မှတ်မိသမျှလွန်ခဲ့သော အနှစ်(၂၀) အပိုင်း- (၃)

ရေးသူ - အောင်ခင်မြင့်

ကျနော် ရှစ်လေးလုံး ညက ရွှေတိဂုံ စေတီ ရင်ပြင်ကို ည ကိုးနာရီ လောက်မှာ
ရောက်ခဲ့ ပါတယ်။ ရောက်ရောက်ချင်းပဲ ကျနော့်အကို နဲ့ ရပ်ကွပ်ထဲက အသိ
တွေ (၁၀)ယောက် လောက်ကို တွေ့ရပါတယ်။ အဲဒါနဲ့ အကို ကို “မင်းအိမ်ပြန်
တော့၊ တော်ကြာ မင်းရော ငါရော ပျောက်နေလို့ အမေ တအား စိတ်ပူနေမယ်”
လို့ ပြောပြီး ဇွတ်အတင်း အိမ်ပြန်ခိုင်း ရပါတယ်။ သူက မျက်မှန် ပါဝါ အထူးကြီး
တပ် ရတဲ့ သူပါ။ မျက်မှန် ချွတ်ထားရင် အဝေးကို ဘာမှ မမြင်ရပါဘူး။

ရွှေတိဂုံ စေတီ ရင်ပြင်ရယ့် တနင်္ဂနွေ ဒေါင့်နဲ့ မျက်နှာချင်းဆိုင် တန်ဆောင်း
တစ်ခုမှာ တရားပွဲ စင်မြင့် တစ်ခုရှိနေပြီး လူတော်တော် များများ တရားပွဲ
ပတ်ဝန်းကျင်မှာ ရှိနေပါတယ်။ အများစုက မဆလ အစိုးရရယ့် ညံဖျင်းမှုတွေ
အသုံးမကျလို့ ပြည်သူ ဒုက္ခရောက် ရတဲ့ ဘ၀တွေ နဲ့ ပက်သက်ပြီး တရား
ဟောနေ ကြပါတယ်။ ကျနော် အမှတ်ရဆုံး ကတော့ စင်မြင့်ပေါ် ကို လူနှစ်
ယောက် တက်လာပါတယ်။ သူတို့ က သီချင်း တစ်ပုဒ် ဆိုမယ်လို့ ပထမ
ပြောပါတယ်။ သူတို့ သီဆိုတဲ့ သီချင်းက ၁၉၁၇ ခုနှစ် ဘောရှီဗစ် တော်လှန်
ရေး တုန်းက ကရင်မလင် နန်းတော် ကို ၀င်မသိမ်း ခင် တော်လှန်ရေး သမား
တွေ သီဆိုခဲ့တဲ့ သီချင်းလို့ ပြောပါတယ်။ ကျနော်လည်း တော်တော် စိတ်ဝင်
စားသွားပါတယ်။ သူတို့ နှစ်ဦး က ရုရှား ဘာသာ စကားနဲ့ အဲဒီ သီချင်းကို
သီဆို သွားပါတယ်။ သီချင်း သီဆို အပြီးမှ လက်ခုတ်သံ တွေဟာ ရွှေတိဂုံ
ရင်ပြင်မှာ သောသောညံ ခဲ့ပါတယ်။ ကျနော် သီချင်း စာသားကို နားမလည်း
ပါ။ သို့သော် နားထောင်လို့ ကောင်းတယ်ဆိုတာ ၀န်ခံပါတယ်။

