Oct 28, 2008

အင်းစိန် တွဲဖက်ထောင်က သရဲ

ရေးသူ- အောင်ခင်မြင့်


zzzgraphic_jail.jpg

ကျနော် စစ်ကြောရေးမှ အင်းစိန်တွဲဖက်ထောင်သို့ ရောက်ရှိချိန်မှာ
၁၉၉၀ ခုနှစ် စက်တင်ဘာ လကုန်ပိုင်း ဖြစ်ပါသည်။ ကျနော်ကို တင်
ဆောင်လာသော အီတူးသောင်စင် ကားသည် ဟိုကွေ့ ဒီကွေ့ဖြင့်
တနေရာတွင် ထိုးရပ်လိုက်ပါသည်။ လက်ထိပ်နောက်ပြန် ခတ်ထား
ခြင်းနှင့် မျက်နှာပေါ်တွင် အုပ်ထားသော အ၀တ်စ ကို မောင်မင်း
ကြီးသားများက ဖယ်ရှားပေးလိုက်ပါသည်။

“လူသစ် (၄)ယောက် ပါလာတယ်၊ ကျား (၃)၊ မ (၁)၊ အားလုံး
ဂေါ်နိုက် (ဂေါ်=၅ , နိုက်=night=ည၊ ပုဒ်မ ၅(ည)ကို ထောင်
အခေါ်အဝေါ်) တွေချည်းဘဲ၊ ကရင်ရှိလားဟေ့၊ လူသစ်တွေကို
ပုံစံ နည်းနည်းပေးပြီး စာရင်း လုပ်ပါအုံး”

ကျနော်အပါအ၀င် အ.က.သ (အခြေခံပညာ ကျောင်းသားများ
သမဂ္ဂ၊ ရန်ကုန်တိုင်း) မှ ကျောင်းသား သုံးယောက်တို့သည် တွဲဖက်
ထောင် ဗူးဝ တွင် ထောင်အတွင်း ပုံစံဟု ခေါ်သော အနေအထိုင်
ပုံစံများကို ဗူးဝမှ ထောင်စာရေး ကရင်ဟု ခေါ်ဆိုခြင်း ခံရသူထံတွင်
ခြေထောက်ဖြင့် အသတ်လွတ် တစ်ချက် နှစ်ချက် အကန်ခံပြီး
သင်ကြား ရပါသည်။ ကျနော်တို့ လက်ဖျံပေါ်တွင် အကျဉ်းသား
နံပါတ်များကို ယင်း ကရင်ဆိုသူက ရေးပါသည်။

ထို့နောက် ကျနော်တို့ သုံးယောက်တွဲကို စောင်အဟောင်းတစ်ထည်
ဖြင့် ခေါင်းပေါ်တွင် အုပ်ပြီး ထောင်အတွင်းသို့ ခေါ်ဆောင် သွားပါသည်။
စောင် အအုပ်ခံ သုံးယောက်တွဲတွင် ကျနော်က အလယ်မှာ ဖြစ်ပါသည်။
အောက်သို့ မှန်းပြီး လမ်းလျှောက်နေရပြီး အချို့နေရာများတွင် အလင်း
ရောင် အနည်းငယ်ကို အောက်ခြေတွင် မြင်တွေ့ရပါသည်။ များသော
အားဖြင့် နေရာအတော် များများမှာ မှောင်မဲလျက် ရှိပါသည်။ လမ်းသိပ်
မလျှောက်ရပါ။ “ရပ်” ဟူသော အသံကြောင့် ကျနော်တို့ သုံးယောက်တွဲ
ရပ်လိုက်ပါသည်။ နောက်ဆုံးမှ ကျောင်းသားကို စောင်ထဲမှ ဆွဲထုတ်
သွားပါသည်။ “ဂျိုင်း” ဟူသော တံခါးဖွင့်သံ၊ ပိတ်သံများ၊ တီးတိုး စကား
ပြောသံများ ကြားနေရသောကြောင့် လူအများရှိသော နေရာတစ်ခု၏
ဘေးသို့ ရောက်နေကြောင့် သိလာ ပါသည်။


မကြာမီ “ရပ်” ဆိုသော အသံနှင့် အတူ ကျနော်သည် စောင်ထဲမှ
ဆွဲထုတ်ခြင်း ခံရပါသည်။ ကျနော်သည် အခန်းတစ်ခုသို့ တက်
ရန် ပြုလုပ်ထားသော အဆင့် သုံးဆင့်ပါ အုတ်လှေကား တစ်ခု
ထိပ်သို့ ရောက်ရှိ နေကြောင်း သိရပါသည်။ အုတ်လှေကားထိပ်
ရှိ သံတံခါး အတွင်း ဦးခေါင်းများ စုပြုံး၍ စကားပြောသံ ကြားနေ
ရပါသည်။ “တိုက်ပွဲဖော်ဆောင်ရေး အပြင်စည်း ဒုတာဝန်ခံ..ဟ” ဟူ
သော ရင်းနှီး နေသော အသံများကို ကြားရပါသည်။

