ဇာတ်လိုက်က ဘယ်လိုပုံစံဖြစ်မလဲ အပိုင်း(၁)

ရေးသူ - အောင်ခင်မြင့်
(ဘ၀ အတွေ့အကြုံ)


ဟိုး လွန်ခဲ့တဲ့ ၁၉၈၉ ခုနှစ် တွေ တုန်းက ကျနော်နဲ့ သူငယ်ချင်း ဖြစ်သူ
ညို... တို့ ဗဟန်းမြို့နယ် အကသ (အခြေခံပညာ ကျောင်းသားများသမဂ္ဂ)
ရယ့် ကိုယ်စားလှယ်တွေ အဖြစ် အုတ်လမ်းမှာရှိတဲ့ ဒေါ်ချိုချိုကျော်ငြိမ်း ခြံဝန်း
ထဲက ဂိုဒေါင်ကြီး ( သတင်းစာ အဟောင်းတွေ အထုပ်လိုက်ရှိတယ်) မှာ ပြုလုပ်
တဲ့ ရန်ကုန်တိုင်း အကသ ကျောင်းသား စုဝေးရာကို ရောက်ခဲ့ပါတယ်။

အစည်းအဝေးမှ အပြန် ဘတ်စ်ကားခ မရှိလို့ စကား တပြောပြောနဲ့လမ်းလျှောက်
ရင် ဖတ်ထားသမျှ စာပေတွေ အကြောင်း ပြောလိုက် ငြင်းလိုက်ရင်နဲ့ပဲ အိမ်ကို ပြန်
ခဲ့ကြ ပါတယ်။ ကျနော်တို့ အိမ်ပြန်ပုံ လမ်းကြောင်းက ရွှေဂုံတိုင် အုတ်လမ်း ကနေ
မီးပွိုင့် အထိ သွားတယ်။ ပြီးတော် ကမ္ဘာအေး ဘုရားလမ်း အတိုင်း ဘိုးဘွားရိပ်သာ
ရှေ့ကနေ ဖြတ်ပြီး မဟာစည် သာသနာ့ ရိပ်သာ လမ်းထဲကို ၀င်တယ်။ ရိပ်သာရှေ့
က ဖြတ်ပြီး သာသနာ့ရိပ်သာ လမ်းအဆုံး ကနေ ကျနော်တို့ ရပ်ကွပ်ရယ့် နောက်
ဖေးကို ရောက်ပါတယ်။

ကျနော်အိမ်မှာ လက်ယာ ဒီမိုကရေစီ စာအုပ်ဆိုလို့ “ဦးနု” ရေးတဲ့ ပြည်ထောင်စု
ပန်းတိုင် ဆိုတဲ့ စာအုပ်ရယ်၊ စတာလင် လက်ထက် “ကိရော့” လုပ်ကြံခံရလို့
ပါတီထဲက လူတွေကို စတာလင်က အစုလိုက် အပြုန်းလိုက် ရှင်းလင်းမှုမှာ
အမေရိကန် ကို ထွက်ပြေး ရောက်ရှိခဲ့တဲ့ “ကျန်လူတစ်ယောက်” ဆိုတဲ့ စာအုပ်
လောက်ပဲ ရှိပါတယ်။ ကျန်တဲ့ စာအုပ် အများစုက မာ့စ် လီနင် စာပေတွေ များ
ပါတယ်။ ရသ ၀တ္ထု ဆိုရင် ဆင်းရဲသား ဇာတ်လိုက်တွေ ပါဝင်တဲ့ ၀တ္ထုတွေက
အများစု ဖြစ်ပါတယ်။




