အဖွဲ့ချုပ်၏ အထူးကြေညာချက်

ဘိုးဘေးဘီဘင်များကို ရှာဖွေခြင်း အပိုင်း(၁)

တကောင်း (၁)

‘တကောင်းအဘိရာဇာ၊ တို့ဗမာ သာကီဝင်မျိုးဟာမို့၊ မညှိုး ဂုဏ်တေဇာ‘
(၀ိုင်အမ်ဘီ ဆရာတင်)

‘မေးပါများ စကားရ၊
သွားပါများ ခရီးရောက်၊
မအိပ်မနေ အသက်ရှည်‘
ဟူသော စကားကို အားကိုးအားထား ပြု၍ ရှင်ဘုရင် ဖြစ်လာသော မောင်ပေါက်ကျိုင်း။

‘ရာပေးလို့ ဆုပ်၊
ထောင်ပေးလို့ ချုပ်၊
ချစ်တဲ့သူ အရိုး ဆံထိုးလုပ်‘
ဆိုသော စကားထား အ၀ှက်သည် တချိန်က မြန်မာ ကလေးငယ် တို့၏ အိပ်ယာဝင် ပုံပြင်
များ အဖြစ် အလွန်နှစ်သက် စရာ ကောင်းလှ ပါသည်။

ကိုလိုနီခေတ် သမိုင်းရေး ဆရာတို့သည် မြန်မာ့သမိုင်း ကို အနော်ရထာ မင်း လက်ထက်
အေဒီ(၁၁) ရာစု မှ စခဲ့ခြင်းနှင့်အတူ ‘မြန်မာ အစ တကောင်း က‘ ဟူသော အချက် ကို
ပုံပြင် ဒဏ္ဍာရီ ထဲသို့ ပို့ဆောင် ခဲ့ကြပါသည်။




တကောင်းသည် ယခုအခါ မန္တလေးတိုင်း ပြင်ဦးလွင်ခရိုင်၊ မိုးကုတ်ခရိုင်ခွဲ၊ သပိတ်ကျဉ်း
မြို့ နယ်အတွင်း ဧရာဝတီမြစ် အရှေ့ဘက်ကမ်း၊ မန္တလေးတိုင်း၏ မြောက်ဘက်အစွန်းတွင်
တည်ရှိပါသည်။ယခင်က တကောင်းသည် ကသာခရိုင်အတွင်း ၌ ပါဝင်ခဲ့သည်။ ထိုနောက်
ရွှေဘိုခရိုင် အတွင်းသို့ ထည့်သွင်း အုပ်ချုပ်ခြင်း ခံရသည်။ ယခုအခါ တကောင်းမြို့ကို
သီးခြားမြို့နယ် တစ်ခု အဖြစ် မြင်တွေ့နိုင်ပါသည်။ မန္တလေး မှ မော်တော်ကားလမ်း ခရီး
အကွားအဝေး (၁၂၇)မိုင် တွင် တည်ရှိပြီး အရှေ့ လောင်ဂျီကျူ့ ၉၆ ဒီဂရီ ၁၁ မိနစ် နှင့်
မြောက်လတ္တီကျူ့ ၂၃ ဒီဂရီ ၃၀ မိနစ် အကြားတွင် တည်ရှိပါသည်။တကောင်းမြို့၏ တည်
နေရာကို သတိုးသီရိ သုဓမ္မ ဒေါက်တာ ဂျေအက်ဖ် ဖာနီဗဲလ်နှင့် ဦးဖေမောင်တင်တို့
တည်းဖြတ်သော ဇ မ္ဗူ့ဒီပဥ ဆောင်းကျမ်း၊ စာမျက်နှာ ၁၉ တွင် …
‘တကောင်းနယ်ကား အရှေ့ ကိုလားသော် တရုတ်လမ်းမ၊ တောင်ကိုလားသော်
ဖလူတောင်၊အနောက်ကို လားသော် ပယင်းတွင်း၊ မြောက်ကို လားသော် ကင်း
မြစ်နား၊‘
ဟု ခေါ်ဆို ပါသည်။

လက်ရှိ တကောင်းမြို့ တည်နေရာမှာ အရှေ့နှင့်မြောက်ဘက်တွင် တလားဝ
ချောင်း၊အနောက်ဘက်တွင် ဧရာဝတီမြစ်၊ တောင်ဘက်တွင် အညာပုဂံ မြို့
ရိုးဟောင်း တို့ ရှိပါသည်။ တကောင်းကို (၁) သံသာရပူရ၊ (၂)ရ ဋ္ဌပူရ၊
(၃)သင်္ဃဿရ ဋ္ဌ၊ (၄)သင်းတွဲ ခေါ် ဟတ္ထိနပူရ၊ (၅)ပဉ္စာလ၊
(၆)ပဉ္စာလတကောင်း ဟူ၍ အမည် ခြောက်မျိုး ရှိခဲ့ပါသည်။မှန်နန်းရာဇ၀င်
တော်ကြီး၌ …

-ကကုသန်ဘုရား လက်ထက်တော်၌ သံသရပူရ
-ကောနဂုံ ဘုရား လက်ထက်တော်၌ ရ ဋ္ဌပူရ
-ကဿပ ဘုရား လက်ထက်တော်၌ သင်းတွဲ
-ဂေါတမ ဘုရား လက်ထက်တော်၌ တကောင်း
ဟူ၍ အမည်တွင် ခဲ့ကြောင်း ဖော်ပြထား ပါသည်။ တကောင်းကို တရုပ် အသံ
ဖြင့် ‘တိုင်ကွန်‘ ဟူ၍ သိရသော်လည်း အဓိပ္ပါယ် မူရင်း ကို ဖော်ပြထားခြင်း မရှိ
ပါ။ဆရာကြီး ဒေါက်တာ သန်းထွန်း နှင့် ဆရာကြီး ဦးရည်စိန် တို့၏ မှတ်တမ်းများ
အရ တကောင်း(၃)ခေတ် နှင့် ပျူ(၆)ခေတ်တို့ ရှိခဲ့ သည်ကို သိရှိရ ပါတယ်။
တကောင်းကို ဘီစီ(၂) ရာစု တရုပ်နန်းတွင်း မှတ်တမ်းများတွင် သင်္ကဿ
ဟုလည်း တွေ့ရှိရပါတယ်။ အိန္ဒိယတိုင်းသား ကုလားလေသံနှင့် (ပံဤတိ
ကောက်)ဟု အသံထွက်ပုံကိုလည်း သိရှိရပါသည်။ တကောင်းကို ရှမ်းဘာသာ
နှင့် ဆိုပါက ‘တ‘ သည် ကူးတို့ဆိပ် ဖြစ်၍ ‘ကောင်း‘ သည် ကုန်ပစ္စည်း စုပုံနေရာ
ဟုအဓိပ္ပါယ် ရသောကြောင့် စည်းကားသော ကူးတို့ဆိပ် မြို့ ဟု သိရပါသည်။
တကောင်းကို BC 1300 (ဂေါတမ ဗုဒ္ဓဘုရားရှင် ပွင့်တော်မမူခင် နှစ်ပေါင်း
၇၀၀ ) ခန့်တွင် သကျသာကီဝင်မင်းသား အဘိရာဇာနှင့် နောက်ပါ အလုံး
အရင်း တို့က စတင် တည်ထောင်သည်ဟု မှန်နန်းရာဇ၀င် တွင် ဖော်ပြထား
ပါသည်။ အဘိရာဇာ သည် အရှေ့ဘက်နှင့် အနောက်ဘက်တို့ မှ ရေကာစီး
နေ၍ ရန်သူ ရုတ်တရက် မ၀င်နိုင်သော နေရာတွင် တကောင်းမြို့ ကိုတည်ခဲ့တယ်
လို့ သိရှိ ရပါသည်။ … ‘မြန်မာ အစ တကောင်းက‘ …. ‘တကောင်းအစ
တုံငယ်ဝ‘ …. ။

‘အော့အံညောင်း တကောင်းတည်၊ တကောင်းတည်စ တုံငယ်ဝ‘ ဟု အစဉ်အလာ
ပြောစမှတ် ဆိုရိုးစကား ရှိခဲ့ဘူးပါသည်။ တုံငယ်မြို့ဟောင်း သည် တကောင်းမြို့မှ
အထက် ခြောက်မိုင် ခန့် အကွာ ဧရာဝတီမြစ် ၏ အနောက်ဘက်ကမ်းရှိ မဲဇာချောင်း
ဝ အနီးတွင် ကပ်လျက်တည် ရှိပါသည်။ တုံငယ်ဝ နေရာသည် အဘိရာဇာ တကောင်း
ကို မတည်မှီ မြို့တည်ရန် နေရာရွေး ချယ်ခြင်း၊ လူသူစုဆောင်ခြင်းတို့ ပြုလုပ်ရင်
ပထမ စခန်းချသော နေရာဟု ဆိုကြပါသည်။ ထို့အပြင် မုံရွေး ဆရာတော်၏ စေတီ
ယကထာ ရာဇ၀င်ချုပ်တွင် ‘တုံငယ်ဝ ၀ယ် တုမ္ပ၀တီမြို့ ကို အဿကုမ္မာမင်း တည်
ထောင်၍ တရားနှင့် အညီ မင်းမူ၏၊ ရတနာမိုးရွာ၏၊ မင်းဆက် လေးသောင်းတည်
၏။‘ ဟု ရေးသား ဖော်ပြထားသည်ကို ဖတ်ရူမှတ်သား ရပါသည်။

အဘိရာဇာ မတိုင်ခင် မြန်မာနိုင်ငံ အထက်ပိုင်းတွင် ရှေးအကျဆုံး နေထိုင်သူများ
မှာ နာဂလူမျိုး များဖြစ်ပါသည်။ နာဂတို့၏ နောက်တွင် ချင်း၊ သက်၊ ဂဒူး၊ ပျူ နဲ့
ကမ်းယံ(ရခိုင်) လူမျိုးများထပ်မံ ရောက်ရှိခဲ့ တယ်လို့ သိရပါတယ်။ တကောင်းစတင်
တည်ထောင်ချိန်တွင် နေထိုင်သူ အများစုတို့မှာ ‘သက်‘ လူမျိုးများ ဖြစ်ကြောင်း
ယခင် သမိုင်းသုတေသီ ပါမောက္ခ ဂျီအိပ်ခ်ျ လုစ် နှင့် သူ့ အဆိုကို ထောက်ခံသူ
သမိုင်းပညာရှင်များ က ယူဆကြပါတယ်။ ယနေ့ခေတ် ဆရာကြီးဒေါက်တာ
သန်းထွန်း၏ မျိုးဆက်သစ် သမိုင်းပညာရှင် များက တကောင်း တည်ထောင်ချိန်
တွင် အထက်မြန်မာပြည်၌ နေထိုင် သူ အများစု ကို ‘ပျူ‘ လူမျိုးများ ဟု အတိအလင်း
ဖွင့်ဆိုကြပါတယ်။

အမျိုးသားစာပေ ပညာရှင်ကြီး ဆရာဇော်ဂျီ ရဲ့၁၀၁ ကြိမ်မြောက် မွေးနေ့

သင်သေသွားသော် သင်ဖွားသောမြေ၊
သင်တို့ပြည်သည် အခြေတိုးမြင့်၊
ကျန်ကောင်းသင့်၏ ။
(ဆရာဇော်ဂျီ)

ထိန့်လိုက်တဲ့ အိုးစည်
ပီကလည်း ပီသနဲ့
သီသူက သီကြ
ကသူက ကလာ
နွားကြီးလည်း ပါသဟေ့
ကျောပေါ်မှာ ကော်ဇော
အမွှေးရော သနပ်ခါး
ချိုဖျားမှာ ပိတောက်ပန်းတွေက
တလျှမ်းလျှမ်း ရွှေအဆင်း
နွားစိတ်ထဲ အခဲသား ၀င်လိုက်ရ
ရွှင်လိုက်မည့် ဖြစ်ခြင်း …. ။
(ဆရာဇော်ဂျီ ၏ ‘တခုသော သင်္ကြန်အခါ‘ ကဗျာ ထဲမှ ‘နွေဦး ကျက်သရေ‘ စာပိုဒ်။)

အမျိုးသား စာဆိုကြီး မြန်မာစာပေ ပညာရှင် ဆရာဇော်ဂျီ တယောက် မြန်မာပြည်
တွင် မွေးဖွား



ခဲ့တာ အခုဆိုရင် နှစ်ပေါင်း ၁၀၁ နှစ်မြောက်ခဲ့ပါပြီး။ ဆရာဇော်ဂျီ ခေါ် ဆရာကြီး
ဦးသိန်းဟန် ကို ၁၉၀၇ ခုနှစ် ဧပြီလ ၁၂ ရက်နေ့ မှာ အဖ ဦးယော အမိ ဒေါ်စိန်ညွန့်
တို့ က ဧရာဝတီတိုင်း ဖျာပုံ မြို့နယ် မှာ မွေးဖွားခဲ့ပါတယ်။ မွေးချင်း ၉ ဦးအနက်
အကြီးဆုံး ဖြစ်ပါတယ်။

ငယ်စဉ်က ဘုန်းတော်ကြီးကျောင်း၊ တိုင်းရင်းမြန်မာကျောင်း၊ အင်္ဂလိပ်မြန်မာ အစိုးရ
ကျောင်းများတွင် အခြေခံပညာ သင်ယူခဲ့ပါတယ်။ သတ္တမတန်း အရောက် ၁၉၂၀
ပြည့် ပထမ ကျောင်း သားသပိတ် တွင် ပါဝင်ခဲ့ပါတယ်။ ကျောင်းသပိတ်ကြီး ပြီးဆုံးချိန်
မှာ ပေါ်ပေါက်ခဲ့တဲ့ ဖျာပုံ အမျိုးသား ကျောင်းမှ ဆက်လက် ပညာသင်ကြားခဲ့ပါတယ်။
ထိုနောက် ရန်ကုန် မြို့မအမျိုးသား ကျောင်း (ယနေ့ခေတ် ဒဂုံ အထက ၂) မှာ ၁၁
တန်း အောင်မြင် ခဲ့ပါတယ်။၁၉၃၀ မှာ ရန်ကုန် တက္ကသိုလ်မှ ၀ိဇ္ဇာ ဘွဲ့ ရရှိခဲ့ပြီး ၁၉၃၁
မှ ၁၉၃၄ အထိ မြို့မ အမျိုးသားကျောင်းမှာ ဆရာ အဖြစ် တာဝန် ထမ်းဆောင် ခဲ့ပါ
တယ်။ ၁၉၃၁ မှာ ဖျာပုံမြို့နယ် က ထုတ်ဝေတဲ့ ‘မြန်မာ့ အာဇာနည်‘ ဂျာနယ် မှာ
အယ်ဒီတာ အဖွဲ့ဝင် အဖြစ် ဆောင်ရွက်မှု ကနေ စာပေ နယ်မြေ သို့ စတင် ၀င်
ရောက်ခဲ့ ပါတယ်။ ၀ိုင်အမ်ဘီအေ အသင်းကြီး ရဲ့ ဟောပြောပွဲ မှာ အင်္ဂလိပ်စာတမ်း
အဖြစ် ‘Eighteenth Century Poets in Burma‘ ကို ဆရာ က တင်သွင်း ဖတ်ကြားခဲ့
ပါတယ်။ ယင်း ဆောင်ရွက်မှုကို ရန်ကုန် တိုင်းမ် အင်္ဂလိပ်ဘာသာ သတင်းစာ က
ဖော်ပြခဲ့ရာ ရန်ကုန် တက္ကသိုလ် အင်္ဂလိပ်စာ ပါမောက္ခ ရုခ် က အလွန် နှစ်သက်ပြီး
ဆရာဇော်ဂျီ အား မဟာဝိဇ္ဇာ တန်း တက်ရန် တိုက်တွန်းခဲ့ပါတယ်။ ထိုကြောင့် မြို့မ
ကျောင်း ၏ ကျောင်းဆရာ အဖြစ်မှ ထွက်ခါ ရန်ကုန် တက္ကသိုလ် တွင် ၁၉၃၆ မှာ
မဟာဝိဇ္ဇာ ဘွဲ့ ရရှိခဲ့ပါတယ်။၁၉၃၈ တွင် မန္တလေး ဥပစာ ကောလိပ် တွင် မြန်မာစာ
နည်းပြ ဆရာအဖြစ် တာဝန် ထမ်းဆောင်ပါတယ်။ ၁၉၄၀ မှာ အင်္ဂလန် နိုင်ငံ ဒဗ်ဗလင်
တက္ကသိုလ် မှ စာကြည့်တိုက် ဒီပလိုမာ ဘွဲ့ လက်မှတ် ကို ရရှိခဲ့ပါတယ်။ ၁၉၄၁ ရန်ကုန်
တက္ကသိုလ် စာကြည့်တိုက်မှူး တာဝန် ထမ်းဆောင်ချိန်မှာ မြို့မ အမျိုးသား ကျောင်းမှ
ဆရာမ ဒေါ်စောရင် နဲ့ အိမ်ထောင်ပြုခဲ့ပါတယ်။ ဒုတိယ ကမ္ဘာစစ် ဂျပန်ခေတ် နှင့်
၁၉၄၆ လွတ်လပ်ရေး မရခင် စစ်ပြီး ကာလတွေ အထိ ရန်ကုန်တက္ကသိုလ် မှာ စာပေ
နှင့် စာကြည့်တိုက် ဌာန တွင် အဆင့်မြင့် တာဝန်များ ထမ်းဆောင်ခဲ့ပါတယ်။ ၁၉၄၇
-၄၈ ခုနှစ် များမှာ တိုင်းပြုပြည်ပြု လွှတ်တော်ရုံး၊ ရွေးကောက်ပွဲ ကော်မရှင် အထူးအရာ
ရှိ၊ အခြေခံဥပဒေ အချောကိုင် ကော်မတီ တို့မှာ တာဝန်ထမ်းဆောင် ခဲ့ပြီး အမျိုးသား
ခေါင်းဆောင်ကြီး ဗိုလ်ချုပ်အောင်ဆန်း အပါအ၀င် ဖဆပလ အဖွဲ့ချုပ်ကြီးရဲ့ တန်းဖိုး
ထားမှုကို ရရှိခဲ့ပါတယ်။ ၁၉၄၈ မှာ အာဏာရ ဖဆပလ အစိုးရ က ၀ဏ္ဏ ကျော်ထင်
ဘွဲ့ အပ်နှင်း ခဲ့ပါတယ်။ ၁၉၅၁ မှ ၅၇ အထိ ကျောင်းသုံး စာအုပ်ပြုစုရေး မှာ ညွှန်ကြား
ရေးဝန် နှင့် ၁၉၅၉ မှာ မြန်မာနိုင်ငံ သမိုင်းကော်မရှင် ဥက္ကဋ္ဌ တာဝန်များ ထမ်းဆောင်
ခဲ့ပါတယ်။ ၁၉၆၁ မှာ အာဏာရ ပထစ အစိုးရ က ‘သီရိပျံချီ‘ ဘွဲ့ အပ်နှင်းခဲ့ပါတယ်။
၁၉၆၅ မှ ၁၉၇၅ အထိ ပညာရပ်ဆိုင်ရာ ဝေါဟာရ ကော်မတီ ဥက္ကဋ္ဌ နှင့် အမျိုးသား
စာပေဆု ရွေးချယ်ရေး ကော်မတီ ဥက္ကဋ္ဌ အဖြစ် ဆောင်ရွက်ခဲ့ပါတယ်။