ဒီလိုနဲ့ပဲ တရားပွဲမှာ နားထောင်လိုက်၊ ရပ်ကွပ်ထဲက အသိတွေနဲ့ စကားပြော
လိုက်နဲ့ မနက် လေးနာရီ လောက်မှာ တန်ဆောင်း တစ်ခုထဲမှာ စပြီး အိပ်ခဲ့ပါ
တယ်။ (၉)ရက်နေ့ မနက် ခုနှစ်နာရီခွဲ လောက် ရှိမယ်လို့ ကျနော် ထင်ပါတယ်။
ရွှေတိဂုံ သပိတ်စခန်း ကြီးကြပ်ရေး ကော်မတီလို့နာမည်ပေးထားတဲ့ မြို့နယ်
ပေါင်းစုံ သပိတ်မှောက် အင်းအားစု များထဲ မှအသက်ကြီး တဲ့ လူကြီးများက
မြို့နယ် အလိုက် ရင်ပြင်တော်မှာ လူစုဖို့ လော်စပီကာ ကနေ အော်ပါတယ်။




ကျနော်လည်း အိပ်ယာက နိုးသွားပြီး ဘေးကြည့်လိုက်တော့ အသိတွေကို
မတွေ့ ရပါဘူး။ ကျနော်လည်း အသိတွေ တွေ့လိုတွေ့ငြား ရှာကြည့်တော့
ဗဟန်း အထက (၁) က ကျောင်းသား နှစ်ဆယ် လောက်ကို တန်ဆောင်
တစ်ခုထဲမှာ သွားတွေ့ ပါတယ်။ သူတို့က ဆီထမင်းတွေ စားနေပါတယ်။
အဲဒီ အချိန်မှာ ကျနော်က အဖြူနဲ့ အစိမ်း မ၀တ် ထားပါဘူး။ ညဖက်ကြီး အိမ်
ရှေ့ ကနေ ဆန္ဒပြ အုပ်စုနဲ့ လိုက်လာတာ ပါ။ အထက်တန်း ကျောင်းသား ကဒ်
တော့ ကျနော်သွားလေရာ မှာ အိပ်ထဲထည့် လေ့ ရှိပါတယ်။ ဒါနဲ့ သူတို့
ကို ကျနော်က ဗဟန်း အထက (၃)က ကျောင်းသား တစ်ဦးဖြစ်ကြောင်း ပြော
ပြပါတယ်။ သူတို့က ဆန္ဒပြ ချီတက် ရာမှာ သူတို့နဲ့ အတူ လိုက်ပါဖို့ ပြောပြီး
သူတို့ စားနေတဲ့ ဆီထမင်း ကို ကျွေးပါတယ်။ မနက် ရှစ်နာရီလောက်မှာ
ကျနော်တို့ ဗဟန်းမြို့နယ် ကိုယ်စားပြု ကျောင်းသားများက မိမိကိုယ့်ကို မိမိ
သရဏံဂုံ တင်ကြ ပါတယ်။ ကျောင်းသား တစ်ယောက်က ပုဆိုးဟောင်း တစ်
ထည်ကို ယူလာပြီး ကျနော်တို့ က ကိုယ့်မြို့နယ် ကိုယ်စားပြု ခေါင်းစည်း ပိတ်စ
အဖြစ် ဆွဲဖြဲ ကြပါတယ်။ အရောင်က အပြာရောင် အကွက်ကျား ပုဆိုးဟောင်း
တစ်ထည်ပါ။ ကျနော် မှတ်မိ သလောက် အဲဒီအချိန် တုန်းက ကျနော်တို့မှာ
ခွန်ဒေါင်း တံဆိပ်ပါ ခေါင်းစည်း ဘယ်မြို့နယ်မှ မရှိသေး ပါဘူး။


ပြီးတော် မြို့နယ်အလိုက် ဆန္ဒပြ ချီတက်ဖို့ တန်းစီ ကြပါတယ်။ ထိပ်ဆုံးက
လူဦးရေ များတဲ့ မြောက်ဥက္ကလာပ၊ ဒုတိယ တောင်ဥက္ကလာပ၊ တတိယက အင်း
စိန်၊ စတုတ္ထက လှိုင် လို့ ထင်ပါတယ်၊ ကျနော်တို့ ဗဟန်းက ငါးခုမြောက် နေရာ
က ဖြစ်ပါတယ်။ ကျနော် မှတ်မိ သလောက် ခွန်ဒေါင်း အလံ ပါ မပါ
မကျိန်းသေပါ။ မဆလ ခေတ်သုံး ကြယ် ဆယ့်လေးပွင့် ပါ နိုင်ငံတော် အလံကို
စောက်ထိုး လွှင့်ပြီး ကိုင်ကြပါတယ်။ ကျနော် တို့ အရှေ့ဘက် မုခ်က ဆင်းပြီး
ရေတာရှည် လမ်းအတိုင်း ထွက်လာပါတယ်။ ရွှေဂုံတိုင် မီးပွိင့် ဘက်ကနေ ဖြတ်
ပြီး ဗဟန်း အထက (၁) ကျောင်းဘက် အထိ ချီတက် လာပါတယ်။ လူဦးရေ
တော်တော် များပါတယ်။ အများစုက လူငယ်တွေပါ၊ လူကြီး တချို့ လည်း ပါဝင်
ပါတယ်။

ဗဟန်း အထက (၁) ကျောင်းလည်း ကျော်တက် လာရော ကျနော်က နံဘေးက
ကျောင်းသား တစ်ယောက်ကို မေးကြည့်ပါတယ်။ အခု ဘယ်ဘက်ကို ချီတက်နေ
လဲ ဆိုတော့ သူလည်း မသိဘူး လို့ ပြန်ဖြေပါတယ်။ ဒါနဲ့ ဓမ္မစေတီ လမ်းဘက်က
နေ ၀င်ဒါမီယာထဲ ချီတက်နေတဲ့ ဆန္ဒပြ လူတန်းကြီး ၀င်ရောက်ပါတယ်။ လမ်းကွေ့
တစ်ခု ကို မရောက်ခင် စစ်ကား အငယ်စား သုံးစီး ကျနော်တို့နဲ့ မျက်နှာချင်းဆိုင်
ဘက် ကို လာပြီး ကျနော်တို့နဲ့ လမ်းကြောင်း ပြောင်းပြန် ဖြတ်သွား ပါတယ်။
သူတို့ စစ်ကားတွေ ကျနော်တို့ အနီးဖြတ်ချိန်မှာ ကျနော် တို့က …..
“တစ်ပါတီ စနစ် ဖျက်သိမ်းရေး ”
“ဒီမိုကရေစီ ရရှိရေး”
“ဗိုလ်မှူးချုပ် အောင်ကြီး လွတ်မြောက်ရေး”
“ဗိုလ်ချုပ် ပေးတဲ့ စစ်ပညာ ကျောင်းသား၊ ပြည်သူ သတ်ဖို့ မဟုတ်ဘူး”
လို့ ကြွေးကြော် ကြပါတယ်။

လမ်းကွေ့ တစ်ခုကို ကွေ့လိုက်တာ နဲ့ ရှေ့ မှာ လမ်းကို ပိတ်ပြီး စစ်ကားတွေ အများ
ကြီး ရပ်ထားတာ ကို တွေ့ရပါတယ်။ သိပ်မကြာပါဘူး ရှေ့က ချီတက်နေတဲ့ သူတွေ
ရပ်လိုက်တော့ ကျနော်တို့လည်း ရပ်လိုက်ပါတယ်။ ကျနော်တို့လည်း ကြွေးကြော်
သံတွေ လည်း အသံကုန် အော်ဟစ်ကြပါတယ်။ သိပ်မကြာပါဘူး ရှေ့က လူတွေစ
ပြီး ငုတ်တုပ် ထိုင်ကြ ပါတယ်။ အဲဒီတော့မှ ဟိုရှေ့ဆုံးမှာ ရှိနေတဲ့ စစ်သားတွေကို
သဲသဲကွဲကွဲ မြင်ရ ပါတယ်။ စစ်သားတွေ က ထိုင်လျက် တစ်မျိုး၊ မတ်တပ်ရပ် ပုံစံ
နဲ့တမျိုး ပြစ်ခတ်ဖို့ အသင့် ပြင်ထား တာကို တွေ့ရပါတယ်။ ကျနော်တို့ လူအုပ်စု
လမ်းမ ပေါ် ငုတ်တုတ် ထိုင်နေတဲ့ ရှေ့ဆုံးမှာ စည်းတွေ တားထားတာ ကို တွေ့ရ
ပါတယ်။ စည်း နှစ်လိုင်းရယ့် နောက်မှာ စစ်တပ် က အသင့်ပြင် ထားတာ ဖြစ်ပါ
တယ်။ ကားသွားလို့ ရတဲ့ လမ်းမှာ အပြည့် ဖြစ်နေတဲ့ ကျနော်တို့ လူအုပ်စုကြီးက
ထိုင်ပြီး ကြွေးကြော်သံ တွေကို ဆက်တိုက် ကြွေးကြော် နေပါတယ်။ စစ်တပ်က
လည်း စစ်တပ်သုံး တီအီး 11 ကားပေါ်မှ ငါးမိနစ် အတွင်း လူစု ခွဲရန် လော်စပီကာ
နဲ့ လှမ်းအော် ပါတယ်။

သွေးချောင်းစီး ပွဲ စပြီး …..

စစ်တပ် က လူစုခွဲဖို့ လော်စပီကာနဲ့ လှမ်းအော် နေချိန် အတွင်းမှာပဲ ကျနော်တို့
လူအုပ်စုကြီး နောက်က သံရုံးကား တစ်စီး ရှေ့ကို သွားဖို့ လမ်းပိတ် မိနေပါတယ်။
ဘယ်သူ က ဘယ်လို ပြောပြလိုက်လည်း ကျနော် မသိပါ။ အဲဒီကား လူအုပ်စု
အတွင်း ကို ဖြည်းဖြည်းချင်း မောင်းဝင်လာပြီး ရှေ့ကို သွားဖို့ ကြိုးစားပါတယ်။
လူတွေလည်း သံရုံးကား ရှေ့ကို သွားနိုင်ဖို့ ထိုင်ရာက ထပြီး နေရာပေးကြ
ပါတယ်။ ကားပုံစံက အရောင်တော့ ကျနော် မမှတ်မိ တော့ပါ။ ဆလွန်းကား နံ
ပါတ်ပြား အဖြူပါ။ ကားပေါ်မှာ ကားမောင်းသူ နိုင်ငံခြားသား တစ်ယောက်တည်း
ပါတာ ကို တွေ့ရ ပါတယ်။ ကားမောင်းသူ နိုင်ငံခြားသားက ရှေ့မှာ စစ်ကားတွေ
ပိတ်ပြီး တားထားတာ ကို တွေ့သွားတော့ လမ်းဖယ်ပေးဖို့ ဟွန်းစ တီး ပါတယ်။

ကျနော်တို့ လူအုပ်ကြီးလည်း ကြွေးကြော်သံတွေ ကို အသံကုန် အော်ဟစ်ခါ
သံရုံးကား နောက်ကနေ ကပ်လိုက်ပြီး ရှေ့ကို ချီတက် ကြပါတယ်။ တစ်ချက်ခြင်း
ပြစ်တဲ့ သေနတ်သံ ဆယ်ချက်ကျော်လောက် ကျနော် ကြားလိုက်ရပါတယ်။
ကျနော် အဲဒီ သေနတ်သံတွေ စပြီး ကြားနေရတဲ့ အချိန်အထိ စစ်တပ်ဟာ ပြည်
သူကို တကယ်တမ်း ရက်ရက်စက်စက် တော့ သတ်မှာ မဟုတ်ဘူး ခြောက်လှန့်
တဲ့ သဘော လည်း ပါတယ်လို့ အရင်က စိတ်ထဲ ဖြစ်ခဲ့ ဘူးပါတယ်။ ကျနော်ရှေ့
တစ်ယောက်ကျော်က ကျောင်းသား တစ်ယောက် လဲကျ သွားပါတယ်။

