Aug 25, 2008

မြေးတွေနှင့်အတူ ဘွဲ့ယူသူ အပိုင်း(၂)

ရေးသူ- သိန်းဖေမြင့်

တနင်္ဂနွေနေ့ မနက်ခင်းမှာ ကျွန်တော်တော့ ဆန္ဒအတိုင်း လုပ်နိုင်လေ
သည်။ ကျွန်တော်သည် ဒေါ်သိန်းထံ သွားပြီး ချီးကျူး လိုက်သည်။ ရှေး
ဟောင်း နှောင်းဖြစ်တွေ ပြန်ပြော ကြသည်။ ဒေါ်သိန်းကို ကျွန်တော်
သတိရသည်မှာ သူ၏ မျိုးချစ် ပြည်ချစ်စိတ်ကြောင့် ဖြစ်၏။ ဒေါ်သိန်းတို့
ငယ်ငယ်က ကုမ္မာရီ အမျိုးသမီး လှုပ်ရှားမှု များတွင် ပါဝင်ခဲ့ဖူးသည်ကို
ယခင်က ဆွေးနွေး မေးမြန်း ဖူးပါ၏။ သို့သော် ၀ိုးတ၀ါးသာ မှတ်မိတော့
သည်။ ယခု ပြန်ပြီး ဆွေးနွေး မေးမြန်းရသည်။

ပြည်မြို့မှာ ကျင်းပသော ဂျီစီဘီအေ ညီလာခံ၊ မန္တလေးမြို့မှာ ကျင်းပသော
ဂျီစီဘီအေ ညီလာခံ၊ ရန်ကုန်မှာ ကျင်းပသော ၀ိုင်အမ်ဘီဒဘလျူအေ
(Y.M.B.W.A) (ဗုဒ္ဓဘာသာ အမျိုးသမီး ပျိုများ အသင်း) အစည်းအဝေး
တို့ကို ဒေါ်သိန်း တက်ခဲ့ရသည်။ ငယ်ငယ် ရွယ်ရွယ်နှင့် စွာသော နယ်
ကိုယ်စားလှယ် ဖြစ်ခဲ့ လေသည်။ ၎င်းနောက် အမျိုးသမီး အဖွဲ့ချုပ်မှာ
ဒေါ်ဘွားရှင် (သုံးဆယ် )က ဥက္ကဋ္ဌ၊ ဒေါ်လှရွှေ (ကွယ်လွန်သူ ပညာရှိ
ဦးဖိုးလတ်၏ ဇနီး) က စက္ကရီတေရီ (အကျိုးဆောင် သို့မဟုတ် ယခု
ခေတ် အခေါ် အတွင်းရေးမှူး) ဖြစ်ကြပြီး ဒေါ်သိန်းက တွဲဖက် အကျိုး
ဆောင် ဖြစ်ခဲ့သေးသည်။

ထိုစဉ်က အမျိုးသမီး လှုပ်ရှားမှုများကို ကုမ္မာရီဟု ခြုံ၍ ခေါ်ကြသည်။
သို့သော် မကြာလှပါ။ ဂျီစီဘီအေကြီး ကွဲလေတော့သည်။ ၀ံသာနုများ၊
ကုမ္မာရီများ အဖွဲ့အမျိုးမျိုး ပေါ်လာလေသည်။




ထိုအခါ ဒေါ်သိန်းသည် နိုင်ငံရေး အဖွဲ့အစည်းများမှ ရှောင်ခွါနေလေ
တော့သည်။ ကျောင်းဆရာမသာ ဆက်လုပ် နေလေတော့သည်။
ကျိုက်လတ်မှာ (၁၃) နှစ်၊ ဖျာပုံမှာ (၁၃) နှစ်၊ ရန်ကုန်မှာ (၁၃) နှစ်၊
ကျောင်းဆရာမ သက်ချည်း (၃၉) နှစ်၊ ယခု ကျောင်းဆရာမ မလုပ်
တော့ပါ။ သို့သော် ဆရာမကြီး ဖြစ်နေရတုန်းပင်။ သူ့ထံ ချဉ်းကပ်
လာ သူများကို သင်ကြား ပို့ချ ပေးနေရတုန်းပင်။