၁၉၆၇ မှာ တက္ကသိုလ်များ စာကြည့်တိုက် မှူး အဖြစ်မှ အငြိမ်းစား ယူပြီး မြန်မာနိုင်ငံ
သုတေသန အသင်းမှာ ဥက္ကဋ္ဌ တာဝန် များ ဆက်လက် ဆောင်ရွက်ခဲ့ပါတယ်။ ‘သခင်
ကိုယ်တော်မှိုင်း ဋီကာ‘ စာအုပ်ဖြင့် ၁၉၅၅ မှာ စာပေ ဗိမာန် စာပဒေသာဆု၊ ‘နင်လာ
ဟဲ့ ချစ်ဒုက္ခနှင့် အခြားဝတ္တု တိုများ‘ စာအုပ်ဖြင့် ၁၉၇၉ မှာ ဘာသာပြန် အမျိုးသား
စာပေဆု၊ ‘ရှေးခေတ် ပုဂံ ကဗျာများနှင့် အခြားကဗျာများ‘ စာအုပ်ဖြင့် အမျိုးသား
ကဗျာ ဆု တို့ကို ရရှိခဲ့ပါတယ်။ ဆရာဇော်ဂျီသည် အသက် ၈၃ နှစ် အရွယ် ၁၉၉၀
ခုနှစ် စက်တင်ဘာလ ၂၆ ရက်နေ့မှာ ကွယ်လွန်ခဲ့ပါတယ်။

မိုးက စိုစို၊ ကျီးအုပ်ပြို၍
ထိုမှ ဤမှ၊ တို့လမ်းမ တွင်
ပျံကြ ၀ဲကြ၊ ငရဲထသို့
အုံကြွမြည်အာ၊ မသာယာကို
ငါကြားခဲ့၏ မှတ်မိ၏။

ထိုနေ့၌ပင်၊ ထိုချိန်ထင်၏
သခင်အောင်ဆန်း၊ ပြည်သူ့ ပန်းသည်
ပွင့်လန်းခါစ၊ ကြွေလိုက်ရ၏
မြေခသတင်း၊ မိုးကြိုးခွင်း သို့
အိမ်တွင်း အိမ်ပြင်၊ တို့လမ်းခွင်၌
မချင့်မရဲ၊ ၀မ်းနဲ ခံခက်
မျက်စီ မျက်နှာ၊ ညှိုးကြရှာသည်
ရွာဦးပိုင်းမှ သင်းချိုင်းထိ။

(ဆရာဇော်ဂျီ က ဗိုလ်ချုပ်အောင်ဆန်း ကျဆုံးချိန်တွင် စပ်ဆိုခဲ့သော ‘ပြောလိုက်
ပါဘိ၊ ဟောပါဘိ‘ ကဗျာမှ ‘ငါ့ညီပြောင်းဝင်း‘ သို့ ကဗျာ အပိုဒ်။)

တို့ဗမာ အစည်းအရုံး၏ သမိုင်းဝင် ဓါတ်ပုံများ (၂)

(မှတ်ချက်။ ။ ‘သပိတ်တား‘ ဆိုသည် အဓိပ္ပါယ် မှာ အစိုးရ ၏ ဒေသတွင်း အုပ်ချုပ်ရေး
ရပ်တန့်စေရန်အရေးပါသော ရုံး အ၀င်အ၀ များ၊ လမ်းများပေါ်တွင် ‘တားဆီး‘ သော
ပုံစံဖြင့် အစုအဝေး နဲ့ ထိုင် နေခြင်းမျိုး ဖြစ်ပါသည်။)



(အထက်ဖော်ပြပါ ဓါတ်ပုံတွင် ရန်ကုန် အတွင်းဝန်ရုံး- ယနေ့အခေါ် ၀န်ကြီးများရုံး ဆန္ဒ
ပြပွဲ တွင် ကိုလိုနီခေတ် ပုလိပ်တို့ကြောင့် တကသ ခေါင်းဆောင် ဗိုလ်အောင်ကျော် ကျ
ဆုံး ခဲ့ပါသည်။)

တို့ဗမာအစည်းအရုံး၏ သမိုင်းဝင် ဓါတ်ပုံများ(၁)

အမေလူထု ဒေါ်အမာ အတွက် ဗကသ ရဲ့ ၀မ်းနည်းကြောင်းသ၀ဏ်လွှာ

ဒုတိယ ကျောင်းသားသပိတ် တိုက်ပွဲဝင်ခဲ့သူ လူထု ဒေါ်အမာ ကွယ်လွန်ခြင်း

မန္တလေးမြို့၊ ၃၂ လမ်း၊ ဂုန္တန်ဆေးရိုးဝင်းနေ ဦးထင်+ဒေါ်စု တို့၏ သမီး၊
နဂါးဒေါ်ဦး ၏ ညီမ၊ ဦးလှဖေ+ဒေါ်တင်တင်၊ ဦးကျော်စိန်+ဒေါ်ကြင်ကြင်၊
ဦးမောင်လေး+ဒေါ်ခင်လှမြင့်၊ဒေါက်တာ ဦးခင်မောင်အေး+ဒေါက်တာ
ဒေါ်ကြည်စိန် တို့၏ အမ၊ ဦးစိုးဝင်း၊ ဦးခင်ဂျက်ဝင်း+ဒေါက်တာ သန်းရင်
မာ (ဒေါက်တာ မြမဉ္ဇူ)၊ ဦးဖိုးသံချောင်း၊ ဒေါ်တင်ဝင်း၊ ဦးငြိမ်းချမ်း(ညီပုလေး)
+ဒေါ်တင်တင်ဝင်း တို့၏ မွေးသမိခင် မစုစုမာ၊ ကိုဘိုဘို၊ မဖြူပြာ၊ မလင်းလင်း
မွန်၊ မောင်အောင်ဘာလေ၊ မရွှေပြည်စိုး တို့၏ အဖွား
လူထုဦးလှ ၏ ဇနီး
လူထုဒေါ်အမာ (၉၃)နှစ် သည်
၁၃၆၉ ခုနှစ်၊ တန်ခူးလဆန်း (၂)ရက်၊ ၇-၄-၂၀၀၈ (တနင်္လာနေ့) နံနက် (၀၈း၃၇)
နာရီအချိန်တွင်ဘ၀တပါးသို့ ကူပြောင်းကွယ်လွန်သွားပါသဖြင့် ကြွင်းကျန်ရစ်သော
ဥတုဇရုပ်ကလာပ်ကို ၁၃၆၉ ခုနှစ်၊ တန်ခူးလဆန်း (၄)ရက်၊ ၉-၄-၂၀၀၈ (ဗုဒ္ဓဟူးနေ့)
နံနက် (၁၀း၀၀) နာရီအချိန် အိမ်အမှတ် ၂၆၅၊ ၃၂ လမ်း၊ ၈၃x၈၄ လမ်းကြား နေအိမ်
မှ ကြာနီကန်သုဿာန်သို့ ပို့ဆောင်မီးသင်္ဂြီုဟ်မည် ဖြစ်ပါ၍ အသုဘရှု လိုက်ပါ ပို့ဆောင်
်ကြပါရန် လေးစားစွာ ဖိတ်ကြား အပ်ပါသည်။
ကျန်ရစ်သူ မိသားစု




လူထုဒေါ်အမာ ဘ၀ ဖြတ်သန်းမှု အကျဉ်း

၁၉၁၅ - မန္တလေးမြို့၊ ဂုန္တန်ရပ်၊ အဖ ဦးထင်- အမိ ဒေါ်စု တို့မှ နိုဝင်ဘာ ၂၉၊
တနင်္လနေ့မှာ မွေးဖွားခဲ့၊ မွေးချင်း ၁၂ယောက်၊ စတုတ္ထသမီး၊ အမည်ရင်းအမာ။
၁၉၂ဝ -၂၃ - တရုတ်တန်း အမျိုးသမီး နေရှင်နယ်ကျောင်းမှာ ဒုတိယတန်းအထိ
ပညာသင်ခဲ့။
၁၉၂၃ - ၃၁ - အမျိူးသမီး နေရှင်နယ်ကျောင်းပျက်လို့ တတိယတန်းမှ နဝမတန်း
အထိ ABM ကျောင်းမှာ ဆက်လက် ပညာသင်။
၁၉၃၁ - ၃၃ - မန္တလေး ဗဟိုအမျိုးသားကျောင်းက ဆယ်တန်းအောင်။
၁၉၃၃ - ၃၅ - မန္တလေး ဥပစာကောလိပ်၊ ဓာတု၊ ရူပ၊ သင်္ချာ ဘာသာတွဲယူ။
၁၉၃၆ - ရန်ကုန်တက္ကသိုလ် ဘီအေ အောက်တန်း။ အင်းလျားဆောင် သဟာယ
နဲ့ စာဖတ်အသင်း အတွင်းရေးမှူး၊ ဒုတိယ ကျောင်းသားသပိတ်ကြီးတွင် ပါဝင်။
အိုးဝေမဂ္ဂဇင်း၊ ကြီးပွားရေး မဂ္ဂဇင်း၊၊ ဘားမားဂျာနယ်တို့မှာ ဝတ္ထု၊ ဆောင်းပါးများ
ရေး။ ကြီးပွားရေး ဦးလှနဲ့ စတင်သိကျွမ်း။ ကြီးပွားရေး မဂ္ဂဇင်းမှာ ကလောင်အမည်
ခင်လဝင်း၊ မြမဉ္ဇူတွေနဲ့ ရေးခဲ့။

၁၉၃၇ - ဘီအေ နောက်ဆုံးနှစ် စားမေးပွဲ ကျရှုံးပြီး ကျောင်းထွက်။ မန္တလေးမှာ မြန်မာ့
စက္ကူဆိုင် ဖွင့်။
၁၉၃၈ - Maurice Collis ရေး Trials In Burma ကို မြန်မာပြည်တွင် စစ်ဆေးခဲ့သော
အမှုအခင်းများ အမည်နဲ့ မြန်မာပြန် ထုတ်ဝေ။
၁၉၃၉ - ကြီးပွားရေး ဦးလှနဲ့( ၁၃နိုဝင်ဘာ)လက်ထပ်။
၁၉၄ဝ - Maurice Collis ၏ Sandamala ကို စန္ဒမာလာ အမည်နဲ့ နှစ်တွဲခွဲ မြန်မာပြန်
ထုတ်ဝေ။
၁၉၄၂ - ၄၄ - ဒုတိယ ကမ္ဘာစစ်ကြီးအတွင်း ကပိုင်ရွာကို ခေတ္တ ပြောင်းရွှေ့နေထိုင်ပြီး
စာအုပ်ထုတ်ဝေရေးလုပ်ငန်းတွေ ဆက်လက်လုပ်ကိုင်။

၁၉၄၅ - လူထုဂျာနယ် (ဇူလိုင်) ထုတ်ဝေတဲ့အခါ လက်ထောက် ဘယ်ဒီတာ။
Ashihei Hino ရဲ့ Jh War and Soldier အပိုင်း ၄ က Wheat and Soldier ကို ဂျုံနှင့်
စစ်သားအမည်။Wanda Wasilewska ရဲ့The Rainbow ကို နှစ်ပိုင်းခွဲကာ သက်တန့်ရောင်
အမည် တို့နဲ့ မြန်မာပြန် ထုတ်ဝေ။
၁၉၄၆ - လူထုသတင်းစာ (၁၉၊ ဧပြီ) စတင်ထုတ်ဝေတဲ့အခါ အယ်ဒီတာ အဖွဲ့ဝင်။ ဖခင်
အောင်နိုင် ကလောင်ခွဲနဲ့ နိုင်ငံရေးဆွေးနွေးခန်း ပင်တိုင် ဆောင်ပါးရှင်။
၁၉၄၇ - လူထုဦးလှနဲ့အတူ လွတ်လပ်ရေးအတွက် ဦးဆောင်နေတဲ့ ဖဆပလအဖွဲ့ရယ့်
အာဘော်နဲ့ထပ်တူ ရေးသား တိုက်ပွဲဝင်ခဲ့။
၁၉၄၉ - လူထုသတင်းစာနဲ့ ကြီးပွားရေး ပုံနှိပ်စက်များ တည်ရှိရာ အဆောက်အအုံကို
ဒိုင်းနမိုင်းနဲ့ ဖောက်ခွဲခံရ။ Gunther Stein ရဲ့ The Challenge of Red China ကို
ကွန်မြူနစ် တရုတ်ပြည် အင်အားပြိုင်ပွဲ အမည်ပေးပြီး နှစ်ပိုင်းခွဲ ဘာသာပြန်ထုတ်ဝေ။
၁၉၅ဝ - (ဧပြီ ၂၄၊ ၁၉၄၉)က ပိတ်ထားခဲ့ရတဲ့ လူထုသတင်းစာကို (၁၊ နိုဝင်ဘာ)မှာ
ပြန်လည်ထုတ်ဝေ။ (မေ၊ ၁၉၄၉) က ရပ်နားခဲ့တဲ့ လူထုဂျာနယ်ကို (သြဂုတ် ၁) မှာ ပြန်
လည် ထုတ်ဝေ။
၁၉၅၃ - ကမ္ဘာ့ ဒီမိုကရက်တစ် အမျိုးသမီး ညီလာခံ( ကိုပင်ဟေဂင် ၇-၆-၅၃) ဒုတိယ
အကြိမ် ကမ္ဘာ့လူငယ်နဲ့ ကျောင်းသားပွဲတော် (ရူပေရီးယား၊ ဘူခါရက်စ် ၂၅-၇-၅၃) ကို
တက်ရောက်။ Archie John Stone ရဲ့ In The Name of Peace ကို ငြိမ်းချမ်းရေးသို့
အမည်ပေးကာ ဘာသာပြန် ထုတ်ဝေ။ လူထုဦးလှ ပုဒ်မ ၅ နဲ့ အဖမ်းခံရလို့ လူထု သတင်း
စာခေါင်းကြီးတွေ ကို တာဝန်ခံ ရေးသား။
၁၉၅၉ - (မေ၊ ၁၂) လူထုသတင်းစာ ချိန်ပိတ်ခံရ။
၁၉၆ဝ - (မေ၊ ၁ဝ) လူထုသတင်း ပြန်ထွက်။
၁၉၆၂ - (ဖေဖော်ဝါရီ၊ ၃) အေရိုဖလုတ်လေကြောင်း ဖွင့်ပွဲမှာ သတင်းစာဆရာ ကိုယ်စား
လှယ်အဖြစ် ဖိတ်ကြားခြင်း ခံရလို့ မော်စကိုသို့ သွားရောက်ခဲ့။
အပြန် မှာ အရှေ့ဂျာမနီ၊ ချက်ကို စလိုဗက်ကီးယားနဲ့ တရုတ်ပြည်သူ့ သမ္မတနိုင်များကို
လှည့်လည်။

၁၉၆၃ - ဥရောပခရီး စဉ်များကို ဆိုရှယ်လစ် တိုင်းပြည်များသို့ အမည်နဲ့စာအုပ် ပြုစုထုတ်
ဝေ။ C.Wright Mills ရဲ့ Listen ankees ကို အိုယန်ကီးတို့၊ Anna Lewis Strong ရဲ့ Cash
and Violance in Losa ကို ငွေနှင့်လက်နက် အမည်ပေးရေးသား ထုတ်ဝေ။
၁၉၆၄ - ပြည်သူချစ်သော အနုပညာသည်များ ပြုစုထုတ်ဝေ။
ဒီစာအုပ်နဲ့ ၁၉၆၄ခုနှစ်၊ စာပေဗိမာန် အနုပညာဆိုင်ရာ စာပေ ပထမဆု ရ။
၁၉၆၆ - Edgar Snow ရေး The Other Side of the Riber ကို ဘဝချင်း မတူသည့်
တရုတ်ပြည် အမည်နဲ့ဘာသာ ပြန်ပြီး နှစ်တွဲခွဲ ထုတ်ဝေ။
၁၉၆၇ - (ဇူလိုင်၊ ၇ ) လူထုသတင်းစာ ရပ်ဆဲခံရ။ အောင်ဗလ၊ ဖိုးစိန်၊ စိန်ကတုံးများ
ကို ဖြည့်စွက် အမှာရေး ထုတ်ဝေ။
၁၉၆၉ - ရွှေရိုး ဘကလေး နှစ်တွဲခွဲ ထုတ်ဝေ။ (မတ်လ၊၃) မန္တလေး ကွန်သာယာ
ဗမာ့သဘင် စာတမ်းဖတ်။

၁၉၇ဝ - ရွှေမန်းတင်စာအုပ် ပြုစုထုတ်ဝေ။ မတ် (၃) မန္တလေး ကွန်သာယာ စာတမ်း
ဖတ်ပွဲမှာ ဗမာ့ဖတ်ကျီလုပ်ငန်း စာတမ်းဖတ်။
၁၉၇၂ - မန္တလေး နိုင်ငံတကာ စာအုပ်နှစ် စာတမ်းဖတ်ပွဲမှာ ကမ္ဘာ့အကြီးဆုံး စာအုပ်
စာတမ်းဖတ်။
၁၉၇၃ - အငြိမ့်စာအုပ် နှစ်တွဲခွဲ ထုတ်ဝေ။
၁၉၇၄ - ကမ္ဘာ့ အကြီးဆုံးစာအုပ် ကို ဒေါက်တာသန်းထွန်းက The Worlds Biggest
Book အမည်နဲ့ အင်္ဂလိပ်ဘာသာ ပြန်ဆို ထုတ်ဝေ။
၁၉၇၅ - ရွှေဒေါင်းတောင် ဆောင်းပါးများ စာအုပ်ထုတ်ဝေ။
၁၉၇၆ - ဆရာကြီး သခင်ကိုယ်တော်မှိုင်း စာအုပ် ထုတ်ဝေ။ (သြဂုတ်၊ ၁၉) ဟံသာဝတီ
သတင်းစာ စနေစာပေဝိုင်း စာတမ်း ဖတ်ပွဲမှာ အတ္ထုပတ္တိစာပေ စာတမ်းဖတ်။
၁၉၇၈ - (သြဂုတ်၊ ၂၁) လူထုဦးလှ၊ သား ကိုငြိမ်းချမ်း( ညီပုလေး) တို့နဲ့အတူ အထိန်း
အသိမ်းခံရ။ ၁နှစ် ၁လ ၁ရက်ကြာ။
၁၉၇၉ - (သြဂုတ်၊ ၂၂) အထိန်းအသိမ်းခံ ဘဝက ပြန်လွတ် Chester Ronning ရဲ့ A
Memoir of China in Revolution ကို တော်လှန်တဲ့ တရုတ်ပြည် ကျွန်တော်မှတ်မိ
သမျှအမည် နဲ့ဘာသာပြန် ထုတ်ဝေ။
၁၉၈၂ - နှစ်ပေါင်း ၄၃နှစ် ပေါင်းသင်းလာခဲ့တဲ့ ခင်ပွန်းသည် လူထု ဦးလှ (သြဂုတ် ၇)
ကွယ်လွန်။

၁၉၈၄ - (မတ်၊ ၄) မန္တလေး မီးကြီးအတွင်း ကြီးပွားရေး စာအုပ်တိုက်၊ ပုံနှိပ်တိုက်၊ စက္ကူ
သိုလှောင်ရုံ၊ စာအုပ် သိုလှောင်ရုံတွေ မီးလောင် ဆုံးရှုံး။
၁၉၈၅ - (နိုင်ဝင်ဘာ၊ ၂၉) အသက် ၇ဝပြည့်က စပြီး အမရပူရ တောင်လေးလုံးကျောင်း
မှာမွေးနေ့ပွဲ နှစ်စဉ် ကျင်းပ။
ချင်းတွင်းမှ ပင်လယ်သို့ စာအုပ် ထုတ်ဝေ။
၁၉၈၉ - (မေ၊ ၂၇) ပြည်သူချစ်သော အနုပညာသည်များ စာအုပ် ငွေရတုပွဲ အမရပူရ
တောင်လေးလုံးကျောင်းများ ကျင်းပ။ မြန်မာ မဟာဂီတ စာအုပ်။ အာဖရိက ဝတ္တုတိုများ
စာအုပ် ထုတ်ဝေ။
၁၉၉ဝ - လူထုဦးလှနဲ့ ပူးတွဲ ရေးသားတဲ့ ဆေးလိပ်နဲ့ လူသား စာအုပ်ထုတ်ဝေ။
၁၉၉၁ - ဓနမဂ္ဂဇင်းမှာ ရေးသားခဲ့တဲ့ ဆောင်းပါးတွေကို စုစည်းပြီး မန္တလေးသူ မန္တလေး
သားများ အမည်နဲ့ စုအုပ်ထုတ်ဝေ။
၁၉၉၂ - ရနံ့သစ် မဂ္ဂဇင်းမှာ ဇမ္ဗူဒီပါ အောင်ထွန်း ကလောင်အမည်ခွဲနဲ့ နိုင်ငံတကာ
ဆောင်းပါးများကို ရေးခဲ့။
ထိုင်းးဝတ္တုတိုများ (၁) တို့ကို ထုတ်ဝေ။
၁၉၉၃ - မဂ္ဂဇင်းတွေမှာ ရေးသားခဲ့တဲ့ မန္တလေးဆိုင်ရာ ဆောင်းပါးတွေကို စုပေါင်းပြီး
ရတနာပုံ မန္တလေး၊ ကျွန်မတို့ မန္တလေး စာအုပ်။ ထိုင်းဝတ္တုတိုများ (၂) တို့ကို ထုတ်ဝေ။
၁၉၉၄ - သာသနာ့ တန်ဆောင် ဆရာတော်ကြီးများ စာအုပ် ထုတ်ဝေ။
ရွှေဒေါင်းတောင် ဆောင်းပါး တွေကို ဂျပန်ဘာသာနဲ့ ပြန်ဆို ထုတ်ဝေ။ ပြန်ဆိုသူက
ဂျပန် အမျိူးသမီး Yasuko Dobashi ( မြန်မာနာမည် ဒေါ်ယဉ်ယဉ်မြ) ဖြစ်ပြီး ထုတ်ဝေ
တဲ့ စာအုပ်တိုက်မှာShinjuku Shiobo Co. Ltd ၊ စာအုပ်တန်ဖိုး ယန်း ၂၇၁၈။ ၇၉နှစ်
မွေးနေ့ အမှတ်တရ အဖြစ် ကျွန်မတို့ ငယ်ငယ်က ကိုယ်ရေးအတ္ထုပတ္တိ စာအုပ်ကို ရေး
သားထုတ်ဝေ။
၁၉၉၅ - မန္တလေးမြို့ ဗဟိုအမျိူးသားကျောင်း ကျောင်သားဟောင်းများ ဦးစီးထုတ်ဝေတဲ့
(၇၅) ကြိမ်မြောက် အမျိုးသားနေ့ စိန်ရတု အထိမ်းအမှတ် မဂ္ဂဇင်း တာဝန်ခံ အယ်ဒီတာ
အဖြစ် ဆောင်ရွက်။