အဲဒါနဲ့ ကျန်တဲ့ လူတွေ သူ့ကို ကျနော် နံဘေးက ခြံအ၀င် ဂိတ်ရယ့် အုတ်ခုံတန်း
လေးအထိ တွဲပြီး သယ်လာ ပါတယ်။ ကျနော် မတ်တပ်ရပ်ပြီး နေတဲ့ နေရာက
ဘေးအစွန်းမှာ ဖြစ်ပါတယ်။ အဲဒီ သေနတ် ထိသွားတဲ့ ကျောင်းသား နံဘေးကို
ကျနော် သေသေချာချာ သွားကြည့် ပါတယ်။ သေနတ် ကျည်ဆံက သူ့ကို
ဖောက် မသွားပါဘူး။ သူ့ နောက်ကျောမှ တစ်ဆို့နေပါတယ်။ အဲဒီ အချိန်မှာ
သံရုံး ကားလည်း ရှေ့ကို ဆက်မသွားပဲ နောက်ကို ပြန်လှည့်လာ ပါတယ်။ ကား
ပေါ်မှာ သေနတ်မှန် ထားတဲ့ သူတွေ တော်တော် များများကို ကားထဲမှာ
တွေ့ရပါတယ်။

ကျနော်နံဘေး ရောက်နေတဲ့ သေနတ်မှန် သွားတဲ့ ကျောင်းသား ကိုလည်း ကျနော်
အပါအ၀င် ကျန်တဲ့ ကျောင်းသားတွေက ၀ိုင်းသယ်ပြီး ကားထဲ ကို သွင်းပါတယ်။
ဒါပင်မဲ့ မရပါဘူး ကားထဲမှာ လူအရမ်း များနေပါတယ်။ ကားမောင်းသူ နိုင်ငံခြား
သားက သူ ကားမောင်းဖို့ ထိုင်တဲ့ ခုံမှာပဲ ဇွတ်အတင်း ထည့်လိုက်လို့ ရသွားပါ
တယ်။ ကားထဲ ရောက်နေတဲ့ သူ အားလုံး နီးပါးဟာ သေနိုင်တဲ့ နေရာတွေ မှာ
သေနတ်မှန် ထားတဲ့ သူတွေပါ။ လက်မောင်း ရှပ်မှန်တဲ့ လူတို့ ခြေထောက်ရှပ် မှန်
တဲ့ သူတွေလည်း ရှိပါတယ်။ သူတို့ကို ကားရှေ့ စက်အဖုံး (ဘောနက်) ပေါ်မှာ
တင်ပြီး ကျနော်တို့ ချီတက်လာတဲ့ လမ်းကြောင်း နောက်ဘက်ကို မောင်းနှင်းသွား
ပါတယ်။ လူတွေလည်း မြို့နယ် အလိုက် နေရာယူတဲ့ သဘောကနေ အားလုံး
ရောထွေး သွားပါတယ်။ ကျနော်နံဘေးမှာ ကိုရင်ငယ်လေး တစ်ပါး ရှိနေပါတယ်။