ကိုယ်တိုင်မှာမူ ဒေါ်သိန်းသည် ခုနှစ်တန်း အောင်သည်အထိ သာ
ကျောင်းနေ၍ သင်ကြားလေ့လာ ခဲ့ရသည်။ ၁၉၂၈ ခုနှစ်က (၁၀)
တန်းကို (ပြင်ပကျောင်းသား အဖြစ်ဖြင့်) အလွတ်ဖြေဆို အောင်မြင်
ခဲ့သည်။ ဆရာဖြစ် သင်တန်း စာမေးပွဲ ကိုလည်း အလွတ်ဖြေဆို
အောင်မြင် ခဲ့သည်။ ၁၉၅၇ ခုနှစ်တွင် အိုင်အေကို အလွတ်ဖြေဆို
အောင်မြင်သည်။ ထိုအချိန်တွင် ဒေါ်သိန်းသည် သွေးတိုးရောဂါ ရှိ
နေလေပြီ။ သို့သော လက်မလျှော့။ အနေအထိုင် ဆင်ခြင်လိုက်၊
ဆေးစားလိုက်၊ စာကျက်လိုက်၊ စာမေးပွဲဖြေလိုက်၊ တစ်ရစ်ပြီး တစ်
ရစ် အောင် အောင် ကြိုးစားသည်။ ၁၉၆၄ ခုနှစ်တွင်ကာ ဘီအေ
နောက်ဆုံးနှစ် စာမေးပွဲကို တစ်ကြိမ်တည်းနှင့် အောင်မြင် လေ
တော့သည်။

ကျွန်တော် “ဘာတွေကို ယူခဲ့သလဲ။”
ဒေါ်သိန်း “အင်္ဂလိပ်စာ၊ ဒါကတော့ မထူးပါဘူး။ သူများကိုလည်း သင်
ပေး နေရတယ်။ ၀ါသနာလည်း ပါတော့ ဖတ်နေရတာပဲ။ နောက်ပြီး
နိုင်ငံရေး နားလည်ချင်တာနှင့် နိုင်ငံရေးသိပ္ပံ ပညာကို ယူလိုက်တယ်။
ခေတ်သစ် ဥရောပ ရာဇ၀င်ကတော့ သူ့အတွဲလိုက် ယူဖို့လိုလို့ ယူ
လိုက်တာပဲ။”

ကျွန်တော် “ ဆရာမကြီး ခုလို ဘီအေ အောင်လို့ ကိုယ့်အတွက် ဘာ
အကျိုးများ ရှိမယ် ထင်သလဲ။”
ဒေါ်သိန်း “ ကိုယ်ကျိုးတော့ ဘာမှရှိဖို့ မမျှော်လင့်ပါဘူး။ အိုင်အေ စာ
မေးပွဲ ဖြေတုန်းကကိုပဲ ပင်စင် သက်ကျော်နေပြီ။ ကျောင်းဆရာမ
(၃၉)နှစ် လုပ်ခဲ့ပေမယ့် ပင်စင်ရတဲ့ ကျောင်းမျိုးလည်း မဟုတ်ပါဘူး။
ရှေးက ပညာအုပ် ခန့်တုန်းကလည်း မလုပ်ခဲ့ဘူး။ ကိုယ့်ကျိုးနဲ့ တွက်
ရင် ဘီအေအောင်လို့လည်း ဘာမျှမထူးဘူး။ သို့ပေမယ့် လူငယ်တွေ၊
ကိုယ့်မြေးမြစ်တွေသာမက အားလုံးသော ခုခေတ် လူငယ်တွေ
အားကြ စေချင်တယ်။ ဒါ့ကြောင့် မအောင် အောင် အောင် ကြိုးစား
ခဲ့တာပဲ။”

ဒေါ်သိန်း မျှော်လင့်သည့်အတိုင်း ဒေါ်သိန်း၏ အောင်မြင်မှုသည် လူ
ငယ်များကို အားကြစေသည်။ တကယ်တော့ ဒေါ်သိန်း မျှော်လင့်သည်
ထက်ပင် ပိုပါသေးသည်။ ဒေါ်သိန်း၏ အောင်မြင်မှုသည် လူကြီးလူငယ်၊
ကျားမ မရွေး၊ အားလုံးသော ပြည်သူများကို အားကြ စေသည်။ ဇွဲ .. ဇွဲ
.. ဇွဲရှိက အောင်နိုင်သည်ဟု ဆရာမကြီး ဒေါ်သိန်းက သင်ပေးနေ
ပါသည်။


(ကွယ်လွန်သူ စာရေးဆရာနှင် နိုင်ငံရေး ခေါင်းဆောင်ဟောင်း ဦးသိန်းဖေမြင့်
၏ သူတို့ခေတ်၊ သူတို့အတိတ်၊ သူတို့အရိပ်၊ ပွင့်ပွင့်လင်းလင်း သတင်းစာ
ဖြတ်ပိုင်းများ စာအုပ်မှ မူရင်းအတိုင်း ထင်ဆင့် ကူးယူ ဖော်ပြ ပါသည်။)

No comments: