မြေးတွေနှင့်အတူ ဘွဲ့ယူသူ အပိုင်း(၁)

ရေးသူ- သိန်းဖေမြင့်


ဆရာမကြီး ဒေါ်သိန်းကာ မြေးတွေနှင့်အတူ တက္ကသိုလ်ဘွဲ့ ယူသူတည်း။
ဆရာမကြီး ဒေါ်သိန်းသည် အသက် (၇၀) ပြည့်သော နှစ်တွင် ရန်ကုန် ၀ိဇ္ဇာ
နှင့် သိပ္ပံ ဘွဲ့နှင်းသဘင် အခမ်းအနားကို တက်ရလေသည်။ ဒေါ်သိန်းသည်
အိမ်ထောင်ကျဖူးသူ မဟုတ်ချေ။ သို့သော် သူ့အကိုနှင့် သူ့ယောက်မတို့
သည် တစ်နေ့တည်း ကွယ်လွန်သွားခဲ့ကြပြီး၊ ကလေးငယ်များ ကျန်ရစ်ခဲ့
ရာ အပျိုကလေး ဘ၀ဖြင့်ပင် မသိန်းသည် တူ တူမ များအား သားသမီး
များ အဖြစ်ဖြင့် မွေးစား ထိန်းသိမ်း ခဲ့ရလေသည်။ သို့ဖြင့် ယခုအခါ မြေး
တွေသာမက မြစ်များပင် ရနေလေပြီ။

၁၅၊ ဇန်န၀ါရီ၊ ၁၉၆၆ စနေနေ့က တက္ကသိုလ် ဘွဲ့ယူသူတွေမှာ များသော
အားဖြင့် ဒေါ်သိန်း၏မြေးများ အရွယ် ပင်တည်း။ ကျွန်တော်သည် ဆရာမ
ကြီး ဒေါ်သိန်းကို လွန်ခဲ့သော အနှစ် (၂၀)လောက် ကပင် သိကျွမ်းခဲ့ရ
လေသည်။

ဒုတိယ ကမ္ဘာစစ်ကြီး အပြီး ညီညွတ်သော ဖဆပလ ခေတ်တွင် ကျွန်တော်
ဖျာပုံသို့ ရောက်ခဲ့ရ၏။ ဗမာပြည် ကွန်မြူနစ် ပါတီ ခေါင်းဆောင်မှုဖြင့် ဖျာပုံ
အမျိုးသမီး အဖွဲ့အစည်း တည်ထောင်ထားရာ ဒေါ်သိန်းသည် ရှေ့ကနေပြီး
မားမား မတ်မတ်ရပ်ကာ ကူညီ အားပေးခဲ့လေသည်။ ညီညွတ်သော ဖဆပလ
၏ အထွေထွေ နိုင်ငံရေး လှုပ်ရှားမှု များကိုလည်း ကူညီး အားပေး ခဲ့ပေ
သည်။ ဖဆပလ ကွန်မြူနစ်တွေ မကွဲမီ ၁၉၄၆ ခုနှစ်ဦးပိုင်တွင် ကွန်မြူနစ်
ပါတီက ခေါင်းဆောင်ပြီး၊ နိုင်ငံလုံးဆိုင်ရာ အမျိုးသမီး ညီလာခံ တစ်ခုကို
ရွှေတိဂုံ အလယ်ပစ္စယံ ဒိုက်ဦး ဇရပ်တွင် ကျင်းပ ခဲ့လေသည်။ ထိုညီလာခံ
၌ ဆရာမကြီး ဒေါ်သိန်းက သဘာပတိ အဖြစ်ဖြင့် ဆောင်ရွက် ခဲ့လေသည်။




ထို့နောက် ဖဆပလ ကွန်မြူနစ် ကွဲကြသည်။ ထို့နောက် ပြည်တွင်းစစ်ဖြစ်
သည်။ ထို့နောက် ဒေါ်သိန်းကို ပါတီ နိုင်ငံရေးနှင့် ပါတီလှုပ်ရှားမှု များတွင်
ရှေ့တန်းမှာ လုံးဝ မတွေ့ ရတော့ချေ။

