာ မိသားစု
နဲ့ ပျော်ရွှင်ပါစေ …
(အဖွားအို) ကျေးဇူးစကားဆိုတဲ့အတွက် ကျေးဇူးပါ၊ ကမ္ဘာ့ ရာသီဥတု
သာယာပါစေလို့ ဆုတောင်းပေးရင် ပိုကျေးဇူးတင်မယ် …

မီးရထားဟာ ကိုပင်ဟေဂင်ဘူတာကြီးသို့ နေ့လည် (၁၂)နာရီထိုးဖို့
မိနစ် အနည်းငယ် အလိုမှာ ဆိုက်ရောက်ခဲ့ပါတယ်။ မီးရထား ဆိုက်ဆိုက်
ချင်းပဲ ဘဲလာစင်တာဆီ ဘယ်လို လာရမလဲလို့ ကိုမြင့်ဝေတို့၊
ကိုမိုက်ကယ်တို့ဆီ ဖုန်းဆက်လိုက်ပါတယ်။ COP 15 Bus နဲ့ ဘူတာကြီး
ရှေ့ Tivoli Garden နံဘေးကနေ စီးနင်းလိုက်ပါခဲ့ဖို့ ပြောကြပါတယ်။
ကားမှတ်တိုင်မှာ အရှေ့လျှောက်လိုက် နောက်ဖက်ပြန်လျှောက်လိုက်နဲ့
COP 15 Bus ကို ရှာကြည့်ပါတယ်။ ဆယ်မိနစ်၊ ဆယ့်ငါးမိနစ်လောက်
ကြာတော့ ကားမှတ်တိုင်မှာ လာရပ်တဲ့ ဘတ်စ်ကားတစ်စီးပေါ်က ကား
သမားကို တက်မေးကြည့်ပါတယ်။ ဘဲလာစင်တာကို သွားချင်လို့ပါ၊
ကားသမားက ပြောပါတယ် … နံပါတ် 30 ဘတ်စ်ကို စီးတဲ့၊ ဒုက္ခ ပါပဲ၊
COP 15 လား … 30 Bus လား …. မအူမလည်နဲ့ ရွာလည်တော့မယ်
ထင်တယ် …. ။

ဒါနဲ့ ကားမှတ်တိုင်က တစ်ယောက်ယောက်ကို ထပ်မေးကြည့်ဖို့
စိတ်ကူးလိုက်ပါတယ်။ ကျောင်းသားပုံစံ မျက်မှန်တပ်ထားတဲ့ တရုတ်လိုလို၊
ကိုရီးယားလိုလို လူငယ်တစ်ဦးကို မေးလိုက်ပါတယ်။ ဒိန်းမတ်ဘာသာစကား
နဲ့ နှစ်ခါ၊ သုံးခါလောက် မေးကြည့်တော့ သူ နားလည်ပုံ မရပါဘူး။ အင်္ဂလိပ်လို
မေးလိုက်တော့ သူက အင်္ဂလိပ်လို ပြန်ပြောပါတယ်။ သူလည်း ဘဲလာစင်တာ
ကို သွားမလို့၊ နံပါတ် 30 Bus ကို စောင့်နေတာတဲ့။ ဒါဆိုလည်း 30 Bus ပေါ့။
ဆယ်မိနစ်လောက် ကြာတော့ နံပါတ် 30 ဘတ်စ်ကား ကားမှတ်တိုင်ဆီ
လာနေတာကို တွေ့လိုက်ရပါတယ်။ ဖြစ်ချင်တာဖြစ် ဒီကားပေါ် တက်မယ်ပေါ့။
အဲဒီ နံပါတ် 30 ဘတ်စ်ရဲ့ နဖူးစည်း စာတန်းက 30 ဖြစ်လိုက်၊ COP 15 ကို
ပြောင်းလိုက်နဲ့ … သြော် အခုမှ သဘောပေါက်ပြီး … 30 Bus နဲ့ COP 15 Bus
ဟာ အတူတူပါလား ….။

(ဆက်ရန်။)

Dec 17, 2009

၁၇ ဒီဇင်ဘာ ၂၀၀၉၊ ရာသီဥတု ညီလာခံ

နှင်းထူထပ်စွာ ကျဆင်းနေသည့်ကြားမှ ဆန္ဒပြနေသော ဒိန်းမတ်ရောက်
မြန်မာ့ဒီမိုကရေစီအရေး လှုပ်ရှားသူများ ...





ကမ္ဘာအရပ်ရပ်မှ အကြောင်းမျိုးစုံဖြင့် လာရောက် ဆန္ဒပြနေသူများ ...





Dec 16, 2009

၁၆ ဒီဇင်ဘာ ၂၀၀၉၊ ဒိန်းမတ်နိုင်ငံ ဆန္ဒပြပွဲ

ဒိန်းမတ်ရောက် မြန်မာ့ဒီမိုကရေစီအရေး လှုပ်ရှားသူများ ကိုပင်ဟေဂင်
မြို့တော်၊ ရာသီဥတုပြောင်းလဲမှုဆိုင်ရာ ဘဲလာစင်တာရှေ့တွင်
ဆန္ဒပြသည့် သတင်း ....





နိုင်ငံတကာ NGO အဖွဲ့အချို့သည် ညီလာခံအတွင်း ဆူပူသောင်းကျန်းမှု
ကြောင့် ညနေပိုင်းတွင် အစည်းအဝေးခန်းမထဲသို့ ၀င်ရောက်ခွင့် ပိတ်ပင်ခဲ့ရာမှ
ညီလာခံအတွင်းသို့ ဇွတ်အတင်း ပြေးဝင်ရန် ကြိုးစားကြသော ရာသီဥတု
ထိန်းသိမ်းစောင့်ရှောက်လိုသည့် နိုင်ငံတကာမှ လူငယ်များ ...

(ကျနော်တို့၏ ရှေ့တွင် ရုန်းရင်ဆန်ခတ် ဖြစ်ပွားနေပုံ ...)



Dec 15, 2009

ရုပ်ရှင်များ (၈)

ရေးသူ- စစ်ငြိမ်းဒီရေ

(၁၈) Michael Collins



အိုင်ယာလန် လွတ်လပ်ရေးအတွက် ဦးဆောင် တိုက်ပွဲဝင်ခဲ့
သူ မိုက်ကယ်ကိုလင်း (Michael Collins) ရဲ့ ဖြစ်ရပ်မှန် အတ္ထုပ္ပတ္တိ
ရုပ်ရှင်ကားပါ။ လွတ်လပ်ရေးအတွက် ရသမျှ နည်းလမ်းပေါင်းစုံ
ကျင့်သုံးခဲ့တာတွေကို ရုပ်ရှင်ကြည့်ရင် တွေ့ရမှာပါ။ နိုင်ငံချင်း
ကပ်နေပြီး တကမ္ဘာလုံးကို အဲဒီခေတ် အဲဒီအခါက သိမ်းထား
တဲ့ ဗြိတိသျှ နေမ၀င် အင်ပါယာ ကို တော်လှန်တာ ဘယ်လောက်
ခက်သလဲ ဆိုတာကို ရုပ်ရှင်က ထင်ရှားအောင် ဖော်ပြထားပါတယ်။

သူတပါးနဲ့တိုက်ကြ ခိုက်ကြတုန်းက ဘာမျှ မဖြစ်ပဲ လွတ်လပ်ရေး
ရခါစ နိုင်ငံတွေမှာ ဖြစ်နေကြ ပြည်တွင်းစစ်ကြောင့် ကျဆုံးခဲ့တဲ့
သူ့ဘ၀ဟာ ရင်နာစရာပါ။

၁၉၉၆ ခုနှစ်က ရိုက်ကူးတင်ဆက်ခဲ့တဲ့ Michael Collins ရုပ်ရှင်ကားကို
Youtube ရဲ့ ဒီနေရာမှာ အပိုင်းလိုက် အခမဲ့ ကြည့်လို့ရပါတယ်။
စုစုပေါင်း အပိုင်း (၁၃) ခု ရှိပါတယ်။

(၁၉) The Wind That Shakes the Barley



လွတ်လပ်ရေးရဖို့ ဖြတ်သန်းခဲ့ရတဲ့ အိုင်ယာလန် လူငယ်တွေရဲ့
အဖြစ်အပျက်များကို အခြေခံ ရိုက်ကူးထားတဲ့ ရုပ်ရှင်ကားတစ်ခု
ပါ။ ၂၀၀၆ ခုနှစ် Cannes Film Festival (ရုပ်ရှင်ပွဲတော်) မှာ ဆု
ရရှိခဲ့တဲ့ ရုပ်ရှင်ဇာတ်လမ်းတစ်ခုပါ။

Youtube ရဲ့ ဒီနေရာမှာ အပိုင်းလိုက် အခမဲ့ ကြည့်လို့ရပါတယ်။
စုစုပေါင်း အပိုင်း (၁၃) ခု ရှိပါတယ်။

(၂၀) Patriot Games



၁၉၉၂ ခုနှစ်မှာ ရိုက်ကူးခဲ့ပြီး Harrison Ford ပါဝင်တဲ့ ဒီရုပ်ရှင်ဟာ
လူကြိုက်များတဲ့ ရုပ်ရှင်ကားတစ်ခုပါ။ အမေရိကန်က CIA အငြိမ်းစား
အရာရှိတစ်ဦးနဲ့ မြောက်ပိုင်း အိုင်ယာလန် လွတ်မြောက်ရေး လှုပ်ရှား
သူများ ထိပ်တိုက်တွေ့ပုံ၊ ရန်ငြိုးရန်စများကို အခြေခံ ရိုက်ကူးထားသော
ရုပ်ရှင်ကားပါ။

အင်တာနက်ရဲ့ ဒီနေရာမှာ အခမဲ့ ကြည့်လို့ ရပါတယ်။ တရုတ် ၀က်ဆိုဒ်
က ကြည့်ရတာဖြစ်လို့ နည်းနည်းတော့ စောင့်ပါ။

Dec 14, 2009

စစ်ရာဇ၀တ်ကောင် ဥာဏ်ဝင်း ဒိန်းမတ်ရောက်နေပြီ

ရေးသူ- စစ်ငြိမ်းဒီရေ

ပြည်သူလူထုအပေါ် အကြမ်းဖက်ပြီး စစ်ရာဇ၀တ်မှုတွေ ဆက်တိုက်
ကျူးလွန်နေတဲ့ န.အ.ဖ စစ်အုပ်စု၏ နိုင်ငံခြားရေးဝန်ကြီး ဥာဏ်ဝင်း
ဦးဆောင်တဲ့အဖွဲ့ ဒိန်းမတ်နိုင်ငံ ကိုပင်ဟေဂင်မြို့တော်သို့ ရောက်ရှိ
နေပြီ ဖြစ်ပါတယ်။



ကလိန်ကကျစ် ဥာဏ်ဝင်းနှင့် အဖွဲ့သည် လာမည့် ဗုဒ္ဓဟူးနေ့
(၁၆.၁၂.၂၀၀၉) ညနေပိုင်းနှင့် (၁၇.၁၂.၂၀၀၉)နေ့တွင် ကမ္ဘာ့ ရာသီဥတု
ပြောင်းလဲမှုဆိုင်ရာ ညီလာခံအတွင်း မြန်မာ့ နိုင်ငံရေး လက်ရှိ အခြေအနေ
တွေနဲ့ ပက်သက်ပြီး နိုင်ငံတကာက ခေါင်းဆောင်များကို လက်တွေ့
ဆောင်ရွက်နိုင်ခြင်း ကင်းမဲ့သော စကားလုံးများဖြင့် လိမ်ညာလှည့်ဖြားမှာ
ဖြစ်ပါတယ်။

ဒိန်းမတ်နိုင်ငံ ကိုပင်ဟေဂင်မြို့ရောက် ဥာဏ်ဝင်းနှင့်အဖွဲ့အား
ဆန့်ကျင် ဆန္ဒပြလိုသူများ အနေဖြင့် မြန်မာ့ဒီမိုကရေစီအရေး
ကြိုးပမ်း ဆောင်ရွက်နေသူ ကိုမြင့်ဝေ (NLD-LA) နဲ့ ဆက်သွယ်၍
(၁၆/၁၇. ၁၂. ၂၀၀၉)နေ့တို့တွင် ပြုလုပ်မည့် ဆန္ဒပြပွဲ အစီအစဉ်များ
အကြောင်း ဆက်သွယ် မေးမြန်းနိုင်ပါသည်။



ဒိန်းမတ်နိုင်ငံသို့ ရောက်ရှိနေသော န.အ.ဖ စစ်အုပ်စု၏ ထိပ်တန်း
လူယုတ်မာများ၏ စာရင်းမှာ ….

Nyan Win
Mister Ministry of Foren Affairs

Thant Kyaw
Director General
Internation Organization and Economic
Department
Ministry or Foreign Affairs

Nay Win
Ambassador
Dipomatic Mission of Myanmar to Denmark

Khin Minn
Second Secretary
Diplomatic Mission of Myanmar to Denmark

Htin Lynn Maung
Head of Branch
Ministry of Foreign Affairs

Sann Lwin
Director General, Planning and Statistics
Department/ Secretary, National
Commission for Environmental Affairs
Ministry of Foresty

Thein Tun
Acting Director General, Department of Meterology and Hydrology
Ministry of Transport

San Win
Joint Secretary, national Commission for Enviromental affairs
Ministry of Forestry


Dec 12, 2009

မျိုးဆက်ကွာဟမှု (Generation Gap) (နောက်ဆုံးပိုင်း)

ရေးသူ- စစ်ငြိမ်းဒီရေ

ယခင် အပိုင်း(၂)မှ အဆက် ....

၁၉၈၈ ခုနှစ် ရှစ်လေးလုံး အရေးတော်ပုံကို ရင်ဆိုင်ခဲ့တဲ့ မျိုးဆက်
တွင် အခြေခံပညာ အလယ်တန်း ကျောင်းသားအရွယ်မှ အသက်(၂၆)
နှစ်အရွယ် လူလတ်ပိုင်းများအထိ မ.ဆ.လ ခေတ်တွင် မွေးဖွားခဲ့သူများ
သာ ဖြစ်ပါတယ်။ ၁၉၆၀ ခုနှစ်၊ ပါလီမန်ဒီမိုကရေစီခေတ် နောက်ဆုံး
ရွေးကောက်ပွဲတွင် မဲပေးခဲ့ဘူးသူများသည် ၁၉၈၈ ခုနှစ်တွင် အသက်
အားဖြင့် (၄၆) နှစ်နှင့် အထက် ရှိသူများသာ ဖြစ်ပါတယ်။

၁၉၆၀ ခုနှစ် (ဦးနု ဦးဆောင်သော ပ.ထ.စ အစိုးရ၏ အနိုင်ရ ရွေးကောက်ပွဲ)
နှင့် ၁၉၉၀ ခုနှစ် မေလ ရွေးကောက်ပွဲတို့တွင် နှစ်ကြိမ်စလုံး မဲပေးခဲ့ဘူး
သူများသည် အသက်အားဖြင့် (၄၈)နှင့် အထက် ရှိသူများသာ ဖြစ်ပါတယ်။
၂၀၀၈ ခုနှစ်တွင် န.အ.ဖ စစ်အစိုးရ၏ တဖက်သက် ရေးဆွဲထားသော ဖွဲ့စည်း
အုပ်ချုပ်ပုံဆိုင်ရာ အခြေခံဥပဒေကို မဲပေးဖို့ ဖိတ်ခေါ်ချိန်တွင် ၁၉၆၀ ခုနှစ်
၌ မဲပေးခဲ့ဘူးသော မျိုးဆက်သည် အသက်အားဖြင့် (၆၆)နှစ်နှင့် အထက်
အရွယ် ဖြစ်ပါတယ်။

၂၀၁၀ ခုနှစ်တွင် အများလက်ခံနိုင်သော ပါတီစုံ ရွေးကောက်ပွဲတစ်ခု
ဖြစ်လာခဲ့သည် ဆိုပါစို့။ အရွယ်ရောက်သော လူငယ်တစ်ဦးသည်
ဒီမိုကရေစီ အရိပ်အာဝါသ သဘောတရားများကို လေ့လာနိုင်ဖို့
သွားရောက် မေးမြန်းသင့်သော လူကြီးတစ်ဦး၏ အသက်အရွယ်သည်
မြန်မာနိုင်ငံအတွင်း၌ ဆက်တိုက်နေထိုင်ခဲ့သူ ဖြစ်ခဲ့ရင် အသက်
အားဖြင့် (၆၈)နှင့် အထက် ရှိသူများသာ ဖြစ်ပါတယ်။ သူတို့
အားလုံး ကိုယ်ကျန်းမာ၊ စိတ်ချမ်းသာစွာနဲ့ သူတို့ဖြတ်သန်း
ခဲ့တဲ့ ခေတ်ကြီးအကြောင်း လုံးစေ့ပတ်စေ့ ပြောပြနိုင်သေးရင်
ကောင်းပါတယ် ..... ။

၁၉၃၀ ခုနှစ် ကုလား- ဗမာ အရေးအခင်း ကာလ၌ နိုင်ငံတော်၏
မြို့တော် ရန်ကုန်တွင် နေထိုင်သူများအနက် မြန်မာနွယ်ဖွားစစ်စစ်
များ၏ ရာခိုင်နှုန်းသည် ငါးဆယ် မကျော်ခဲ့ပါ။ ဂျပန်ခေတ် (၁၉၄၂-
၁၉၄၅) တွင် အောက်မြန်မာပြည်ရောက် တရုတ်အမျိုးသားပေါင်း
များစွာတို့သည် ဂျပန်တို့၏ တရုတ် မုန်းတီးရေး အန္တရာယ်ကြောင့်
အောက်မြန်မာပြည်မှ အစုလိုက်အပြုံလိုက် ပြောင်းရွေ့ ထွက်ခွာ
ခဲ့ရပါတယ်။ ကိုလိုနီ အင်္ဂလိပ်တို့၏ လယ်ယာ လုပ်သားအဖြစ် ခေါ်
ဆောင်ခဲ့သော အိန္ဒိယ တိုင်းရင်းသားပေါင်း များစွာလည်း ဂျပန်ခေတ်
အတွင်း မြန်မာပြည်မှ အိန္ဒိယသို့ ပြန်လည် ထွက်ခွာခဲ့ရပါတယ်။ ဒုတိယ
ကမ္ဘာစစ်တွင် အင်္ဂလိပ်တို့ အားထားရာ စင်္ကာပူခံတပ် မကျဆုံး
ခဲ့၍ ဂျပန်တပ်မ (၅၅) နှင့် နိုင်ငံချစ် လွတ်လပ်ရေး သခင်တပ်များ
မြန်မာနိုင်ငံအတွင်းသို့ မ၀င်ရောက်ခဲ့နိုင်ပါက ယခုအခါ မြန်မာပြည်
၏ မြို့ကြီးအားလုံး၌ နေထိုင်သော မျိုးဆက်သည် ဘယ်လို မျိုးဆက်
များ ဖြစ်ခဲ့ကြမလဲ .....။

နိုင်ငံသားအချို့သည် မိမိတို့၏ ကိုယ်ပိုင် အကျိုးစီးပွားအတွက် ကိုလိုနီ
အင်္ဂလိပ်ခေတ်တွင် အလိုတော်ရိ၊ ဂျပန်ခေတ်တွင် စကားပြန်၊ လွတ်လပ်
ရေး ရခါစ ခေတ်တွင် နိုင်ငံရေးသမားများ၏ နေအိမ်နောက်ဖေးမှ
တက်၍ လာဘ်ပေး လာဘ်ယူ၊ မ.ဆ.လ ခေတ်တွင် သာကူစေ့၊
န.၀.တ/ န.အ.ဖ ခေတ်တွင် ဖော်လန်ဖား အလုပ်များဖြင့် မိမိတို့၏
ကြီးပွားရေးကို အတိုင်းထက်အလွန် တည်ဆောက်ခဲ့ကြပါတယ်။
အဘိုးက အလိုတော်ရိ၊ အဖိုးက စကားပြန်၊ အဖေက ကောင်စီ၊
သားက ကြံ့ဖွတ် .... ။ အဲလို အတ္တကြီးတဲ့ စုန်းပြူးများသည် ကျနော်တို့
တနိုင်ငံတည်းတော့ မဟုတ်ပါဘူး။ နေရာတိုင်းမှာ ဖြစ်လေ့ရှိပါတယ်။
တချို့လည်း အဲဒီစီးဆင်းမှုကနေ ဖေါက်ထွက်ကြသူများ ရှိပါတယ်။

လူအများစုက ဗိုလ်ချုပ်အောင်ဆန်း၊ ဦးသန့်၊ ဒေါ်အောင်ဆန်းစုကြည်
တို့ကို ချစ်ခင်လေးစားကြပါတယ်။ သို့ပေမဲ့ သူတို့၏ လမ်းညွန်းမှု
များကို ဘယ်လောက်အထိ လိုက်နာ ဆောင်ရွက်ခဲ့ပါသလဲ ....။
ချစ်နေရုံ၊ လေးစားနေရုံ မပြီးသေးပါဘူး။ အားလုံးက ပါဝင်
ဆောင်ရွက်ကြဖို့၊ ကိုယ်ကျိုးစွန့် အနစ်နာခံဖို့ အရေးကြီးပါတယ်။
အပေါ်ယံသက်သက် ချစ်နေရုံ လေးစားနေရုံနဲ့ မပြီးသေးပါဘူး။

မျိုးဆက်တစ်ခုကနေ မျိုးဆက်တစ်ခုကို လက်ဆင့်ကမ်းရာမှာ
ရာခိုင်နှုန်းပြည့် လက်ဆင့်ကမ်းနိုင်တာတွေ ရှိနိုင်သလို အနည်း
အကျဉ်းလောက်သာ သင်ယူခွင့်ရတဲ့ ခေတ်ကာလ အခြေအနေ
တွေလည်း ရှိပါတယ်။ အာဏာရှင်စနစ်အောက်မှာ မွေးဖွားပြီး
အာဏာရှင်စနစ်အောက်မှာ အသက်ရှင်ဖို့ ကြိုးစားရတဲ့ လူ့
အဖွဲ့အစည်း ဒုက္ခက မသေးပါဘူး။ မိဘတွေ၊ ဆရာသမားတွေ၊
ပတ်ဝန်းကျင်လူ့အသိုင်းအ၀ိုင်းတွေဟာ အမြဲတမ်း မှန်ကန် နေမယ်
လို့ တထစ်ချ လှေနံဓါးထစ် ယူဆလို့ မရပါဘူး။ သူတို့အားလုံး
ဘယ်ခေတ်တွေမှာ ဘယ်လို မွေးဖွားခဲ့ပြီး ဘာတွေ သင်ယူခဲ့သလဲ
ဆိုတာလည်း အရေးကြီးပါတယ်။

သာမန် လူတစ်ယောက်ဟာ ကျန်းမာသန်စွမ်းတဲ့ ဘ၀ကို ပိုင်ဆိုင်
ခဲ့မယ်ဆိုရင် အခြေခံပညာ အထက်တန်းကျောင်းသား ဘ၀ အသက်
(၁၄)နှစ် ကနေ လှုပ်ရှားနိုင်မှု စတင် ယိုယွင်းလာတဲ့ အသက်(၅၅)
နှစ် အကြားမှာ နိုင်ငံတော်အတွက် (၂)နှစ်ဖြစ်စေ၊ (၃)နှစ်ဖြစ်စေ
ပေးဆပ် သင့်ပါတယ်။ ဒါဟာ သာမန်နိုင်ငံသား တစ်ယောက်ရဲ့ ပုံမှန်
တာဝန်လို့ ကျနော့်အနေနဲ့ ယုံကြည်ပါတယ်။

မြန်မာစာဟာ ကျယ်ပြန့်ပါတယ်၊ တချို့ ပြောကြပါတယ်၊ “နိုင်ငံ့အရေး”
တော့ လုပ်မယ် “နိုင်ငံရေး” တော့ မလုပ်ဘူးလို့ ပြောကြသူများ ရှိပါတယ်။
ဒီစကားဟာ လုံးဝ အဓိပ္ပါယ်ကင်းမဲ့တဲ့ စကားပါ။ ဒီစကားကို ဆိုနေသူများ
သည် အမျိုးသားနိုင်ငံရေးနဲ့ ပါတီစုံ နိုင်ငံရေးစနစ်ကို လုံးဝ နားမလည်ဘူး
လို့ ထင်ပါတယ်။ ရွေးကောက်ပွဲမှာ မဲပေးခွင့်ရသူဟာ အဲဒီရွေးကောက်ပွဲ
မှာ ၀င်ရောက်ယှဉ်ပြိုင်အရွေးခံခွင့်ပါ ရှိတယ်ဆိုတာကို သိပုံ မပေါ်ပါဘူး။
မျက်မှောက်ခေတ်မှာ အမျိုးမချစ်၊ နိုင်ငံမချစ်တဲ့ သူတွေကို လိုက်အော်ဆဲ
တဲ့သူတွေ နည်းသွားပါပြီ။ ကျနော်လည်း တချိန်က သူများကို အော်ဆဲ
ခဲ့ဘူးပါတယ်။ အခုလည်း တခါတရံ အဲဒီစိတ်တွေ မပျောက်သေးပါဘူး။

“ပဒိုင်းပင် မျိုးစေ့ကြဲပြီး၊ ပန်းခူးချိန်တွင် နှင်းဆီပန်း ခူးချင်၍
ရမည် မဟုတ်ပေ” (ဆရာကြီး ဒဂုန်တာရာ)

ဗုဒ္ဓဘာသာ ယဉ်ကျေးမှုနယ်ပယ်က လာတဲ့ စကားတစ်ခွန်းရှိပါတယ်။
“ညောင်စေ့လေးလောက် လှူရင် ညောင်ပင်ကြီးလောက် ရမယ်”
ဒီစကားဟာ ဘာသာရေးနယ်ပယ်အတွက် အလွန်မှန်တဲ့ စကား
ဆိုတာ ကျနော် မငြင်းပါဘူး။ ငြင်းစရာ အကြောင်းလဲ မရှိပါဘူး။
သို့ပေမဲ့ နိုင်ငံတစ်ခု၊ မျိုးဆက် တစ်ဆက်အတွက်တော့ ဒီစကားပုံ
ထဲကလို မယူဆ သင့်ပါဘူး။ လုပ်သလောက်ပဲ ရနိုင်မှာပါ၊ နည်းနည်း
လေး လုပ်ရင် နည်းနည်းလေးပဲ ရမှာပါ။

တချို့လည်း မိမိတို့ တတ်နိုင်တဲ့အစွမ်းကို နိုင်ငံရေးနဲ့ မသက်ဆိုင်တဲ့
တခြား NGO နယ်ပယ်တွေမှာ လှူဒါန်းကြပါတယ် ....
“ရွာထိပ်က ရွာတော်ရှင် နတ်နန်းမှာ ပိုက်ဆံလှူရုံနဲ့ တရွာလုံး
မိုးပျံအောင် မချမ်းသာနိုင်ပါ”
လှူထားတဲ့ နေရာက ရွာတော်ရှင် နတ်နန်း ....
ရွာထဲက လူတွေ ဘာကြောင့် ဆင်းရဲ ရသလဲလို့ အပြစ်လာတင်ရင်
နတ်ဆီမှာ လှူတဲ့လူတွေ နတ်ကိုသာ မေးကြည့်ကြပါ။


(ပြီးပါပြီ။)


Dec 11, 2009

မျိုးဆက်ကွာဟမှု (Generation Gap) အပိုင်း(၂)

ရေးသူ- စစ်ငြိမ်းဒီရေ

မှတ်ချက်။ ။
(အခု အပိုင်း(၂) မှာ စာဆက်မရေးခင် ယခုလက်ရှိ ကျနော့်ရေးသားမှု
များသည် အကြောင်းမဲ့ ငြင်းခုံချင်သော၊ အကျိုးစီးပွားမဲ့ အပြစ်တင် ပြော
ဆိုချင်သော၊ စေတနာနဲ့ ဆန္ဒ မတူကြလို့ ရန်ဖြစ်ချင်တာမျိုးတွေ အစရှိ
တဲ့ သဘောမျိုး မဟုတ်ပါ။ တာဝန်ဆိုတာကို အဓိပ္ပါယ်ဖွင့် ထမ်းဆောင်
လိုသူတွေနဲ့ ခေါင်းညိတ်လျှာလွှဲ လုပ်ကြသူတွေ ဘာကြောင့် ကွဲပြား
ခြားနား သွားရတာလဲ ဆိုသော ရေသောက်မြစ်တွေနဲ့ပက်သက်ပြီး
ကျနော့်အမြင်တွေကို တင်ပြခြင်းသာ ဖြစ်ပါတယ်။)

ယခင် အပိုင်း(၁)မှ အဆက် ....

ဘုရင့်နောင်ဟာ မြန်မာနိုင်ငံသမိုင်းနဲ့ အိမ်နီးချင်း ထိုင်းနိုင်ငံသမိုင်းတွေ
မှာ ထင်ရှားခဲ့တဲ့ ဘုရင် တစ်ပါးပါ။ သူ့လက်ထက်မှာ အိမ်နီးချင်း ထိုင်း
နိုင်ငံနဲ့ ဆင်နွဲခဲ့တဲ့ စစ်ပွဲကြောင့် စစ်စရိတ်တွေ ကြီးမားခဲ့ရပါတယ်။
ထောက်ပံ့နေရတဲ့ ပြည်သူတွေက သည်းမခံနိုင်တဲ့ နောက်ဆုံး ပဲခူးမှာ
ရှိတဲ့ သူ့ရဲ့နန်းတော်ကို ပုန်ကန်တော်လှန်ပြီး မီးရှို့ဖျက်ဆီး ခဲ့ပါတယ်။

ဘုရင့်နောင်လက်ထက် မြန်မာ အင်ပါယာဟာ တော်တော်လေး ကျယ်ဝန်း
ခဲ့ပါတယ်။ ဘုရင့်နောင် ကွယ်လွန်ခြင်းနဲ့အတူ သူ တည်ဆောက်ခဲ့တဲ့
ဒုတိယ မြန်မာနိုင်ငံတော်လည်း ကျဆုံးခဲ့ပါတယ်။ သားတော်များ ဖြစ်ကြတဲ့
နန္ဒဘုရင် (ငါးဆူဒါယကာ)နဲ့ အနောက်ဖက်လွန်မင်းလက်ထက်မှာ ပေါ်တူဂီ
လူမျိုး ငဇင်ကာရဲ့ ပုန်ကန်မှုကို ရင်ဆိုင်ရပါတော့တယ်။ တည်ဆောက်ခဲ့တဲ့
မျိုးဆက်နဲ့ အဲဒီတည်ဆောက်မှုကို ထိန်းသိမ်းနိုင်စွမ်း ကင်းမဲ့တဲ့ မျိုးဆက်
တွေအကြောင်း ကျနော် ဆိုလိုချင်တာပါ။

အလောင်းဘုရားရဲ့ သားတော် ဆင်ဖြူရှင်ဘုရင်သည် တတိယမြန်မာနိုင်ငံ
သမိုင်းမှာ အထင်ရှားဆုံး ဘုရင်တစ်ပါးပါ။ ဆင်ဖြူရှင် လက်ထက်မှာ အိမ်
နီးချင်း ထိုင်းနိုင်ငံကို သိမ်းပိုက်ခဲ့တယ်။ တရုတ်တို့ရဲ့ ကျူးကျော်စစ်တွေကို
အောင်မြင်စွာ တိုက်ခိုက်တွန်းလှန်နိုင်ခဲ့တယ်။ တခြား အိမ်နီးချင်း နိုင်ငံ
တွေက သူ့ရန်ကို ကြောက်ပြီး လက်ဆောင်ပဏ္ဍာတွေ ဆက်သခဲ့ရပါတယ်။
သူဟာ ခမည်းတော် အလောင်းဘုရားရဲ့ ထီးနန်းဆက်ခံရေးဆိုင်ရာ မျိုးဆက်
အစဉ်အလာကို စတင်ချိုးဖောက်ပါတော့တယ်။ အလောင်းဘုရား ဦးအောင်
ဇေယျက သူ့သေရင် သူ့သားတွေ အစဉ်အဆက် အုပ်ချုပ်ရမယ်လို့ မှာကြား
ခဲ့ပါတယ်။ ဒီအစဉ်အလာကို ဆင်ဖြူရှင်မင်းက စတင်ချိုးဖောက်ပြီး သူ
ကွယ်လွန်ခါနီးမှာ သားတော် စဥ့်ကူးမင်းကို အိမ်ရှေ့အရာ ပေးခဲ့ပါတယ်။
ပထမ မျိုးဆက်ရဲ့ သွန်သင်လမ်းညွှန်မှုကို မလိုက်နာခဲ့တဲ့ နောက်မျိုးဆက်
တွေရဲ့ အတ္တကြီးမှုကို ဆိုလိုချင်တာပါ။

ဒီအတ္တတွေ မဆုံးခဲ့ပါဘူး။ စဥ့်ကူးမင်းထံကနေ နောင်တော်ကြီးမင်းရဲ့ သား
ဖြစ်သူ ဖောင်းကားစားမောင်မောင်က “သူသာလျှင် ရှင်ဘုရင်သား ဖြစ်လို့
ဘုရင် ဖြစ်ထိုက်သူ” လို့ ခေါင်းစဉ်တပ်ပြီး အာဏာထပ်သိမ်းပါတယ်။
ဖောင်းကားစားမောင်မောင် အာဏာသိမ်းလို့ (၇) ရက်ပြည့်ချိန်မှာ သူ့ထံ
ကနေ ဦးလေးတော်စပ်သူ ဘိုးတော်(ခ) ဗဒုံမင်းက အာဏာထပ်သိမ်းပါတယ်။
ဖောင်းကားစားမောင်မောင် ထံကနေ ထပ်ဆင့် အာဏာသိမ်းခဲ့တဲ့ ဘိုးတော်မင်း
တရားဟာ ကုန်းဘောင်ခေတ် တတိယ မြန်မာနိုင်ငံသမိုင်းမှာ အထင်ရှားဆုံး
အစဉ်အလာ ချိုးဖောက်သူ နောက်တစ်ဦး ဖြစ်ပါတယ်။ ယနေ့ မြန်မာနိုင်ငံမှာ
ကိုးကွယ်ယုံကြည်တဲ့ ထေရ၀ါဒ ဗုဒ္ဓဘာသာသမိုင်းသည် ဘိုးတော်လက်ထက်
သာသနာတော်သန့်စင်ရေး ဆောင်ရွက်မှု၏ နောက်ဆက်တွဲ ဖြစ်ပါတယ်။

ဘိုးတော်ဘုရား(ခ) ဗဒုံမင်းဟာ သူ့ခမည်းတော် အလောင်းဘုရား၊ အကိုတွေ
ဖြစ်တဲ့ နောင်တော်ကြီးမင်း၊ ဆင်ဖြူရှင်မင်း၊ တူတော်တွေဖြစ်တဲ့ စဥ့်ကူးမင်း၊
ဖောင်းကားစားမောင်မောင်တို့ တလျှောက် နိုင်ငံတော်၏ ပညာသင်ကြား
ရေးနှင့် ၀န်ထမ်းတွေကို လေ့ကျင့်သင်ကြားပေးတဲ့ သံဃာ “အတင် ဂိုဏ်း”
အပြင်းအထန်း နှိပ်ကွပ်ခဲ့ပါတယ်။ ဘားကရာ၊ ဘားမဲ့ အစရှိတဲ့ အစဉ်အလာ
ကြီးမားပြီး “ပွဲကျောင်း” လို့ ခေါ်ဆိုသော စာပေ၊ ယဉ်ကျေးမှုနဲ့ တိုက်ခိုက်
ရေး ပညာတွေ သင်ကြားပေးသော “ဘားကိုးဘား” ဆရာတော်တွေကို
“မဟာယန”လို့ ခေါင်းစဉ်တပ်၊ သင်္ကန်းကို အဓမ္မဆွဲချွတ်ပြီး ဧရာဝတီမြစ်
ထဲမှာ ဖောင်နဲ့ မျှောချပြစ်ခဲ့ပါတယ်။ ဘိုးတော်မင်းတရားဟာ သူ့ညီ
ပြင်စည်မင်းသားကြီးနဲ့ အကိုဖြစ်သူ ဆင်ဖြူရှင်မင်းလက်ထက်တွင် ပြည်ပ
ကျူးကျော်မှုတွေကို တိုက်ခိုက်အောင်မြင်ခဲ့တဲ့ စစ်သူကြီး အများအပြား
ကို သုတ်သင်ရှင်းလင်း ခဲ့ပါတယ်။

ဆင်ဖြူရှင်မင်း ကွယ်လွန်တဲ့ ၁၇၇၆ ခုနှစ်ကနေ ဘိုးတော်ဘုရင် အာဏာ
သိမ်းတဲ့ ၁၇၈၂ ခုနှစ်အထိ အရှုပ်ထွေးဆုံး အာဏာလုပွဲတွေ ပေါ်ပေါက်
ခဲ့ပါတယ်။ ဘိုးတော်မင်းတရား ဘုရင် စဖြစ်တဲ့ ၁၇၈၂ ခုနှစ်ကနေ သူ
ကွယ်လွန်တဲ့ ၁၈၁၉ ခုနှစ်အထိ နိုင်ငံတော်ကို တည်ဆောက်ခဲ့တဲ့ မျိုးဆက်
ပေါင်းများစွာ သုတ်သင်ရှင်းလင်းခြင်း ခံရပါတယ်။ ဘာသာရေးဆိုင်ရာ ပြုပြင်
ဖန်တီးမှုအသစ်တွေ ပြုလုပ်ခဲ့ပါတယ်။ အဲဒီအကျိုးဆက်ကြောင့် ဘိုးတော်မင်း
တရားရဲ့ ထီးနန်းအမွေကို ဆက်ခံတဲ့ မြေးဖြစ်သူ ဘကြီးတော်(ခ) စစ်ကိုင်း
မင်း လက်ထက်မှာ ပြည်ပကျူးကျော်စစ်ကို ရှုံးနိမ့်ပြီး စစ်ရှုံးမျိုးဆက်တွေ
ဖြစ်လာပါတယ်။

သာလွန်မင်း အရမ်းတော်ပါတယ်။ သူသေတော့ သူ့လို
စေတနာထားတဲ့ မျိုးဆက်ကို ဆက်မရပါဘူး ...။
ဝန်ကြီး ပဒေသရာဇာ အရမ်းတော်ပါတယ်။ သူသေတော့ သူ့လို
စေတနာထားတဲ့ မျိုးဆက်ကို ဆက်မရပါဘူး ...။
ကနောင်မင်းသားကြီး အရမ်းတော်ပါတယ်။ သူသေတော့ သူ့လို
စေတနာထားတဲ့ မျိုးဆက်ကို ဆက်မရပါဘူး ...။

၁၉၂၉ ကမ္ဘာ့စီးပွားရေး ပျက်ကပ်ကို ခံစားခဲ့ရတဲ့ မျိုးဆက်တွေ၊
ဒုတိယ ကမ္ဘာစစ်ကို ဖြတ်သန်းခဲ့ရတဲ့ မျိုးဆက်တွေ ရှိခဲ့ပါတယ်။
ဒို့ဗမာ အစည်းအရုံး (၁၉၃၀)မှ ဗမာ့ထွက်ရပ်ဂိုဏ်း (၁၉၃၉)၊
ဗမာ့ထွက်ရပ်ဂိုဏ်း (၁၉၃၉)မှ ဖ.ဆ.ပ.လ (၁၉၄၅)၊ ဖ.ဆ.ပ.လ (၁၉၄၅)
မှ ဖ.ဆ.ပ.လ အကွဲအပြဲ (၁၉၅၈) တို့အထိ မျိုးဆက်တွေ ကောင်းနေဆဲပါ။
၁၉၅၈ ခုနှစ်ကနေ ၁၉၆၀ ခုနှစ်ကြားမှာ အိမ်စောင့်အစိုးရ အမည်ခံ စစ်အစိုးရ
ကြောင့် မျိုးဆက်တွေ စတင် ချေမှုန်းခံရပါတယ်။ ၁၉၆၂ ခုနှစ်ကနေ
ဒီနေ့အထိ အညွှန့်ချိုးခံရတဲ့ မျိုးဆက်သည် သက်တမ်းအားဖြင့် (၄၇) နှစ်
ရှိသွားပြီ ဖြစ်ပါတယ်။

ဥပမာ ...
၁၉၆၂ ခုနှစ်တွင် အခြေခံပညာအထက်တန်းကို အောင်မြင်ခဲ့သူ အသက်
(၁၆) အရွယ် ကျောင်းသား လူငယ်သည် ယခုအခါ အသက်(၆၃) နှစ်
အရွယ်သို့ ရောက်ရှိနေပြီ ဖြစ်ပါတယ်။

(ဆက်ရန်။)


Dec 10, 2009

မျိုးဆက်ကွာဟမှု (Generation Gap) အပိုင်း(၁)

ရေးသူ- စစ်ငြိမ်းဒီရေ

ဒီအကြောင်းကို ကျနော် ရေးချင်စိတ် ဖြစ်လာတာက ပထမဆုံး မကေ
ရေးတဲ့ ဒီပို့စ်မှာ ကျနော်ပေးခဲ့တဲ့ ကော်မန့်ရယ်၊ အကိုကြီး ကိုအောင်သာငယ်
ရေးတဲ့ ဒီပို့စ်တို့ကြောင့် ဖြစ်ပါတယ်။ မကေဆီမှာ ကျနော်သွားပြီး
ကော်မန့် ပေးပြီးတဲ့အချိန်အထိ ရီတာ ရေးတဲ့ ဒီပို့စ်ကို ကျနော် မဖတ်
ရသေးပါဘူး။ ဘာပဲပြောပြော ဒီပို့စ်ကို ရေးဖို့ ဖြစ်လာတဲ့ မကေ
အကိုကြီး ကိုအောင်သာငယ်နှင့် ညီမငယ် ရီတာ တို့ကို ကျေးဇူးများစွာ
တင်ပါတယ်။

ယခုတင်ပြတဲ့ ကျနော့်အမြင်များ၊ ရေးသားဖော်ပြတဲ့ ဖော်ပြချက်များ
အတွက် ကျနော့်မှာ တာဝန်အရှိဆုံးလို့ ပြောပါရစေ။

မျိုးဆက်တစ်ခု၏ သက်တမ်း ....

မျိုးဆက်တစ်ခုရဲ့ သက်တမ်းကို နှစ်(၂၀) မှ (၂၅)နှစ်ထိ ဘယ်ပညာရှင်တွေ
ဘယ်အချိန်က ဘယ်လိုယူဆပြီး ဘယ်လိုစတင်သတ်မှတ်ခဲ့သလဲဆိုတာ
တော်တော် ဇဝေဇ၀ါ ဖြစ်စရာ ရှိပါတယ်။

မ.ဆ.လ ခေတ် (၂.၃.၁၉၆၂- ၁၈.၉.၁၉၈၈) မှာ နိုင်ငံတော်အတွက်
ဆိုရှယ်လစ် ပန်းတိုင်ကို ချီတက်ကြပါတယ်။ အဲလို ချီတက်ရာမှာ
နှစ်(၂၀) စီမံကိန်း လို့ခေါ်ဝေါ်သော နှစ်ရှည်စီမံကိန်းများ ချမှတ်ကြ
ပါတယ်။ အဲဒီ နှစ်(၂၀) ကျော်လွန်ရင် တနိုင်ငံလုံး၊ တမျိုးသားလုံး
ဘာတွေ ဖြစ်လာမယ်၊ ဘယ်လိုတွေ ဖြစ်လာမယ် စသဖြင့် စိတ်ကူး
ယဉ် အိမ်မက်တွေ ပလူပျံအောင် အစိုးရ မီဒီယာက မစားရ ၀ကမန်း
ကြေညာပါတယ်။ ထားပါတော့ အဲလို အမျိုးသားရေး ရေရှည် စီမံကိန်း
ကာလမှာ တိုက်ရိုက်ပါဝင် ဆောင်ရွက်ရတဲ့ အလွှာအသီးသီးက ပြည်သူ
တွေအားလုံးကို မျိုးဆက်တစ်ခုလို့ ဆိုမလား???

နိုင်ငံတော်၏ အခြေခံ ရွေးကောက်ပွဲမှာ မဲပေးပိုင်ခွင့် ရတဲ့ အသက်
(၁၈) နှစ်ကနေ အသက် (၄၃)နှစ် သို့မဟုတ် အသက် (၃၈)နှစ် အထိ
အသက်ရှင် နေထိုင်နေသူတွေရယ့် လုပ်ကိုင်ဆောင်ရွက်မှုကို
မျိုးဆက် တစ်ခုလို့ ဆိုမလား???

အကြမ်းဖျင်း သတ်မှတ်ချက်များအရ သားသမီး နှစ်ဦးနီးပါး
မွေးဖွားပိုင်ဆိုင်တဲ့ အသက် (၄၀) အရွယ်မှ ကျန်းမာရေးစတင်
ချို့ယွင်းချိန် အသက် (၆၅)နှစ်ကြား အသက်ရှင် နေထိုင်သူတွေ
ရဲ့ လုပ်ကိုင်ဆောင်ရွက်ခဲ့မှုကို မျိုးဆက်တစ်ခုလို့ ဆိုမလား???

ဒါဆိုရင် ...
၁၉၃၀ ကုလား- ဗမာ အရေးအခင်းအပြီး ရန်ကုန်၊ ဗဟန်းမှာ ဆရာကြီး
သခင်ဘသောင်း စတင် ထူထောင်ခဲ့သော ဒို့ဗမာအစည်းအရုံးကို
(၁၉၃၀+၂၅=၁၉၅၅) ၁၉၅၅ ခုနှစ်မှာ လုံးဝ ပင်စင် ပေးရမလို ... ။
ဆက်တောင် မရေးရဲဘူး ... အရှင်လတ်လတ် မြေမြို သွားမှာပေါ့ ...။
ယနေ့အချိန်အထိ အသက်ရှင်ရပ်တည်နေတဲ့ နိုင်ငံချစ် သခင်ကြီးများ၏
နိုင်ငံရေး ပါဝင်ဆောင်ရွက်မှု စေတနာတွေကလည်း အများကြီး။

ဥပမာ ...
ဒေါက်တာမောင်မောင် အစိုးရလက်ထက် (ဗိုလ်ချုပ်ကြီးစောမောင် နိုင်ငံ
တော် အာဏာမသိမ်းယူခင် အချိန်အထိ) လူထုဆန္ဒပြပွဲတွေမှာ ပါဝင်ခဲ့ပြီး
နောက်ပိုင်း ဆက်လက် မပါဝင်ရဲတဲ့သူတွေ၊ မပါဝင်တော့တဲ့သူတွေကို
ဘယ်မျိုးဆက် စာရင်းထဲ ထည့်ကြမလဲ ( ဒီနေရာမှာ ကျနော့် စာသား
ကြမ်းသွားရင် ခွင့်လွှတ်ကြပါ။) ???

ဒါဆိုရင် မျိုးဆက်တစ်ခုရဲ့ သက်တမ်းကို နှစ် (၂၀)၊ နှစ် (၂၅) လို့
သတ်မှတ်ထားမှုသည် လုံးဝ မမှန်နိုင်ဘူးလို့ ပြောချင်ပါတယ်။

ကွာဟမှု ....

ပုဂံခေတ် စုက္ကတေးမင်းကို သူ့ညီ အနော်ရထာက စီးချင်းယှဉ်ထိုးပြီး
နိုင်ငံတော်အာဏာကို သိမ်းယူခဲ့တယ်လို့ သမိုင်းမှတ်တမ်းအတော်
များများက ဆိုထားပါတယ်။ စုက္ကတေးမင်းနဲ့ အရည်းကြီးသာသနာဟာ
တပြိုင်နက်တည်း ကျဆုံးခဲ့ပါတယ်။ အရည၀ါဒီ အရည်းကြီးတွေကို
တော်လှန်ပြီး သထုံ (သုဝဏ္ဍဘူမိ)ကနေ ထေရ၀ါဒ ဗုဒ္ဓဘာသာကို
စစ်တိုက်ပြီး သယ်ဆောင်လာပါတယ်။ ဒါဆိုရင် အဲဒီခေတ်က ပြည်သူ
တွေသည် ကိုယ်ကိုးကွယ်နေတဲ့ အရည်းကြီးသာသနာကို တော်လှန်
ရာမှာ ပါဝင်ခဲ့တယ်၊ နောက်ထပ် ဘာသာတရားအသစ်တစ်ခုကို ကိုးကွယ်
ဖို့ စစ်တိုက်ရာမှာ ပါဝင်ခဲ့တယ်။ အရည်းကြီးသာသနာ ကျဆုံးချိန်နှင့်
သထုံကနေ ထေရ၀ါဒ ဗုဒ္ဓဘာသာ ရောက်ရှိချိန်ဟာ နှစ် ၂၀၊ ၂၅
မပြောနဲ့ ငါးနှစ်တောင် မကြာလိုက်ဘူး။ မျိုးဆက်တစ်ခုရဲ့ ပြောင်း
လဲမှုဟာ တော်တော် မြန်ပါလား ...။

၁၉၇၆ ခုနှစ်၊ ဇွန်လ (၆)နေ့မှာ ပေါ်ပေါက်ခဲ့တဲ့ အလုပ်သမားအရေး
အခင်းနဲ့ ၁၉၈၇ ခုနှစ် စက်တင်ဘာလ ငွေစက္ကူအရေးအခင်း အကြား
ကာလတွေ (၁၁- နှစ်တိုင်တိုင်) မှာ နိုင်ငံတော်ကို အာဏာရှင်လက်အောက်
ကနေ လွတ်မြောက်စေချင်တဲ့ မျိုးဆက်တစ်ခု ဘာလို့ ကွယ်ပျောက်ခဲ့ရတာ
လဲလို့ မေးခွန်းကို မေးခွင့် ပြုမယ်ဆိုရင် .... ။

(ဆက်ရန်။)

Dec 9, 2009

ဥရောပရောက် မြန်မာ့အနုပညာ

ရေးသူ- စစ်ငြိမ်းဒီရေ

ဒိန်းမတ်နိုင်ငံ အက်စ်ပီးယားမြို့ (Esbjerg) က လုပ်ငန်းခွင် ကျွမ်းကျင်
မှု သင်တန်းကျောင်း (AMU center)မှ ဒိန်းမတ်လူမျိုး သင်တန်းဆရာတစ်ဦးက
ဒီနေ့ ကျနော့်ကို မေးခွန်းတစ်ခု မေးပါတယ် ....
“မင်း ... မြန်မာလို “က” တတ်သလား” တဲ့
ထုံးစံအတိုင်း ကျနော်ကလည်း ငပိသံဝဲ၀ဲ မတောက်တခေါက် ဒိန်းမတ်စကားနဲ့
“ငါတို့ မြန်မာအက က အရမ်းခက်တယ်ကွ ... ငါ ... ငါ ... မကတတ်ဘူး”
ဒီလို ပြန်ဖြေတော့ မောင်မင်းကြီးသားက ...
“အဲဒီပညာရပ်အကြောင်း ငါ့ကို နည်းနည်းလောက် ရှင်းပြနိုင်လား” ...
ကျနော့်ခေါင်းထဲမှာ (၃၇)မင်း နတ်တွေ တပြိုင်နက်တည်း ၀င်ပူးသလို ခံစား
လိုက်ရပါတယ်။ စိတ်ထဲမှာ “ဒီကောင်ကို ငါဘယ်လို ရွှီးရင် ကောင်းမလဲ .... ”
ပေါ့၊ အဲလို စဉ်းစားနေတုန်း သတင်းခန်းမ နောက်ဖက် ဆရာ၊ ဆရာမတွေ
သီးသန့် နားနေခန်းမှ မြန်မာတေးသံ တချို့ ကြားလိုက်ရပါတယ်။

သင်တန်းဆရာက ကျနော့်ကို သူတို့ နားနေခန်းထဲကို သွားကြည့်ရအောင်လို့
ပြောလာပါတယ်။ ဒါနဲ့ နှစ်ဦးသား သီးသန့် နားနေခန်းထဲ ရောက်တော့ အာပါးပါး
ဒိန်းမတ်လူမျိုး လေးယောက် အင်တာနက်ပေါ်က မြန်မာတီးလုံးနဲ့ အခန်းထဲမှာ
ကို့ရို့ကားယား က နေကြပါတယ်။ ကွန်ပြူတာ မျက်နှာပြင်ကို လှမ်းကြည့်လိုက်
တော့ နော်ဝေးနိုင်ငံ အော်စလို ၂၀၀၉- ခုနှစ် သင်္ကြန်မှာ ကိုသစ်နက်ဆူးတို့
မိသားစု ဖျော်ဖြေတင်ဆက်ထားသော မြန်မာ့အက ဖြစ်နေပါတယ်။



သင်တန်းဆရာက သူ့ညီက နော်ဝေးနိုင်ငံမှာ နေထိုင်လျက်ရှိကြောင်း၊ သူ့ညီ
ပြောပြလို့ ဒီမြန်မာ့သင်္ကြန် ဖျော်ဖြေတင်ဆက်မှုကို သိခဲ့ရကြောင်း ဆိုပါတယ်။
လာမဲ့ ၂၀၁၀ ဧပြီလကျရင် သူ့ညီရှိရာ နော်ဝေးနိုင်ငံကို အလည်သွားပြီး မြန်မာ့
အနုပညာ “အက” ကို သွားရောက်ကြည့်ရူချင်ကြောင်း ပြောပြပါတယ်။ ယခင်က
အာရှယဉ်ကျေးမှုကို သူ့အနေဖြင့် သိပ်သတိ မထားမိကြောင်း၊ အခုလို သပ်သပ်
ရပ်ရပ် လှလှပပ ခမ်းခမ်းနားနား ဖျော်ဖြေတင်ဆက်မှုကို သူ အပါအ၀င် သူ့မိသားစု၊
သူ့မိတ်ဆွေများပါ အထင်ကြီး လေးစားကြောင်း ပြောပြပါတယ်။ ကျနော်လည်း
သူ့ကို မြန်မာ့အနုပညာအပေါ် လေးစားတဲ့အတွက် ကျေးဇူးများစွာ တင်ကြောင်း
ပြောပြီး ကန်တီးန်ဖက်ကို ထွက်ခွာခဲ့ပါတယ်။


Dec 6, 2009

ဗိုလ်သိန်းစိန်သတင်း ဒိန်းနစ်ရ်ှဘားမား မသိသေးဟုဆို

ရေးသူ- စစ်ငြိမ်းဒီရေ

ဒိန်းမတ်နိုင်ငံ ကိုပင်ဟေဂင်မြို့တွင် ကျင်းပမည့် ကမ္ဘာ့ ရာသီဥတု
ပြောင်းလဲမှုဆိုင်ရာ ညီလာခံသို့ န.အ.ဖ ၀န်ကြီးချုပ် ဗိုလ်သိန်းစိန်
နှင့်အဖွဲ့ တက်ရောက်မည်ဟု ထွက်ပေါ်နေသော သတင်း အချက်အလက်
များနှင့် ပက်သက်၍ သေသေချာချာ မသိရှိသေးကြောင်း ဒိန်းနစ်ရှ် ဘားမား
ကော်မတီ (Den Danske Burma Komités) ပြောဆိုနေပါတယ်။

န.အ.ဖ ၀န်ကြီးချုပ် ဗိုလ်သိန်းစိန်နှင့် အဖွဲ့ ဒိန်းမတ်နိုင်ငံတွင် ကျင်းပသော
ကမ္ဘာ့ရာသီဥတုပြောင်းလဲမှုဆိုင်ရာ ညီလာခံသို့ တက်ရောက်ရန်
လာရောက်တော့မည်ဆိုသော သတင်းကို ...
လွတ်လပ်တဲ့ အာရှအသံ (RFA) မြန်မာဌာန နှင့်
VOA မြန်မာဌာန တို့၏
အင်တာနက် စာမျက်နှာပေါ်တွင် (၃.၁၂.၂၀၀၉) နေ့က ဦးစွာစတင်
ဖေါ်ပြခဲ့ပါတယ်။

ဒိန်းနစ်ရ်ှဘားမားကော်မတီ (Den Danske Burma Komités) ၏
ထိပ်တန်းတာဝန်ခံတစ်ဦးက န.အ.ဖ ၀န်ကြီးချုပ်နှင့်အဖွဲ့ ကိုပင်ဟေဂင်
သို့ သီတင်းပတ်စဉ် (၅၀) (၇.၁၂.၂၀၀၉ နေ့မှ ၁၃.၁၂.၂၀၀၉နေ့အထိ)
အတွင်း လာရောက်မည် ဆိုသော သတင်းကို မိမိ အနေဖြင့် လုံးဝ မသိရှိ
သေးကြောင်း ပြောဆိုပါတယ်။ သီတင်းပတ်စဉ် (၅၁) တွင် ဖြစ်နိုင်ချေ
ရှိသည်ဟု (May be) သာ ပြောဆိုပါတယ်။

တိတိကျကျ သိလိုသူများအနေဖြင့် ဒိန်းမတ်နိုင်ငံ နိုင်ငံခြားရေး
ဝန်ကြီးဌာန၊ ညီလာခံနှင့် ပက်သက်သော အစီအစဉ်ဌာန များသို့
စုံစမ်းမေးမြန်းသင့်ပါကြောင်း အကြံပြုအပ်ပါတယ်။

(ဒိန်းနစ်ရ်ှဘားမား ကော်မတီ ဆိုသည်မှာ ဒိန်းမတ်ပါလီမန်တွင်
မြန်မာ့ဒီမိုကရေစီအရေး အကူအညီပေးရန် ဒိန်းမတ်အစိုးရ ဦးဆောင်မှု
ဖြင့် ဖွဲ့စည်းထားသော ကော်မတီတစ်ရပ် ဖြစ်ပါတယ်။)

Dec 5, 2009

ဗိုလ်သိန်းစိန် တည်းခိုမည့် ဟိုတယ်လိပ်စာ မသိရသေး!