ကျနော်က အကသ ရန်ကုန်တိုင်းရယ့် အစည်းအဝေးတွေ ကို သွားရင် မြန်မာ
လို ဘာသာပြန် လီနင်ရယ့် “လက်ရွေးစင် ကျမ်း” အတွဲတွေ ထဲက စာအုပ်တစ်
အုပ်ကို ခါးကြားထိုးပြီး အမြဲ ယူဆောင် နေကြပါ။ ညိုေ.... (ဒဂုံ အကသ)နဲ့
သက်ဝင်းအောင် (တာမွေ အကသ) တို့က ကျနော်ကို တွေ့ရင် “ဟေ့ကောင်၊
ဘယ်လိုလဲ စာအုပ်တွေကို အလွတ်ကျက် နေတာ ဘယ်နှစ်အုပ် အလွတ်ရပြီးလဲ”
လို့ စ နောက် နေကြပါ။

တနေ့ကြတော့ ထုံးစံအတိုင်း လီနင် စာအုပ်ကို ခါးထဲထိုးပြီး ညို...နဲ့ အတူ
ရန်ကုန်တိုင်း အစည်းအဝေး ကို ခြေလျင်လျှောက်ပြီး လာခဲ့ပါတယ်။ မဟာစည်
သာသနာ့ ရိပ်သာ ကားမှတ်တိုင်နား လည်းရောက်ရော ကျနော်တို့ ရပ်ကွပ်ထဲက
ဘရာကြော် သေးသေးလေးတွေကို လက်ဆွဲ မီးဖိုးလေးနဲ့ ရောင်းတဲ့ ကုလား
အဖိုးကြီးကို တွေ့ရပါတယ်။ သူနံဘေးက ဖြတ်သွားတော့ အဖိုးကြီးက “ဟေ့
ကောင်ကလေးတွေ ဘယ်သွားမလို့လဲ၊ ငါ့ ဘရာကြော် အားပေးဦး လေကွာ”
လို့ လှမ်းပြောပါတယ်။

ညို....က “အရာကြီး၊ နေကောင်းလား၊ ဈေးရောင်းကောင်းလား၊ ကျနော်တို့
တိုင်းပြည်ကို ကယ်တင်မလို့ ကြိုးစားနေတယ်၊ ပိုက်ဆံတော့ မရှိဘူး၊ စေတနာ
ရှိရင် အလကားကျွေး၊ ပိုက်ဆံ မရှိလို့ ဘတ်စ်ကားတောင် မစီးပဲ လမ်းလျှောက်
နေရတယ် ဗျို့” လို့ ရီပြီး ပြောပါတယ်။ ကုလား အဖိုးကြီးလည်း ကျနော်တို့နှစ်
ယောက်ပုံစံကို ကြည့်ပြီး သနားသွားပုံ ရပါတယ်။ လက်ဝါးနဲ့ ခဏနေအုံးလို့
လက်ကာ ပြပြီး ဘရာကြော် ထုတ်ဖို့ စက္ကူ ရှာနေပါတယ်။ တဆက်တည်းမှာပဲ
သူ့ ပါးစပ်က “ စက္ကူ ဈေးကြီးတယ်၊ နင်တို့ကို ငါ့ ဘရာကြော် အလကားကျွေး
မယ်၊ ဒါပင်မဲ့ လက်ဝါးဖြန့်ပြီး သယ်သွား၊ စက္ကူနဲ့တော့ ထုတ်မပေး နိုင်ဘူး” လို့
ပြောပြီး တစ်ယောက်ကို ဘရာကြော် သေးသေးလေးတွေ ဆယ်လုံး ဆယ့်ငါးလုံး
နီးပါး အလကား ပေးခဲ့ပါတယ်။

