တက္ကသိုလ် ကျောင်းသူတချို့ သနပ်ခါး သွေးသောအခါ???

ရေးသူ- စစ်ငြိမ်းဒီရေ

၁၉၉၅ ခုနှစ် နှစ်လယ်လောက်က ကျနော်တို့ ရန်ကုန်တက္ကသိုလ်၊ လှိုင်နယ်မြေ
မှ သချာင်္အဓိက ကျောင်းသားကျောင်းသူများသည် ပုဂံသို့ ဘုရားဖူးရက်ရှည် ခရီး
ထွက်ခဲ့ကြဖူးသည်။ ကားပေါ်တွင် သမီးရည်စား စုံတွဲများ ရှိသကဲ့သို့ ဘုရားဖူးရင်း
လိပ်ဥ တူးမည် (ရည်စား ရအောင်ရှာမည်) ဟု ကြွေးကျော်ကြသော ကျောင်းသား
များလည်း ရှိကြ ပါသည်။

ကိုယ်နှစ်သက်သော ကျောင်းသူ၏နံဘေးတွင် တရစ်ဝဲ၀ဲ လုပ်ကြသည်မှာ လူငယ်
ကျောင်းသားတို့၏ ချစ်စဖွယ် သဘောသဘာဝ တခုပင် ဖြစ်ပါသည်။ ကျနော့် သူငယ်
ချင်း တဦးသည် ပျော်စရာ ရယ်စရာများ အလွန်ပြောတတ်လေ့ ရှိသည်။ သူသည်
လှိုင်ကျောင်းနံဘေး ဘုရားဖူးမော်တော်ကား စထွက်သည့်အချိန်မှ စ၍ ပုဂံတွင်
ကျနော်တို့ သချာင်္အုပ်စု တည်းခိုရာ ဗူးဘုရားနံဘေးရှိ ဘုန်းတော်ကြီးကျောင်းအထိ
သူကြိုက်သော ကျောင်းသူလေး နံဘေးတွင် တရစ်ဝဲ၀ဲ လုပ်နေတော့သည်။ ဘုရားဖူး
ကားပေါ်တွင် နာရီပေါင်းများစွာ အတူစီးနင်းလိုက်ပါခဲ့သော ကျောင်းသားကျောင်းသူများ
သည် အချိန်တိုအတွင်း ရင်းနှီးမှုများစွာ ရှိခဲ့ကြသည်။ ကားစတင် ထွက်ခွာချိန်၌
ရွှင်လန်းတက်ကြွခဲ့သော ကျနော့်သူငယ်ချင်းသည် တစ်ရက်သာသာ ကြာသော
အချိန်၌ မျက်နှာ မသာမယာ ဖြစ်လာခဲ့သည်။ သူကြိုက်သော ကျောင်းသူလေး
သည် ခရီးစဉ်အတွင်း အခြားရင်းနှီးသော ကျောင်းသားများနှင့် ပြောဆိုနေပုံကို
ကြည့်ပြီး ကျနော့် သူငယ်ချင်း၏ သ၀န်တိုနေပုံမှာ ပို၍ ပို၍ ဆိုးဝါးလာပါသည်။

ဗူးဘုရားရင်ပြင်ပေါ် နေ၀င်ဆည်းဆာ ညနေခင်းတခု၌ သူက
“တက္ကသိုလ်ကျောင်းသူတွေ သနပ်ခါးသွေးတဲ့ အခါ ကျောက်ပြင်က ထွက်လာတဲ့
အသံတွေအကြောင်း မင်းတို့ သိလားကွ”
ကျနော်တို့က
“ထူးထူးဆန်းဆန်းကွာ၊ ပြောပါအုံး”
ထိုအခါ သူက …

ဒီလိုကွ၊ ဒီလို ဒီလို …
ပထမနှစ် ကျောင်းသူတချို့ သနပ်ခါးလိမ်းဖို့ သနပ်ခါးတုံးကို ကျောက်ပြင်
ပေါ် သွေးတဲ့အခါ ထွက်လာတဲ့ အသံက အမ်စီ (MC) … အာအိုင်တီ (RIT) ။
ဒုတိယနှစ်လည်း ရောက်ရော အဲဒီ ကျောင်းသူတွေ သနပ်ခါးသွေးတော့ ထွက်လာ
တဲ့ အသံက အင်စတီကျူ့(Institute) … အင်စတီကျူ့ (Institute)။
ဒီလိုနဲ့ အဲဒီကျောင်းသူတွေ တတိယနှစ်လည်း ရောက်ရော သနပ်ခါးသွေးကြတော့
ထွက်လာတဲ့ အသံက မေဂျာတူ … မေဂျာတူ ။
စတုတ္ထနှစ်လည်း ရောက်ရော သူတို့ သနပ်ခါး သိပ်မသွေးကြတော့ဘူး ကျောင်းပြီး
ဖို့ကလည်း နီးပြီး ချစ်သူရည်စားလည်း မရသေးဘူးဆိုတော့ ဗျာများ နေကြ
တာပေါ့။ သို့ပေမဲ့ စာမေးပွဲကြီးလည်း နီး ပြန်တော့ သူတို့ သနပ်ခါး သွေးဖြစ်
ကြတယ်။ အဲဒီတော့ ထွက်လာတဲ့ အသံက ….
ရတာ ယူပြီး ပြန်မယ် … ရတာ ယူပြီး ပြန်မယ် ….. ။



တက္ကသိုလ် ကျောင်းသူတိုင်းတော့ အဲလို မဟုတ်ပါဟု ယုံကြည်ပါသည်။
ယနေ့ ခေတ်မှာရော
တက္ကသိုလ်ကျောင်းသူလေးများသည် သနပ်ခါးကို ကျောက်ပြင်ပေါ်၌ သွေးကြပါသလား …
အကယ်၍ သနပ်ခါးသွေးမည် ဆိုပါက မည်သို့သော သံစဉ်များ ထွက်ပေါ်လာမည်ဟု
သင် ထင်ပါသနည်း ….

(ဤမျှသာ။)