သြဂုတ်လ (၇) ရက်နေ့ မနက်ပိုင်း တွင် ကမ္ဘာအေး စေတီ အနီး၌ကျနော် လိုက်ပါ
လာသော ဟိုင်းလက်ကား ခေါင်းမိုးပေါ်တွင် ရဟန်းပျို တချို့ ရှိပါတယ်။ ကိုယ်တော်
များက “၀ဏ္ဍ သီရီ” ပြုတ်ကျရေး ကို ကြွေးကြော် ကြပါတယ်။ ကားအတွင်း မှာရှိတဲ့
ကျနော်နဲ့ ကျနော့် သူငယ်ချင်းလည်း ၀ိုင်းကူ အော်ပေးကြ ပါတယ်။ ကျနော်တို့
သည် ထိုနာမည် ကို အရင်က တစ်ခါမျှ မကြားဘူးပါ။ အိမ်ပြန်ရောက် ၍ လူကြီး
တွေကို မေးကြည့်မှ သံဃာ့ ကောင်စီ၏ တွဲဖက် အကျိုးတော်ဆောင်ချုပ်ဟု သိ
ရပါတယ်။ ( ညီတော် အာနန္ဒာ၏ ဘ၀ တသက်တာမှတ်တမ်း စာအုပ် ရေးသားခဲ့
သော အရှင် ၀ဏ္ဍသီရိ)
သြဂုတ် လ (၈) ရက်နေ့ နံနက် ကျောင်းစာသင် ခန်းထဲမှာ ကျနော် အပါအ၀င်
ကျောင်းသားတိုင်း လိုလို အပြင်မှာ တစ်ခုခု ဘယ်တော့ စဖြစ်မလဲ ဆိုတဲ့ စိတ်နဲ့
ကျောင်း ပြတင်းပေါက် မှ လမ်းမ ပေါ် မကြာခဏ ကြည့်နေ ကြပါတယ်။
နံနက် (၈) နာရီ ပတ်ဝန်းကျင် ခန့်တွင် ကျောင်းမှ ရှစ်တန်း ကျောင်းသား
နှစ်ဦးနဲ့ တခြား လူငယ် သုံးဦးသည် ကြယ်ငါးပွင့် ပါရှိသော ပါလီမန် ဒီမိုကရေစီ
ခေတ်သုံး နိုင်ငံတော် အလံ အား သယ်ဆောင် လာပြီး ကျောင်းပေါက်ဝ အနီး
တွင် စတင် ကြွေးကြော် ကြပါတယ်။ ငါးမိနစ် ခန့် အကြာတွင် ကျိုက္ကဆံ ကွင်း
ထဲမှ စစ်ကား များ ချက်ချင်း ရောက်ရှိလာပြီး ကျောင်းအနီးရှိ ဂွတ္တလစ် (ယနေ့
အခေါ် ဆရာစံ ရပ်ကွပ်) တောင်ပိုင်း မှ ကောင်စီ လူကြီးများနှင့် ပူးပေါင်းပြီး
သူတို့ ကို ဖမ်းဆီး သွားပါတယ်။ ကျနော်တို့ အထက (၃) ဗဟန်း ကျောင်းကို
နံနက် ကိုးနာရီ ခန့်တွင် ကျောင်းသား အားလုံး အား အိမ်ပြန်လွှတ်ပြီး ကျောင်း
ပိတ် ကြောင်း ဆရာများ က ကြေငြာ ပါတယ်။
နံနက် (၁၀) နာရီ ခန့်မှာ သက်တော် ကြီးရင့်နေသော ဆရာတော် တစ်ပါး
ဦးဆောင်ပြီး ကျောင်းသား (၅၀) ခန့် ပါသော ဆန္ဒပြ အင်းအားစု တစ်စု
သည် တာမွေ ဘက်မှ ဦးချစ်မောင်လမ်း ကို ဖြတ်ခါ ရန်ကင်း ဘက်သို့
စတင် ချီတက် တာကို တွေ့ရပါတယ်။ လမ်းမပေါ်တွင် လူများ ဟိုနေရာ
တစ်စု ဒီနေရာ တစ်စု ပုံစံဖြင့် ကြီးမားသော လူထု ချီတက်ပွဲ ဘယ်ဘက်က
လာမလဲ။ တောင်ဥက္ကလာပ ဘက်လား၊ မြောက်ဥက္ကလာပ ဘက်လား
စသဖြင့် စောင့်မျှော် နေကြပါတယ်။နေ့လည် (၁၂)နာရီ ခန့်တွင် ကျနော်
သည် အရှေ့ မြင်းပြိုင်ကွင်း လမ်း တာမွေ အထက (၃) အနီးသို့ ရောက်ရှိ
ခဲ့ပါတယ်။ နာရီဝက် ခန့် အကြာတွင် လူအင်းအားခန့်မှန်းချေ သုံးထောင်
