ဗိုလ်ချုပ်အောင်ဆန်း နှင့်ဂဠုန်ဦးစောတို့၏ သမိုင်းပြဿနာ

ရေးသူ- စစ်ငြိမ်းဒီရေ

အောက်တွင် ဖော်ပြထားသော ဗိုလ်ချုပ်အောင်ဆန်းသမိုင်းသည်
အချက်အလက်အားဖြင့် မပြည်စုံသလို၊ ပြဿနာ စဖြစ်မှု၊ ခေတ်၊
နောက်ဆက်တွဲ ရိုက်ခက်မှု၊ ပြဿနာ အဆုံးသတ်မှုတို့မှာ မပြည်စုံ
ပါ။ လေ့လာသူတို့အကြား ၀ိရောဓိ ဖြစ်စေ နိုင်ပါသည်။

(၁၉၄၆ ခုနှစ် မတ် (၂၇) ရက်။
အလုံလမ်း၊ ဘုရင်ခံနေအိမ်၊ ရန်ကုန်မြို့။

ဂျပန်ကင်ဒိုဓားရှည်သည် အပေါ်သို့ မြောက်၍တက်သွားသည်။ ပြောင်
လက်သော ကင်ဒိုဓားရှည်သည် နေရောင်အောက်၌ လင်းလက်သွား၏။
ခဏတာ အတွင်း ဓားရှည်သည် အောက်သို့ စိုက်ဆင်းလာပြီး ခုတ်ပိုင်း
လိုက်သည်။ တိခနဲ ပြတ်မသွား...။ သထုံခရိုင်၊ ပေါင်မြို့နယ်မှ အင်္ဂလိပ်
သူလျှို သဲဖြူ ကုန်းရွာ၏ ကုလားသူကြီးသည် အရှေ့သို့ငိုက်၍ လဲကျ
သွားသည်။ သို့ သော်ချက်ချင်း မသေ။ အင်္ဂလိပ်သူလျှို၏အသက်က ပြင်း
လှသည်။

သွေးစွန်းနေသော ကင်ဒိုဓါးရှည်အား ဓားအိမ်အတွင်းသို့ ထိုးသွင်းလိုက်
ရင်း ဗိုလ်ချုပ်အောင်ဆန်း သည် အသက်ပြင်းလွန်းလှသည့် အင်္ဂလိပ်
သူလျှို ကုလားသူကြီးအား သေနတ်နှင့်ပစ်သတ်ရန် သူ့ရဲဘော်များအား
အမိန့်ပေးလိုက်သည်။ အနိဋ္ဌာရုံမြင်းကွင်းအား ကြည့်ရှုနေကြသော ပရိတ်
သတ်ကြီးသည် အင်္ဂလိပ်သူလျှိုတဦး သေဒဏ်စီရင်ခြင်းအပေါ်၌ ကျေနပ်
၍ နေကြသည်။


ဘုရင်ခံအမှုဆောင်ကောင်စီ ဒု-ဥက္ကဋ္ဌ ဆာရိုက်ဝိုက်စ်သည် ဘီအိုင်အေ
စစ်ကြောင်းများ မြန်မာ နိုင်ငံအတွင်းသို့ ၀င်ရောက်ခဲ့စဉ် ပေါင်မြို့နယ်
မုတ္တမဘောလုံးကွင်းအတွင်း သဲဖြူကုန်း ရွာသူကြီး အား သတ်မှုနှင့်
ဗိုလ်ချုပ်အောင်ဆန်းအား တရားစွဲဆိုနိုင်ရန် အချက်အလက်ဖိုင်တွဲ
ကို အစည်းအဝေးတွင် ဖတ်ပြ၍ နေသည်။

အလုံလမ်း ဘုရင်ခံ၏ အိမ်တော်၌ ပြုလုပ်သော အစည်းအဝေးဖြစ်သော်
လည်း ဘုရင်ခံကိုယ်တိုင်က မတက်ရောက်။ မေမြို့သို့ အနားယူရန် သွား
နေ၏။ ဗြိတိသျှစစ်ဘက်မှ ဗိုလ်ချုပ်ဘရစ်နှင့် သူ၏ စစ်ဦးစီး အရာရှိကြီး
များ၊ ပုလိပ်မင်းကြီးနှင့် အရပ်ဘက် အင်္ဂလိပ်အရာရှိကြီးများ တတ်ရောက်
ကြ သည်။

အမျိုးသားလွတ်မြောက်ရေးတိုက်ပွဲ၏ တပ်ဦးတွင်ရှိနေသည့် ဗိုလ်ချုပ်
အောင်ဆန်းအား နိုင်ငံရေး နယ်ပယ်မှ ဖယ်ရှားနိုင်ရန် လူသတ်မှုဖြင့်
ထောင်သွင်းဖမ်းဆီးနိုင်ရန် ကြံစည်ကြခြင်းဖြစ်သည်။

