“ဓါးအိမ်ထဲက ဓါး’ ထုတ်ကြ”

သူတို့က အကျွန်ုပ်တို့ကို စစ်ကြေညာပြီ၊
စစ်ဆိုတဲ့ပွဲ စ’တင်ဖို့ အတွက်
ဓါးအိမ်ထဲက ဓါး’ ထုတ်ကြ … ။

စစ်အတွက် သူရဲကောင်း လိုတယ်
စစ်အတွက် ခေါင်းမာမှု လိုတယ်
စစ်အတွက် ခေါင်းဆောင်ကောင်း လိုတယ်
စစ်အတွက် ပံ့ပိုးမှု လိုတယ်
စစ်အတွက် နည်းဗျူဟာ လိုတယ်
စစ်တိုက်ဖို့အတွက် အရာရာ လိုတယ်
အရာရာ လိုတယ် ...
အရာရာ လိုတယ်။

မျက်ရည်တွေနဲ့ ရေချိုး ရဲ’ပါ
သွေးတွေနဲ့ ခြေဆေး ရဲ’ပါ
တုန့်ပြန်မှုနဲ့ ရက်စက် ရဲ’ပါ
ကျည်ဖူးတွေကို နမ်းရှိုက် ရဲ’ပါ
အတိုက်အခိုက်တွေကို သင်ယူ ရဲ’ပါ
စစ်အတွက် စစ်ပညာကို သင်ယူရဲ’ပါ
စစ်ပညာကို သင်ယူရဲ’ပါ
သင်ယူရဲ’ပါ …
သင်ယူရဲ’ပါ။



စစ်အတွင်းမှာ အနိုင်အရှုံး ရှိတယ်
စစ်အတွင်းမှာ အကျအဆုံး ရှိတယ်
စစ်အတွင်းမှာ မိဘမဲ့ ကလေးငယ် ရှိတယ်
စစ်အတွင်းမှာ မုဆိုးမ ရှိတယ်
စစ်အတွင်းမှာ ဒုက္ခသည် ရှိတယ်
စစ်အတွင်းမှာ တောကြောင် ရှိတယ်
စစ်အတွင်းမှာ အပျက်အစီး ရှိတယ်
စစ်အတွင်းမှာ စစ်သဘော ရှိတယ်
စစ်သဘော ရှိတယ် ...
စစ်သဘော ရှိတယ်။

မေတ္တာတရားကို ခဏ သိမ်းထားပါ
စာနာမှုကို ခဏ သိမ်းထားပါ
ဂုဏ်ဒြပ်ကို ခဏ သိမ်းထားပါ
ပိုင်ဆိုင်မှုကို ခဏ သိမ်းထားပါ
ငြင်းဆန်မှုကို ခဏ သိမ်းထားပါ
ဟန်ဆောင်မှုကို ခဏ သိမ်းထားပါ
ယဉ်ကျေးမှုကို ခဏ သိမ်းထားပါ
စစ်ကို ကြောက်တဲ့ အရာတချို့ကို ခဏ သိမ်းထားပါ
အရာတချို့ကို ခဏ သိမ်းထားပါ ...
ခဏ သိမ်းထားပါ။

စစ်အတွက်
မှော်ဆရာ’ မလိုဘူး၊ သူလျှို’ လိုတယ်
ကဝေ’ မလိုဘူး၊ အမာခံ’ လိုတယ်
သရဲ’ မလိုဘူး၊ အင်အား’ လိုတယ်
စုန်းပြူး’ မလိုဘူး၊ အရည်အချင်း’ လိုတယ်
စစ်အတွက် စစ်ပွဲ လိုတယ်
စစ်ပွဲ လိုတယ် …
စစ်ပွဲ လိုတယ်။

စစ်ပွဲ အတွက်
ဓါးအိမ်ထဲက ဓါး’ ထုတ်ကြ
ဓါးအိမ်ထဲက ဓါး’ ထုတ်ကြ
ဓါးအိမ်ထဲက ဓါး’ ထုတ်ကြ။ ။


-စစ်ငြိမ်းဒီရေ