(၂ဝဝ၄ ခုနှစ်တွင် ထုတ်ဝေသော လူထု ဒေါ်အမာရေး၊ စာအုပ်ဆိုင်က လူဝင်လူထွက်
စာအုပ်မှ ကူးယူ ဖော်ပြပါသည်)

ဆရာကြီးဒေါက်တာသန်းထွန်း ရဲ့ မွေးနေ့

(ဒေါက်တာသန်းထွန်း ၁၉၂၃-၂၀၀၅)
‘ဆင်ဖြူဖြစ်ဖြစ် ဆင်မည်းဖြစ်ဖြစ် ဆင်ဟာ တိရစ္ဆာန်၊ တိရစ္ဆာန်ကို လူဟာ ရှိမခိုးအပ်ဘူး‘

ဆရာ ဒေါက်တာ သန်းထွန်း တယောက် မြန်မာပြည်မှာ မွေးဖွားခဲ့တာ ဒီနေ့ ဆိုရင် ၈၅
နှစ်ပြည့်မြောက် ခဲ့ပါပြီး။ ဆရာ့ကို ဧရာဝတီတိုင်း၊ ငါးသိုင်းချောင်း ဒေါင့်ကြီးရွာမှာ အဖ
ဦးဖိုးတွေနဲ့ မိခင် ဒေါ်သင် တို့က ၁၉၂၃၊ဧပြီလ ၆ ရက်နေ့မှာ မွေးဖွားခဲ့ပါတယ်။ ကုန်း
ဘောင်ခေတ် မြင်းကွန်း မြင်းခုံတိုင် အရေးအခင်း မှာ ပါခဲ့တဲ့ မောင်လူကြီး ဆိုသူ သည်
ဆရာဒေါက်တာ သန်းထွန်း ၏ မိခင် ဒေါ်သင် ရဲ့ အဘိုး ဖြစ်ပါတယ်။ ဆရာဒေါက်တာ
သန်းထွန်း က မွေးချင်း ညီအကို မောင်နှမ ၅ ဦး အနက် ၄ ယောက်မြောက် ဖြစ်ပါတယ်။
ဒုတိယ ကမ္ဘာစစ် အတွင်း မွေးရပ်မြေ ဧရာဝတီတိုင်း ငါးသိုင်းချောင်း မြို့နယ် က အာရှ
လူငယ် အစည်းအရုံး မှာ လူငယ်ခေါင်းဆောင် တစ်ဦးအဖြစ် စတင်ပါ ၀င်ခဲ့ပါတယ်။
ဖက်ဆစ် ဂျပန် တော်လှန်ရေး အတွက် ငါးသိုင်းချောင်း မြို့နယ်မှာ ဖွဲ့စည်းခဲ့တဲ့ ဖတပလ
ရယ့် ပထမဆုံး ဥက္ကဋ္ဌ အဖြစ် လဲ တာဝန် ထမ်းဆောင် ခဲ့ပါတယ်။





(ဒေါက်တာ သန်းထွန်း အထိမ်းအမှတ် ကျောက်စာတိုင် တောင်သမန် အင်းစောင်း၊
တောင်လေးလုံး ဘုန်းကြီးကျောင်းဝန်း၊ မှတ်ချက်။ ။ဤဓါတ်ပုံကို ကိုငယ်နဲ့ ကိုနေဘုန်း
လတ် တို့၏ http://sketchingwithlight.blogspot.com/ မှ တဆင့် ကူးယူ ထားပါ
တယ်။)


၁၉၄၆ ခုနှစ် စစ်ပြီး ခေတ် ရန်ကုန် တက္ကသိုလ် ရဲ့ ကျောင်းသား ခေါင်းဆောင်
အဖြစ် တာဝန်ယူ ဆောင်ရွက်ခဲ့တယ်။ လက်ဝဲ ကွန်မြူနစ် စာပေများကို သဘော
ကျစွာနဲ့ ဗမာပြည်ကွန်မြူနစ် ပါတီဝင် အဖြစ်ခံယူ ခဲ့တယ်။ ၁၉၄၈ ခုနှစ်မှ စ၍ နိုင်ငံ
ရေး သမား ဘ၀ကို စွန့်လွတ်ခဲ့တယ်။ ကွန်မြူနစ် ပါတီမှ ထွက်ပြီး ရန်ကုန်တက္ကသိုလ်
သမိုင်း နည်းပြဆရာ အဖြစ် တာဝန် ထမ်းဆောင်ချိန် ၁၉၄၈ ခုနှစ် စက်တင်ဘာလ
၁၈ ရက်နေ့မှာ ဒေါ်ခင်ရီ နဲ့အိမ်ထောင်ပြုခဲ့ပါတယ်။ သားသမီး ၅ ယောက် ထွန်းကား
ခဲ့ပါတယ်။ ၁၉၄၇ ခုနှစ်မှာ ၀ိဇ္ဇာဂုဏ်ထူးတန်းနဲ့ ဘွဲ့ရခဲတယ်။ ၁၉၅၀ ခုနှစ်မှာ သမိုင်း
ဘာသာရပ်နဲ့ မဟာဝိဇ္ဇာ ဘွဲ့ကို ရရှိခဲ့တယ်။၁၉၅၂ မှ ၁၉၅၆ အထိ လန်ဒန် တက္ကသိုလ်
မှာ ပညာသင်ပြီး ပညာရပ်ဆိုင်ရာ ဒေါက်တာဘွဲ့ ကို ရရှိခဲ့တယ်။ ၁၉၆၅ မှ ၁၉၈၂
အထိ မန္တလေး တက္ကသိုလ် မှာ သမိုင်း ပါမောက္ခ အဖြစ် တာဝန်ထမ်းဆောင်ခဲ့တယ်။
၁၉၈၂ မှ ၁၉၉၀ အထိ ဂျပန်နိုင်ငံ နဲ့ အမေရိကန်ပြည်ထောင်စု ရှိ နာမည်ကျော်
တက္ကသိုလ်တွေ ပညာရှင် ဧည့်ပါမောက္ခ အဖြစ် တာဝန် ထမ်းဆောင်ခဲ့တယ်။ ၁၉၈၈
ခုနှစ် အောက်တိုဘာလ ၁၉ ရက်နေ့မှာ လန်ဒန်တက္ကသိုလ် က စာပေ ပါရဂူဘွဲ့ ချီးမြှင့်
ခဲ့တယ်။ ၁၉၉၀ ခုနှစ် မတ်လ ၁၅ ရက်နေ့ မှာ နိုင်ငံတကာဝိဇ္ဇာ သိပ္ပံ ထိပ်တန်း ပညာ
ရှင် ကြီးများရဲ့ အလယ်မှာ ဒုတိယ အယ်လီဇဘတ် ဘုရင်မ ကြီး၏ သမီးတော် ကိုယ်
တိုင် အပ်နှင်းရတဲ့ D.Lit. ကို လက်ခံရယူ ခဲ့တယ်။ ၁၉၉၀ ခုနှစ်မှာ မြန်မာပြည်ကို ပြန်
လည်ရောက် ရှိခဲ့တယ်။ ၁၉၉၁ မှာ မြန်မာစာ အဖွဲ့ဝင်၊ မြန်မာ အင်္ဂလိပ် အဘိဓါန်
ပြုစုရေး ကော်မတီဝင် နဲ့ ၁၉၉၂ မှာ ရန်ကုန်တက္ကသိုလ် ရှေးဟောင်း သုတေသန
ပညာ ဌာန ကို တည်ထောင်ခဲ့သူ ခေါင်းဆောင် အဖြစ် တာဝန်ယူခဲ့ တယ်။ ၁၉၉၃
မှ ၂၀၀၁ အထိ ရှေးဟောင်း သုတေသန ပညာ ဌာန၊ သမိုင်းဌာန၊ အရှေ့တိုင်း
ပညာဌါန တို့မှာ ဂုဏ်ထူးဆောင် ပါမောက္ခ အဖြစ် တာဝန်ယူခဲ့ပါတယ်။ ၁၉၄၆
ခုနှစ် မြန်မာပြည် လွတ်လပ်ရေး မရခင် မှာ အမျိုးသားနေ့ အောင်ပွဲ ကို ကျောင်းသား
ခေါင်းဆောင် တစ်ဦးအဖြစ် ဦးဆောင်ပြီး ဖဆပလ အဖွဲ့ချုပ်ကို ဆန့်ကျင့်ခဲ့တယ်။
မန္တလေး တက္ကသိုလ် ကျောင်းဆရာ ဘ၀မှာ အာဏာသိမ်း စစ်တပ်ရဲ့ မဆလ အရံ
ပါတီဝင်ကြေး နဲ့လုပ်သား ကောင်စီ ကြေး တွေကို မထည့်ဝင် ဘဲ သပိတ်မှောက်ခဲ့
သောကြောင့် မဆလ ပါတီက ဆရာဒေါက်တာသန်းထွန်း ကို ထုတ်ပယ် ခဲ့တယ်။
မကွယ်လွန် ခင် နအဖ ၀န်ကြီးချုပ်ဟောင်း ဗိုလ်ချုပ်ခင်ညွန့် ရဲ့ ဆင်ဖြူ ကိုးကွယ်မှု
ကို ရဲ့ဝင့်စွာ ပြစ်တင် ဝေဖန်ခဲ့တယ်။