မြန်မာပြည်ပုလိပ်မင်းကြီး မစ္စတာ ချက်တယ်လ်က...
“ဗိုလ်ချုပ်အောင်ဆန်းကို စီအိုင်ဒီိက ဖမ်းတာနဲ့ မြန်မာပြည် သူပုန်ထကြ
မှာပဲ။ နောက်ပြီး စစ် အတွင်းက ကျူးလွန်ခဲ့တဲ့ ပြစ်မှုတွေကို အထွေထွေ
လွတ်ငြိမ်းချမ်းသာခွင့်ပေးဖို့ လန်ဒန်မှာ အခု စဉ်းစားနေကြပြီး မကြာခင်
ဥပဒေထွက်လာမယ်။ ဒီတော့ မပြီးစီးသေးဘဲ ဆိုင်းငံ့ထားသင့်တယ်”

ပုလိပ်မင်းကြီး၏ ဆွေးနွေးချက်အပေါ် တပ်မတော် သေနာပတိချုပ်
ဗိုလ်ချုပ်ဘရစ်ကလည်း ထောက်ခံ၏။

“ဟုတ်တယ်။ ဗိုလ်ချုပ်အောင်ဆန်းကိုဖမ်းတာနဲ့ လူထုကြီးက သူပုန်
ထကြမှာပဲ။ အထူးသဖြင့် ကျေးလက်ဒေသတွေမှာ ဆိုးဆိုးဝါးဝါး တုံ့ပြန်
ကြလိမ့်မယ်။ နောက်ပြီး...ဗမာ့တပ်မတော်အတွင်းမှာ ရှိနေတဲ့ တပ်
မတော်သား လေးထောင်၊ ငါးထောင်က ကျုပ်တို့ကို စတိုက်မှာပဲ။
သူတို့မှာ လက်နက် အပြည့်အစုံရှိတယ်။ စစ်ပညာရှိတယ်။ စစ်ပွဲအတွေ့
အကြုံ ရင့်ကျက်နေပြီဖြစ်တယ်။ ဆရာစံ ဂဠုန် တပ်လိုမျိုး မဟုတ်ဘူး“

အစည်းအဝေးခန်းမအတွင်း တိတ်ဆိတ်၍သွားသည်။ အားလုံးက တွေး
ဆ၍ နေကြသည်။ နေမ၀င်အင်ပါယာကြီးအတွက်...။ )

(မှတ်ချက်။ ။အထက်ဖော်ပြပါ ဗိုလ်ချုပ် အောင်ဆန်းသမိုင်းသည် မပြည့်စုံ
ပါ။ အစ မရှိ၊ အဆုံးမရှိ၊ ကွင်းဆက်ပြတ်နေပြီး၊ သမိုင်းဆိုင်ရာ ငြင်းခုန်မှု
ကို ဖြစ်စေပါသည်။ အထက်ပါ ဖြစ်ရပ်ကို အမှန်ဟု မယူဆ နိုင်ပါ။)

အောက်တွင် ဖော်ပြထားသော ဂဠုန်ဦးစော သမိုင်းသည် အချက်
အလက်အားဖြင့် မပြည်စုံသလို၊ ပြဿနာ စဖြစ်မှု၊ အခင်းဖြစ်ပွားရာ
ပတ်ဝန်းကျင် အခြေအနေ၊ ရဲ မှုခင်းလမ်းကြောင်း ကောက်ချက်ဆွဲပုံတို့
နှင့် ပါဝင် ပက်သက်သူတို့၏ အရေအတွက်နှင့် အဆုံးသတ်မှုသည်
လုံးဝ မှားယွင်းနေပါသည်။

(၁၉၄၆ ခုနှစ်၊ စက်တင်ဘာလ (၂၀) ရက်။

စက်တင်ဘာလ (၅) ရက်နေ့တွင် ရန်ကုန်ပုလိပ်အစည်းအရုံးမှ ဦးဆောင်
၍ ပုလိပ်သပိတ်ကြီးအား စတင်သည်။ စက်တင်ဘာ (၁၅) ရက်နေ့တွင်
စာတိုက်အမှုထမ်းများ သပိတ်မှောက်ကြပြန်သည်။ ပြီးလျှင်... ကြေးနန်း၊
မီးရထား၊ စည်ပင်သာယာ စသော အစိုးရဌာနများလိုက်၍ သပိတ်မှောက်
ကြတော့သည်။