ဒိန်းမတ်နိုင်ငံ ကိုပင်ဟေဂင်မြို့တွင် ကျင်းပသော ကမ္ဘာ့ ရာသီဥတု
ပြောင်းလဲမှုဆိုင်ရာ ညီလာခံသို့ တက်ရောက်လာမည့် န.အ.ဖ
ဝန်ကြီးချုပ် ဗိုလ်သိန်းစိန်နှင့်အဖွဲ့ တည်းခိုသော ဟိုတယ်လိပ်စာ
ကို သိရှိသူများ ကူညီကြပါ။ လုံခြုံရေးအစီအစဉ် တင်းကျပ်မှုကြောင့်
ဟိုတယ်လိပ်စာ စုံစမ်းမေးမြန်းမှု အခက်အခဲ ဖြစ်နေပါသည်။

Dec 3, 2009

အခွဲခံရတဲ့ ဗိုက်



ညီညွတ်ရေးကို ဗိုက်ခွဲကြည့်တော့
ငြိမ်းချမ်းရေး ထွက်မလာဘူး
စေတနာကို ဗိုက်ခွဲကြည့်တော့
အိုင်ဒီယာ ထွက်မလာဘူး
ပိတ်ဆို့မှုကို ဗိုက်ခွဲကြည့်တော့
အဆင်ပြေမှု ထွက်မလာဘူး
လူနာကို ဗိုက်ခွဲကြည့်တော့
ဝေဒနာ ထွက်မလာဘူး
ရွှေငန်းကို ဗိုက်ခွဲကြည့်တော့
ရွှေဥ ထွက်မလာဘူး

ငြိမ်းချမ်းရေးကို ဗိုက်ခွဲတာက ဗိုလ်သန်းရွှေ
အိုင်ဒီယာကို ဗိုက်ခွဲတာက ဂန်ဘာရီ
ပိတ်ဆို့မှုကို ဗိုက်ခွဲတာက ကိုသန်းမြင့်ဦး
လူနာကို ဗိုက်ခွဲတာက ဒေါက်တာကြည်စိုး
ရွှေငန်းကို ဗိုက်ခွဲတာက ရွှေကြိုက်သူများ

သြော် ....
ဆရာတွေလည်း စုံခဲ့ပြီ
သမားတွေလည်း ဟုန်ခဲ့ပြီ
ဒီရောဂါ ဒီလူနာနဲ့ ဒီအနာတို့
သည်းဆဲ။ ။

-စစ်ငြိမ်းဒီရေ

Dec 2, 2009

ရွှေတစ်တင်းနဲ့ နေ့ချင်းသေ

ရေးသူ- စစ်ငြိမ်းဒီရေ




တစ်တင်းဆိုတာ …
နို့ဆီဗူး(၈) ဗူးကို တစ်ပြည်လို့ ခေါ်ပြီး၊ (၁၆)ပြည် ထည့်လို့ ၀င်နိုင်တဲ့
တောင်းကို (၁) တင်းဝင်တောင်းလို့ ခေါ်ပါတယ်။
ဒါဆိုရင်
ဒီလိုဆိုရင်
အဲဒီ (၁)တင်းဝင် တောင်းနဲ့ ရွှေအပြည်ပေါ့ဗျာ …. ။

လွန်ခဲ့တဲ့ တစ်လလောက်က မွေးရပ်မြေရှိ ငယ်သူငယ်ချင်းတွေဆီ
ဖုန်းဆက်ဖြစ်ပါတယ်။ ဖုန်းထဲ အာလာပ သလာပတွေ ပြောရင်း ဆိုရင်း
ကနေ အမျိုးသမီးတစ်ဦးသေဆုံးတဲ့ ကိစ္စတစ်ခုကို ရောက်ပါလေရော။
ကန်ထရိုက်တိုက်တစ်ခုက အခန်းတစ်ခုထဲမှာ အမျိုးသမီးငယ် တစ်ဦး
သေဆုံးလို့ ရက်အတန်ကြာမှ အပုတ်နံ့တွေ ထွက်လာပြီး ရပ်ကွက်က
သိခဲ့ရတယ်တဲ့။ သေဆုံးတဲ့ အမျိုးသမီးလေးက နယ်စပ်အထူးဒေသ
အ၀ယ်တော်တစ်ဦးရဲ့ ဒုတိယလား … တတိယလား … လား …. လား။
“လား” ပေါင်းများစွာနဲ့ အရပ်ထဲ ဆိုကြပါတယ်။ နယ်စပ်မှာ တိုက်ပွဲတွေ
ဖြစ်တော့ အထူးဒေသ အ၀ယ်တော်လည်း အရင်ကလို တန်ခိုးအာဏာ
တွေ ကွယ်ပျောက်ပြီး ကြက်ပျောက် ဌက်ပျောက် အပြေး ကျန်ခဲ့တဲ့
တရုတ်လိုလို … ၁/၂ တရုတ်လိုလို အမျိုးသမီး ခင်မြာ တိုက်ခန်းအတွင်း
နေမကောင်းဖြစ်ပြီး လူမသိ သူမသိ သေဆုံးရတယ်လို့ အားလုံးက မှတ်ချက်
ပေးပါတယ်။ လွန်ခဲ့သော ၁၉၄၅ ခုနှစ် သမိုင်းစာမျက်နှာက သင်္ကြန်သံချပ်
တွေမှာ သုံးလေ့ ရှိတဲ့ “မစ္စတာကြီး ဂျပန်ပြန်၊ စိန်ကြည် ဗိုက်တစ်လုံးနဲ့ ကျန်”
ဆိုသော စကားဟာ ခုထိ မကွယ်ပျောက်သေးဘူးလို့ ငယ်သူငယ်ချင်းများက
ဆိုပါတယ်။

မြန်မာပြည်နဲ့ မနီးမဝေး တိုင်းပြည်တစ်ခုကို ရောက်နေတဲ့ ညီမအရွယ်
မိန်းကလေးတစ်ဦးကို ကျနော်တို့လင်မယားက အိမ်ထောင် မပြု
သေးဘူးလားလို့ တယ်လီဖုန်းထဲတွင် မကြာခဏ စနောက်လေ့ရှိပါတယ်။
သူမက ….
“ရွှေတစ်တင်းနဲ့ နေ့ချင်း သေမဲ့လူ” ကို ရှာဖွေနေကြောင်း ရယ်မောစရာ
အဖြစ် ပြန်ပြောပါတယ်။

ရွှေက တစ်တင်းလည်း ရှိရအုံးမယ် …
လက်ထပ်စာချုပ် လက်မှတ်ထိုးပြီးတာနဲ့ မင်္ဂလာ ရေခဲမုန့်
ခွံ့ကျွေးအပြီး သတို့သား ခင်မြာ သေပေးရမယ် …

အင်း ….
ရွှေတွေက ရွှေမရှိလို့ ရွှေရှာနေရပါလား ….

(ဤမျှသာ။)

Nov 27, 2009

ရုပ်ရှင်များ (၇)

ရေးသူ- စစ်ငြိမ်းဒီရေ

(၁၇)

The Banner Meinhof Complex




ဂျူးလီယက်ဆီဇာ (Julius Caesar) ရုပ်ရှင် ဇာတ်လမ်းကို ၂၀၀၂ ခုနှစ်က
ရိုက်ကူးခဲ့သော ဂျာမန်လူမျိုး ဒါရိုက်တာ Uli Edel ရဲ့ ရုပ်ရှင်ဇာတ်ကား ဖြစ်
ပါတယ်။

၁၉၆၀ ခုနှစ်မှ ၁၉၇၀ ခုနှစ်ကြား ပေါ်ပေါက်ခဲ့သော အစွန်းရောက် ဂျာမန်
အမျိုးသားရေးဝါဒီ နာဇီလက်သစ် The Red Army Faction (RAF) အဖွဲ့ဝင်
လူငယ်များ၏ ဗုံးခွဲ၊ ဒမြတိုက်၊ ပြန်ပေးဆွဲ၊ အကြမ်းဖက်မှုများကို ဆန့်ကျင်
တဲ့ ရူဒေါင့်ကနေ ရိုက်ကူးတင်ပြထားတဲ့ ရုပ်ရှင်ဇာတ်လမ်း တစ်ခုပါ။ သိုပေမဲ့
ဒီဇာတ်လမ်းဟာ ဂျာမဏီနိုင်ငံ အပါအ၀င် အခြားဥရောပတိုင်းပြည်တွေမှာ
နာဇီလက်သစ်ဝါဒ ဘယ်လိုပုံစံ ပြန်လည်ပြီး ခေါင်းထောင်လာမလား ဆိုတဲ့
မေးခွန်းတွေနဲ့ လောလောဆယ် ရင်ဆိုင်နေရတဲ့ ရုပ်ရှင်ဇာတ်လမ်းတစ်ခုပါ။

ဒီရုပ်ရှင်ကို အင်တာနက်ပေါ်တွင် အခမဲ့ ကြည့်လို့ရပြီဖြစ်ကြောင်း သတင်း
ကောင်းပါးအပ် ပါတယ်။ ကြည့်မယ်ဆိုရင် အရင်ဆုံး ဒီလင့်ခ်ကို သွားပါ။
ပြီးတော့ #3 – youku ခေါင်းစဉ်အောက်က Full Movie ကို နှိပ်လိုက်ရင်
ရုပ်ရှင်ကြည့်လို့ရတဲ့ တရုတ်ဝက်ဆိုဒ် တစ်ခု ပေါ်လာပါ့မယ်။

အင်တာနက်ပေါ်က တရုတ်ပညာရှင် သူခိုးတွေရဲ့ ကျေးဇူးတရား
ကြီးမားလေစွ ... ကြီးမားလေစွ ... ။


(ဤမျှသာ။)

Nov 26, 2009

အတ္ထုပ္ပတ္တိ၏ အတ္ထုပ္ပတ္တိ (နောက်ဆုံးပိုင်း)

ရေးသူ- ဆရာ မြသန်းတင့်

ဒါကို ကျွန်တော် ပြန်ကြည့်တဲ့အခါမှာ ပထမဆုံး ရေးတာက ဦးသိန်းဖေမြင့်၊
ဦးဖိုးစိန်အကြောင်း ရေးတာ ကျွန်တော်တို့က စာရေးဆရာ ဖြစ်ကာစ၊
ကျောင်းက ထွက်လာကာစ၊ ဦးဖိုးစိန်ကြီးရဲ့ (၇၅) နှစ်မြောက်မွေးနေ့၊ သူ့ခြံထဲ
မှာ လုပ်တယ်၊ ကျွန်တော်က စာတမ်း ဖတ်တယ်၊ သိန်းဖေမြင့်က စကားပြော
တယ်။ အဲဒီနောက် သိန်းဖေမြင့်က ဦးဖိုးစိန်ရဲ့ အတ္ထုပ္ပတ္တိကို ရေးပါတယ်။

ဒါ ပထမဆုံး အနုပညာသည်ရဲ့ အတ္ထုပ္ပတ္တိပါ။ ဒုတိယကတော့ ဒေါ်အမာရေးတဲ့
“ဖိုးစိန်ကတုံး၊ အောင်ဗလ” နောက်တခါ ဒေါ်အမာရေးတဲ့ “ရွှေမန်းတင်မောင်”၊
“ပြည်သူချစ်သော အနုပညာသည်များ” သီချင်းရေး ဆရာတွေပါတယ်။ အဆို
တော်တွေ ပါတယ်။ မထွေးလေးလည်း ပါတယ်။ မြခြေကျင်း မငွေမြိုင် ပါတယ်။
မငြိမ်းပါတယ်။ မမြရင် ပါတယ်။ စသည်ဖြင့်ပေါ့၊ အဲဒါဟာတွေဟာ စစ်ပြီးခေတ်
မှာ ပေါ်လာတဲ့ နိုင်ငံရေးသမား မဟုတ်သော၊ စာရေးဆရာ မဟုတ်သော
အနုပညာသည်များရဲ့ အတ္ထုပ္ပတ္တိ၊ အဲဒီအတ္ထုပ္ပတ္တိတွေထဲမှာ အတ္ထုပ္ပတ္တိဆရာ
တွေဟာ ဘယ်လို ရေးခဲ့ကြသလဲဆိုတော့ ပညာရှင်တွေဆိုခဲ့တာ၊ အတ္ထုပ္ပတ္တိ
ရေးတဲ့လူဟာ ပထမအားဖြင့် ပုံတူရေးသူ ပန်းချီဆရာ ဖြစ်ရမယ်။ ပုံတူဆွဲတဲ့လူ
ဖြစ်ရမယ်။ ဒုတိယအားဖြင့် သမိုင်းဆရာရဲ့ အလုပ်ကို လုပ်ရမယ်။ ဒီနှစ်ခုကို
လုပ်ပြီးမှသာလျှင် Biography ရေးလို့ရတယ်။ ဒါမှ ကောင်းတဲ့ Biography
တစ်ခုထွက်လာမှာပါ။

ဇော်ဝင်းထွဋ်အကြောင်းကို ရေးပြီဆိုရင် ကိုယ့်ဇာတ်လိုက်၊ ဘယ်သူ့ကို မေးရ
မလဲ ဆိုရင် ဇာတ်လိုက်ကို မေးရမယ်။ ကိုယ့်ဇာတ်လမ်းမှာပါတဲ့ ဒုတိယ
ဇာတ်ကောင် အဖေ့ဆီက၊ အမေ့ဆီက၊ ဇနီးမယား ဆွေမျိုးညာတိတွေဆီက
ရမယ်၊ သူငယ်ချင်း အပေါင်းအသင်းတွေဆီက ရမယ်။ နောက် ဇာတ်လိုက်ရဲ့
ရန်သူတွေဆီကလည်း မေးရမယ်။ ဒီလိုမေးလို့ ရပြီးရင် ဘာလုပ်မလဲဆိုတော့
ဇော်ဝင်းထွဋ် ဖြတ်သန်းနေတဲ့ ခေတ်၊ ကိုယ့်ဇာတ်လိုက် ဖြတ်သန်းနေတဲ့
ခေတ်ကြီးရဲ့အကြောင်းကို ရေးထားတဲ့ သမိုင်း၊ သူဖြတ်သန်းနေတဲ့ ဂီတသမိုင်း၊
ဂီတခေတ်၊ ၀တ်စားဆင်ယင်မှုခေတ်၊ လူမှုရေးခေတ် ဒါတွေကို ကျွန်တော်တို့
လေ့လာရမယ်။ နောက် သူနဲ့တကွ သူနဲ့ နီးစပ်တဲ့ ပုဂ္ဂိုလ်တွေရဲ့ နေ့စဉ်မှတ်
တမ်းတွေ၊ ပေးစာတွေအထဲကလည်း အများကြီးယူလိမ့်မယ်။ အကယ်၍
သူဟာ စာရေးဆရာ ဖြစ်ခဲ့ရင် သို့မဟုတ် သူဟာ ဟောပြောသူ ဖြစ်ခဲ့ရင်
သူ ရေးခဲ့တဲ့ စာတွေ၊ သူ ပြောခဲ့တဲ့ စကားတွေ၊ သူ ရေးခဲ့တဲ့ သီချင်းတွေ၊
သူဆိုခဲ့တဲ့ သီချင်းတွေထဲကနေလည်း ရနိုင်တဲ့ အချက်အလက်တွေ ရှာ
ယူရမယ်။

ဥပမာ “မေတ္တာနုနု စေလိုသူ” သီချင်းထဲက ထားရဲ့ Biography ကို
ကျွန်တော်တို့ ဘယ်လောက်ရနိုင်သလဲဆိုတာ ဇော်ဝင်းထွဋ်ရဲ့ ဘယ်
သီချင်းထဲကနေ သူ့ရဲ့ Biography ကို ဘယ်လောက် ရနိုင်သလဲဆိုတာ၊
အဲဒီ အထဲကနေ ကျွန်တော်တို့ ရှာရလိမ့်မယ်။ ဒါ Biography ရေးပုံရေးနည်း
ပေါ့လေ။ Biography ဟာ (Explore every fields) သူ့ဇာတ်လိုက်နဲ့
ပက်သက်တဲ့ နယ်တိုင်းနယ်တိုင်းကို အကုန်စူးစမ်းရလိမ့်မယ်။ (Verity
every facts) သူ သိလာတဲ့ အချက်အလက်တိုင်းကို မှန်မမှန် စစ်ဆေး
ရမယ်။ Check and Cross check every document သူ့ရဲ့ မှတ်တမ်း
အထောက်အထားတိုင်းကို ပြန်စစ်ရမယ်။ ပြောင်းပြန်တခါ Cross check
လုပ်ရမယ်။ အဲဒီလို လုပ်မှသာလျှင် ကောင်းမွန်တဲ့ Biography တစ်ခုကို
ရနိုင်တယ်လို့ ပြင်သစ် အတ္ထုပ္ပတ္တိရေးဆရာ Andre Maurios ပြောခဲ့ဖူးတယ်။

အင်္ဂလိပ်မှာ သိပ်နာမည်ကြီးတဲ့ အတ္ထုပ္ပတ္တိရေးဆရာ Lyttan Strachey
ဝိတိုရိယ ဘုရင်မကြီးရဲ့ အကြောင်း အတ္ထုပ္ပတ္တိကို ရေးခဲ့တယ်။ သူ့ကို
Prince of Biographer လို့ ခေါ်တယ်။ အတ္ထုပ္ပတ္တိရေးဆရာတွေရဲ့ ဘုရင်၊
မင်းသား၊ သူက ဘာပြောသလဲဆိုတော့ ….
A mass of notes and document is no more a biography than
a mountain of eggs is an omelette.
သူ့မှာ အချက်အလက်တွေ ဘယ်လောက်များများ၊ ကျွန်တော်မှာ
ဇော်ဝင်းထွဋ်နဲ့ ပက်သက်တဲ့ အချက်တွေ ဘယ်လောက်ပဲရ ကြက်ဥတွေ
အများကြီးကို Omelette ဖြစ်အောင် မလုပ်တတ်ရင် Omelette ဖြစ်မလာဘဲ
ကြက်ဥအပုံကြီးပဲ ဖြစ်နေမှာဖြစ်သလို အချက်အလက်တွေကို ကျကျနန ဖွဲ့
စည်း၊ Organize မလုပ်တတ်ရင် အချက်အလက်ပဲ ဖြစ်နေမှာပဲ၊ ဒါကြောင့်မို့
အတ္ထုပ္ပတ္တိရေးတဲ့လူဟာ တပြိုင်နက်တည်းမှာ ပုံတူရေးတဲ့ လူလည်း ဖြစ်ရ
မယ်၊ သမိုင်းဆရာလည်း ဖြစ်ရမယ်လို့ သူက ပြောခဲ့တယ်။ ကျွန်တော်
နောက်ထပ် ငါးမိနစ်လောက် စာလေးတစ်စောင် ဖတ်ပြပါရစေ။

ကျွန်တော်ပြောချင်သေးတာ တစ်ခုက ဇော်ဝင်းထွဋ်ရဲ့ အတ္ထုပ္ပတ္တိထက်
ပိုပြီး အရေးတကြီးလိုနေတဲ့ အတ္ထုပ္ပတ္တိ၊ ဒါက ဘာလဲဆိုတော့ သူ့အဘိုး
“ရွှေတိုင်ညွှန့်ရဲ့ အတ္ထုပ္ပတ္တိ၊ ရွှေတိုင်ညွှန့် မရှိဘဲနဲ့ “ထား” မရှိနိုင်ဘူး၊
ထား မရှိဘဲနဲ့ “ဇော်ဝင်းထွဋ် ” မရှိနိုင်ဘူး။ ဒီလိုပဲ “သုံးရွေ့လယ်” မရှိဘဲနဲ့
“မေတ္တာနုနုစေလိုသူ” မရှိနိုင်ဘူး။ “မေတ္တာနုနုစေလိုသူ” မရှိဘဲ “မာကျူရီည”
မရှိနိုင်ဘူး။ ဒါကြောင့် ကျွန်တော် ရွှေတိုင်ညွှန့်ရဲ့ အတ္ထုပ္ပတ္တိကို ရေးစေ
ချင်ပါတယ်။ အဲဒီခေတ်က နာမည်ကြီး တေးရေးဆရာ လေးယောက်ရှိ
ပါတယ်။ ရွှေတိုင်ညွှန့်၊ ရွှေပြည်အေး၊ မြို့မငြိမ်း၊ နန်းတော်ရှေ့ ဆရာတင်၊
အင်မတန်တော်တဲ့ တေးရေးဆရာတွေပါ။ အသံ သိပ်မကောင်းတဲ့ အဆိုတော်
တွေကိုပါ အောင်မြင်အောင် ရေးပေးနိုင်ကြပါတယ်။

အင်္ဂလိပ်လို ပြောလေ့ရှိကြတယ်။ not the singer but the song
သီချင်းကြောင့် အဆိုတော် နာမည်ကြီးလာရတာ၊ နောက်တစ်မျိုးက
not the song but the singer အဆိုတော်ကြောင့် သီချင်း နာမည်ကြီး
လာရတာ။

ရွှေတိုင်ညွှန့်တို့၊ နန်းတော်ရှေ့တို့၊ မြို့မငြိမ်းတို့၊ ရွှေပြည်အေးတို့ ဆိုတဲ့
ပုဂ္ဂိုလ်တွေက သီချင်းရေး သိပ်ကောင်းတယ်။ သူတို့ သီချင်းတွေကို
ဆိုလိုက်ရင် အဆိုတော်တွေ နာမည်ကြီးတယ်။ အဆိုတော်တွေကို မွေး
ထုတ်ပေးနိုင်တဲ့ သီချင်းရေးဆရာမျိုးတွေပါ။

ရွှေတိုင်ညွှန့်တို့ နန်းတော်ရှေ့တို့ရဲ့ ဆက်ဆံရေးဟာလည်း အင်မတန်
စိတ်ဝင်စားစရာ၊ လွမ်းချင်စရာ ကောင်းတယ်။ တစ်ယောက်ရဲ့ tune ကို
တစ်ယောက်က ကြိုက်ရင် ယူစပ်လိုက်တာပဲ။ သူက ကိုယ့် tune ကို
ယူစပ်လိုက်လို့ တရားစွဲတယ်၊ သတင်းစာက ကြေညာတယ်ဆိုတာ မရှိဘူး။
ဥပမာ “ဟေ၀န်နန်း” ကို ရွှေတိုင်ညွှန့် ရေးတယ်။ မမြရင်ရဲ့ “ရွှေပြည်စိုး”
ကို နန်းတော်ရှေ့ ရေးတယ်။ ဘယ်သူက စောသလဲ မသိဘူး။ ဘယ်သူက
စောစော ဘာမှ မပြောကြဘူး။ ကြည့်ရတာကတော့ ၎င်းနဲ့ ခင်တဲ့ သူငယ်ချင်း
တွေ လုပ်ဖော်ကိုင်ဖက်တွေ ဖြစ်ပုံရတယ်။ သူတို့တတွေရဲ့ ဆက်ဆံရေးဟာ
ဘယ်လောက် ချစ်စရာကောင်းသလဲ၊ ဒီလိုပဲ tune တူတဲ့ သီချင်းတွေ
တော်တော်များများ ရှိတယ်။ တခြားလူတော့ မသိဘူး။ ကျွန်တော်ကတော့
သူတို့တတွေရဲ့ ဆက်ဆံရေးကို သိပ်သိချင်တာပဲ။ ကျွန်တော်တို့ ခေတ်
လူငယ်တွေ ဘယ်လောက် အတု ယူဖို့ ကောင်းသလဲ။