ကျနော် အခန်းအတွင်းသို့ ၀င်ရောက်လိုက်သောအခါ ရန်ကုန်တိုင်း
မြို့နယ်အသီးသီးမှ အ.က.သ ကျောင်းသား (၆)ဦးခန့် ကိုတွေ့ရပါ
သည်။ သူတို့နှင့် အဖမ်းခံရပုံများ၊ စစ်ကြောရေး အကြောင်းများ၊
အဖမ်းမခံရခင် အပြင်အခြေအနေများကို ရောက်တက်ရာရာ ပြောဆို
နေစဉ် ထောင်ဝါဒါ တစ်ဦးက သံပန်းကန်ပြား တစ်ချက်တွင် ပဲဟင်းရည်
လောင်းထည့်ထားသော ထမင်းနှင့် လက်တဆစ်စာ ငပိလေး တင်ပြီး
လာ ပေးပါသည်။

ကျနော်အိပ်ဖို့ အပေါ့အပါး စွန့်ရာတွင် အသုံးပြုသည့် ဂန်ဖလား
တည့်တည့်တွင် နေရာ ရပါသည်။ ဂန်ဖလားကို ဖျားကြမ်း အကျိုးအပဲ့
တစ်ခုဖြင့် အနံမထွက်စေရန် ဖုံးအုပ်ထားပါသည်။ ကျနော်တွင် စစ်
ကြောရေးမှ ရခဲ့သော ဒဏ်ရာများကို အခန်းဖော် ကျောင်းသား
များက ၀ိုင်းဝန်းပြီး “ကြက်ပူ” ထိုးပေး ကျပါသည်။ အခန်းအတွင်း
၄၀ ၀ပ်အားရှိသော မီးလုံး တစ်လုံးကို တစ်ညလုံး မီးထွန်းထားပေး
သည်ဟု သိရပါသည်။ မအိပ်ခင် အချိန်တွင် တာမွေမြို့နယ်မှ ကျောင်း
သားတစ်ဦးက ကျနော်အား “ဒီအခန်းမှာ လူသစ်ရောက်ရင်၊ ဒီည ထူး
ခြားမယ်နော်၊ သိပ်မလန့်နဲ့” ဟု သတိပေး စကားပြော ပါသည်။

ထိုအခါ ကျနော်က “ဘာထူးခြားတာလဲ၊ လုပ်ပါအုံး” ဟု ပြန်မေးသော
အခါ နောက်ထပ် ကျောင်းသား တစ်ဦးက “ဘာမှ မဟုတ်ပါဘူး၊
ထောင်ဆိုတော့ မြေနည်းနည်း ကြမ်းတဲ့ သဘောပါ၊ သရဲလိုလို
ဘာလိုလို ပေါ့” ဟု ပြောပါသည်။ အခန်းအတွင်း ကျနော် အပါ
အ၀င် ကျောင်းသား (၇)ဦး ရှိရာ သရဲခြောက်မည်ဆိုသော စကား
ကို ကျနော် လုံးဝ လက်မခံခဲ့ပါ။ ဒီလိုနှင့် ကျနော်တို့ စတင် အိပ်စက်
ကြပါသည်။ ကျနော်တွင် ဒဏ်ရာများကြောင့် ချက်ချင်း အိပ်မပျော်ဘဲ
ဟိုဘက်လှည့်လိုက် ဒီဘက်လှည့်လိုက်ဖြင့် ကိုယ့်ဒဏ်ရာ ကိုယ်ကုစား
နေရ ပါသည်။ အခန်းအတွင်း ထွန်းထားသော မီးလုံးမှ မီးအလင်း
ရောင်ကို အိပ်စက်ရာတွင် မျက်စိအား ကာကွယ်ရန်အတွက် ထောင်
ဗူးဝတွင် ပေးသော အင်္ကျီဖြူကို မျက်လုံးပေါ်တွင် တင်ထားပါသည်။

ဗူးဝမှ (၁၂) နာရီ သံချောင်း ခေါက်သံ ကို ကြားရပြီး သိပ်မကြာဟု
ကျနော် ထင်ပါသည်။ ကျနော့် နံဘေးမှ အသံ တချို့ကို စ ကြားရ
ပါသည်။ အမျိုးသမီး တစ်ယောက် ညည်းသံကို တော်တော်ကြာ
အောင် ကြားနေရပါသည်။ ကျနော် တစ်ယောက်တည်း ကြားနေခြင်း
မဟုတ်ပါ။ တခန်းလုံး ကြားနေရပါသည်။ နံဘေးမှ ကျောင်းသားက
ကြောက်နေသော ပုံစံဖြင့် ကျနော်ကို လာဖတ်ထားပါသည်။ ညည်းသံ
များ ဆုံးသွားသော အခါ စကားသံများ ကြားပါသည်။