ဘယ်သူမှ နောက်ပြန်လှည့်ပြီး ပြေးဖို့ မလုပ်သေးပါဘူး။ သေနတ် အတွဲလိုက် ပြစ်
ခတ်တဲ့ အသံတွေ သောသောညံ သွားပါတယ်။ “ပြေး .. ပြေး ..ပြေးဟေ့” လို့ အ
သံ စကြားမှ ကျနော်လည်း သတိဝင် သွားပြီး စပြေး ပါတယ်။ ပြေးနေရင်နဲ့ ကျနော်
စီးထားတဲ့ ဖိနပ် နှစ်ဘက်ကို ကောက်ပြီး အင်္ကျီထဲ ထည့်ပါတယ်။ နံဘေး က ကိုရင်
လည်း ကျနော်နဲ့ အတူ လိုက်ပြီး ပြေးနေတာ တွေ့ ရပါတယ်။ ပြေးနေရင်နဲ့ နောက်
ကို တစ်ချက် လှည့်ကြည့်လိုက်တော့ လမ်းပေါ်မှာ လူတွေ သုံး .. လေးဆယ် လောက်
လဲပြီး မထနိုင်တဲ့ အနေအထားနဲ့ သေနတ်မှန်ပြီး လဲကျ ကျန်ရစ် နေတာကို တွေ့
ရပါတယ်။ လမ်းပေါ် မှာ ဖိနပ်တွေ၊ ပိုက်ဆံအိတ်တွေ၊ ခေါင်းစည်း ပိတ်စတွေ အစုံဘဲ
ပြန်ကျဲ နေပါတယ်။ ကျနော် အပါအ၀င် အားလုံးနီးပါး လမ်းဘေးကို ကပ်ပြီး ပြေးနေ
ကြပါတယ်။ သေနတ်မှန် လို့ ကျန်ခဲ့တဲ့ သူတွေကို ဘယ်သူမှ သွားပြီး တွဲမခေါ်နိုင်
တော့ ပါဘူး။ အတွဲလိုက် ပြစ်ခတ်လိုက်တဲ့ ကျည်ဆံ တွေ ကျနော်တို့ ခေါင်းပေါ်က
နေ တ၀ီဝီ နဲ့ ဖြတ်သံတွေ ကြားနေ ရပါတယ်။ ကျနော်ရှေ့က လမ်းမအတိုင်း ပြေး
နေတဲ့ သူတွေ ထဲက လေး .. ငါးယောက်လောက် ထပ်ပြီး လဲကျ သွားပါတယ်။

ကျနော်လည်း သွားတွဲ ခေါ်မလို့ ဟန်ပြင် လိုက်ပါတယ်။ နံဘေးက ကိုရင်လေးက
“ဒါကာကြီး၊ လမ်းပေါ် မတက်နဲ့၊ သွားဆွဲခေါ်ရင်၊ ဆွဲတဲ့လူ ထပ်သေ သွားမယ်
ဒါကာကြီး” လို့ ငိုသံပါနဲ့ ပြောမှ ကျနော်လည်း နောက်ပြန်ဆုတ်လိုက်ပါတယ်။
ပြေးနေရင် သေနတ်မှန်လို့ လဲသွားတဲ့ လူတွေ နံဘေးကို အရောက်မှာ ကျနော်
တစ်ချက် ကြည့်မိလိုက်ပါ တယ်။ သေနတ်မှန်လို့ လဲနေတဲ့ သူတွေ အားလုံးဟာ
အဖြူနဲ့ အစိမ်းကို ၀တ်ထားတဲ့ ကျနော်လို အရွယ်မရောက်သေးတဲ့ အခြေခံ
ပညာ ကျောင်းသား တွေပါ။ သူတို့မသေ သေးပါဘူး။ တချို့ သွေးအိုင်ထဲမှာ
လူးနေကြပါတယ်။ ကျနော် ဘယ်လိုဖြစ် သွားလည်း မသိပါဘူး။ ကြောက်စိတ်
လား၊ ၀မ်းနည်းလို့လား၊ ဒေါသထွက်လို့လားမခွဲခြား တတ်ပါ။ ကျနော့်
မျက်ရည်တွေ ကျနေပါတယ်။ ပါးစပ်ကလည်း အော်ဆဲပြီး ဆက်ပြေး နေ
ရပါတယ်။