၂၀၀၅ ခုနှစ် နိုဝင်ဘာလ ၂၉ ရက်နေ့က မန္တလေး အမရပူရ မြို့၊ တောင်သမန်အင်း
စောင်း မှာရှိတဲ့ တောင်လေးလုံးကျောင်း တွင် ပြုလုပ်သော လူထုဒေါ်အမာ အသက်
၉၀ ပြည့်မွေးနေ့ ကို လာရောက် ဆင်နွဲပြီး၊ နောက်တနေ့ နိုဝင်ဘာလ ၃၀ ရက်နေ့
နံနက် ၂ နာရီမှာ နှလုံးရောဂါနဲ့ ကွယ်လွန် ခဲ့ပါတယ်။
ဆရာဒေါက်တာ သန်းထွန်းသည် မြန်မာနိုင်ငံသားများ အတွက် သမိုင်းဆိုင်ရာ ရှာဖွေ
မှုများနှင့် သုတေသန ပြုလုပ်မှုပေါင်းများစွာ၊ စာတမ်းနဲ့ သမိုင်းဆိုင်ရာ စာပေ ကိစ္စပေါင်း
များစွာကို အနစ်နာခံ ဆောင်ရွက် ခဲ့သော နိုင်ငံချစ် ကမ္ဘာ သိ ပညာရှင်ကြီး တစ်ဦးအဖြစ်
မော်ကွန်းထိုးလောက်တဲ့ သူ တစ်ဦး ဖြစ်ပါတယ်။
” မိုးကောင်းကင် က ကြယ်တာရာတွေ
တပွင့်ပြီး တပွင့်ကြွေ
ကြွေလေသမျှ အစားထိုးလို့ မရ
နှမြောကြေကွဲမိ တသသ..။”
(ဆရာ ဒေါက်တာသန်းထွန်း ကွယ်လွန်ချိန်က တပည့်ဖြစ်သူ စာပေပညာရှင် ဆရာကြီး
တင်မိုး ရဲ့ ကဗျာ ဖြစ်ပါတယ်။)

မဟာအာရှ ဒေသ၏ ခမ်းနားသော တရားစီရင်ရေး စနစ်များ

ရေးသူ -စစ်ငြိမ်းဒီရေ


မြန်မာနိုင်ငံတွင် ၂၀၀၇ ခုနှစ် စက်တင်ဘာလ ၃၀ ရက်နေ့ က ရန်ကုန် ‘ငမိုးရိပ်‘
ချောင်းအတွင်း စစ်အစိုးရ ၏ အကြမ်းဖက် မှုကြောင့် ဒဏ်ရာ များစွာဖြင့် ပျံလွန်
တော်မူ နေသည့် သံဃာ တစ်ပါး ၏ မြင်ကွင်း ကို အင်တာနက် ပေါ်မှ တွေ့ မြင်ရ
သော အခါ စစ်အာဏာရှင် အစိုးရ တော်တော် ရက်စက် ပါလား ဟု ထင်မိ ပါသည်။
မကြာသေးခင်က ၂၀၀၈ ခုနှစ် မတ်လ အတွင်း တရုပ်နိုင်ငံ တိဘက်ဒေသ ဆန္ဒပြပွဲ
များတွင် သံဃာများအား တရုပ်အစိုးရ လက်နက်ကိုင် တပ်ဖွဲ့ ဝင် များက ပြင်းပြင်း
ထန်းထန်း နိုပ်ကွပ် မှုများ ကို ထပ်မံ မြင်တွေ့ ရသော အခါ တရုပ် အာဏာရှင်များ
သည် မြန်မာစစ်အာဏာ ရှင်များ နှင့်ရက်စက်မှု ဆိုင်ရာ ပြိုင်ပွဲ ကျင်းပ ခဲ့လျင် အဆင့်
မနိမ့်သူ များ ဟု ထင်မိ ပြန်ပါ သည်။


(၂၀၀၇ ခုနှစ် စက်တင်ဘာ ၃၀ ရက်နေ့ က ရန်ကုန် ငမိုးရိပ်ချောင်း အတွင်းက တွေ့
ရသော သံဃာ တစ်ပါး ၏ မြင်ကွင်း)





(၂၀၀၈ ခုနှစ် မတ်လ တွင် တရုပ် တပ်ဖွဲ့ များကြောင့် ပျံလွန်တော်မူ နေသော တိဘက်
သံဃာတစ်ပါး )

အီရန် နိုင်ငံ နဲ့ ပက်သက်သော သတင်းတစ်ပုဒ် ကို ဒိန်းမတ် နိုင်ငံ ယုလန်ကျွန်းမကြီး
အနောက်ဘက် ဒေသ ထုတ် URBAN သတင်းစာရဲ့ ၁၅/၁/၂၀၀၈ နေ့ ထုတ် စာမျက်နှာ
၁၂ ပါ ဖော်ပြချက်တစ် ခု ကို တွေ့ မြင်သော အခါ ဘာပြော ရမှန်း မသိအောင်ပင် ဖြစ်မိ
ပြန်ပါသည်။ ယင်း ဖော်ပြချက်မှာ အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ ကြီး
(Amnesty International) က အီရန် အစိုးရ၏ လူမြင်ကွင်း ရှေ့ ၌ ရက်စက်စွာ သေ
ဒဏ် အပြစ်ပေးမှု ကို ကန့် ကွက်သော သတင်းဆောင်းပါး တစ်ခု ဖြစ်ပါသည်။ အီရန်
နိုင်ငံ တွင် ကလေးနှစ်ယောက် မိခင် အိမ်ထောင်သည် အမျိုးသမီး တစ်ဦးနှင့် အခြားအိမ်
ထောင်ရှိ ကာမပိုင် ယောင်္ကျား တစ်ဦး တို့  လူမှုရေး ဖောက်ပြန်သောကြောင့် ၁၉၉၂
ခုနှစ် အတွင်း အများပြည်သူ မြင်ကွင်းတွင် ဆိုးဝါးသော ပုံစံဖြင့် သေဒဏ် အပြစ်ပေး ပုံကို
၃၂ မိနစ်ကြာ ဗွီဒီယို မှတ်တမ်း ရိုက်ကူး ထားသော အဖြစ်အပျက် တစ်ခု ဖြစ်ပါသည်။