“နင် နေမကောင်းဘူးလား”
“ဟုတ်တယ်၊ ကျမ နေမကောင်းဘူး”
“သူတို့ဆီက ဆေးတောင်းသောက်လေ”
“ဆေးသောက်ပြီးပြီ၊ ဒါပေမဲ့ မသက်သာဘူး .. ဟင်း ..ဟင်း ..ဟင်း”
ဟု ဆက်လက် ညည်းတွားသံကို ဆက်တိုက် ကြားနေရပါသည်။

ကျနော့်တွင် ကြောက်စိတ် လုံးဝ မပေါ်သေးပါ။ ကျနော်သည်
ရုတ်တရက် မျက်လုံးပေါ်ရှိ အင်္ကျီဖြူကို ဘေးသို့ ဖယ်ထုတ်လိုက်ပြီး
တစ်ခန်းလုံး နေရာစုံသို့ လိုက်ကြည့် မိပါသည်။ ဘာမှ မတွေ့ရပါ။
ညည်းသံလည်း ဆက်လက်ကြားနေရပါသည်။ အဲဒီတော့မှ ကျနော်
လည်း ကြောက်စိတ် ၀င်သွားပါသည်။ ဒါ တကယ် သရဲ ပါလားဟု
သဘောပေါက်သွားပါသည်။ အဲဒီချိန်မှာ အခန်းအတွင်းရှိ ကျောင်းသား
အားလုံးနီးပါး ရသမျှ ဘုရားစာကို တုန်လှုန့်နေသော အသံများဖြင့်
အကျယ်ကြီး အော်ဆို နေကြပါသည်။ နောက်ထပ် ဆယ်မိနစ်လောက်
အကြာတွင် အားလုံး ငြိမ်သက် သွားပါသည်။

မနက်မိုးလင်းခါစ ခြောက်နာရီ မထိုးခင်တွင် ကျနော်တို့ ကိုယ့်အခန်း
ထဲတွင် အထိုင်ပုံစံဖြင့် ထိုင်ရသော အချိန်ရောက်မှ ကျောင်းသားတစ်
ဦးက ကျနော်ကို ပြောပြပါသည်။ ကျနော်တို့ အင်းစိန်တွဲဖက်ထောင်၊
အဆောင်(၂)၊ အခန်းနံပါတ် (၂၂) သည် နာမည်ကျော် သရဲခြောက်
သော အခန်း ဖြစ်ပါသည်။ တစုံတစ်ယောက်က အသံဖမ်းစက် သို့မဟုတ်
ကတ်ဆက်ခွေဖြင့် တမင်အကွက်ဆင် လုပ်ထားခြင်းမျိုး လုပ်ဝ မဟုတ်ပေ။

ယင်း သရဲ အခြောက်ခံရမှုသည် နေ့စဉ် ဖြစ်လေ့ မရှိပါ။ အခန်းအတွင်း
သို့ လူသစ်တစ်ဦး စတင် ၀င်ရောက်လာသော အခါများတွင် တစ်ခန်း
လုံး ခြောက်လန့် ခံရပါသည်။ ကျနော်တို့ အပါအ၀င် နံဘေးခန်းများမှ
ကျောင်းသားများ အားလုံးသည် ယင်း သရဲခြောက်မှုကို မယုံကြည်သဖြင့်
အုတ်နံရံများ၊ မျက်နှာကျက်များတွင် ကတ်ဆက် ၀ါယာကြိုး စသော
အသံထွက်ပေါ်စေသော အရာများကို ရှာဖွေသော်လည်း တစုံတရာ
မတွေ့ရှိ ရပေ။ အဆောင် အပေါ်ထပ်တွင် နေသော ထိုင်းအကျဉ်းသား
(မြန်မာ့ရေပိုင်နက်တွင် တရားမ၀င် ငါးခိုးဖမ်းသဖြင့် အဖမ်းခံရ သူများ)
များကို အကူအညီ တောင်းပြီး လိုက်လံ ရှာဖွေ သော်လည်း ၀ါယာကြိုး၊
ကတ်ဆက်များကို မတွေ့ရှိရပေ။

ကျနော်ရောက်ပြီး လေးရက်လောက် အကြာတွင် အခန်းတွင်းမှ ကျောင်း
သားတစ်ဦး ရုံးတင် အမိန့်ချခြင်း ခံရပြီး အခန်းသို့ ပြန်ရောက် မလာတော့
ပါ။ ထောင်ဝါဒါက လူတစ်ယောက်လျှော့ သွားသော ကျနော်တို့
အခန်းသို့ နောက်တစ်ရက်တွင် စစ်ကြောရေးမှ ပို့လိုက်သည့်
သာကေတမြို့နယ်မှ ကျောင်းသား တစ်ဦးကို ပို့လိုက် ပါသည်။
ထိုညတွင်လည်း အလားတူ နာရီဝက် နီးပါး သရဲခြောက်မှုကို ခံစား
ရပါသည်။


(ဤမျှသာ။)

6 comments:

အောင်သာငယ် said...