၁၉၄၉ ခုနှစ်တွင်ကာ ဖျာပုံ အစိုးရ အထောက်အပံ့ခံ ဗုဒ္ဓဘာသာ (နေရှင်
နယ်) ကျောင်းမှ ထွက်ခဲ့ပြီး၊ ရန်ကုန်တွင် အလွတ် ပညာသင် ကျောင်း
များ၌ ဆရာမ လုပ်နေ လေသည်။ ကျွန်တော်သည် ဆရာမကြီး ဒေါ်သိန်း
အား ရန်ကုန်မြို့တွင် ကျင်းပသော ကမ္ဘာ့ ငြိမ်းချမ်းရေး အစည်းအဝေးများ
၌ လည်းကောင်း၊ ဆိုရှယ်လစ် နိုင်ငံများနှင့် မိတ်ဆွေဖြစ် လုပ်ငန်းများ၌
လည်းကောင်း၊ ပမညတ တရားပွဲများ၌ လည်းကောင်း၊ ထောက်ခံအား
ပေး နေသူ လိုလားသူ အဖြစ်ဖြင့် တွေ့ရ လေသည်။

သို့ တွေ့သောအခါများ၌ အခြားအကြောင်း များကို စကားစပ်၍ ပြောမိ
သော်လည်း သူ့ဆရာမ လုပ်ငန်းကို စကား မစပ်မိပါ။ သူကိုယ်တိုင် စာ
မေးပွဲတွေ ဖြေလိမ့်မည်ဟု လည်း လုံးဝ မမျှော်လင့်ပါ။ ထိုကြောင့် ဘွဲ့
နှင်းသဘင် အခမ်းအနား ကျင်းပရာတွင် အသက် (၇၀) ရှိ ဒေါ်သိန်းဘွဲ့
ယူမည် ဖြစ်ကြောင်း၊ သတင်းစာ များတွင် ဓါတ်ပုံနှင့် ပါလာသော အခါ
ကျွန်တော် များစွာ အံ့သြရသည်။ ၀မ်းလည်း သာရသည်။

ဒေါ်သိန်းသည် ဘီအေ စာမေးပွဲကို ၁၉၄၆ ခုနှစ်တွင် အပြင် ကျောင်းသား
အဖြစ်ဖြင့် ဖြေဆို အောင်မြင်ခဲ့ခြင်း ဖြစ်လေသည်။ ဘွဲ့နှင်းသဘင် ကျင်းပ
သောနေ့၌ ဘွဲ့ယူရန် ဒေါ်သိန်း ထွက်လာသော အခါ၊ ပရိတ်သတ်၏
အာရုံမှာ သူထံသို့ စုပြုံရောက်ရှိ နေလေသည်။ ဒေါ်သိန်း စင်ပေါ်သို့
တက် လိုက်သောအခါ လက်ခုပ်သြဘာ သံများ ဆူညံ သွားလေသည်။

ကျွန်တော်သည် လက်ခုပ်တီးရုံ နှင့်အားမရ၊ ထိုင်ရာမှ ထပြီး ဒေါ်သိန်းအား
နှုတ်ဆက် ချီးကျူးချင်သည်။ သို့သော် ကျွန်တော့မှာ တက္ကသိုလ် အပေါင်း
သဟာယ လူကြီးပီပီ ဘောင်းထုပ်၊ ၀တ်ရုံ၊ ပ၀ါစုံချဖြင့် က္ကနြေ္ဒရရ ကြီးနေ
လေရာ ဆန္ဒရှိသည့် အတိုင်း မလုပ်နိုင်ခဲ့ချေ။ ဒေါ်သိန်း စင်မြင့်ပေါ်မှ ဆင်း
သွားသော အခါ ရင်တွင်းမှာ ပီတိလှိုင်း အပြည့်ဖြင့် လှိုက်ဖို၍ နေလေ
သည်။ ဒေါ်သိန်း သူ့နေရာသို့ ပြန်ရောက်သည် အထိ ပရိတ်သတ်က သြ
ဘာပေးနေကြသည်ကို သတိပြု လိုက်မိသည်။


(ကွယ်လွန်သူ စာရေးဆရာနှင့် နိုင်ငံရေး ခေါင်းဆောင်ဟောင်း ဦးသိန်းဖေမြင့်
၏ သူတို့ခေတ်၊ သူတို့အတိတ်၊ သူတို့အရိပ်၊ ပွင့်ပွင့်လင်းလင်း သတင်းစာ
ဖြတ်ပိုင်းများ စာအုပ်မှ မူရင်းအတိုင်း ထင်ဆင့်ကူးယူ ဖော်ပြပါသည်။)