အေ၀မ်းခင်မောင် ကျွန်တော့်ကို ပြောဖူးတာ ရှိသေးတယ်။ တခါတုန်းက
ရွှေပြည်အေးက သူ့ကို သီချင်းတစ်ပုဒ် ချပေးသတဲ့။ သီချင်းက
“အတိတ်က တစ်နာရီ” ဆိုတဲ့ သီချင်းနဲ့ ကိုခင်မောင်က လိုက်တီးပြီး
“ဆရာ tune က နန်းတော်ရှေ့ရဲ့ မင်းခမ်းမင်းနားနဲ့ တူနေပါလား” လို့
ပြောတယ်။ ဒီတော့ ရွှေပြည်အေးက “ဟေ့ကောင် စကားမများနဲ့ တီးမှာ
သာတီး၊ မင်းခမ်းမင်းနားက အသံကို ကြိုက်လွန်းလို့ တစ်ပုဒ်လုံး ယူထား
တာကွ၊ ဒီလိုအသံမျိုး ငါ မရှာနိုင်သေးလို့” ပြောသတဲ့။

ရွှေပြည်အေးရဲ့ ရိုးသားဖြူစင်ပုံကို ဖော်ပြနေတဲ့ အဖြစ်အပျက်ကလေးပါ။
အေ၀မ်းကိုခင်မောင် ပြောပြဖူးလို့ ကျွန်တော် မှတ်ထားလိုက်ပါတယ်။
အဲဒီခေတ်က လူကြီးတွေရဲ့ ဆက်ဆံရေးကိုသိရင် ကျွန်တော်တို့ အတု
ယူနိုင်မှာပါ။ ဒါကြောင့် ရွှေတိုင်ညွှန့်ရဲ့ အတ္ထုပ္ပတ္တိကို ရေးစေချင်ပါတယ်။

ဂီတသမိုင်းမှာ ရှိနေတဲ့ သူတို့ရဲ့ အခန်းကဏ္ဍကို ဘယ်လိုမှ ဖျောက်ထား
လို့ မရပါဘူး။ ဒါကြောင့် ဇော်ဝင်းထွဋ် အဘိုး၊ ထားရဲ့ အဖေ “ဆရာ
ရွှေတိုင်ညွှန့်” အတ္ထုပ္ပတ္တိဟာ ဇော်ဝင်းထွဋ် အတ္ထုပ္ပတ္တိထက် လိုအပ်
ပါတယ်လို့ပြောရင်း ကျွန်တော်ရဲ့ “အတ္ထုပ္ပတ္တိ” ကို နိဂုံးချုပ်လိုက်ပါတယ်။

ကျေးဇူးတင်ပါတယ်။


(ရုပ်သံ မဂ္ဂဇင်း၊ မေလ- ၁၉၉၆)

Nov 24, 2009

အတ္ထုပ္ပတ္တိ၏ အတ္ထုပ္ပတ္တိ (၂)

ရေးသူ- ဆရာ မြသန်းတင့်

ရှေးတုန်းက ရှိခဲ့တဲ့ Hagiography ဆိုတဲ့ ဗုဒ္ဓ၀င်ရှိတယ်၊ မဟာဝင် ရှိတယ်၊
ဒီပ၀ံ ရှိတယ်။ သူတို့ဆီမှာ Old Testament ရှိတယ်၊ New Testament
ရှိတယ်။ နောက် သူတော်စင်တွေရဲ့ အတ္ထုပ္ပတ္တိ ရှိတယ် ဆိုပါစို့။ ကျွန်တော်တို့
ဆီမှာ ဗုဒ္ဓရဲ့ အတ္ထုပ္ပတ္တိ၊ ဗုဒ္ဓရဲ့ သာဝကတွေဖြစ်တဲ့ သံဃာတော်တွေရဲ့
အတ္ထုပ္ပတ္တိ၊ နောက် ဇီဝက အတ္ထုပ္ပတ္တိ၊ ဇီဝက ခင်ဗျားတို့ သိပါတယ်။ ရှေးဆရာ
သမားတော်ကြီး ဇီဝကရဲ့ အတ္ထုပ္ပတ္တိဟာ ဗုဒ္ဓ၀င်ထဲမှာ ပါတယ်။ အင်မတန်
စိတ်ဝင်စားစရာ ကောင်းတယ်။ ဇီဝကရဲ့ အမေက သာလ၀ဟီဆိုတဲ့
ပြည့်တန်ဆာမ၊ အဖေ မရှိဘူး။ ရှေးတုန်းက ဟိန္ဒူယဉ်ကျေးမှုမှာ ပြည့်တန်ဆာမ
ဆိုရင် ဘာလုပ်ရသလဲဆိုတော့ မိန်းကလေးမွေးရင် အရွယ်ရောက်အောင်
စောင့်ရှောက်ရတယ်။ သားမွေးရင် စွန့်ပစ်ရတယ်။ ပြည့်တန်ဆာမ ဆိုတာ
သားသမီး မထားရဘူး။

အဲဒီတော့ ဇီဝကကို မွေးပြီးပြီးချင်း အမှိုက်ပုံမှာ စွန့်ခဲ့ရတယ်။ စွန့်ပစ်ခဲ့ပြီးမှ
ဗိမ္မိသာရရဲ့သား အဘယ မင်းသားက နန်းတော်ကိုအသွား အမှိုက်ပုံမှာ
အနှီးတရုန်းရုန်းဖြစ်နေတာ ဘာလဲလို့ သွားကြည့်ခိုင်းတော့ “စွန့်ပစ်ထားတဲ့
ကလေး လေးပါဘုရား”၊ “ဟာ အသက်ရှိသေးလား”၊ “ရှိပါသေးတယ်ဘုရား”
ဒါကြောင့်မို့ ဇီဝတိ အသက်ရှိသေးတယ်ဆိုတဲ့သဘော၊ ဇီဝကဆိုတာ အမှိုက်
ပုံထဲက ရလာတဲ့ ကလေး၊ ပြည့်တန်ဆာမရဲ့ သား၊ အဖေ မပေါ်တဲ့ ကလေး
ဟာ အင်မတန် ကြီးကျယ်တဲ့ သမားတော်ကြီး ဖြစ်လာတယ်။ ကမ္ဘာမှာ ဗုဒ္ဓ၀င်၊
အိန္ဒိယသမိုင်းမှာတောင် အင်မတန် ကြီးကျယ်တဲ့ သမားတော်ကြီး ဖြစ်လာ
တယ်။

ဒီတော့ ဒီလိုဟာမျိုးတွေဟာ (Hagiography) ရှေးတုန်းကတည်းက ရှိတယ်
နော်။ နောက် ပြင်သစ်က သာသနာအတွက် အသက်စွန့်သွားတဲ့ “ဂျုံး”
Joam of Arc ဆိုတဲ့ အမျိုးသမီး၊ နောက်တခါ ဗုဒ္ဓ၀င်တွေ ပြီးတော့ ဗုဒ္ဓ၀င်တွေ
ပြီးတော့ ဒုတိယအမျိုးအစား ရှေးက အတ္ထုပ္ပတ္တိဟာ ဘာလဲဆိုတော့ ကျောက်စာ၊
ကျွန်တော်တို့ (၁၈)ရာစုလောက်က ခင်ကြီးပျော် ဆရာတော်ဘုရားရဲ့ သင်္ချိုင်းက
ကျောက်စာ၊ ဆရာတော်ဘုရားရဲ့ သင်္ချိုင်းမှာ ကျောက်စာ ရိုက်ထားတယ်။
ကျောက်စာမှာ သူ့ရဲ့ story အကုန်ပါတယ်။ နောက် (၁၈၄၀) ခုနှစ်မှာ ရေးတဲ့
သဲအင်း သာသနာပိုင် ဆရာတော်ဘုရားရဲ့ ကျောက်စာ၊ အဲဒီမှာ အတ္ထုပ္ပတ္တိ
အစုံပါတယ်။ (၁၈၆၅)ခုမှာ ရေးတဲ့ မန္တလေး သာသနာပိုင် ဦးရေ၀ယျရဲ့
အတ္ထုပ္ပတ္တိ ကျောက်စာ၊ (၁၈၉၂) မှာရေးတဲ့ မိုင်းကိုင်မြို့စား ဦးယံ၊ မင်းတုန်းမင်း
လက်ထက်တုန်းက ပိဋကတ် တိုက်မှူးကြီး၊ သူ့ရဲ့ သင်္ချိုင်းက ကျောက်စာ၊
(၁၈၈၄) ခုနှစ်မှာ ရေးထိုးတဲ့ ယောအတွင်းဝန် ဦးဖိုးလှိုင်ရဲ့ ကျောက်စာ၊ ဒါလည်း
အတ္ထုပ္ပတ္တိပဲ။ နောက်တစ်မျိုးက ဧချင်း၊ တောင်ငူ (၁၆) ရာစုမှာ ပေါ်တဲ့
တပင်ရွှေထီးရဲ့ ဧချင်း၊ တပင်ရွှေထီး ကလေးလေးတုန်းက ဘုရင်ဖြစ်လာတဲ့
အခါကျတော့ လှော်ကားသုံးထောင်မှူးက ဧချင်း စပ်တယ်။ တပင်ရွှေထီးရဲ့
Biography ကဗျာပေါ့။ ဧချင်းပုံစံနဲ့ နောက် သခင်ထွေး ဧချင်း၊ အင်းဝဘုရင်
မင်းခေါင်ရဲ့ သားတော်၊ နောက်တစ်ခု ရာဇ၀င်ကျမ်းတွေ ရှိတယ်။

ရှင်မဟာသီလ၀ံသ ရေးတဲ့ ရာဇ၀င်ကျော်တွေ ရှိတယ်။ ဦးကုလား ရာဇ၀င်
ရှိတယ်၊ မှန်နန်းရာဇ၀င် ရှိတယ်၊ အရေးတော်ပုံကျမ်းတွေ ရှိတယ်၊ ဥပမာ
အလောင်းဘုရားရဲ့ အရေးတော်ပုံ၊ အလောင်းဘုရားရဲ့ အရေးတော်ပုံဆိုတာ
အလောင်းဘုရားရဲ့ Biography တစ်ခုလို့ ယူဆလို့ ရတယ်။ ရာဇဓိရာဇ်
အရေးတော်ပုံဆိုရင်လည်း ရာဇဓိရာဇ်ရဲ့ Life story တစ်ခုပဲ။ ဥပမာ
ရွှေတိဂုံ အနောက်တောင်ဘက် စောင်းတန်းမှာ ပန်းသည်မနဲ့ ကြိုက်တာက
အစ ရာဇဓိရာဇ်က မင်းသား “ဗညားနွဲ့”၊ ရွှေတိဂုံဘုရားစောင်းတန်းက
ပန်းသည်မနဲ့ ရည်ငံပြီးတော့ ပန်းသည်မကို မိဖုရားမြှောက်တာ၊ တခါ
သူ စစ်တိုက်တာတွေ ဘာတွေ အကုန်ပါတယ်။ ဒါက ရာဇ၀င်ထဲက လာတဲ့
အတ္ထုပ္ပတ္တိ သူတို့ဆီမှာလည်း ဒီလိုပဲ။

(၁)ရာစုက ပေါ်ခဲ့တဲ့ သမိုင်းဆရာ Plutard ရောမ သူရဲကောင်းတွေရဲ့
အတ္ထုပ္ပတ္တိ၊ အင်္ဂလန်မှာ ပထမဆုံးပေါ်တဲ့ အတ္ထုပ္ပတ္တိက ဆင်မြူရယ်ဂျွန်ဆင်
ရေးတဲ့ Life of Richard Sarage ရဲ့ အတ္ထုပ္ပတ္တိဟာ အင်္ဂလန်မှာ ပထမဆုံး
ပေါ်တဲ့ အတ္ထုပ္ပတ္တိပဲ။ ကျွန်တော်တို့ဆီမှာ နောက်ပိုင်း ရေးလာတာကျတော့
ဗုဒ္ဓ၀င်တွေ မဟုတ်တော့ဘူး။ သက်ရှိ အတ္ထုပ္ပတ္တိ၊ ဓမ္မစေတီ အတ္ထုပ္ပတ္တိ၊
ရှင်စောပုရဲ့ သားမက်၊ ဆရာတော်များ (၁၀၅) ပါး ဦးရေစာရင်း၊ မင်းလှစည်သူ
ရေးတဲ့ ဆရာတော်ကြီးတွေရဲ့ အတ္ထုပ္ပတ္တိ၊ နောက် ရှင်တေဇောသာရတို့၊
ရှင်အဂ္ဂသမာဓိတို့ရေးတဲ့ အတ္ထုပ္ပတ္တိတွေ၊ အဲဒါ (၁၈၈၆) မှာရေးတယ်။
နောက် ခင်ကြီးပျော်ရဲ့ အတ္ထုပ္ပတ္တိ၊ ကန်တော်မင်ကျောင်း ဆရာတော်က
(၁၉၀၄) ခုနှစ်မှာ ရေးတယ်။ (၂၀) ရာစုခေတ်ထဲကို ရောက်လာပြီ။ အဲဒါတွေ
ဘုန်းကြီးတွေရဲ့ အတ္ထုပ္ပတ္တိ၊ နောက် လူတွေရဲ့ အတ္ထုပ္ပတ္တိ၊ လူတွေရဲ့
အတ္ထုပ္ပတ္တိ ကို ဦးဖိုးကျားကတော့ ပုဂ္ဂလအဘိဓါန်လို့ ခေါ်ခဲ့တယ်။ လူပုဂ္ဂိုလ်တွေ
ရဲ့ အဘိဓါန်၊ လူအကြောင်း သိချင်ရင် ကြည့်ဖို့၊ ဒေါက်တာ သာထွန်းဦးအကြောင်း
သိချင်ရင် အဲဒီစာအုပ်ကို လှန်လိုက်၊ အဲဒီမှာ အကုန်ပါတယ်။ လူပုဂ္ဂိုလ်ဆိုင်ရာ
အကြောင်း အရာတွေနဲ့ ပတ်သတ်တာမို့ ဦးဖိုးကျားက ပုဂ္ဂလအဘိဓါန်လို့
ခေါ်သွားပါတယ်။

အဲဒါ Biography လို့ ခေါ်တာ၊ အဲဒီနောက် ဘာတွေ ပေါ်လာလဲဆိုတော့
ဦးဖိုးကျားရေးတဲ့ ဦးထွန်းရှိန်ရဲ့ အတ္ထုပ္ပတ္တိ၊ ဖေ-ပု-ရှိန်၊ ဘိလပ်သွားတဲ့
ဦးထွန်းရှိန်၊ နောက် မြန်မာပညာရှိကြီးများရဲ့ အတ္ထုပ္ပတ္တိ၊ မှော်ဘီဆရာသိန်း
ရေးတယ်၊ မြ၀တီမင်းကြီးဦးစတို့၊ လက်ဝဲသုန္ဒရတို့ စတဲ့ မြန်မာပညာရှိကြီး
တွေရဲ့ အတ္ထုပ္ပတ္တိ၊ ဒါ စစ်မဖြစ်ခင်က ကျန်သေးတာက “ဘိုးဝဇီရ” ရဲ့
အတ္ထုပ္ပတ္တိ၊ မန္တလေးက ပထမဆုံးသော မြန်မာသတင်းစာ ဆရာကြီး၊ နောက်
ဦးသိန်းဖေမြင့် ဆရာလွန်း အတ္ထုပ္ပတ္တိ၊ စစ်ပြီးတော့ ဂျာနယ်ကျော်မမလေးရဲ့
သူလိုလူ၊ သူ့ခင်ပွန်း ဂျာနယ်ကျော် ဦးချစ်မောင်ရဲ့ အကြောင်းကို ရေးထား
တာ၊ ဗိုလ်ချုပ်အောင်ဆန်းရဲ့ အတ္ထုပ္ပတ္တိ၊ ပထမ ဗိုလ်သိန်းဆွေ ရေးတယ်၊
နောက် သတင်းထောက် ဦးပုလေး ရေးတယ်၊ နောက် ဦးအောင်သန်း ရေး
တယ်။ အဲဒါ လူပုဂ္ဂိုလ်တွေရဲ့ အတ္ထုပ္ပတ္တိ၊ ကောင်းပြီး ဒါ သူတို့က နိုင်ငံရေး
သမားတွေ၊ ဦးထွန်းရှိန်တို့ ဆရာလွန်းတို့ ဗိုလ်ချုပ်အောင်ဆန်းတို့ ဆိုတာ။
ကောင်းပြီ အဆိုတော်တွေ၊ အနုပညာရှင်တွေ စစ်ပြီးတဲ့နောက် ဇာတ်သဘင်
ပညာရှင်တွေ အကြောင်းကို ကျွန်တော်တို့ မြန်မာမှာ ဘယ်သူတွေ ရေး
သလဲ။

(ဆက်ရန်။)

Nov 22, 2009

UNHCR အစီအစဉ်နဲ့ ဒိန်းမတ်ရောက်ရင်

ရေးသူ- စစ်ငြိမ်းဒီရေ

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR)
အစီအစဉ်နဲ့ ဒိန်းမတ်နိုင်ငံသို့ လာရောက်မည့် ဒုက္ခသည်များ
သိစေရန် အကြံပြုအပ်ပါသည်။

ဒိန်းမတ် နိုင်ငံသည် နှစ်စဉ် ဒုက္ခသည်အသစ် (၅၀၀) နီးပါးကို လက်ခံ
နေထိုင်ခွင့်ပြုသော နိုင်ငံတစ်ခု ဖြစ်ပါသည်။ လက်ရှိ ဒိန်းမတ်နိုင်ငံတွင်
အစိုးရအဖြစ် အာဏာရနေသော လစ်ဗရယ်(Venstre ဒိန်းမတ်လို ဗင်းစတာ)
ပါတီသည် ဒိန်းမတ် ပါလီမန်တွင် ၎င်းတို့ အစိုးရ ဖွဲ့စည်းနိုင်ရေးအတွက်
ညွှန့်ပေါင်းမဟာမိတ်ပါတီ အစုအဖွဲ့ကို ဖွဲ့စည်းထားပါသည်။ ၎င်းတို့၏
အစုအဖွဲ့တွင် အစွန်းရောက် အမျိုးသားရေး ပါတီ တစ်ခုဖြစ်သော
ဒိန်းမတ် ပြည်သူ့ ပါတီ (Dansk Folkeparti ဒိန်းမတ်လို ဒန့်စ်ဖရော့ပါတီ)
နဲ့ မဟာမိတ် ပြုထားပါသည်။ ထို ဒိန်းမတ်ပြည်သူ့ပါတီသည် ပြည်ပမှ
ပြောင်းရွေ့ ၀င်ရောက်လာသော နိုင်ငံခြားသားများအား လုံးဝရွံရှာမုန်းတီး
သော ပါတီတစ်ခု ဖြစ်ပါသည်။ ဒိန်းမတ်နိုင်ငံအတွင်း လွန်ခဲ့သော နှစ်ပေါင်း
များစွာ ကတည်းက ဒုက္ခသည်အဖြစ် နေထိုင်လျက်ရှိသော အီရန်၊
အီရတ် လူမျိုးများက ထို “Dansk Folke(ဒန့်စ်ဖရော့)” ပါတီအား “နာဇီ”
ပါတီဟု ခေါ်ဝေါ် ကြပါသည်။