ဟေး... အကိုတော့ မယုံဘူးကွာ...
ဒါမဲ့ ကိုယ်တိုင်မှ မကြုံရတာကိုး .....း)

ပန်းခရမ်းပြာ said...

ညမှာ မဖတ်ရဲလို့ နေ့လည်ဘက်မှာမှ လာဖတ်သွားတယ်။ ကိုယ်တွေ့ကြုံရတာ ဆိုတော့လည်း မယုံဘူးလို့ မပြောရဲဘူး။

Apprenticeship said...

ကြောက်စရာကြီး အင်းလေ ထောင်တွေက ကြောက်စရာမကောင်းတဲ့ နေရာမှ မဟုတ်ပဲ :P

ရွှေပြည်သူ said...

တကယ်ကို စိတ်ဝင်စားစရာ အကြောင်းအရာပါ။ မနက်ကျမှ ဖတ်မယ်ဆိုပြီး မနေနိုင်လို့ ကြောက်ကြောက်နဲ့ပဲ အဆုံးထိ ဖတ်သွားပါတယ်။ အဲဒီလို ပြိတ္တာဘုံသားတွေ တကယ်ရှိတယ်ဆိုတာ ယုံကြည်ပါတယ်။ မျှဝေပေးတာ ကျေးဇူးတင်ပါတယ် ကိုအောင်ရေ...

chee said...

သရဲဆိုတာအစကတော့မယုံဘူး။ဒါပေမဲ့တကယ်ထိတော့မှယုံလာတယ်။ဖြစ်ပုံက
ကျွန်တော်ကGEOLOGYတက်တာဆိုတော့ကွင်းဆင်းလေ့လာရေးထွက်ရတယ်။
ကျွန်တော်တို့တတိယနှစ်ကလွင်းဆင်းတာရှမ်းပြည်တောင်ပိုင်းရွာငံမြို့နယ်ကရွာလေးတစ်ရွာမှာပါ။
ကျွန်တော်တို့နေရတာကသုံးဆယ်ဆိုတဲ့ဘုန်းကြီးကျောင်းမှာပါ။
ကျွန်တော်တို့စရောက်တဲ့ညမှာဘဲခြောက်ခံထိတယ်။
ကျွန်တော်အပါအ၀င်စုစုပေါင်း၁၁ခြောက်ခံရပါတယ်။
အဲဒီညကကျွန်တော်တို့၁၁ယောက်စာစုပြီးလုပ်နေတုန်းပြတင်းပေါက်ကနေရီသံကိုကြားရပါတယ်။
ပြတင်းပေါက်ကကျွန်တော်တို့နဲ့ဆိုခြေ၅လှမ်းလောက်ဘဲဝေးတာ။
ကျွန်တော်တို့အဖွဲ့မှာကမိန်းကလေးက၂ယောက်ဘဲပါတာ။
ကျွန်တော်တို့ထွက်ကြည့်တော့ဘာမှမတွေ့ရဘူး။
နောက်၅မိနစ်ကြာတော့ မိန်းမကြီးတစ်ယောက်ရဲ့အသံကိုကြားရတယ်။
အဲဒီပြတင်းပေါက်ကလာတဲ့အသံဘဲ။ကျွန်တော်တို့ကိုဘာပြောလဲဆိုတော့
"နင်တို့တွေငါ့နေရာကအခုချင်ခြင်းထွက်သွားကြစမ်း"ဆိုပြီးမောင်းထုပ်တယ်။
ကျွန်တော်တို့ချက်ခြင်းထွက်ကြည့်တယ်ဘယ်သူမှမရှိဘူး။
အဲဒါနဲ့ကျွန်တော်တို့အားလုံးထွက်ပြေးကြရတော့တာပါဘဲ။
တကယ့်ဖြစ်ရပ်မှန်ပါ။ဖြစ်တာက ၂၀၀၈ ခုနှစ်အောက်တိုဘာလလောက်ကရက်စွဲကတော့မမှတ်မိတော့ပါဘူး။

ကိုအောင်(ပျူနိုင်ငံ) said...

ဟုတ်ကဲ့ chee ရေ။ ဒီလိုဘဲ ထူးဆန်းတဲ့ အတွေ့
အကြုံတွေပေါ့ဗျာ။