ယင်းမှတ်တမ်း တင် ဗွီဒီယိုခွေ သည် ၁၉၉၄ ခုနှစ်တွင် အီရန်နိုင်ငံ ပြင်ပ သို့  ရောက်ရှိခဲ့
ပြီး အပြည်ပြည်ဆိုင်ရာ လွတ်ငြိမ်းချမ်းသား ခွင့် အဖွဲ့ ကြီး က နိုင်ငံတကာ ရှိ အစိုးရများ
နှင့် အစိုးရ မဟုတ်သော အဖွဲ့ အစည်းများ အနေ ဖြင့် အီရန်နိုင်ငံ အစိုးရ အား ပြင်းထန်း
စွာ တောင်းဆို ကန့် ကွက်ပေးရန် အရေးကိစ္စ ဖြစ်လာပါသည်။ ယင်းမှတ်တမ်း တင် ဗွီဒီ
ယိုခွေ တွင် အိမ်ထောင်ရေး ဖောက်ပြန်မှု ကြောင့် သေဒဏ် အပြစ်ပေးခဲ့ရသော ကလေး
နှစ်ယောက် မိခင် ဖြစ်သူ အမျိုးသမီးအား အရှင် လတ်လတ် မြေကြီး ထဲတွင် မြေမြုပ် ပြစ်
သော မြင်ကွင်း ဖြစ်ပါသည်။

ထိုမြင်ကွင်း တွင် သေဒဏ် အပြစ်ပေး ခံရသော ထိုအမျိုးသမီး အား ကြိုးနှင့် တုပ်နှောင်း
ထားပြီ မြေကြီး ထဲတွင် ကိုယ့်တစ်ပိုင်း မြုပ်ထားကာ ကျန်ရှိနေသော အပေါ်ပိုင်း ကို
အမျိုး သမီး ၉ ဦး နှင့် အမျိုးသား ၂ ဦးပါဝင်သော အီရန် တော်လှန်ရေး အစောင့်တပ်ဖွဲ့
ဟု ခေါင်းစဉ် တပ်ထားသော ဘာသာရေး တပ်ဖွဲ့ ဝင် များက မြေကြီး များဖြင့် ဖုံးအုပ်၍
သတ် ဖြတ် နေသော ဗွီဒီယို မှတ်တမ်း ဖြစ်ပါသည်။ ယင်းမှတ်တမ်း ကြောင့် နိုင်ငံတကာ
အသိုင်းအ၀ိုင်း က အီရန် အစိုးရ အား ပြင်းထန်းစွာ အပြစ်တင် ကန့် ကွက်သော ကြောင့်
အီရန်ပါလီမန် က ၂၀၀၂ ခုနှစ် မှစ၍ အများပြည်သူ မြင်ကွင်း ၌ ဆိုးဝါးသော ပုံစံဖြင့်
သေဒဏ် အပြစ်ပေး မှု များကို ရပ်ဆိုင်းမည် ဟု ကြေငြာ ခဲ့ပါသည်။
တရား စီရင်ရေး စနစ် တစ်ခု သည် အခြေခံ ဥပဒေ ပါ ဖော်ပြချက်များမှ ရေးဆွဲ ထား
သော ဥပဒေ ဖြတ်ထုံးများ ဖြစ်ပါသည်။ ထိုကြောင့် တရားစီရင်ရေးဥပဒေ၏ ရေသောက
်မြစ်ဖြစ်သော အခြေခံ ဥပဒေ သည် လူ့ အဖွဲ့ အစည်း တစ်ခုတွင် များစွာ အရေးကြီး ပါ
သည်။ယနေ့  မြန်မာနိုင်ငံ တွင် စစ်အစိုးရ က သူတို့  ကိုယ်တိုင် ရေးဆွဲ ထားသော အခြေ
ခံ ဥပဒေ ကို လူထု ထောက်ခံမှု ရစေ ရန် နည်းအမျိုးမျိုး ဖြင့် ကြံစည် လုပ်ဆောင် နေပါ
သည်။ စစ်အစိုးရ၏ ဖွဲ့ စည်းပုံ အခြေခံ ဥပဒေ ထောက်ခံမှု ရရှိရေး အတွက် ဒါရိုက်တာ
တချို့ နှင့် သရုပ်ဆောင် တချို့ တို့ သည် အနာဂတ် ပြဿနာ များ ကို လုံးဝ မစဉ်းစားပဲ
အခွင့်အရေး များကို မျှော်လင့် ပြီး ပြည်သူ အား လိမ်ညာလှည့်ဖြား ရန် ရုပ်သံ ဇာတ်လမ်း
များ ရိုက်ကူးလျက် ရှိပါသည်။

အာဏာ ရလျင် ပြီးရော ဆိုသော မြန်မာ စစ်အာဏာရှင်များ အပါအ၀င် အာရှဒေသ က
အာဏာရှင်များ နှင့် ယင်း အာဏာရှင် များ၏ လက်ကိုင်တုတ်များကြောင့် အာရှတိုက်ရှိ
လူ့ အဖွဲ့ အစည်း အများအပြားတို့ မှာ ကံဆိုး မိုးမှောင် ကျလျက် ရှိပါသည်။


(၁၉၉၂ ခုနှစ် အီရန်နိုင်ငံ ၏ အများပြည်သူ မြင်ကွင်းတွင် အမျိုးသမီး တစ်ဦးအား အရှင်
လတ်လတ် မြေမြုပ် သေဒဏ် ပေးနေ ပုံ)

ကိုသက်ဝင်းအောင် အမှတ်တရ(ဒိန်းမတ်)

ရေးသူ- အောင်ခင်မြင့်
(၀မ်းနည်းကြောင်းမှတ်တမ်း)

စစ်အစိုးရ ၏ လူမဆန်စွာ ညှင်းပန်းနိုပ်စက်မှုများကြောင့် ၂၀၀၆ ခုနှစ် အောက်တိုဘာလ

၁၆ ရက်နေ့ က မန္တလေး အကျဉ်းထောင် ထဲတွင် နှစ်ရှည် ထောင်ဒဏ်ကျခံနေရစဉ် ကွယ်

လွန် အနိစ္စ ရောက်ခဲ့သော အကသ နှင့် ဗကသ ကျောင်းသားခေါင်းဆောင် နိုင်ငံရေးအကျဉ်း

သား ကိုသက်ဝင်းအောင် ၏ ကွယ်လွန်ခြင်း တစ်လပြည့် အခမ်းအနားကို ဒိန်းမတ်နိုင်ငံ

ဘားမင်းမြို့ တွင် ၂၀၀၆ ခုနှစ် နိုဝင်ဘာလ ၁၉ ရက်နေ့ တွင် ကျင်းပ ခဲ့ပါသည်။

ယင်းအခမ်းအနားတွင် ဒိန်းမတ်နိုင်ငံသို့ နိုင်ငံတကာ သာသန ပြု ခရီး ကြွချီ လာသော

ကျေးဇူးရှင် ပီနန် ဆရာတော် ကြီးနှင့်တကွ သံဃာတော် အရှင် သူမြတ်တို့ အား

ဆွမ်းခဲဘွယ် ၀တ္တူများကို ကွယ်လွန်သူ ကိုသက်ဝင်းအောင် အား ရည်စူး၍ ဒိန်းမတ်

နိုင်ငံရောက် မြန်မာ့ဒီမိုကရေစီ အရေး လှုပ်ရှား ဆောင်ရွက်သူများနှင့် ၁၉၈၉-၉၀

အကသ(အခြေခံ ပညာကျောင်းသားများ သမဂ္ဂ BESU) မှ အဖွဲ့ ဝင်ဟောင်းများ

ဖြစ်သော ကိုအောင်ခင်မြင့် နှင့် ကိုဝေမိုး တို့ မှ အမျှဝေ အလှူဒါန ပြုလုပ်ခဲ့

ပါသည်။