ဒိန်းမတ်နိုင်ငံသို့ UNHCR အစီအစဉ်ဖြင့် ပြောင်းရွေ့ အခြေချနေထိုင်ခွင့်
ရသော ဒုက္ခသည်များသည် ဒိန်းမတ်- ဒုက္ခသည်များဆိုင်ရာ ၀န်ကြီးဌာန၏
စီစဉ်ပေးမှုအောက်တွင် ရွေးချယ်ခွင့်မရဘဲ ၎င်းတို့စီစဉ်ပေးသော ဒေသများ
တွင် သုံးနှစ်ပြည့်အောင် နေထိုင်ရပါသည်။

ယင်းသို့ နေထိုင်ရာတွင် မိမိတို့ နေထိုင်ခွင့်ရသော ဒေသ၏ အုပ်ချုပ်
ရေး ကောင်စီ၊ ဒိန်းမတ်ပါလီမန်တွင် လွှတ်တော်ကိုယ်စားလှယ် အဖြစ်
အရွေးခံနေရသူတို့နှင့် စပ်လျဉ်းသော နိုင်ငံရေး ပါတီကို တတ်နိုင်သရွေ့
စုံစမ်းမေးမြန်းသင့်ပါသည်။ အဘယ်ကြောင့် ဆိုသော် ဒိန်းမတ်နိုင်ငံအတွင်း
သို့ ဒုက္ခသည်အဖြစ် ရွေ့ပြောင်းလာသူများအကြား ပညာသင်ကြားခွင့်၊
လူမှုဖူလုံရေး အကူအညီ အထောက်အပံ့များနှင့် ပက်သက်ပြီး ခံစားခွင့်
များ ကွာဟနေမှုသည် ယခုအခါ ဆွေးနွေးငြင်းခုန်ရသည့်အထိ ဖြစ်ပေါ်နေ
ပါသည်။

“ဆိုရှယ်ဒီမိုကရက်တစ် ပါတီ (Socialdemokratiet )” ကို ကိုယ်စားပြုသော
ဒေသဆိုင်ရာ အုပ်ချုပ်ရေးကောင်စီနှင့် ဆိုရှယ်ဒီမိုကရက်တစ်ပါတီ ကိုယ်စား
ပြု လွှတ်တော် ကိုယ်စားလှယ်အဖြစ် ရွေးချယ်တင်မြှောက်နိုင်သည့် ဒေသများ
တွင် နေထိုင်ခွင့်ရသော UNHCR ဒုက္ခသည်များသည် ကံ အကောင်းဆုံးဟု
ဆိုနိုင်ပါသည်။ သို့မဟုတ်ပဲ “လစ်ဗရယ် (Venstre)” ပါတီ ကိုယ်စားလှယ်
ကိုသာ ကိုယ်စားပြုထားသော ဒေသများတွင် နေထိုင်ခွင့်ရမည့် UNHCR
ဒုက္ခသည်များသည် ကံ သိပ်မကောင်းဟု ဆိုနိုင်ပါသည်။

ထို့ကြောင့် UNHCR အစီအစဉ်ဖြင့် ဒိန်းမတ်နိုင်ငံအတွင်းသို့ ရွေ့ပြောင်း
အခြေချ လာမည့်သူများအနေဖြင့် သက်ဆိုင်ရာ ဒိန်းမတ်သံရုံး အင်တာဗျူး
များတွင် မိမိတို့ နေထိုင်ရမည့် ဒေသများအလိုက် ဒုက္ခသည်ဆိုင်ရာ အစီအစဉ်
ပုံစံများ၊ အထက်တွင် ဖော်ပြခဲ့သော ဒေသဆိုင်ရာ အုပ်ချုပ်ရေးကောင်စီတွင်
အာဏာရနေဆဲ ပါတီအမျိုးအစားများအကြောင်း စုံစမ်းမေးမြန်းသင့်ပါသည်။

သေချင်တဲ့ ကျား တောပြောင်း” ဆိုတဲ့ အဖြစ်မျိုးမှ ကင်းဝေး ကြပါစေ။


Nov 20, 2009

အတ္ထုပ္ပတ္တိ၏ အတ္ထုပ္ပတ္တိ (၁)

ရေးသူ- ဆရာ မြသန်းတင့်

ကျွန်တော့်ဆီကို TODAY စာအုပ်တိုက်က ဒေါက်တာ သာထွန်းဦးတို့
ရောက်လာပြီး မေငြိမ်းရဲ့ အသံသစ် ပြတိုက်ဖွင့်ပွဲမှာ အမှာစကားပြော
ပေးဖို့ ပြောလာပါတယ်။ (Book Lounging Ceremony) ပေါ့လေ။
ကျွန်တော် ငြင်းပါသေးတယ်။ ကျွန်တော့်ထက် ပိုပြီး ပြောနိုင် ဆိုနိုင်တဲ့
လူတွေ ရှိကောင်း ရှိပါလိမ့်မယ်။ ရှာကြည့်ပါဦးလို့ပြောတော့ မရှာတော့ဘဲ
ကျွန်တော့်ကိုပဲ ဖိတ်ပါတယ်။ ဖိတ်တော့ ကျွန်တော်က ထပ်ပြောပါသေး
တယ်။ Book Lounging Ceremony ဆိုတာ သူတို့ စာအုပ်တိုက်တွေ
ကတော့ စာအုပ်တစ်အုပ်ထုတ်ပြီး ဖြန့်လိုက်တာပဲ။ ခင်ဗျားတို့ စာအုပ်တိုက်
ကတော့ သူဌေးတိုက်နဲ့ တူတယ်လို့။ ဘာဖြစ်လို့လဲဆိုတော့ အမေရိကန်
U.S.I.S တို့မှသာ စာအုပ်တစ်အုပ်ထွက်ရင် ဧည့်ခံပွဲတို့ဘာတို့ ဖိတ်ကြား
ပြီး လုပ်လေ့ရှိတယ်။ TODAY MEDIA က သိပ္ပံမင်းကြည် ရေးတဲ့
စတုတ္ထမျိုးဆက် စီမံခန့်ခွဲမှုမှာလည်း (Book Lounging Ceremony) လုပ်
တယ်။ အခုတခါလည်း မေငြိမ်းရဲ့ စာအုပ်မှာ (Book Lounging Ceremony)
လုပ်တယ်။ ဒါကြောင့် ခင်ဗျားတို့ တိုက်က ချမ်းသာတယ်နဲ့ တူတယ်လို့
ကျွန်တော်တောင် ပြောလိုက်ပါသေးတယ်။

ကျွန်တော် ပြောချင်တာက ဒီလို စာအုပ်တစ်အုပ်ထုတ်တိုင်း ထုတ်တိုင်း စာနယ်
ဇင်းက ပုဂ္ဂိုလ်တွေနဲ့ တွေ့တယ်။ အချင်းချင်း ဆွေးနွေးကြတယ်ဆိုတာ အင်မတန်
ကောင်းတဲ့ အစဉ်အလာဖြစ်ပါတယ်။ TODAY MEDIA က ဒီအစဉ်အလာကို
နောင်စာအုပ်ထုတ်တိုင်း ထုတ်တိုင်း ဆက်လက် လုပ်ဆောင်နိုင်ပါစေ၊ တခြား
စာအုပ်တိုက်တွေကလည်း ဒီအစဉ်အလာမျိုးလေးတွေကို ဆက်လက် ထိန်းသိမ်း
နိုင်ပါစေလို့ ပဏာမအနေနဲ့ ပြောကြားချင်ပါတယ်။

ကျွန်တော်ပြောမယ့် အကြောင်းက အတ္ထုပ္ပတ္တိ၏ အတ္ထုပ္ပတ္တိ။ အဲဒါကို ခွင့်ပြုပါ။
အတ္ထုပ္ပတ္တိဆိုတာ အင်္ဂလိပ်လိုတော့ Biography …. Biographia ဆိုတဲ့ ခေါမ
စကားလုံးက လာတယ်။ Bio ဆိုတာ ဘ၀ Life၊ Graph ဆိုတာ writing ရေး
သားခြင်း၊ ဘ၀ကို ရေးသားခြင်း၊ အဲဒါ Biography ကျွန်တော်တို့ မြန်မာမှာတော့
ပါဠိက လာတယ်။ အတ္ထုပ္ပတ္တိ ဆိုတာ အဖြစ်အပျက်၏ အကြောင်းအရာ၏ အဖြစ်
အပျက်၊ အကြောင်းအရာတစ်ခု ဘယ်လို ဖြစ်သလဲ။ ဘယ်လို ပျက်သွားသလဲ၊
အဲဒါကို အတ္ထုပ္ပတ္တိလို့ ခေါ်ပါတယ်။ အဲဒီ အတ္ထုပ္ပတ္တိမှာ ရှင်းအောင်တော့
ကျွန်တော် နည်းနည်းလေး ပြောချင်ပါတယ်။ ဒါ ကျွန်တော်တို့ နားလည်ထား
တဲ့ အတ္ထုပ္ပတ္တိပေါ့၊ ဒါပေမယ့် အဘိဓါန်က ပေးထားတဲ့ အတ္ထုပ္ပတ္တိမှာတော့
(Concide Oxford Dictionary) က ပေးထားတဲ့ အတ္ထုပ္ပတ္တိ က written life of
a person၊ လူတစ်ယောက်ရဲ့ ရေးသားတဲ့အကြောင်း၊ အနက်သုံးခု ပေးပါတယ်။

Oxford အဘိဓါန်က လူတစ်ယောက်ရဲ့ ရေးထားတဲ့ အကြောင်း၊ နောက်တစ်မျိုး
က Branch of Literature dealing in the person’s lives လူတွေရဲ့ အတ္ထုပ္ပတ္တိ
ကို ရေးထားတဲ့ စာပေပုံသဏ္ဌာန် တစ်မျိုး၊ ဒါကိုလည်းပဲ Biography အတ္ထုပ္ပတ္တိလို့
ခေါ်ပါတယ်။ နောက်တစ်ခုက Life course of a living being အသက်ရှိနေတဲ့
လူတစ်ယောက်နဲ့ ဘ၀လမ်းကြောင်း၊ အဲဒါကိုလည်း Biography ခေါ်ပါတယ်။
ဒါက Oxford အဘိဓါန်ကပေးတဲ့ အနက်သုံးခုပါ၊ အဲဒီအနက် သုံးခုအပြင်
အတ္ထုပ္ပတ္တိနဲ့ ပက်သက်လို့ သူတို့ အနောက်တိုင်းက (၂၃)မျိုး အဓိပ္ပါယ်
ပေးထားပါတယ်။ အဲဒါကို အတိုချုပ်ပြီး အင်္ဂလိပ်လို ဖတ်ပြသွားပါမယ်။

၁။ Biography
၂။ Realize story
၃။ Human Interest
၎။ Curriculum Vitae
၅။ Experiences
၆။ Adventure
၇။ Fortunes
၈။ Hagiography သူတော်စင်တွေရဲ့ အတ္ထုပ္ပတ္တိ
၉။ Martyrology အာဇာနည်တွေရဲ့ အတ္ထုပ္ပတ္တိ
၁၀။ Obituary
၁၁။ Rouges Gallery ကျွန်တော်တို့ မှုခင်းဌာနတွေမှာ ရာဇ၀တ်
မှု ကျူးလွန်တဲ့ လူဆိုးတွေရဲ့ ဓါတ်ပုံ အစုံရှိတယ်။ လူဆိုးပြတိုက်၊
အဲဒါလည်း Biography ထဲမှာပါတယ်။ အခုဟာကတော့ လူဆိုးတွေရဲ့
ပြတိုက် မဟုတ်ပါဘူး၊ အသံသစ် ပြတိုက်ပါ။

၁၂။ New Gate Calender လန်ဒန်မှာက New Gate အကျဉ်းထောင်ကြီးထဲ
မှာ ရှိတဲ့ Calender စာရင်း၊ ဥပမာ မြသန်းတင့်ဆိုရင် မြသန်းတင့် ဘာအမှု
ကျူးလွန်တယ်။

၁၃။ Personal account
၁၄။ Auto Biography
၁၅။ Confession
၁၆။ Memoirs
၁၇။ Memorabilic
၁၈။ Remembrance
၁၉။ Letters
၂၀။ Diary
၂၁။ Record
၂၂။ Journal
၂၃။ Reminiscences

အဲဒီလို (၂၃)မျိုး ခွဲထားပါတယ်။ ဒါက ကျွန်တော်တို့ သိတဲ့ အတ္ထုပ္ပတ္တိရဲ့
သမိုင်းအကျဉ်းကို ကျွန်တော် ပြောချင်ပါတယ်။


(ဆက်ရန်။)

Nov 18, 2009

ဘိုးတော်မောင်မောင်(ခ) သန့်ဇော်ရွှေ

နိုင်ငံတကာအသိုင်းအဝိုင်းနဲ့ မြန်မာပြည်သူလူထုတွေက မြန်မာနိုင်ငံ
ကို ဗိုလ်ချုပ်မှူးကြီး သန်းရွှေ ခေါင်းဆောင်တဲ့ စစ်ကောင်စီက အုပ်ချုပ်
နေတာလို့ သိရှိထားကြပါတယ်။ အဲဒီ စစ်ကောင်စီ ဥက္ကဌဖြစ်တဲ့
ဗိုလ်ချုပ်မှူးကြီးသန်းရွှေကို နောက်ကွယ်က ကြိုးကိုင်အုပ်ချုပ်နေသူ
တစ်ဦး ရှိနေတာကို သိရှိသူ မရှိသလောက်ပါ။

သူ့နာမည်က “မောင်မောင် (ခ) သန့်ဇော်ရွှေ” ပါ။ ဦးသန်းရွှေ၊
ဒေါ်မကြိုင်တို့ရဲ့ အငယ်ဆုံးသား ဖြစ်ပြီး၊ စိတ်ဝေဒနာ အနည်းငယ်
ခံစားနေရသူပါ။ ဒါပေမဲ့ သူ့ကို တစ်အိမ်သားလုံးက စိတ်ရောဂါရှင်
လို့ မသတ်မှတ်ကြဘဲ ဘိုးတော်ဝင်စားသူ တစ်ဦးအဖြစ် သတ်မှတ်
ကိုးကွယ်ကြပါတယ်။

ဘိုးတော်မောင်မောင် (ခ) သန့်ဇော်ရွှေဟာ အသက်(၄၀)ခန့်ရှိပြီး
ဝတ်ဖြူစင်ကြယ်နဲ့ နူတ်ခမ်းမွှေး မုတ်ဆိတ်မွှေးများ ထားရှိပြီး၊ ဘိုးတော်
လိုလို အောက်လမ်းဆရာလိုလို ရှေ့ဖြစ်နောက်ဖြစ်တွေကို ဟောကြား
ပြီး ဆောင်ရန်ရှောင်ရန်တွေကို ညွှန်ကြားလေ့ ရှိပါတယ်။

မိသားစုကိစ္စတွေသာ မကတော့ဘဲ၊ တဖြေးဖြေးနဲ့ တိုင်းပြည်ရဲ့ အရေး
ကြီးတဲ့ မူဝါဒရေးရာတွေပါမကျန် ဘိုးတော်မောင်မောင်ရဲ့ အခါပေး
ညွှန်ကြားချက်တွေအတိုင်း အဖေဖြစ်သူ ဦးသန်းရွှေက လိုက်လံဆောင်ရွက်
လေ့ရှိပါတယ်။

ဗိုလ်ချုပ်မှူးကြီးသန်းရွှေအိမ်ကို အလုပ်ရှိလို့လာကြရတဲ့ ဗိုလ်ချုပ်ကြီးတွေ
အပါအဝင် ဧည့်သည်အားလုံးဟာ ကြမ်းပြင်ပေါ်မှာဘဲ ထိုင်ကြရတာ
ဓလေ့ တစ်ခုလို ဖြစ်နေပါပြီ။ ဧည့်ခန်းအတွင်း အမြင့်တစ်နေရာမှာ
ရှေးဘုရင်များခေတ်က သလွန်လို ပြင်ဆင်ထားတဲ့ နေရာမှာ ဦးသန်းရွှေ
နဲ့ ဒေါ်မကြိုင်တို့က ထိုင်ပြီး ဧည့်သည်တွေကို လက္ခံတွေ့ဆုံပါတယ်။
အဲဒီအခြေအနေကို ဘိုးတော်မောင်မောင်က လျှို့ဝှက်ဗီဒီယို မှတ်တမ်းတွေ
ရိုက်ကူးပြီး၊ ဧည့်သည်တွေ ပြန်သွားတဲ့အခါ ရိုက်ကူးထားတဲ့ ဗီဒီယိုတွေကို
ပြန်ဖွင့် ကြည့်ကြပြီး၊ ဘိုးတော်မောင်မောင်က ဝေဖန်သုံးသပ်ပြခါ
အဖေဖြစ်သူ ဦးသန်းရွှေကို လိုအပ်သလို ညွှန်ကြားမှုတွေ ပေးနေကြပါ။

အလားတူ ယတြာလုပ်ရမဲ့ ကိစ္စတွေကိုတော့ မိခင်ဖြစ်သူ ဒေါ်မကြိုင်ကို
ညွှန်ကြား လုပ်ဆောင်စေပါတယ်။ ဘိုးတော်မောင်မောင်အနေနဲ့အာရုံမှာ
သဘောမတွေ့သူ တွေမှန်သမျှ၊ နေရာပြောင်းရွှေ့ခံရတာ၊ ရာထူးချခံရတာ၊
အလုပ်ထုတ်ခံရတာတွေ ရှိသလို၊ သူသဘောတွေ့သူ မှန်သမျှကတော့
ကောင်းစားလေ့ ရှိပါတယ်။

ဒါပေမဲ့ ဗိုလ်ချုပ်တွေအများစုကတော့ ဘိုးတော်မောင်မောင်ကို အလွန်ရွံရှာ
ကြောက်လန့်ကြပါတယ်။ အကြောင်းက ဘိုးတော်မောင်မောင်ဟာ လူသတ်
ရန် ဝန်မလေးတဲ့သူ တစ်ယောက် ဖြစ်လို့ပါ။ လူမသိအောင် ဖုံးဖိထားတဲ့ ဖြစ်စဉ်
တစ်ခုကို တင်ပြရရင် ကမ္ဘာအေးဘုရားလမ်းက ဗိုလ်ချုပ်မှူးကြီးသန်းရွှေရဲ့
အိမ် (၎င်းတို့အဆို အိမ်တော်) မှာ တပ်ချုပ်ကြီးဝတ်ရန် နေ့စဉ် ယူနီဖောင်း
ပြင်ဆင်ဝတ်ပေးရတဲ့ တာဝန်ကို ယူရသူ “ဗိုလ်ကြီးခင်မောင်လွင်”ကို
လွန်ခဲ့တဲ့ (၂)နှစ်ခွဲလောက်က ဘိုးတော်မောင်မောင်က သေနတ်နဲ့
ပစ်သတ်ခဲ့ပါတယ်။ သူ့အာရုံမှာ သူ့အဖေကို လုပ်ကြံတယ်လို့ ပေါ်လာ
တာကြောင့် ပစ်သတ်လိုက်တာဆိုပြီး တိုးတိုးတိတ်တိတ် သတင်းထွက်ပေါ်
ခဲ့ပေမဲ့ တကယ်သတ်လိုက်ရတဲ့ အကြောင်းရင်းကို ဒီကနေ့အထိ ဘယ်သူ
မှ မပြောရဲသေးပါဘူး။

အဲဒီအချိန်တုန်းက ရန်ကုန်တိုင်း တိုင်းမှူး ဗိုလ်ချုပ်လှဋ္ဌေးဝင်းနဲ့ မင်္ဂလာဒုံ
စစ်ဆေးရုံမှ တပ်မှူးတို့ ချက်ချင်း ရောက်ရှိလာပြီး တခြားကိစ္စတခုကြောင့်
သေသွားသလို ဖန်တီး ပေးခဲ့ရပါတယ်။ အသတ်ခံလိုက်ရတဲ့ ဗိုလ်ကြီး
ခင်မောင်လွင်ရဲ့ မိသားစုတွေကိုတော့ ဒီကိစ္စနဲ့ ပါတ်သက်ပြီး ပါးစပ်ပိတ်
ထားကြဖို့၊ ပေါက်ကြားခဲ့ရင် မင်းတို့မိသားစုဝင်အားလုံး ထောင်ထဲ ပို့ထား
လိုက်မယ်လို့ အိမ်တော်မိသားစုဝင်များက ခြိမ်းခြောက်ထားခဲ့ ကြပါတယ်။

အလားတူ ရဟတ်ယာဉ်ပျက်ကြပြီး သေဆုံးသွားတဲ့ အတွင်းရေးမှူး (၂)
ဒုတိယဗိုလ်ချုပ်ကြီးတင်ဦးရဲ့ သားဖြစ်သူ နိုင်ငံခြားရေးဝန်ကြီးဌာနက
ကိုဇော်ထွန်းဦးကို ဘိုးတော်မောင်မောင်နဲ့အဖွဲ့က ကမ္ဘာအေးဘုရားလမ်း
နဲ့ တက္ကသိုလ်ရိပ်သာလမ်းဆုံအနီး ဓါတ်ဆီဆိုင်ရှေ့မှာ ကားနှစ်စီးနဲ့
ပိတ်ရပ်ပြီး၊ ဘိုးတော်မောင်မောင် ကိုယ်တိုင်မောင်းတဲ့ ကားအကြီးကြီးနဲ့
တိုက်သတ်ပါတယ်။ သေပြီလို့ ယူဆပြီးထားခဲ့ကြပေမဲ့ ကံကောင်းလို့
မသေဘဲ၊ ဆေးရုံပေါ်မှာ (၆) လခန့်ဆေးကုသခံခဲ့ရပါတယ်။ အဲဒီလို
တိုက်သတ်ရတဲ့ အကြောင်ရင်းက ဘိုးတော်မောင်မောင်ရဲ့ အမဖြစ်သူ
မပြုံး (ခ) ပြုံးပြုံးရွှေနဲ့ ဇော်ထွန်းဦးတို့ဟာ အိမ်ထောင်အသီးသီး ရှိလျက်
နဲ့ ဖောက်ပြန်နေကြတာကြောင့်လို့ ပြောဆိုနေကြပေမဲ့ ထုံးစံအတိုင်း
အကြောင်းရင်းအမှန်ကို ဘယ်သူမှ ခုချိန်ထိ မပြောရဲကြသေးပါဘူး။
သေချာတာတခုကတော့ အဲဒီဖြစ်စဉ်နောက်ပိုင်း ဒုတိယဗိုလ်ချုပ်ကြီးတင်ဦး
ရဲ့ ဇနီး ဒေါ်ခင်သန်းနွဲ့တစ်ယောက် စစ်ဗိုလ်ချုပ်တွေရဲ့ ပွဲလမ်းသဘင်
အခမ်းအနားတွေကနေ ပျောက်ကွယ် သွားခဲ့တာပါဘဲ။

တပ်ချုပ်ကြီးမိသားစုတွေထဲမှာ ကိုယ်ကျင့်တရားဖောက်ပြန်မှုတွေကြောင့်
နာမည်ဆိုးနဲ့ ထင်ရှားကျော် ကြားလှတဲ့ မပြုံး(ခ) ပြုံးပြုံးရွှေဟာ ယခုလက်ရှိ
မင်္ဂလာဒုံ လေတပ်စခန်းဌာနချုပ်မှူး ဗိုလ်မှူးချုပ်သိန်းနိုင်ရဲ့တရားဝင်
ဇနီးပါ။ ကိုဇော်ထွန်းဦးအပြင် ဟစ်ဟော့အဆိုတော် လူငယ်လေးတစ်ဦးကို
လည်း တိတ်တိတ်ပုန်း ချစ်သူအဖြစ် မွေးစားထားသေးတယ်လို့ သိရှိနေကြ
ပါတယ်။ အခြား သူအလိုရှိတဲ့အခါ လူငယ်လေးတွေကို ငွေကြေးအာဏာတွေ
နဲ့ ဖိအားပေး ခေါ်ခိုင်းကာ ညကလပ်တွေမှာ ရုပ်ဖျက်သွားရောက် ပျော်ပါးလေ့
ရှိပါတယ်။ သူမဟာ နိုင်ငံခြားရေးဝန်ကြီးဌာနမှာ ဒုတိယအတွင်းဝန်ရာထူး ရယူ
ထားပြီး၊ ရုံးတက်ခြင်းမရှိဘဲ လစာကိုတော့ နိုင်ငံခြားငွေ(ဒေါ်လာ) နဲ့ လစဉ်
ထုတ်ပေးရပါတယ်။

အဲဒီလို အကျင့်ပျက်၊ ဦးနှောက်ပျက်၊ ခြစားသူတွေ စုပေါင်းပြီး တိုင်းပြည်
ဖျက်နေကြတဲ့ စစ်အာဏာရှင်ကြီးရဲ့ မိသားစုဟာ မြန်မာ့သမိုင်းမှာ နာမည်ဆိုး
တွေနဲ့ ကျော်ကြားခဲ့ကြတဲ့ တရုပ်ပြေးမင်း၊ သိုဟန်ဘွားမင်း၊ သီပေါမင်းတို့
ထက်တောင် ပိုမိုဆိုးဝါးပါကြောင်း၊ အနီးကပ်လေ့လာနေသူတဦးက မှတ်ချက်
ချ ပြောဆိုခဲ့ပါတယ်။

ဂမ္ဘီရ အတွေးအခေါ်တွေအပြင် အောက်လမ်းနည်းများ အသုံးပြုပြီး
ထင်ရာစိုင်းနေကြတဲ့ တပ်ချုပ်ကြီး မိသားစုတွေရဲ့ အန္တရာယ်ကို နေ့စဉ်နဲ့
အမျှ ကြောက်ရွံနေကြရတဲ့ ဗိုလ်ချုပ်ကြီးများ အပါအဝင် သူတို့နဲ့ နီးစပ်သူ
တွေဟာ ဗိုလ်ကြီးခင်မောင်လွင်လို အဖြစ်ဆိုးမျိုးနဲ့ ကွေကွင်းရအောင်၊
ဘိုးတော်အမည်ခံ ဦးနှောက် ကျပ်မပြည့်တဲ့ ဦးသန်းရွှေ ဒေါ်မကြိုင်တို့
ရဲ့သား၊ မောင်မောင်(ခ) သန့်ဇော်ရွှေကို နေ့စဉ်မပျက် ရှိခိုးဦးချနေကြ
ကြောင်း အိမ်တော်အသိုင်းအဝိုင်းမှ စုံစမ်းသိရှိရပါတယ်။

(ရေးသားသူ - အတွင်းသိ)

(အီမေးလ်မှ လက်ခံရရှိသော စာတစ်စောင် ဖြစ်ပါတယ်။)

Nov 15, 2009

ရုပ်ရှင်များ (၆)

ရေးသူ- စစ်ငြိမ်းဒီရေ

(၁၆)
ရုပ်ရှင်ကြော်ငြာကြောင့် ကမ္ဘာနဲ့အ၀ှမ်း အထိတ်တလန့် ဖြစ်နေကြတဲ့
2012 ရုပ်ရှင်ကို အင်တာနက်ပေါ်မှာ အခမဲ့ ကြည့်လို့ ရနေပါပြီ။



ဒီနေရာက လင့်ခ်တွေအောက်မှာ ကြည့်လို့ရပါတယ်။
ကျနော့်အထင်တော့ #41 ZSHARE.NET ခေါင်းစဉ်အောက်က
ဒီလင့်ခ်မှာ ကြည့်ရင် ပိုအဆင်ပြေနိုင်မယ် ထင်ပါတယ်။ ရုပ်ရှင်ကြည့်ပြီး
သွေးလေ မခြောက်ချားပါနဲ့၊ ကလေးငယ်လေးတွေ သရဲကားကြည့်ပြီး
ကြောက်သလိုမျိုးပဲ ခံစားနိုင်ကြပါစေ။

Nov 14, 2009

ဂျာမဏီသို့ ဈေးသွားဝယ်လျှင် သတိထားပါ

ရေးသူ- စစ်ငြိမ်းဒီရေ

ဒိန်းမတ်နိုင်ငံတွင် ကုန်ပစ္စည်းများအပေါ် အခွန် 25% ကောက်ခံ၍
ဂျာမဏီတွင် ကုန်ပစ္စည်းအပေါ် အခွန် 19% သာ ကောက်ခံလေ့ရှိ
သည်။ ယခုရက်ပိုင်းအတွင်း ခရစ်စမတ် အကြိုကာလ အတွက် ဒိန်းမတ်နိုင်ငံ
တွင် နေထိုင်နေသူ အများအပြားသည် ဒိန်းမတ်နိုင်ငံထက် ဈေးသက်သာ
သော ဂျာမဏီနိုင်ငံသို့ ဈေးဝယ်ထွက်လေ့ ရှိသည်။

ဒိန်းမတ်နိုင်ငံတွင် နေထိုင်သူများ အနေဖြင့် ဒိန်းမတ်- ဂျာမဏီ နှစ်နိုင်ငံ
နယ်စပ်သို့ ဈေးသွားဝယ်မည်ဆိုလျှင် Passport သို့မဟုတ်
Travel Document များ ယူသွားကြပါ။ ဂျာမဏီသို့ အ၀င်တွင် ဂျာမန်ရဲများ
စစ်ဆေးသလို ဂျာမဏီမှ ဈေးဝယ်ပြီး ပြန်လာလျှင် High way သို့ မဆင်းခင်
ဓါတ်ဆီဆိုင်နံဘေး မရောက်တရောက်၌ ဒိန်းမတ် ရဲနှင့် အကောက်ခွန် ၀န်ထမ်းများ
စစ်ဆေးနေပါသည်။ လူတစ်ဦး သို့မဟုတ် မိသားစု တစ်စုသည် ဆန်အိတ်
အများအပြား၊ ဘီယာနှင့် အအေးကဒ် အများအပြား သယ်ဆောင်လာပါက
ဒဏ်ရိုက်ခံရမည် ဖြစ်ပါသည်။

(နယ်စပ်တွင် စစ်ဆေးနေသော ဂျာမန်ရဲများ။)



(ဒိန်းမတ်- ဂျာမဏီနယ်စပ်အနီး ဂျာမဏီနိုင်ငံအတွင်း၌
တည်ရှိသော အာရှ ဈေးဆိုင် လိပ်စာများ)



Nov 13, 2009

ဝေဖန်ရေးနှင့် အတွေးအခေါ်သစ်ကို ကြိုဆိုသင့်သည် (၂)

ရေးသူ- စစ်ငြိမ်းဒီရေ

မြန်မာ့ရိုးရာ နတ်ကိုးကွယ်မှုတွင် အပြင် (၃၇) မင်းဟု ခေါ်ဝေါ်ကြသည့်
ရိုးရာနတ်တို့၏ အခန်းကဏ္ဍသည် လူသိများ အထင်ရှားဆုံးဖြစ်သည်။
လာဘ်လာဘ အတွက်၊ အကျိုးစီးပွားအတွက် ယင်းနတ်တို့ကို ပူဇော်ပသ
ခဲ့သည်မှာ နှစ်ပေါင်း တစ်ထောင် ကျော်ခဲ့ပါပြီ။

ယင်းနတ်တွေက ဘာတွေ မ’စနိုင်သနည်း၊ ဘာတွေ ပေးစွမ်းနိုင်သနည်းဟု
စောဒကတက်သူ များစွာ ရှိပါသည်။ ထေရ၀ါဒ ဗုဒ္ဓဘာသာ ယဉ်ကျေးမှုများ
နှင့် လုံးလုံး ဆန့်ကျင့်သည်ဟု ဆိုနိုင်သော အချက်များစွာလည်း ရှိပါသည်။

ယင်း နတ်ကိုးကွယ်မှုကို စွန့်လွှတ်လိုက်လျှင် ဘာတွေ ဖြစ်လာမည်နည်း …
ကျိန်းသေတာက တရုတ်နတ်တွေ ၀င်လာနိုင်သည်၊ ယခုလည်း မြန်မာနိုင်ငံ
နေရာ တော်တော်များများတွင် ဥတိဘွား၊ ကွမ်ရင်မယ်တော်ရုပ်ထုများနှင့်
တရုတ်ဘုံကျောင်း များစွာ နေရာယူထား ပြီးပါပြီ။

ရွှေတိဂုံစေတီ ရင်ပြင် စနေဒေါင့်တွင် တရုတ်လူမျိုးများ ကိုးကွယ်ယုံကြည်
သော “နေလ ဘုရား” သည် ရွှေတိဂုံစေတီရင်ပြင်၏ အစည်းကားဆုံး
နေရာ တစ်ခု ဖြစ်ပါသည်။ တခေတ် တခါက ရွှေတိဂုံစေတီ ရင်ပြင်ပေါ်တွင်
မဟာရနအနွယ်ဝင် ဇင်ဗုဒ္ဓဘာသာဝင်များ၏ ဘုရားဝတ်ပြုမှုကို စာတန်းထိုး
တားမြစ်ခဲ့ဖူးသည်။ မြန်မာတွေကတော့ အင်္ဂါဒေါင့် ခေါ် အရှေ့တောင်ဒေါင့်ရှိ
ပုထိုးများအကြားတွင် တည်ရှိသော “ဆယ်တော်မှု” ဘုရားထံတွင် ငွေပန်းများ
ကပ်လှူပြီး ထီပေါက်ဖို့ ချဲပေါက်ဖို့ ငိုကြွေးမပျက်ခဲ့ပေ။ “ဆယ်တော်မှု” ဘုရား
ရှိရာ လမ်းကြားလေး၌ ထိုင်ရှစ်ခိုးဖို့ နေရာမကျယ်ဝန်းသောကြောင့် မတ်တပ်
ရပ်ပြီး လက်အုပ်လေးများ ချီထားခဲ့ကြသည်မှာ မျိုးဆက်များစွာပါ။

ပဲခူးတိုင်း၊ ပြည်မြို့နယ်အပိုင် ကျေးရွာတချို့တွင် “ခြေရာတတောင်မောင်မဲခေါင်”
ဟု ခေါ်သော ရွာတော်ရှင်နတ်ကို ကိုးကွယ်သော ဓလေ့ရှိသည်။ ထို နတ်အား
ထန်းရည် ကိုးမောင်း၊ အရက်ကိုးမောင်း ဖြင့် ပူဇော်ပသ ရသည်။ ထိုနတ်ကို
ပူဇော်ပသ သည့် ရိုးအသော ကျေးလက်ဒေသ ပြည်သူတို့၏ နေ့စဉ်ဘ၀မှာ
ဆင်းရဲတွင်းမှ မကင်းလွတ်ကြပါ။

ပဲခူးတိုင်း၊ ဒိုက်ဦးမြို့နယ်အပိုင် ကျေးရွာတချို့တွင် “ပကိုင်းငစိန်” ဟု
ခေါ်ဝေါ်သော အင်းသူကြီးနတ်ကို ကိုးကွယ်သော ရိုးရာဓလေ့ ရှိသည်။
ပကိုင်းငစိန်နတ်အား ပူဇော်ပသ ချိန်တွင် လယ်ဧက (၃)ဧက ခန့်ရှိသော
လယ်ကွက်ထဲတွင် နေရာအလွတ်မရှိ မြန်မာ့ရိုးရာ မုန့်မျိုးစုံဖြင့် ပူဇော်ပသ
ရသည်။ ယင်း ပကိုင်းငစိန်နတ်အား ပူဇော်ပသ သူများမှာ ရိုးသားသော
လယ်စာရင်းဌားအလုပ်ကို လုပ်ကိုင်သူများ ဖြစ်သည်။ လယ်ထဲတွင် တဲထိုး
ပြီး နေထိုင်ရသော မိသားစုအများအပြားသည် ခေတ်ကာလ ကုန်ဈေးနှုန်း
ကြီးမားမှု၊ စားဝတ်နေရေး အကျပ်အတည်းများကြောင့် အ၀တ်အစား
ကောင်းကောင်းမွန်မွန် မရှိပါ။ တဲအိမ်အများစုမှာ ယိုင်နဲ့နဲ့ ဖြစ်ပြီး အိမ်ရှေ့
အပေါက်ဝမှ အိမ်နောက်ဘေး အထိ တိုးလျှိုပေါက် မြင်နေရသည်။ အမျိုးသမီး
အများစုကို အပေါ်အင်္ကျီမပါ ထမီရင်လျားဖြင့် မြင်တွေ့နိုင်ပါသည်။

(ဆက်ရန်။)

Nov 11, 2009

ပုံပြင်တစ်ပုဒ်လို သဘောထားပါ (နောက်ဆုံးပိုင်း)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်တတ်သူများ၊
နှလုံးရောဂါသည်များနှင့် ကိုယ်ဝန်ဆောင်သည်များ မဖတ်ရူရန် မေတ္တာ
ရပ်ခံအပ်ပါသည်။)

တစ်ဦးတည်း သွားရောက်ကြည့်ချင်နေသော ခေါင်းဆောင်ဖြစ်သူအား ကျန်လူ
များက အပြင်းအထန် ကန့်ကွက်ကြပါတယ်။ ပြန်လည် ရောက်ရှိလာသူ သုံးဦး
တို့ကလည်း ၎င်းတို့ မြင်တွေ့ခဲ့မှုတွင် လူသေအလောင်းများ လုံးဝ မရှိကြောင်း
ငြင်းဆို ပါတယ်။ တစ်အုပ်စုလုံး မိမိတို့ ရပ်ကွက်သို့ လှည့်ပြန်ရင် ကောင်း
မလား၊ ဒီလမ်းထိပ်ရှိ လူသေအလောင်းများ ရှိ မရှိကို ထပ်ပြီးသွားကြည့်ရင်
ကောင်းမလားဟု ဇဝေဇ၀ါ ဖြစ်နေပါတယ်။ ခက်နေသည်က သူတို့ သယ်
ဆောင်လာသော အရက်သမား ရုပ်အလောင်းကို ဘယ်လို လုပ်ရမှန်းမသိပါ။
ဆယ့်ငါးမိနစ် … မိနစ် နှစ်ဆယ်ခန့်အထိ ငြင်းခုန်ကြပြီးနောက် ဆုံးဖြတ်ချက်
တစ်ခုကို သူတို့အားလုံး ချမှတ် နိုင်ခဲ့ပါတယ်။

လူငါးယောက်ကို ရှေ့ပြေးအဖြစ် လမ်းထိပ်ဆီသို့ ထပ်မံသွားရောက် ကြည့်ရူရေး
ဖြစ်ပါတယ်။ ခေါင်းဆောင်နဲ့ လူလတ်ပိုင်းအရွယ်တစ်ဦးကို လမ်းထိပ် ကားမှတ်တိုင်
အထိ သွားရောက် ကြည့်ရူဖို့ဖြစ်ပြီး ၎င်းတို့နှင့် ခပ်လှမ်းလှမ်း ဓါတ်တိုင် နှစ်တိုင်
အကွာမှာ လူငယ်သုံးဦးတို့ လိုက်ခဲ့ဖို့ ပြောပါတယ်။ အန္တရာယ်တစုံတရာ ကျ
ရောက်လာပါက ထိုလူငယ်သုံးဦးမှ နောက်ဖက်ရှိ အုပ်စုအား အချက်ပြ၍ အားလုံး
လာလမ်းအတိုင်း ပြန်လည် ဆုတ်ခွာရေး ဖြစ်ပါတယ်။ အကြောက်အကန် ငြင်းဆို
နေသော ပထမဆုံး သွားရောက်ကြည့်ရူခဲ့သူ သုံးဦးလည်း နောက်ဆုံးအုပ်စုဖြင့်သာ
အတူလိုက်ပါခဲ့ပါတယ်။

ဖွဲဖွဲလေး ကျနေသော မိုးသည် လုံးဝ တိတ်သွားပါတယ်။ လျှပ်စီးလက်ခြင်း၊ လေ
တိုက်ခြင်းလည်း ငြိမ်သက် သွားပါပြီ။ ခွေးအူသံများလည်း တိတ်ဆိတ်နေသည့်
အရာရာဟာ သုဿန်တစပြင် ကဲ့သို့ ဖြစ်နေပါတယ်။ လူငယ် သုံးယောက်တို့
သည် ၎င်းတို့ ရှေ့ ခပ်လှမ်းလှမ်းတွင် ခြေလှမ်းသွက်သွက်များဖြင့် သွားနေသော
ခေါင်းဆောင် ဖြစ်သူနှင့် အခြားတစ်ဦးတို့ ဘယ်အချိန်တွင် အချက်လှမ်းပြမည်
ကို ရင်မောစွာဖြင့် လိုက်ပါ နေရပါတယ်။ ရှေ့ဆုံးတွင် ဦးဆောင်သွားနေရသူ
နှစ်ဦးထံတွင် တုတ်၊ ဓါး၊ လောက်လေးခွများ လုံးဝ မသယ်ဆောင်ထားသော
ကြောင့် အန္တရာယ်တစုံတရာ ဖြစ်လာပါက ဘာမျှ မတတ်နိုင်။ သူတို့ သုံး
ယောက်ထံတွင် ဌက်ကြီးတောင် ဓါးရှည် နှစ်လက်၊ တုတ်ရှည် တစ်ချောင်း၊
ပြီးတော့ လောက်လေးခွနှင့် လောက်စလုံးများ ထည့်ထားသော လွယ်အိတ်
ငယ် ကိုယ်စီ။ ရုတ်တရက် သူတို့ မြင်ကွင်းရှေ့ရှိ လူနှစ်ယောက် ခေတ္တ
ရပ်တန့်သွားတဲ့အတွက် သူတို့ပါ ရပ်တန့်လိုက်ရပါတယ်။ ဘတ်စ်ကား
သွားနေကြ ကတ္တရာလမ်းမကြီးကို ထင်ထင်ရှားရှား မြင်နေရပါပြီ။

ရှေ့ဆုံးရှိ လူနှစ်ယောက်ထံမှ လက်နှိပ်ဓါတ်မီးဖြင့် သူတို့နောက် ဆက်မလိုက်
ဖို့ အချက်ပြပါတယ်။ ထို့နောက် ရှေ့ဆုံးရှိ လူနှစ်ယောက် လမ်းထိပ် ညာဖက်သို့
ကွေ့ထွက်သွားတာကို မြင်လိုက်ရပါတယ်။ သူတို့ အကြောက်ဆုံး အန္တရာယ်က
လမ်းမကြီးပေါ်မှ စစ်တပ်၏ လျှို့ဝှက်ကင်းပုန်းများ ဖြစ်ပါတယ်။ မာရှယ်လောအမိန့်
ထုတ်ထားသောကြောင့် ယခုလို ညဖက် လူစုလူဝေးဖြင့် သွားရောက်နေရမှုမှာ
အလွန် အန္တရာယ် များလှပါတယ်။ ရုတ်တရက် ဘယ်နေရာက ထွက်ပေါ်လာမှန်း
မသိတဲ့ အသံတချို့ကို သူတို့ သုံးယောက် ကြားနေရပါတယ်။

(လူငယ်- ၁) လူတွေ ပေတရာပေါ်မှာ ဘောလုံးကန်နေလား မသိဘူး၊ အသံတွေ
ကြားနေရတယ်၊ သိပ်မသဲကွဲဘူး …

(လူငယ်- ၂) အေး … ဟုတ်တယ်၊ ငါလည်း ကြားရတယ်၊ ကလေးတွေ တစ်ခုခု
ဆော့နေတဲ့ အသံမျိုးကွ …

(လူငယ်- ၃) ကြားတော့ ကြားနေရတာပဲ၊ ဘာမှန်းကို သေသေချာချာ မခွဲ
တတ်ဘူး ….