ခန့်ရှိသော ဆန္ဒပြ လူထုကြီး ချီတက် လာတာကို တွေ့ရ ပါတယ်။ ကျနော်
သည် ယင်းလူအုပ်စု ကြီးနှင့် အတူ လိုက်ပါခဲ့ရာ သိမ်ဖြူလမ်း အတိုင်း မြို့
ထဲသို့ ရောက်ရှိပါတယ်။ ကုန်သည်လမ်း အတိုင်း အမေရိကန် သံရုံးရှေ့မှာ
တော်တော်ကြာအောင် ဆန္ဒပြ ကြွေးကြော် ကြပါတယ်။ ကုန်သည်လမ်း မှ
ဆူလေ ဘုရားလမ်း ကို ဖြတ်ခါ မြို့တော်ခန်းမ ရှေ့သို့ ရောက်ရှိ ပါတယ်။
ကျနော်တို့ မြို့တော် ခန်းမ ရှေ့ ရောက်ရှိချိန်မှာ လူအင်းအား တစ်သောင်း
ခန့် ရှိသော လူုထုကြီးသည် မဟာဗန္ဓုလ လမ်းအတိုင်း လမ်းမတော် ဘက်
မှ မြို့တော်ခန်းမ ရှေ့သို့ ချီတက် လာပါတယ်။ အဲဒီ အချိန်မှာပဲ လော်လီကား
တစ်စီး ပေါ်တွင် ဗိုလ်ချုပ်အောင်ဆန်း နှင့် သခင်ကိုယ်တော်မှိုင်းပုံ များကို ကိုင်
ဆောင် ထားသော ကျောင်းသား တစ်စု ဦးဆောင်ပြီး လူအင်းအား နှစ်သောင်း
ခန့်လည်း ဗိုလ်တထောင်ဘက် မှ မြို့တော်ခန်းမ ရှေ့သို့ ချီတက် လာပါတယ်။
မြို့တော် ခန်းမ ရှေ့မှာ ချီတက်လာသူ ရော လမ်းဘေးမှ ပတ်ဝန်းကျင်မှ ကြည့်
နေသူရော ခန်းမှန့် ချေ လေး … ငါးသောင်း ခန့် ရှိမယ် လို့ ကျနော် ထင်ပါ
တယ်။ ညနေ သုံးနာရီ လောက်ဟု ကျနော် ထင်ပါသည် ကျောင်းသား လူငယ်
တချို့သည် မြို့တော် ခန်းမရှေ့ မဟာဗန္ဓုလ ပန်းခြံဘက် အခြမ်းရှိ စစ်သား
များကို လူထုအား မပစ်ခတ် ရန် ရှစ်ခိုး တောင်းပန်း ကြပါတယ်။
ဆူလေ လမ်းနှင့် ဗိုလ်ချုပ်အောင်ဆန်း လမ်းထောင့် အရောက်တွင် နောက်
သို့လှည့်ကြည့်ရာ လူအင်းအား မှာ တော်တော် ကို များပြားပြီး ခန့်မှန့်ချေ
တစ်သိန်း နီးပါး ရှိပါတယ်။ ဆူလေ လမ်းပေါ်တွင် ကျနော်တို့ ဆန္ဒပြ လူထု
ကြီးဖြတ်သန်း နေစဉ် လူထု အတွင်းသို့ အောင်ကြီး တံဆိပ် ကိတ်မုန့်များ
လမ်းဘေးမှ ပေးဝေ ကြပါတယ်။ အပြန်တွင် ဆူလေ ဘုရားလမ်း အတိုင်း
ဆင်းလာပြီး အောင်ဆန်းကွင်းကို ပတ်ခါ တာမွေဘက် သို့ လာလမ်းအတိုင်း
ပြန်ခဲ့ပါတယ်။
ကျနော်သည် အိမ်သို့ ပြန်ရောက်ပြီး ညဘက် အိမ်ရှေ့၌ ရှိနေစဉ်
မြောက်ဥက္ကလာပ ဘက်မှ အခြေခံ ပညာ ကျောင်းသား များသည် ကြယ်
(၁၄) ပွင့် ပါသော မဆလ ခေတ်သုံး နိုင်ငံတော် အလံကို စောက်ထိုးလွှင့်ခါ
ချီတက် လာတာကို တွေ့ ရပါတယ်။ သူတို့က ရွှေတိဂုံ ဘုရားတွင် သပိတ်
စခန်းဖွင့် ထားပြီး ဖြစ်ကြောင်း ပြောဆို သဖြင့် သူတို့နှင့် အတူ သြဂုတ်လ
(၈)ရက်နေ့ ညတွင် ချီတက် ဆန္ဒပြရင် ရွှေတိဂုံ ရင်ပြင်သို့ ရောက်ရှိ
ခဲ့ပါတယ်။
(ဆက်လက် ဖော်ပြမည်။)
No comments:
Post a Comment