ကျနော်တို့ နှစ်ယောက်လည်း ဘရာကြော်လေး စားလိုက်၊ ရွှေဂုံတိုင်က မြန်မာ့
အလင်း သတင်းစာတိုက်မှာ တပ်ဆွဲထားတဲ့ နယ်မြေ ကွပ်ကဲရေးမှူး ဗိုလ်ကြီး
ကောင်းစံဦးရယ့် မိုက်ရိုင်းပုံတွေ ပြောလိုက်နဲ့ပဲ အုတ်လမ်းက ဒေါ်ချို အိမ်ကို
ချီတက် ကြပါတယ်။ ရွှေဂုံတိုင် မီးပွိုင့်လည်း ကျော်ရော ညို.... ပါးစပ်က ဘရာ
ကြော်ကို ပလုပ်ပလောင် ၀ါးရင် “ငါတို့ ဆင်ခြေဖုံး ရပ်ကွပ်တွေမှာ နေရတဲ့ ပြည်
သူတွေ ဘ၀က ဆင်းရဲ လိုက်တာ၊ ဒီလောက် ဆင်းရဲ နေတဲ့ကြားထဲ ဆင်းရဲသား
အကြောင်းတွေ ရေးတဲ့ စာပေတွေ၊ ရုပ်ရှင်တွေ၊ သီချင်းတွေ ကြည့်ပြီး ငါ့တော့
သိပ်ဘ၀င် မကျဘူး၊ တခါ လာလည်း ဇာတ်လိုက် ကောင်လေးက ဆင်းရဲ လို့
ငယ်ငယ်ရွယ်ရွယ် နဲ့ ကျောင်းထွက်၊ သစ်စက်မှာ အလုပ် လုပ်၊ တနေ့ကြတော့
သစ်ပုံကြီး အပေါ်က တော်တော် လေးတဲ့ သစ်တုံးကြီး က ပြုတ်ကျ လာတယ်။

အဲဒီအချိန်မှာ အသက်အရွယ် အိုမင်းပြီး လက်လုပ်လက်စား အလုပ်သမား
ကြီးတစ်ယောက်ရယ့် ခေါင်းပေါ် တည့်တည့်ကို လာထိမဲ့ ပုံစံ၊ အဲဒါကို ကောင်
လေးက အဲဒီ အလုပ်သမားကြီးကို တွန်းဖယ်တယ်၊ သစ်တုံးက ကောင်လေး
ခြေထောက်ပေါ် ပြုတ်ကျသွားတော့ ကောင်လေးက ခြေကျိုးတယ်၊ အဲလိုဖြစ်
တော့ ခုနက ကောင်လေး ကယ်ခဲ့တဲ့ အလုပ်သမားကြီးရယ့် သမီးက ကောင်
လေး အိမ်ကို လာပြီး ကျေးဇူး တင်ကြောင်း ဘာဘာညာညာ လာလုပ်တယ်၊
ဒီလိုနဲ့ပဲ သူတို့ နှစ်ယောက် သမီးရည်စား ဘ၀ကို ရောက်သွားတယ်၊ ကောင်
မလေးက အသက်အရွယ်ကြီးရင့် နေတဲ့ သူ့ဖခင်ကို သစ်စက်က အလုပ်မပြုတ်
အောင် သစ်စက်ပိုင်ရှင် သူဌေး အိမ်မှာ အိမ်ဖော် သွားလုပ် ပေးတယ်၊ တနေ့
တော့ ကောင်မလေး ကို သူဌေးက ခြေတော် တင်တယ်၊ ဒီလိုနဲ့ပဲ ကောင်မ
လေးမှာ လူမသိ သူမသိပဲ ကိုယ်ဝန်ရှိလာတယ်။

ဒါကို ကောင်လေးက ဘ၀တူ အလုပ်သမားချင်း ဆိုပြီး ကူညီတဲ့ အနေနဲ့ ကောင်
မလေးကို လက်ထပ်တယ်၊ နောက်ဆုံးကြတော့ လူယုတ်မာ သူဌေးလည်း သူ့
အကုသိုလ် ကံကြောင့် သေသွားတယ်၊ အဲဒါမျိုး စာပေတွေ၊ ရုပ်ရှင်တွေ၊ သီချင်း
တွေ ကို ကြည့်နေရတော့ ငါ့ စိတ်ထဲ သူဌေး ဆိုတာ အားလုံး လူယုတ်မာတွေ
လား လို့တောင် ထင်မိတယ်၊ ချမ်းသာတဲ့ လူမှန်ရင် ပေါက်ကရ လုပ်တယ်လို့
မဖြစ် ဖြစ်အောင် တွန်းပို့ နေသလိုပဲ” လို့ ပြောပါတယ်။


(ဆက်လက်ဖော်ပြပါ့မည်။)