(လူငယ် - ၁) ဒီအချိန်ကြီး ပေတရာပေါ် ဘယ်သူမျှ ဘောလုံးမကန်နိုင်ဘူး၊
ဘယ်က အသံတွေလဲ မသိဘူး ...

(လူငယ်- ၂) ငါ့ နားခေါင်းထဲ ဆနွမ်းနံ့လိုလို ဘာလိုလို ရနေတယ်၊ မင်းတို့
ရော ရလား …

(လူငယ်- ၃) ငါတော့ သွေးညှီနံ့လိုလို အပုတ်နံ့လိုလို နံနေသလားလို့ …

နှစ်မိနစ်ခန့် အကြာတွင် ရှေ့ဆုံးရှိ လူနှစ်ယောက် လမ်းထိပ်အပေါက်ဝသို့
ပြန်ပေါ်လာပြီး သူတို့ သုံးယောက်အနက် တစ်ယောက်ယောက်အား ၎င်းတို့
ထံသို့ လာရန် အချက်ပြပါတယ်။ သူတို့ထံ ရောက်ရှိသွားသော အခါ …

(ခေါင်းဆောင်) ငါပြောတာကို မင်း သေသေချာချာမှတ်ပြီး နောက်က လူတွေ
ဆီကို ပြန်ပြော၊ အလောင်းရယ်၊ အလောင်းကို ထမ်းထားတဲ့ လူလေးယောက်ပဲ
ဒီကို လာခဲ့လို့၊ လူများများ မလာနဲ့လို့၊ နံဘေးခြံက လူတွေ မြင်သွားရင်
မကောင်းဘူးလို့ ပြောလိုက် …

(လူငယ်) လူသေအလောင်းတွေ ရှိတာ ကျိန်းသေသွားပြီလား အကို၊
စောစောတုန်းက ကျနော်တို့နားထဲ လူသံတွေ ကြားလိုက်ရသလားလို့ …

(ခေါင်းဆောင်) အရေးထဲမှ ဟိုမှာကြည့် အနံ့တွေ တထောင်းထောင်းနဲ့
ငါတို့တောင် နံဘေးနား မကပ်ရဲဘူး၊ အသံတွေတော့ ကြားနေရတာပဲ၊
ဟိုဖက် မီးပွိုင့်လမ်းဆုံဖက်က လာတဲ့ အသံတွေ၊ ဘာသံတွေလဲ မပြော
တတ်ပါဘူးကွာ …

ကားမှတ်တိုင် နံဘေး ဓါတ်မီးတိုင်အောက်တွင် အရာရာကို ထင်ထင်ရှားရှား
မြင်နေရပါတယ်။ ရုတ်တရက် ကြည့်လိုက်လျှင် လူတချို့ မြေကြီးပေါ်တွင်
လဲပြီး အိပ်နေသလိုပါ။ သေသေချာချာ ကြည့်မှ လက်ကားယား ခြေကားယား
ဖြင့် သေဆုံးနေသူများ။ ခပ်ဝေးဝေးမှ လှမ်းကြည့်နေစဉ် အတွင်း လေအဝှေ့
တွင် ပါလာသော အပုတ်နံ့များကို ရူလိုက်ရပါတယ်။

(လူငယ်) ဟိုသုံးယောက်ပြောတော့ ကားစောင့်နေတဲ့ လူတွေ ရှိတယ်ဆို …

(ခေါင်းဆောင်) မင်းကလည်း တော်တော် လျှာရှည်တာပဲ၊ နောက်မှ ငါပြောပြ
မယ်၊ မြန်မြန်လုပ် ဒီကားလမ်းက လမ်းပိတ်ထားတာ မဟုတ်ဘူး၊ ခုချိန်
စစ်ကားတွေ လာရင် ပြေးလို့ မလွတ်ဘူး၊ အားလုံး ကိုယ်ကျိုးနည်းသွားမယ်၊
မြန်မြန်သွားခေါ် …

လူငယ်လည်း မပြေးရုံတမယ် ခြေလှမ်းများဖြင့် လမ်းအတွင်းဆီသို့ ပြန်လည်
ဝင်ရောက်လာပါတယ်။ သူ့ကို စောင့်နေသော သူငယ်ချင်းနှစ်ဦးကို အရင်
ရှင်းပြပြီး နောက်ဖက်ရှိ လူအုပ်စုထံ သွားခဲ့ကြပါတယ်။ သူ ပြောပြသော
အခါ ဒုတိယ ခေါင်းဆောင် ဖြစ်သူက လက်မခံပေ …
“ငါလည်း မြင်ဖူးအောင် သွားကြည့်အုံးမယ်”

တားဆီးလို့ မရတဲ့အဆုံး ဒု- ခေါင်းဆောင်နှင့် အလောင်းထမ်းထားရသူ
လေးဦး၊ အခြား စပ်စုချင်သူ လူငယ်နှစ်ဦး၊ စုစုပေါင်း ခုနှစ်ယောက်တို့က
လူသေအလောင်းကို သယ်ဆောင်လျက် လမ်းထိပ်ဖက်သို့ ထွက်ခွာသွား
ပါတယ်။ ဆယ်မိနစ်ခန့် အကြာတွင် လမ်းထိပ်သို့ သွားရောက်ခဲ့သူ အားလုံး
ပြန်လှည့်လာကြပါတယ်။ တစ်အုပ်စုလုံး မပြေးရုံတမယ် ခြေလှမ်းများဖြင့် ၎င်းတို့
ရောက်ရှိနေသော လူကုံထံ ရပ်ကွက်အတွင်းမှ လာလမ်းအတိုင်း ပြန်လည်
ထွက်ခွာခဲ့ကြပါတယ်။ အလာတွင် ရှေ့ဆုံး၌ ဦးဆောင်ရသော ခေါင်းဆောင်ခမြာ
အပြန်တွင် နောက်ဆုံးမှ လိုက်ပါနေရပါတယ်။ လမ်းလျှောက်နေရင်း လူငယ်များ
က သူတို့ သိချင်သော အကြောင်းများကို မေးကြည့်သော အခါ …

(လူငယ်) ဦး ….. (ဒု-ခေါင်းဆောင်) တို့ သွားတော့ သေသေချာချာ
တွေ့ခဲ့လား၊ ဘယ်နှစ်လောင်းလဲ၊ ကျနော်အဝေးကပဲ လှမ်းကြည့်ခဲ့တော့
သိပ်မသဲကွဲဘူး …

(ဒု- ခေါင်းဆောင်) စုစုပေါင်း ငါးလောင်း၊ ယောင်္ကျား နှစ်လောင်း၊ အသက်
ကြီးကြီး အဘွားကြီးအရွယ်က တစ်လောင်း၊ ဗိုက်ကြီးသည် တစ်လောင်း၊
အသက် ဆယ်နှစ်အရွယ်လောက်က တစ်လောင်းကွ၊ ကြည့်ရက်စရာတောင်
မရှိပါဘူးကွာ၊ ဗိုက်ကြီးသည် ဗိုက်ထဲက ကလေးပါ ထည့်တွက်ရင် ခြောက်
လောင်း၊ သနားပါတယ်၊ ဒို့တိုင်းပြည် စစ်တပ်က သေနတ်ရှိတယ်ဆိုပြီး
သောက်ရမ်း လျှောက်ပြစ်နေတာ၊ ဗိုက်ကြီးသည်က ဆနွမ်းတွေ လိမ်း
ထားလား မသိဘူး တကိုယ်လုံး ၀ါထိန် နေတာပဲ၊ ဆနွမ်းနံ့ရော
အပုတ်နံ့ရော စုံနေတာပဲ …

(လူငယ်) ဟိုဟာကြီးရော အဲဒီကြားထဲ ပြစ်ခဲ့ပြီလား၊ အသုဘထမ်းစင်ကို
ဘာလို့ ပြန်ယူခဲ့တာလဲ …

(ခေါင်းဆောင်) ပြစ်ခဲ့ပြီးပြီ၊ ရပ်ကွက်ထဲက လူကြီးတွေက အသုဘထမ်းစင်ကို
ပြန်သယ်ခိုင်းထားလို့ ပြန်သယ်လာတာ၊ အင်း … မင်းပြောမှ သတိရတယ်၊
ဦး ….(ဒု-ခေါင်းဆောင်)၊ ခင်ဗျားတို့ နှစ်ယောက်ကို ကျနော် ဟိုဟာ ပေးထား
တယ်နော်၊ တရားနာဖို့ သေသေချာချာ ခေါ်ခဲ့ရဲ့လား ….

(ဒု- ခေါင်းဆောင်) မင်းပေးလိုက်တဲ့ ပုဆိုးစ(သေဆုံးသူထံမှယူခဲ့သော ပုဆိုးစ)
အပြဲလား၊ စိတ်မပူနဲ့ ဟိုကောင့်ဆီမှာ၊ ကျန်တဲ့သူ အားလုံး သူနဲ့သွားပြီး ဘာ
စကားမှ မပြောကြနဲ့နော်၊ ငါပြောတာ အားလုံး ကြားရဲ့လား …

(လူငယ်) အကိုတို့ ဘာပြောနေတာလဲ၊ ဘာ တရားနာဖို့၊ ဘာ ခေါ်ခဲ့တာလဲ …

(ခေါင်းဆောင်) သေတဲ့လူကို သုဿန်ပို့တဲ့ အခါ အဲဒီလူရဲ့ ၀ိညာဉ်ကို တရား
နာဖို့ ပြန်ခေါ်ရတယ်၊ ဥပမာ … အသုဘ နံဘေးက ပန်းလေးတစ်ပွင့်လောက်
ယူပြီး သေသွားတဲ့လူကို အိမ်ပြန်လိုက်ပြီး အသုဘ တရားနာဖို့ ခေါ်ရတယ်၊
အဲလို တရားနာဖို့ ပြန်ခေါ်လာတဲ့ အချိန်အတွင်း ခေါ်လာခဲ့တဲ့သူကို ကျန်တဲ့သူ
တွေက စကား သွားမပြောရဘူး၊ သင်္ချိုင်းမှာ စနစ်တကျ သွားပြီး သဂြုင်္ိလ်ရင်
တော့ အပြန် မော်တော်ကားပေါ်မှာ နေရာ တစ်နေရာစာ ပေးပြီး ခေါ်ရတယ်၊
အခုဟာက ငါတို့သဘောနဲ့ ငါတို့ လွှတ်ပြစ်ခဲ့တဲ့ ကိစ္စဆိုတော့ အဆင်ပြေ
သလို ခေါ်လာရတာ …

(လူငယ်) ဒါဆို အဲဒါကို ဘယ်သူ ခေါ်ခဲ့လဲ၊ အသုဘပြီးသွားရင် ခေါ်လာတာ
ကို ဘယ်လို ပြန်ပို့ကြမလဲ …

(ဒု- ခေါင်းဆောင်) ကို …… (အလာတွင် အသုဘကို ထမ်းခဲ့သူ တစ်ဦး) က
ခေါ်လာတယ်၊ အသုဘ ရက်လည်ဆွမ်းကျွေးပြီးတဲ့ အခါကြရင် အဆင်ပြေ
မယ့် သင်္ချိုင်းတစ်ခုခုမှာ သူ့ ၀ိညာဉ်ကို သွားပို့ပေးရမှာပေါ့ …

(လူငယ်) ခုနက ကျနော်တို့ ဟိုလမ်းထိပ်ကို မရောက်ခင် ကလေးသံတွေ
လိုလို၊ လူအုပ်စုလိုက် စကားပြောသံလိုလို ကြားရတယ်၊ အဲဒါ ဘာတွေလဲ …

(ဒု- ခေါင်းဆောင်) စစ်တပ်က သေနတ်နဲ့ ပြစ်သတ်ထားတဲ့ လူသေအလောင်း
တွေ အတွက် ဘယ်သူကမျှ ဘုန်းကြီးပင့်ပြီး ပရိတ်ရွတ်ထားတာ မဟုတ်ဘူး၊
ဒါ ညဖက် အပုတ်ချိန်လေ ဒါကြောင့် မကျွတ်မလွတ် ဖြစ်နေမှာပေါ့၊ ဗိုက်ကြီးသည်
အလောင်းကြီးကို ပေတရာပေါ်မှာ အခုလို မထားကောင်းဘူး၊ အဲဒီနံဘေး ခြံက
လူတွေ အနေနဲ့ သင်္ချိုင်းပို့ပြီး မီးသင်္ဂြိုလ် ပေးသင့်တယ်၊ အောက်လမ်းဆရာ
တစ်ယောက်ယောက်များ တွေ့သွားရင် သရဲလုပ်ပြီး ခိုင်းစား နေအုံးမယ် ….

(ခေါင်းဆောင်) ဦး ….. ၊ ခင်ဗျား စိတ်မကောင်းဖြစ်မနေနဲ့၊ ခုလို သေနတ်သံ
တွေ တဒိုင်းဒိုင်း ဖြစ်နေချိန်မှာ ဘယ်အောက်လမ်း ဆရာတွေ အထက်လမ်း
ဆရာတွေလည်း ဒီနေရာကို ည သန်ကောင်ကြီး မလာရဲဘူး စိတ်ချ …

သေဆုံးသူ၏ ၀ိညာဉ်ကို ပြန်ခေါ်လာသူအား တစ်အုပ်စုလုံး၏ အလယ်မှ
လိုက်ပါ စေခဲ့ပါတယ်။ လူသေ အလောင်းများ ရှိ မရှိကို ပထမဦးဆုံး
သွားရောက် ကြည့်ရူခဲ့သူ သုံးယောက်တို့လည်း သူတို့ သရဲခြောက်ခံလိုက်
ရတာကို သဘောပေါက် သွားသောကြောင့် တော်တော်လေး တုန်လှုပ်
လျက်ပါ။ သူတို့ တစ်အုပ်စုလုံး လာလမ်းအတိုင်း ပြန်လာခဲ့ကြရာ ရပ်ကွက်
နှစ်ခုကြားရှိ ကန်နံဘေး လမ်းသွယ်ထိပ်သို့ ပြန်ရောက်သော အချိန်တွင် မိုးဖွဲဖွဲ
လေး ကျလာပြန်ပါတယ်။ မိုးကျခါစ ချုံကြားထဲရှိ ဖားအော်သံကို ကြားနေရပါ
တယ်။ ဒီလိုနဲ့ တစ်အုပ်စုလုံး အလာတွင် ဖြတ်ခဲ့သော ရေကန်နံဘေးကို
ပြန်ရောက်လာပါတယ်။ ရုတ်တရက် နောက်ဆုံးရှိ ခေါင်းဆောင်က …
“ရှေ့က လူတွေ မြန်မြန်သွားကြ၊ ငါ့နားထဲမှာ ရှေ့ကလား နောက်ကလား
မပြောတတ်ဘူး၊ ညည်းသံ လိုလို ကြားနေရတယ်”

လူတွေအားလုံး ဂရုတစိုက် နားထောင်ကြပြီးနောက် …

(ဒု- ခေါင်းဆောင်) ဒါ ရေကန်ထဲက အော်နေတာ၊ ဒီရေကန်က လူစားတယ်၊
ဒီလို ညည်းသံမျိုး ပေးတဲ့အခါဆိုရင် ခွေးတို့ ကြောင်တို့ကို အရှင်လတ်လတ်
ရေကန်ထဲ ပြစ်ချပေးရတယ်၊ ဘယ်လိုလုပ်ကြမလဲ၊ ပြဿနာပဲ …

(ခေါင်းဆောင်) ဘုရားစာရတဲ့လူက ဘုရားစာရွတ်၊ သံဗုဒ္ဓေပဲ ဖြစ်ဖြစ်၊
(၂၄) ပစ္စည်း ပဋ္ဌာန်းပဲ ဖြစ်ဖြစ်၊ ဘာမျှ မရတဲ့ သူတွေ လောက်လေးခွနဲ့
ရေကန်ထဲကို လှမ်းပြစ်ကြ …

ဒီလိုနဲ့ တစ်အုပ်စုလုံး ကြောက်ကြောက်လန့်လန့်ဖြစ်ပြီး ဘုရားစာ ရွတ်တဲ့သူ
က ရွတ်၊ ရေကန်ထဲ လောက်လေးခွနဲ့ ပြစ်သူက ပြစ်ကြပါတယ်။ ရေကန်ရဲ့
အလယ်ဗဟိုဟာ ရေ၀ဲ ပုံစံမျိုး ထူးဆန်းစွာ ဖြစ်ပေါ်နေပါတယ်။ ရေကန်ဆီက
ထွက်ပေါ်လာတဲ့ ညည်းသံဟာ လူကြီးတစ်ယောက် အဖျားတက်နေတဲ့ အသံ
မျိုးပါ။ ရုတ်တရက် ခေါင်းဆောင်ဖြစ်သူနဲ့ နောက်တစ်ဦးတို့က ပြန်သယ်ဆောင်
လာသော အသုဘထမ်းစင်အား ရေကန်ထဲသို့ ပြစ်ချလိုက်ပါတယ်။ အဲလို လုပ်
လိုက်သောအခါ ညည်းသံ လုံးဝ ကွယ်ပျောက်သွားပါတယ်။ ဒီလိုနဲ့ပဲ တစ်အုပ်စု
လုံး စိတ်မော လူမောနဲ့ ရပ်ကွက်ထဲသို့ ပြန်လည် ရောက်ရှိခဲ့ကြပါတယ်။

(ပြီးပါပြီ။)