ဝန်ထမ်းပေါင်းစုံသပိတ်ကြီး...-။ သပိတ်ကြီးကြောင့် နယ်ချဲ့အစိုးရယန္တရား
ကြီး ပျက်မည်ကဲ့သို့ ဖြစ်၍လာသည်။ ဘုရင်ခံသစ် ဆာဟူးဘတ်ရန့်စ်သည်
မဖြေရှင်းတတ်။ အကျပ်တွေ့၍နေသည်။ မျက်နှာဖြူကြီးများ မျက်ဖြူဆိုက်
၍ နေသည်။ မည်သို့ ကိုင်တွယ်ဖြေရှင်းမည်နည်း။ ဘုရင်ခံသစ်သည်
စက်တင်ဘာ (၁၇) ရက်နေ့တွင် ဆာပေါ်ထွန်း အစိုးရအဖွဲ့ကို ဖျက်သိမ်း
လိုက်သည်။ ဘုရင်ခံအမှုဆောင်ကောင်စီသစ် ဖွဲ့စည်းရေးအတွက် ဆား
ဟူးဘတ်ရန့်စ်သည် ဗိုလ်ချုပ်အောင် ဆန်းနှင့် တွေ့သည်။ ဘုရင်ခံ၏ အမှု
ဆောင်ကောင်စီသစ်တွင် (ဖဆပလ) ကိုယ်စားလှယ် အရေ အတွက် တိုး
ပေးမည့်အကြောင်း ကမ်းလှမ်း၍လာသည်။

ထိုအချိန်၌ ဂဠုန်ဦးစောသည်လည်း ယူဂန္ဒာထောင်မှ ပြန်ရောက်၍နေပြီ။
အလိုတော်ရိဟောင်းကြီး ဦးစောအားလည်း ဘုရင်ခံသစ်က ခေါ်၍တွေ့
သည်။ ဘုရင်ခံအမှုဆောင်ကောင်စီသစ် ဖွဲ့စည်းရေးအား ဆွေးနွေးသည်။
အမှုဆောင် ကောင်စီသစ်တွင် ပါဝင်ရန် ဘုရင်ခံက ဦးစောအား ကမ်းးလှမ်း
သည်။ ဦးစောက မငြင်း။ သဘောတူမှု ရသွားတော့သည်။

ဘုရင်ခံအိမ်ဝင်းအတွင်းမှ ပြန်ထွက်လာသော ဦးစော၏ကားသည် အလုံ
လမ်း အတိုင်း မောင်းနှင်၍ လာခဲ့သည်။ သူရိယသတင်းစာတိုက်သို့ ရောက်
သည့်အခါ ကားရပ်ပြီး သတင်းတိုက်အတွင်းသို့ ဦးစော ၀င်၍သွားသည်။
သူရိယသတင်းစာတိုက်မှ ပြန်ထွက်လာသော ဦးစော၏ ကားနောက်၌ အစ်ိမ်း
ရောင် ဂျစ်ကားတစ်စင်း လိုက်ပါ၍လာပြီ ။ ဦးစောက သတိမထားမိ။ ပြည်
လမ်းအတိုင်း မောင်းနှင်လာကြသော ကားနှစ်စင်းသည် နီးသွားလိုက်၊ ဝေး
သွားလိုက်နှင့် မြေနီကုန်း အ၀ိုင်းကြီး အနီးသို့ ရောက်၍လာသည်။

အစိမ်းရောင်ဂျစ်ကားသည် အရှိန်မြှင့်ပြီး ဦးစော၏ကားအား ကျော်တက်
သည်။ ကားနှစ်စီး ဘေးချင်း ယှဉ်မိသည်နှင့် အစိမ်းရောင် ဂျစ်ကားပေါ်မှ
ဦးစောအား သေနတ်နှင့်ပစ်တော့သည်။ တချက်...။ ဦးစောကား၏မှန်ကို
ထိသည်။ မှန်များ ကြေမွလွင့်စင်ကုန်၏။ နောက်တချက် ထပ်ပစ်သည်။
ဦးစောအား မထိ။ ဦးစောက ကားအတွင်းဝပ်၍ နေလိုက်ပြီဖြစ်သည်။
တတိယ တချက်ထပ်ပစ် ပြန်သည်။ ပြီးလျှင် အရှိန်နှင့်မောင်း၍ ထွက်သွား
တော့သည်။ ဦးစောတို့၏ကားက အဝေးတွင် ကျန်ခဲ့ပြီ။

(မှတ်ချက်။ ။အထက်ဖော်ပြပါ ဂဠုန်ဦးစော သမိုင်းသည် မပြည့်စုံပါ။
အစ မရှိ၊ အဆုံးမရှိ၊ ကွင်းဆက်ပြတ်နေပြီး၊ သမိုင်းဆိုင်ရာ ငြင်းခုန်မှု
ကို ဖြစ်စေပါသည်။ အထက်ပါ ဖြစ်ရပ်ကို အမှန်ဟု မယူဆ နိုင်ပါ။)