အဲလိုနဲ့ ခြေဦးတည့်ရာ ပြေးနေရင် လမ်းမကြီး ပေါ်ကနေ ဘေးဘက်ကို ဖောက်
ထွက်တဲ့ လမ်းသွယ် ပုံစံ တစ်ခုကို သွားတွေ့ ပါတယ်။ လမ်းပုံစံက ကွေ့ကွေ့
ကောက်ကောက် လေးပါ။ အဆုံးကို ဘာမှ မမြင်ရ ပါဘူး။ ကျနော်တို့ ပြေးနေ
သော ညာဘက် အခြမ်း၏ ရှေ့ဆုံးက ဦးဆောင်တဲ့ လူတွေ အဲဒီ လမ်းလေး ကို
စတွေ့ပြီး၊ အဲဒီ လမ်းသွယ်ပုံစံ လေးထဲကို ပြေးဝင် ကြပါတယ်။ ဘယ်ဘက် အခြမ်းက
လူတွေ ကတော့ လမ်းမကြီး အတိုင်း ဆက်ပြေး နေကြပါတယ်။ ကျနော်တို့ဘက်ကို
သူတို့ ကူးလာလို့ လုံးဝ မရပါဘူး။ သေနတ်သံ တွေက အတွဲလိုက် ပြစ်နေ ဆဲပါ။
အဲလိုနဲ့ လမ်းသွယ် ထဲ ကျနော်တို့ လူအုပ်ကြီး ပြေးဝင်လို့ သိပ်မကြာ ပါဘူး ရှေ့
ဆုံးက ဦးဆောင်ပြီး ပြေးဝင်တဲ့ လူတွေ ပြန် လှည့်လာ ပါတယ်။ သူတို့ ပါးစပ်က
“သွားပြီး … ငါတို့မှားသွားပြီး …. ဒါ လမ်းမဟုတ်ဘူး၊ အနောက်ဘက် ရောက်နေ
တဲ့ ခြံအတွက် ဖောက်ထားတဲ့ လမ်း … ဒုက္ခပါပဲ” လို့ ပြောကြ ပါတယ်။

အရက်စက်ဆုံး လူသတ်ပွဲ ……

ရှေ့ဆုံးက ပြေးဝင်သူတွေနဲ့ ကျနော်လို နောက်က လိုက်လာတဲ့ သူတွေ အကြီး
အကျယ် စကားများ ကြပါတယ်။ ကျနော် ကျော်ဖြတ် ပြေးဝင်ခဲ့တဲ့ လမ်းသွယ်ထိပ်
ကို လှမ်းကြည့်လိုက်တော့ မမြင်ရပါ။ လမ်းက ကွေ့ကွေ့လေး ဖြစ်နေပြီး ကျနော်
ရောက်နေတဲ့ နေရာ အဲဒီ အကွေ့လေး နားမှာ ဖြစ်ပါတယ်။ ရှေးဆုံးကို လည်း
မရောက် တရောက်နေရာမှာ ဖြစ်ပါတယ်။ ရှေ့မှာ ကြည့်လိုက်တော့ အိမ်ကြီး
တစ်လုံး ရယ့် ဂိတ်ဝ သံတံခါးကြီးတွေ ပိတ်ထား ပါတယ်။ ဘယ်ဘက်မှာ ပေ
လေး … ငါးဆယ် လောက်မြင့် တဲ့ ကုန်းမြင့် တစ်ခုကို မြင်ရပါတယ်။ ညာဘက်
မှာ ရှစ်ပေ … ကိုးပေ လောက် မြင့်တဲ့အုတ်နံရံကြီး တစ်ခုကို မြင်ရပါတယ်။
ဘယ်ဘက်က ကုန်းမြင့်ကြီးရယ့် အောက်ခြေမှာရေမြောင်း တစ်ခုကို တွေ့ရပြီး၊
အဲဒီရေမြောင်းကို ကျောက်ပြားတွေနဲ့ မညီမညာ ဟိုနား နှစ်ပြား … သုံးပြား၊
ဒီနား နှစ်ပြား…. သုံးပြား ပုံစံနဲ့ ဖုံးအုပ်ထားတာ ကို တွေ့ ရပါတယ်။

(ဆက်လက် ဖော်ပြမည်။)