Mar 2, 2008

လေလွင့်သူရဲ့  တိမ်

ရေးသူ - ဂျူး

မုန်းတီးမှုများ
နေ့ စဉ် စားသုံးရင်
ခွန်အားသစ် တွေ ဖြစ်ခဲ့ပြီ။

နှစ်သုံးဆယ် ကြာတဲ့ မီးလျှံများ
လေတိုက် စားလို့  ငြိမ်းလုပြီ။

လွဲချော သွားတဲ့ နာရီ များ အတွက်
အိပ်မက် တွေကို ရှက်တိုင်း
အနက်ရှိုင်း ဆုံးဆိုတဲ့ သောက များ
ဘုရားတ ,ရင်း စိန်ခေါ်ခဲ့ရပြီ။

ဂုဏ်သိက္ခာတွေ ကြေမွပြီး
စီးထားတဲ့ ဘိနပ်အောက်
အမှန်တရားတွေ မှောက်ကျသွားတဲ့ အခါ
ဘ၀ဆိုတာ ကောလဟာလ ပါပဲ။

ရွှေရှာသူများ
ငွေရှာသူများ
နေရာယူသူ များ
အားလုံးရဲ့ နောက်မှာ
ငါ…….
လေဆာရောင်ခြည် သေနတ်နဲ့ 
လူသတ်ချင်တယ်။

ဒါပင်မယ့်
ဘာတွေမှ မတွေးနဲ့ 
တိမ်တွေရဲ့  ကိစ္စ
ရာသီတွေရဲ့  ကိစ္စ
လောက ကို မတောင်းဆို လိုက်လေနဲ့ 
ဣနြေ္ဒကြီးတဲ့ ကောင်းကင်လို နေလိုက်ပေါ့။ ။

(မာယာ အတွဲ 3 - အမှတ် 1 မှ ထပ်ဆင့် ကူးယူ ဖော် ပြ သည်။)

No comments: